Author: لئیق الرحمن

  • بلوچستان میں جعفر ایکسپریس پر حملہ، سیکیورٹی فورسز نے دہشتگردوں کا گھیراؤ کرلیا

    بلوچستان میں جعفر ایکسپریس پر حملہ، سیکیورٹی فورسز نے دہشتگردوں کا گھیراؤ کرلیا

    بلوچستان میں بولان پاس کے علاقے میں جعفر ایکسپریس پر حملے کے واقعے میں سیکیورٹی فورسز نے دہشت گردوں کا گھیراؤ کرلیا۔

    اے آر وائی نیوز کے مطابق سیکیورٹی ذرائع کا کہنا ہے کہ ٹرین پر بزدلانہ حملے کے دہشت گرد افغانستان میں اپنے ماسٹر مائنڈ سے رابطے میں ہیں، دہشت گردوں نے عورتوں اور بچوں کو ڈھال بنایا ہوا ہے۔

    سیکیورٹی ذرائع کا کہنا ہے کہ سیکیورٹی فورسز نے دہشت گردوں کا گھیراؤ کرلیا گیا ہے اور فائرنگ کا تبادلہ جاری ہے۔

    ذرائع کے مطابق عورتوں اور بچوں کو ڈھال بنائے جانے اور مشکل علاقہ ہونے کی وجہ سے پیچیدہ آپریشن انتہائی احتیاط سے کیا جارہا ہے۔

    سیکیورٹی ذرائع کا کہنا ہے کہ آخری دہشت گرد کے خاتمے تک آپریشن جاری رکھا جائے گا۔

    قبل ازیں خبر سامنے آئی تھی کہ کوئٹہ سے پشاور جانے والی جعفر ایکسپریس پر مچھ میں نامعلوم افراد کی فائرنگ سے ٹرین ڈرائیور زخمی جبکہ ٹرین کو روک لیا گیا تھا۔

    ریلوے حکام نے بتایا تھا کہ مسلح افراد نے مچھ کے علاقے پیرو کنری کے قریب جعفر ایکسپریس پر فائرنگ کی جس کی زد میں آ کر ٹرین کا ڈرائیور زخمی ہو گیا۔

    ترجمان بلوچستان حکومت شاہد رند کا کہنا تھا کہ ایمرجنسی ریلیف ٹرین اور ایمبولینسیں جائے وقوع روانہ کر دی گئی اور سبی کے اسپتالوں میں ایمرجنسی لگا دی گئی۔

    انہوں نے بتایا تھا کہ سکیورٹی فورسز نے بھی علاقے کو گھیر لیا ہے، واقعے کی نوعیت اور ممکنہ دہشتگردی کے پہلوؤں کا جائزہ لیا جا رہا ہے۔

    ریلوے حکام کا کہنا تھا کہ جعفر ایکسپریس میں 9 بوگیاں اور 500 مسافر سوار ہیں، وزیر ریلوے حنیف عباسی نے واقعے کی رپورٹ طلب کر لی، کنٹرولر ریلوے محمد کاشف کے مطابق مسافروں اور عملے سے رابطے کی کوشش کی جا رہی ہے۔

    ترجمان بلوچستان حکومت شاہد رند کے مطابق دشوار گزار علاقے کے باعث جائے وقوع تک رسائی میں مشکلات ہیں، بلوچستان حکومت نے ہنگامی اقدامات کی ہدایت کی ہے اور تمام ادارے متحرک ہیں۔

  • بلوچستان: دہشتگردوں نے جعفر ایکسپریس پر حملہ کر کے مسافروں کو یرغمال بنا لیا

    بلوچستان: دہشتگردوں نے جعفر ایکسپریس پر حملہ کر کے مسافروں کو یرغمال بنا لیا

    کوئٹہ: بلوچستان میں بولان پاس کے علاقے ڈھاڈر کے مقام پر دہشتگردوں نے جعفر ایکسپریس پر حملہ کیا جس میں معصوم شہریوں کو ٹارگٹ کیا گیا۔

    سکیورٹی ذرائع نے بتایا کہ دہشتگردوں نے ٹرین کو ٹنل میں روک کر مسافروں کو یرغمال بنایا ہوا ہے، علاقہ انتہائی دشوار گزار ہونے کے باوجود سکیورٹی فورسز نے کلیئرنس آپریشن شروع کر دیا ہے۔

    سکیورٹی ذرائع کے مطابق یرغمال بنائے گئے معصوم مسافروں میں اکثریت عورتوں اور بچوں کی ہے، دہشتگرد بیرون ملک اپنے سہولت کاروں سے بھی رابطے میں ہیں۔

    انہوں نے بتایا کہ دہشتگردوں کے خاتمے تک کلیئرنس آپریشن جاری رہے گا، معصوموں کو نشانہ بنانا اس بات کی غمازی کرتا ہے کہ دہشتگردوں کا اسلام، پاکستان اور بلوچستان سے کوئی تعلق نہیں ہے۔

    قبل ازیں خبر سامنے آئی تھی کہ کوئٹہ سے پشاور جانے والی جعفر ایکسپریس پر مچھ میں نامعلوم افراد کی فائرنگ سے ٹرین ڈرائیور زخمی جبکہ ٹرین کو روک لیا گیا تھا۔

    ریلوے حکام نے بتایا تھا کہ مسلح افراد نے مچھ کے علاقے پیرو کنری کے قریب جعفر ایکسپریس پر فائرنگ کی جس کی زد میں آ کر ٹرین کا ڈرائیور زخمی ہو گیا۔

    ترجمان بلوچستان حکومت شاہد رند کا کہنا تھا کہ ایمرجنسی ریلیف ٹرین اور ایمبولینسیں جائے وقوع روانہ کر دی گئی اور سبی کے اسپتالوں میں ایمرجنسی لگا دی گئی۔

    انہوں نے بتایا تھا کہ سکیورٹی فورسز نے بھی علاقے کو گھیر لیا ہے، واقعے کی نوعیت اور ممکنہ دہشتگردی کے پہلوؤں کا جائزہ لیا جا رہا ہے۔

    ریلوے حکام کا کہنا تھا کہ جعفر ایکسپریس میں 9 بوگیاں اور 500 مسافر سوار ہیں، وزیر ریلوے حنیف عباسی نے واقعے کی رپورٹ طلب کر لی، کنٹرولر ریلوے محمد کاشف کے مطابق مسافروں اور عملے سے رابطے کی کوشش کی جا رہی ہے۔

    ترجمان بلوچستان حکومت شاہد رند کے مطابق دشوار گزار علاقے کے باعث جائے وقوع تک رسائی میں مشکلات ہیں، بلوچستان حکومت نے ہنگامی اقدامات کی ہدایت کی ہے اور تمام ادارے متحرک ہیں۔

  • ہانگ کانگ گروپ کا  پاکستان میں 1 ارب ڈالر کی سرمایہ کاری کا اعلان

    ہانگ کانگ گروپ کا پاکستان میں 1 ارب ڈالر کی سرمایہ کاری کا اعلان

    اسلام آباد : ہانگ کانگ کے گروپ ہچیسن پورٹس نے پاکستان میں 1 ارب ڈالر کی سرمایہ کاری کا اعلان کردیا۔

    تفصیلات کے مطابق ایس آئی ایف سی کے تعاون سے پاکستان میں جدید بندرگاہی انفراسٹرکچر کی ترقی میں اہم پیش رفت سامنے آئی۔

    ایس آئی ایف سی پاکستان میں غیر ملکی سرمایہ کاری کو فروغ دینے اور بنیادی ڈھانچے کو مستحکم کرنے کے لیے کوشاں ہیں۔

    ہانگ کانگ کے گروپ ہچیسن پورٹس نے پاکستان میں جدید بندرگاہی انفراسٹرکچر کی ترقی کے لیے 1 ارب ڈالر کی سرمایہ کاری کا اعلان کیا ہے۔

    ہچیسن پورٹس گروپ کے دوبڑے ٹرمینلز 25 سال سے پاکستان میں فعال ہیں، جو 5000 ملازمتیں اور 225 ارب روپے سے زائد آمدنی پیدا کر چکے ہیں۔

    سرمایہ کاری کا مقصد موجودہ ٹرمینلز کی جدت، آپریشنل صلاحیت میں بہتری، لاجسٹکس کنیکٹیویٹی میں اضافہ اور جدید خودکار نظام کا نفاذ ہے، خود کار نظام کی بہتری میں ریموٹ کرینز ، الیکٹرک ٹرکس، ڈیجیٹل گیٹ آپریشنز اور سمندری ماہرین کی تربیت بھی شامل ہے۔

    کراچی میں 52 ہیکٹر پر مشتمل جدید لاجسٹکس پارک کے قیام کا منصوبہ، جدید سہولیات اور عالمی معیار کے انفراسٹرکچر کے ساتھ تجارتی سرگرمیوں میں نمایاں بہتری متوقع ہے۔

    متوقع طور پر یہ سرمایہ کاری آئندہ 25 سالوں میں کم از کم 4 ارب ڈالر کا ریونیو فراہم کرے گی تاہم ایس آئی ایف سی اپنی موٴثر پالیسیوں اور انفراسٹرکچر کی ترقی سے پاکستان کی معیشت کو مضبوط بنانے میں مصروف عمل ہیں۔

  • آسٹریلیا میں ہندو کمیونٹی کے رہنما کو 5 کوریائی خواتین سے زیادتی پر 40 سال کی  قید کی سزا

    آسٹریلیا میں ہندو کمیونٹی کے رہنما کو 5 کوریائی خواتین سے زیادتی پر 40 سال کی قید کی سزا

    بھارت کا بڑھتا ہوا ریپ کلچر اسے بین القوامی سطح پر بے نقاب کررہا ہے، آسٹریلیا میں ہندوستانی کمیونٹی کے رہنما کو 5 کوریائی خواتین کی عصمت دری کرنے کے جرم میں 40 سال قید کی سزا سنائی گئی ہے۔

    تفصیلات کے مطابق بھارت کا ’’ریپ کلچر‘‘ایک سنگین مسئلہ بن چکا ہے، جو نہ صرف بھارت میں بلکہ عالمی سطح پر پھیل چکا ہے ، بھارتی ریپ کلچر ایک ایسی معاشرتی بیماری ہے جو بھارتیوں کی گرتے ہوئی اخلاقی اقدار اور سماجی زوال کی عکاسی کرتی ہے۔

    بین الاقوامی میڈیا رپورٹس میں بتایا گیا کہ بی جی پی کے سیٹلائٹ گروپ کی بنیاد رکھنے اور ہندو کونسل آف آسٹریلیا کے ترجمان بلیش دھانکھر نے پانچ کوریائی خواتین کو ایک سوچے سمجھے منصوبے کے تحت عصمت دری کا نشانہ بنایا۔

    سابق آئی ٹی کنسلٹنٹ 43 سالہ بلیش دھانکھر، ہریانہ سے ہیں، جن کے والد اجیت دھانکھر ہندوستانی فضائیہ کے ریٹائرڈ افسر ہیں اور دہلی حکومت میں ڈپٹی سپرنٹنڈنٹ کے طور پر بھی کام کیا۔

    رپورٹ میں کہا گیا کہ بلیش دھانکھر کو ڈاؤننگ سینٹر ڈسٹرکٹ کورٹ آسٹریلیاء میں 40 سال کی سزا سنائی گئی،دھانکھر، نے جنوبی کوریائی خواتین کو لالچ دینے کے لئے نوکری کے جعلی اشتہارات کا استعمال کیا اور نشہ آور ادویات کا استعمال کر کے خواتین کو زیادتی کا نشانہ بنایا.

    دھانکھر ایک ایکسل اسپریڈشیٹ پرجعلی نوکری کے اشتہارات کے تمام درخواست دہندگان کی شکل، ذہانت اور خوبصورتی کی بنیاد پر درجہ بندی کرتا اور اپنی مستقبل کی جنسی تسکین کے لیے اپنے جرائم کو فلماتا اور ریکارڈ کر کے کمپیوٹر میں رکھتا۔

    رپورٹ کے مطابق تمام خواتین، جن کی عمریں 21 اور 27 کے درمیان تھیں، زیادتی کے وقت یا تو بے ہوش تھیں یا نمایاں طور پر کمزور تھیں۔

    بھارتی کمیونیٹی کے رہنماء کے طور پر سرگرم دھانکھر کا شکاری اور ناقص کردار حیران کن قرار دیا ہے۔

    سال 2023 میں آسٹریلیا کی ایک عدالت نے اسے 39 جرائم کا مجرم پایا، جن میں جنسی زیادتی کے 13 واقعات شامل ہیں۔

    مودی سرکار اور بی جی پی کا جنسی زیادتی کرنے والوں کی پشت پناہی اور انہیں کمیونٹی لیڈر کے طور پر بلند کرنا خواتین کے حقوق کے تحفظ کے دعوؤں پر سنگین سوالات اٹھاتا ہے۔

  • 31 مارچ کے بعد غیر قانونی مقیم غیر ملکیوں کو گرفتار کر کے ملک بدر کیا جائے گا، بڑا فیصلہ

    31 مارچ کے بعد غیر قانونی مقیم غیر ملکیوں کو گرفتار کر کے ملک بدر کیا جائے گا، بڑا فیصلہ

    اسلام آباد: سیکیورٹی ذرائع نے کہا ہے کہ غیر قانونی طور پر مقیم غیر ملکیوں اور افغانیوں کے خلاف 31 مارچ 2025 کے بعد سخت ایکشن کا فیصلہ کیا گیا ہے۔

    تفصیلات کے مطابق سیکیورٹی ذرائع نے کہا ہے کہ غیر قانونی غیر ملکیوں کی وطن واپسی کی ڈیڈ لائن میں توسیع نہیں کی جائے گی، غیر قانونی طور پر مقیم غیر ملکیوں اور افغان سٹیزن کارڈ ہولڈر کی پاکستان چھوڑنے کی ڈیڈ لائن 31 مارچ ہے، مقررہ تاریخ کے بعد مقیم غیر قانونی، غیر ملکیوں اور افغان شہریوں کے خلاف قانونی کارروائی کی جائے گی۔

    سیکیورٹی ذرائع کے مطابق ایسے افراد کو گرفتار کر کے ملک بدر کر دیا جائے گا، پاکستان میں مقیم تمام افغان شہریوں کو واضح ہدایات دی گئی ہیں کہ وہ باعزت طور پر واپس چلے جائیں، پاکستان میں بڑھتی دہشت گردی کے واقعات میں افغان شہریوں کے براہ راست ملوث ہونے کے بعد یہ فیصلہ کیا گیا ہے۔

    4 مارچ 2025 کو بنوں کینٹ خود کش حملوں میں فتنہ الخوراج کے 16 دہشت گرد جہنم واصل کیے گئے تھے، ان ہلاک خوارجین میں افغان دہشت گرد بھی شامل تھے اور اس حملے کی منصوبہ سازی افغان سرزمین پر کی گئی تھی۔

    حکومت کا غیرقانونی مقیم غیرملکیوں کو واپس بھیجنے کا فیصلہ

    واضح رہے کہ وزارت داخلہ نے بھی ہدایت کی ہے کہ ’’غیر قانونی مقیم غیر ملکی اور افغان سٹیزنز کارڈ ہولڈر 31 مارچ تک رضاکارانہ پاکستان چھوڑ دیں، یکم اپریل سے تمام غیر قانونی طور پر مقیم غیر ملکیوں کی ملک بدری کا عمل شروع کر دیا جائے گا۔‘‘

  • لندن میں بھارتی وزیر خارجہ کی آمد پر  سکھوں کا شدید احتجاج، بھارتی پرچم پھاڑ ڈالا

    لندن میں بھارتی وزیر خارجہ کی آمد پر سکھوں کا شدید احتجاج، بھارتی پرچم پھاڑ ڈالا

    لندن : بھارتی وزیر خارجہ کے دورہ برطانیہ کے موقع پر سکھوں نے شدید احتجاج کیا ،ایک سکھ رہنما کا جے شنکر کی گاڑی کی طرف بھاگنے اور بھارتی پرچم پھاڑ کر شدید غصے کا اظہار کیا۔

    تفصیلات کے مطابق بھارت میں پچھلی کئی دہائیوں سے سکھوں کو ان کی بنیادی مذہبی، سیاسی اور سماجی حقوق سے محروم کیا جا رہا ہے۔

    حال ہی میں سکھ رہنماوٴں نے بھارت کے وزیر خارجہ ایس جے شنکر کی برطانیہ آمد کے دوران شدید احتجاجی مظاہرہ کیا۔

    لندن 6 مارچ کی شب کو سکھوں نے جے شنکر کو آڑے ہاتھوں لیا، اس دوران ایک سکھ رہنما جے شنکر کی گاڑی کی طرف بھاگا اور بھارتی پرچم پھاڑ کر شدید غصے کا اظہار کیا۔

    سکھوں نے مودی اور بھارتی حکومت کے خلاف شدید نعرے بازی کی۔

    تحریک خالصتان کے حامی مظاہرین نے جے شنکر کی برطانوی وزیراعظم اور فارن سیکٹری سے ملاقات کو تنقید کا نشانہ بنایا۔

    برطانیہ میں جے شنکر کی موجودگی کے دوران سکھوں نے مودی کی پالیسیوں اور بھارتی حکومت کے اقدامات کی شدید مذمت کی۔

    اس سے قبل جے شنکر کو واشنگٹن دورے کے دوران بھی سکھ رہنماوٴں کی جانب سے ذلت امیز رویے کا نشانہ بنایا گیا۔

    احتجاج میں شریک سکھ رہنماوٴں کا کہنا تھا کہ جے شنکر بھارت کے عالمی جاسوسی نیٹ ورک کو چلا رہا ہے۔

    مظاہرین نے مطالبہ کیا کہ بھارتی وزیر خارجہ جے شنکر کے سکھوں کے خلاف شرانگیز اقدامات پر عالمی سطح پر پابندیاں عائد کی جائیں۔

  • سیکیورٹی فورسز کی جانب سے گرفتار کیے گئے دہشت گرد  کا اعترافی بیان سامنے آگیا

    سیکیورٹی فورسز کی جانب سے گرفتار کیے گئے دہشت گرد کا اعترافی بیان سامنے آگیا

    راولپنڈی : سیکیورٹی فورسز کی جانب سے گرفتار کیے گئے دہشت گرد اسام الدین کا اعترافی بیان سامنے آگیا۔

    تفصیلات کے مطابق بلوچستان میں پاک افغان سرحد کے قریب سیکیورٹی فورسز نے کامیاب آپریشن کرتے ہوئے 4 اہم دہشت گرد گرفتار کر لئے۔

    گرفتار دہشت گرد نے اعترافی بیان میں کہا کہ میرا نام اسام الدین ہے، والد کا نام گلشاد ہے، میں افغانستان سے آیا ہوں، ہمارانظریہ ہماری ٹریننگ ہے۔

    اسام الدین کا کہنا تھا کہ میرے پاس دو بندوقیں، دو کلاشنکوف، ایک گرنیڈ، اور دیگر اسلحہ موجود تھا، ہم افغانستان سے 3 دن پہلے پاکستان میں داخل ہوئے۔

    گرفتار دہشت گرد نے کہا کہ ہم سرحدی باڑ کے ذریعے رات میں چوری سے پاکستان میں داخل ہوئے، ہم نے آگے پشین جانا تھا۔

    سیکیورٹی ذرائع کے مطابق دہشت گردوں کے خلاف اس آپریشن کی کامیابی میں مقامی لوگوں نے اہم کردار ادا کیا، گرفتار دہشتگردوں کو مزید تفتیش کیلئے نامعلوم مقام پر منتقل کر دیا گیا۔

    سیکیورٹی ذرائع کا مزید کہنا تھا کہ افغانستان کی جانب سے دراندازی کے مزید شواہد سامنے آرہے ہیں اور افغانستان سے دہشت گردوں کی پاکستان میں دراندازی بڑھنے لگی ہے جبکہ دہشتگرد تنظیموں کو افغان طالبان کی سہولت کاری اور سرپرستی حاصل ہے۔

  • پاک افغان سرحد کے قریب سیکیورٹی فورسز کا کامیاب آپریشن ،  4 اہم دہشت گرد گرفتار

    پاک افغان سرحد کے قریب سیکیورٹی فورسز کا کامیاب آپریشن ، 4 اہم دہشت گرد گرفتار

    راولپنڈی : بلوچستان میں پاک افغان سرحد کے قریب سیکیورٹی فورسز نے کامیاب آپریشن کرتے ہوئے 4 اہم دہشت گرد گرفتار کر لئے۔

    تفصیلات کے مطابق 5 مارچ 2025 کو بلوچستان میں پاک افغان سرحد کے قریبی علاقے ٹوبہ کاکڑی میں سیکیورٹی فورسز نے کامیاب آپریشن کیا اور اس دوران 4 اہم دہشتگرد گرفتار کر لئے گئے۔

    سیکیورٹی ذرائع نے بتایا کہ گرفتار دہشتگردوں سے کلاشنکوفیں، دستی بم اور دیگر آتشیں اسلحہ برآمد کیا گیا ہے جبکہ دہشت گردوں نے دہشت گردی کی بڑی کارروائی کی منصوبہ بندی کا اعتراف کر لیا ہے۔

    سیکیورٹی ذرائع کا کہنا تھا کہ افغانستان سے دراندازی کے مزید شواہد سامنے آگئے، پاکستان میں دہشت گردی کے واقعات میں افغان دہشتگردوں کے ملوث ہونے میں بتدریج اضافہ ہوا ہے اور افغانستان سے دہشت گردوں کی پاکستان میں دراندازی بڑھنے لگی ہے۔

    ذرائع نے مزید کہا کہ مختلف دہشت گرد تنظیموں کو افغان طالبان کی مکمل حمایت، سہولت کاری اور سر پرستی حاصل ہے۔

    ذرائع کے مطابق دہشت گردوں کے خلاف اس آپریشن کی کامیابی میں مقامی لوگوں نے اہم کردار ادا کیا تاہم گرفتار دہشت گردوں کو مزید تفتیش کیلئے نامعلوم مقام پر منتقل کر دیا گیا ہے۔

    دفاعی ماہرین کا کہنا ہے کہ پاکستان کے بار بار شواہد دینے کے باوجود افغان عبوری حکومت کی خاموشی دراصل دہشت گردوں کی حمایت ہے۔

    دفاعی ماہرین نے بتایا کہ مقامی لوگوں کا دہشت گردوں کے خلاف سیکیورٹی فورسز کے شانہ بشانہ لڑنا خوش آئند امر ہے، پاکستان میں دہشتگردی کی لہر میں اضافے کی بنیادی وجہ افغانستان کی سرزمین پر پنپتی دہشتگرد تنظیمیں ہیں۔

    یاد رہے پہلے بھی کئی افغان دہشت گرد سیکیورٹی فورسز کے ہاتھوں جہنم واصل ہو چکے ہیں، ہلاک افغان دہشتگردوں میں افغان صوبے باغدیس کے گورنر کا بیٹا خارجی بدرالدین بھی شامل تھا۔

    28 فروری 2025 کو ہلاک ہونے والا افغان دہشتگرد مجیب الرحمان افغانستان کی حضرت معاذ بن جبل نیشنل ملٹری اکیڈمی میں کمانڈر تھا۔

    افغانستان دہشتگردوں کی آماجگاہ بن چکا ہے جس پر بین الاقوامی سطح پر فوری کارروائی وقت کی اہم ضرورت ہے، دہشت گردوں کے ساتھ پاکستان میں گھسنے والے زیادہ تر افغان شہری یا تو مارے جاتے ہیں یا پکڑے جاتے ہیں۔

  • بنوں کینٹ پر حملے میں 16 دہشت گرد ہلاک، 5 اہلکار شہید ہوئے، آئی ایس پی آر

    بنوں کینٹ پر حملے میں 16 دہشت گرد ہلاک، 5 اہلکار شہید ہوئے، آئی ایس پی آر

    اسلام آباد: آئی ایس پی آر نے کہا ہے کہ گزشتہ روز بنوں کینٹ پر ہونے والے خود کش حملے میں 16 دہشت گرد ہلاک، 5 اہلکار اور 13 بے گناہ شہید ہوئے تھے، جب کہ 32 افراد زخمی ہوئے۔

    آئی ایس پی آر سے جاری بیان کے مطابق سیکیورٹی فورسز کی بروقت اور مؤثر کارروائی سے بنوں کینٹونمنٹ پر ہونے والا خوارج کا بزدلانہ حملہ ناکام بنایا گیا، جس میں حملہ آوروں نے دھماکا خیز مواد سے بھری 2 گاڑیاں دیوار سے ٹکرائیں، جس سے کینٹ کی حفاظتی دیوار کو نقصان پہنچا۔

    سیکیورٹی اہلکاروں کی بہادری اور جرات مندانہ کارروائی سے 16 دہشت گرد ہلاک ہوئے، جن میں 4 خودکش بمبار بھی شامل تھے، جب کہ سیکیورٹی فورسز کی کارروائی میں 5 اہلکار بہادری سے لڑتے ہوئے شہید ہوئے، خودکش دھماکوں سے مسجد اور سویلین رہائشی عمارت شدید متاثر ہوئی، مسجد اور عمارت گرنے سے 13 بے گناہ شہری شہید 32 زخمی ہوئے۔

    آئی ایس پی آر کا کہنا ہے کہ دہشت گرد حملے میں افغان شہریوں کی شمولیت کے شواہد ملے ہیں، جن سے واضح پتا چلتا ہے کہ یہ حملہ افغانستان سے خوارج کے سرپرستوں نے ترتیب دیا تھا، پاکستان توقع کرتا ہے افغان عبوری حکومت اپنی ذمہ داری نبھائے گی، اور اپنی سرزمین پاکستان کے خلاف استعمال ہونے سے روکے گی۔

    آئی ایس پی آر کے مطابق پاکستان سرحد پار سے دہشت گردی کے جواب میں ضروری اقدامات کا حق محفوظ رکھتا ہے، اور پاکستان کی سیکیورٹی فورسز ہر قسم کی دہشت گردی کے خاتمے کے لیے ثابت قدم ہیں۔

  • بھارتی نژاد کینیڈین تاجر کے کینیڈا میں خفیہ سرگرمیوں میں ملوث ہونے کا انکشاف

    بھارتی نژاد کینیڈین تاجر کے کینیڈا میں خفیہ سرگرمیوں میں ملوث ہونے کا انکشاف

    بھارتی نژاد کینیڈین تاجر انکت سریو استو کینیڈا میں خفیہ سرگرمیوں میں ملوث نکلا، کینیڈا نے الزام عائد کیا ہے کہ بھارتی تاجر پر جعلی ویب سائٹس کے ذریعے غلط معلومات پھیلارہا ہے۔

    تفصیلات کے مطابق کینیڈین میڈیا کی جانب سے کہا گیا ہے کہ بھارتی نژاد کینیڈین تاجر انکت سریو استور کینیڈا میں خفیہ سرگرمیوں میں ملوث ہیں ، بھارتی گروپ اخباروں اور تیل وگیس کی صنعت کے کاروبارسے وابستہ ہے۔

    کینیڈین میڈیا کا کہنا تھا کہ کینیڈین قومی سلامتی کے حکام کے مطابق ’’سریوا ستو گروپ اور اس کے سینئرعہدیداران خفیہ سرگرمیوں میں ملوث ہیں۔

    سی ایس آئی ایس نے بھی 2015 میں بھارتی گروپ سے متعلق رپورٹ جاری کی، جس میں سریواستوگروپ پر الزام تھا وہ جعلی ویب سائٹس چلارہا ہے، جو نیوز آؤٹ لیٹس کی طرح نظر آتی ہیں، ’’اس ویب سائٹ کا مقصد بھارت کے حق میں مواد شائع کرنا اور پاکستان کے خلاف مواد پھیلانا تھا‘‘۔

    سی ایس آئی ایس رپورٹ نے کہا کہ کینیڈین حکام کے مطابق گروپ کی ویب سائٹس جعلی خبریں پھیلانے کیلئے استعمال ہورہی تھیں، ان ویب سائٹس کا مقصد کینیڈا کی عوامی رائے اور انتخابی عمل پر اثر انداز ہونا تھا، سریواستوگروپ نے یورپ میں بھی بھارت کے حق میں مہم چلائی۔

     

    View this post on Instagram

     

    A post shared by ARY News (@arynewstv)

    کینیڈا کے امیگریشن حکام نے تشویش ظاہر کرتے ہوئےانکت سریواستو کو کینیڈا آنے سے روکتے ہوئے اسے’’کینیڈا کیلئے ایک سنگین خطرہ‘‘قرار دیا ساتھ ہی مستقل رہائش دینے سے انکار کردیا۔

    سفارتی ذرائع کا کہنا تھا کہ یہ سرگرمیاں ثابت کرتی ہیں بھارتی باشندے غیر ملکی سرزمین پرغیرقانونی کاموں میں ملوث ہیں، غیرقانونی سرگرمیوں کے شواہد واضح کرتے ہیں بھارت دوسرے ممالک میں کھلی مداخلت کرتا ہے۔

    خیال رہے بھارتی حکومت بلا شک و شبہ دیگر ممالک میں غیر قانونی کاروائیوں میں ملوث رہتی ہے، اس حوالے سے ماضی میں بھی مختلف رپورٹس منظر عام پر آئی ہیں، کینیڈا میں سکھ رہنما کے قتل سے لیکرامریکا میں قتل کی سازش تک سب کچھ عیاں ہے۔

    گلوبل نیوزویب سائٹ کی رپورٹ میں بتایا گیا تھا کہ ’’بھارتی کاروباری گروپ "سریواستو گروپ” کا ہیڈکوارٹر کینیڈا میں ہے‘‘، یہ گروپ، نئی دہلی کے ایک خاندان کے زیر انتظام ہے۔

    گلوبل نیوز کا کہنا تھا کہ سریواستو گروپ کا دعویٰ ہے کہ ان کے دفاتر بیلجیم، سوئٹزرلینڈ اور کینیڈا میں ہیں، 2009 میں بھارتی انٹیلی جنس ایجنسیوں نے سریو استو گروپ کے نائب چیئرمین انکت سریو استو کو کینیڈا کے سیاستدانوں پر اثرانداز ہونے کی ’’ہدایت‘‘ دی تھی۔

    کینیڈین سیکیورٹی انٹیلی جنس سروس کی رپورٹ کے مطابق ’’بھارتی خفیہ ایجنسی ’’را‘‘نے انکت سریو استو کو کینیڈا کے سیاستدانوں کو مالی امداد اور پروپیگنڈا مواد فراہم کرکے بھارت کے حق میں ان کی حمایت حاصل کرنے کا کہا‘‘

    کینیڈین حکام نے یہ بھی کہا کہ ’’سریو استو گروپ کی ویب سائٹس جعلی خبریں پھیلانے کے لیے استعمال ہو رہی تھیں اور ان ویب سائٹوں کا مقصد کینیڈا کی عوامی رائے اور انتخابی عمل پر اثرانداز ہونا تھا‘۔

    یہ کیس اس وقت سامنے آیا جب کینیڈا بھارتی حکومت کی طرف سے غیر ملکی مداخلت اور انفارمیشن جنگ کے الزامات کا سامنا کر رہا تھا۔

    سی ایس آئی ایس اور کینیڈا کے دیگر حکام کا کہنا ہے کہ’’سریو استو گروپ نے یورپ میں بھی بھارت کے حق میں مہمات چلائیں‘‘۔

    کینیڈا میں سریو استو گروپ کے خلاف الزامات سامنے آنے کے بعد اس کی ویب سائٹ بند ہو گئی اور اس کے دفتر بھی خالی ہو چکے ہیں۔

    سفارتی ذرائع کا کہنا تھا کہ سفارتی حلقے انکت سریو استو کی ان سرگرمیوں کو دوسرے ممالک میں کھلی مداخلت قرار دیتے ہیں، انکت سریو استو کی یہ سرگرمیاں ثابت کرتی ہیں کہ بھارتی باشندے غیر ملکی سرزمین پر غیرقانونی کاموں میں ملوث ہیں۔

    سفارتی ذرائع کے مطابق بھارتی حکومت کی غیر ملکی سر زمین پرغیر قانونی سرگرمیوں کے شواہد واضح کرتے ہیں،بھارت دوسرے ممالک میں کھلی مداخلت کرتا ہے۔