Author: لئیق الرحمن

نئی دہلی : لوک سبھا میں مسلم وقف املاک پر قبضے کا بل منظور کرلیا گیا ، جس سے مودی حکومت کو وقف بورڈ میں مداخلت کا اختیار مل گیا۔

تفصیلات کے مطابق مودی کی قیادت میں بھارت تیزی سے ایک انتہا پسند ہندو ریاست میں تبدیل ہورہاہے، حال ہی میں بی جے پی حکومت نے مسلم وقف املاک پر قبضے کیلئے نیا متنازع قانون متعارف کرایا۔

لوک سبھا نے بی جےپی حکومت کے پیش کردہ مسلم وقف املاک پر قبضے کا نیا بل منظور کرلیا، جس سے مودی حکومت کو وقف بورڈ کے فیصلوں میں مداخلت اوروقف املاک پرقبضہ کرنے کا اختیار مل گیا۔

بھارت میں آٹھ لاکھ باہتر ہزار سے زائد وقف جائیدادیں ہیں اور مجموعی مالیت تقریباً چودہ ارب ڈالر ہے۔

قانون لاکھوں وقف جائیدادوں بشمول مساجد، قبرستانوں اور یتیم خانوں کوکنٹرول میں لینے کا منصوبہ ہے، حکومت کا وقف قانون نافذ کرنا آئین کے آرٹیکل 25، 26 اور 14 کی خلاف ورزی ہوگی۔

ناقدین کا کہنا ہے کہ یہ اقدام مسلمانوں کے مذہبی اور ثقافتی ورثے پر براہ راست حملہ ہے، بھارتی حکومت ہندو مذہبی ٹرسٹس کو تحفظ دے رہی ہے جبکہ مسلم املاک کو نشانہ بنایا جا رہا ہے۔

دہلی کی 123 وقف جائیدادوں میں پارلیمنٹ اسٹریٹ مسجد بھی شامل ہے، جو حکومتی قبضے میں آسکتی ہیں۔

ایک اور متنازع معاملہ دہلی میں موجود مکیش امبانی کی رہائش گاہ کا ہے، جو اٹھارہ سو چورانوے میں مسلم یتیم خانے کیلئے وقف ہوئی، مگر غیرقانونی طریقے سے منتقل کردی گئی۔

آرٹیکل 377 کی منسوخی اور متنازع شہریت قانون سے مسلمانوں کو دوسرے درجے کا شہری بنانے کی کوشش ہے۔

ایودھیا میں تاریخی بابری مسجد کے انہدام کے بعد ہندو مندر کی تعمیر کو سرکاری حمایت حاصل رہی، مودی حکومت کے ظالمانہ اقدامات جاری رہے تو بھارت میں عدم استحکام اور فرقہ واریت مزیدگہری ہوسکتی ہے، اقوام متحدہ کو بھارت میں بڑھتے اسلاموفوبیا اور مسلمانوں کے بنیادی حقوق کی پامالی پر فوری توجہ دینی ہوگی۔

نیو یارک ٹائمز کی ایک رپورٹ نے مودی سرکار کے جنگی جنون اور فسطایت کو بے نقاب کرتے ہوئے انکشاف کیا ہے کہ بھارت نے حساس ٹیکنالوجی اور اسلحہ روس کو فراہم کیا۔

تفصیلات کے مطابق نیو یارک ٹائمز کی تہلکہ خیز رپورٹ سامنے آئی ، جس میں مودی سرکار کا جنگی جنون اور بے لگام فسطایت ایک بار پھر بے نقاب ہوگئی۔

بھارت روس کو حساس ٹیکنالوجی و اسلحہ فراہم کرنے والا سپلائر نکلا، رپورٹ میں بتایا گیا کہ ‘برطانوی ایرو اسپیس کمپنی نے بھارت کو 2 ملین ڈالر کی حساس ٹیکنالوجی فروخت کی، ایچ آراسمتھ گروپ کی کمپنی ٹیک ٹیسٹ کمپنی نے حساس ٹیکنالوجی بھارت کوفروخت کی۔’

نیو یارک ٹائمز نے لکھا ‘برطانیہ سے بھارت کو فروخت کی گئی حساس ٹیکنالوجی روس کو منتقل کی گئی، کمپنی نے 2023-24 میں بھارت کو70 سے زائد حساس ‘ٹائر 2’ ممنوعہ ٹیکنالوجی فراہم کی، ‘ٹئیر 2 ‘آئٹمز حساس سول و فوجی مقاصد کے استعمال کی ٹیکنالوجیز ہیں، ان میں نیویگیشن، ایرو اسپیس، ریڈار اورجدید سیمی کنڈکٹرز شامل ہیں۔’

رپورٹ میں کہنا تھا کہ سال 2023-24 میں 118 بار بھارتی کمپنی ہندوستان ایرو ناٹکس کوممنوعہ ٹیکنالوجی کی کھیپ بھیجی گئیں، ہندوستان ایروناٹکس نے 13 بار ممنوعہ ٹیکنالوجی و پرزے روسی اسلحہ ایجنسی روسوبورون ایکسپورٹ کو بیچے، روسوبورون ایکسپورٹ جو امریکی و برطانوی پابندیوں کی زد میں ہے، نے 14 ملین ڈالر ادا کیے۔

رپورٹ کے مطابق ستمبر میں ہندوستان ایروناٹکس نے خریدے گئے حساس پرزے محظ 19 دن بعد ہی روسی اسلحہ ایجنسی کو بیچے، فروری 2024 میں بھارت سے فروخت شدہ ٹیکنالوجی محظ 18 دن میں روس بھیجی گئی۔

ہندوستان ایروناٹکس اور روسوبورون ایکسپورٹ کا سب سے بڑا تجارتی شراکت دارقرار دیا ہے۔

برطانیہ کی نیشنل کرائم ایجنسی نے 2023 میں ‘ریڈالرٹ’، حساس آلات کی روس منتقلی پرکاروباری اداروں کو بھی انتباہ کیا تھا۔

ہندوستان ایروناٹکس اور امریکی حکومتی ڈیٹابیس میں روسی فوجی سپلائر کے طور پر درج ہے، روسی جنگی مشینری کیلئے حساس ٹیکنالوجی کی فراہمی مغربی پابندیوں کی خلاف ورزی ہے۔