Author: لئیق الرحمن

متنازع وقف بل کے خلاف بھارتی ریاست مغربی بنگال میں ہنگامے پھوٹ پڑے، پولیس فائرنگ سے باپ بیٹے سمیت 3 افراد جان سے گئے۔

تفصیلات کے مطابق مسلم مخالف وقف بل کےپاس ہونےکےبعدبھارت پرتشدداحتجاجی مظاہروں کی لپیٹ میں ہیں ، مغربی بنگال میں وقف بل کے خلاف پرتشدد احتجاج کے بعد صورتحال بدستور کشیدہ ہیں۔

مرشدآباد کی صورتحال انتہائی پریشان کن ہے، جھڑپوں میں 3 افراد ہلاک ہوگئے جبکہ 150 سے زائد افراد کو گرفتار کیا گیا۔

مغربی بنگال کی وزیراعلیٰ ممتا بنرجی کی عوام سے پرامن رہنے کی اپیل کرتے ہوئے یقین دہانی کرائی کہ متنازع وقف ترمیمی بل ریاست میں نافذ نہیں ہوگا۔

دوسری جانب احتجاجی مظاہروں کو روکنےکیلئے انٹرنیٹ سروس تاحال معطل ہے اور مزید گرفتاریاں جاری ہے۔

مظاہرین کی آواز دبانے کے لیے بی جے پی حکومت اوچھے ہتھکنڈے اپنانے میں مصروف ہیں، بی جے پی رکن پارلیمنٹ جیوتیرمے سنگھ مہتو نے وزیر داخلہ امیت شاہ کو خط لکھا، جس میں آرمڈ فورسز اسپیشل پاورز ایکٹ نافذ کرنے کا مطالبہ کردیا۔

متنازع اور سخت گیر قانون اے ایف ایس پی اے بھارتی فورسز کو غیر معمولی اختیارات فراہم کرتا ہے۔

’’کالا قانون‘‘کہلائے جانے والا اے ایف ایس پی اے کے تحت فورسز کو مشتبہ افراد پر طاقت کے بے لگام استعمال کی اجازت، بغیر وارنٹ گرفتاری، تلاشی، اور فائرنگ کا اختیار ہے، یہ متنازع قانون فورسز کو ظلم، غیرقانونی ہلاکتوں اور جبری گمشدگیوں جیسے اقدامات کا اختیار فراہم کرتا ہے

ناقدین نے بی جی پی رہنما کے اس خط پر سوال اٹھا دیے اور کہا کیا مغربی بنگال کو فوجی چھاؤنی بنایا جا رہا ہے؟ کیا مذہبی شناخت جرم بن چکا ہے؟ بی جے پی کا مقصد اے ایف ایس پی اے کے ذریعے مسلمانوں کو ظلم و جبر کا شکار بنا کر ان کی آواز کو ہمیشہ کے لیے دبانا ہے، بی جے پی مسلمانوں کو ریاستی جبر کا شکار بنا کر ان کی آواز کو مستقل خاموش کرنا چاہتی ہے۔

مودی حکومت نے اورنگزیب کے مزار کو بنیاد بنا کر ایک بار پھر مسلمانوں کےخلاف نفرت کا محاذ کھول دیا۔

تفصیلات کے مطابق مودی سرکار مسلم دشمنی میں پیش پیش ہے، مودی سرکار کے اقلیتوں پر مظالم سب پر عیاں ہیں۔

مودی حکومت نے اورنگزیب کے مزار کو بنیاد بنا کر ایک بار پھر مسلمانوں کے خلاف نفرت کا محاذ کھول دیا اور اورنگزیب کے مزار پر سیاست کرتے ہوئے مودی حکومت نے ایک بار پھر مسلمانوں کے تاریخی ورثے کو نشانہ بنایا۔

بی جے پی نے اورنگزیب کے خلاف جھوٹے بیانئے کو فروغ دے کر عوام میں مسلمانوں کے خلاف نفرت پھیلائی، اس کے نتیجے میں مہاراشٹرا میں اورنگزیب کے مزار کی مسماری کے مطالبے پر تشدد مظاہرے پھوٹ پڑے۔

مودی سرکار اور بی جے پی کا مقصد اورنگزیب کو شدت پسند قرار دے کر 20 کروڑ بھارتی مسلمانوں کو نشانہ بنانا تھا۔

تاریخی حقائق کے مطابق اورنگزیب نے ہندو راجپوتوں اور مرہٹوں کو اعلیٰ عہدوں پر فائز کیا تھا، تمام شواہد کے باوجود مسلمانوں کے خلاف جھوٹا پراپگنڈاہ مودی حکومت کے مضموم مقاصد کو واضح کرتا ہے ۔

مودی حکومت کا مسلمانوں کی تاریخ پر حملہ دراصل مسلم ورثے کو مٹانے اور ہندو ووٹ بینک کو مضبوط کرنے کی ایک مہم ہے۔

سال 2014 میں اقتدار حاصل کرنے کے بعد سے ہی مودی سرکار نے مسلمانوں کی شناخت کو مٹانے کی مہم شروع کی، مہم کا مقصد ہندوتوا ایجنڈے کو آگے بڑھانا تھا۔

بابری مسجد کے مقام پر رام مندر کی تعمیر کی اجازت دے کر مودی سرکار نے مسلم مخالف مہم کو مزید ہوا دی، مودی حکومت نے تاج محل جیسے تاریخی مقام کو متنازعہ بنا کر مسلمانوں کے ورثے کو مٹانے کی کوشش کی۔

اس دوران مسلمانوں کی مساجد اور دیگر مذہبی مقامات کو بھی ہدف بنایا گیا، جس میں گیانواپی مسجد اور دیگر مغلیہ عمارتیں شامل ہیں ، کشینگر اور گورکھپور کی مساجد کی مسماری مودی حکومت کی مسلم دشمنی کا ایک اور تازہ ترین ثبوت ہے۔

حال ہی میں منظور ہونے والا وقف بل بھی مودی کی انتہا پسندی پالیسیوں کی واضح نشاندہی کرتا ہے ، بھارتی مسلمانوں کے خلاف اس طرح کے اوچھے ہتھکنڈے استعمال کر کے مودی کا نام نہاد جمہوریت ہونے کا دعویٰ کھوکھلا ثابت ہو چکا ہے۔