Author: لئیق الرحمن

آرمی چیف جنرل قمر جاوید باجوہ نے کہا ہے کہ پاکستان اورافغانستان کاامن ایک دوسرے سے ‏وابستہ ہے دشمنوں کو امن عمل کو متاثر کرنےکی اجازت نہیں دیں گے۔

آئی ایس پی آر کے مطابق آرمی چیف سے افغان میڈیا وفد نے جی ایچ کیو میں ملاقات کی جس ‏میں آرمی چیف نے گفتگو کرتے ہوئے کہا کہ میڈیاعوامی، سماجی اور ثقافتی رابطوں میں پل کا ‏کردار ادا کر سکتا ہے میڈیا کی ذمہ داری ہے امن دشمنوں کی نشاندہی کرکےشکست دے۔

جنرل قمر باجوہ نے کہا کہ افغانستان میں امن پاکستان کی دلی خواہش ہے پاکستان اورافغانستان ‏کاامن ایک دوسرے سے وابستہ ہے دشمنوں کو امن عمل کو متاثر کرنےکی اجازت نہیں دیں گے۔

ان کا کہنا تھا کہ مؤثربارڈر مینجمنٹ اور سیکیورٹی دونوں ملکوں کے مفاد میں ہے دونوں ممالک ‏علاقائی رابطوں سے فائدہ اٹھاسکتےہیں افغانستان میں پائیدارامن سےخطےمیں ترقی ہوگی اور پاک ‏افغان یوتھ فورم سےباہمی رابطوں کو فروغ ملےگا پاک افغان نوجوان خطےکامستقبل ہیں۔

افغان صحافیوں نےآرمی چیف سےملاقات اور بات چیت پر شکریہ ادا کرتے ہوئے امن کے لئے ‏پاکستان کی سنجیدہ کوششوں کی بھی تعریف کی۔ افغان صحافیوں نےبڑی تعدادمیں مہاجرین کا ‏خیال رکھنےپربھی شکریہ اداکیا۔

راولپنڈی: چیف آف آرمی اسٹاف جنرل قمر جاوید باجوہ نے کہا ہے کہ پاکستان جنوبی افریقا کے ساتھ تعلقات کو خصوصی اہمیت دیتا ہے۔

پاک فوج کے شعبۂ تعلقاتِ عامہ (آئی ایس پی آر) کے مطابق جنوبی افریقہ کےمسلح افواج کےسربراہ نے گورنمنٹ ہیڈ کوارٹرز کا دورہ کیا اور چیف آف آرمی اسٹاف سے اہم ملاقات کی۔

اس ملاقات میں باہمی دلچسپی،علاقائی سیکورٹی، دفاعی و تربیتی امورپر تبادلہ خیال کیا گیا۔ جنرل قمر جاوید باجوہ کا کہنا تھا کہ ’پاکستان جنوبی افریقہ کےساتھ تعلقات کو خصوصی اہمیت دیتا ہے، براعظم افریقہ میں جنوبی افریقہ کو اہم ملک کی حیثیت حاصل ہے‘۔

جنرل قمر جاوید باجوہ کا کہنا تھا کہ ’علاقائی امن و استحکام، سکیورٹی سے متعلق جنوبی افریقا کا کردار قابل قدر ہے‘۔

جنوبی افریقا کے چیف آف اسٹاف جنرل ریوڈزنئی نےخطےمیں امن واستحکام کیلئے پاکستان کے کردار کو سراہا اور  افغان امن عمل میں پاکستان کے کردارکی تعریف بھی کی۔

بعد ازاں جنوبی افریقا کی افواج کے سربراہ نے سی جےسی ایس سی جنرل ندیم رضاسے ملاقات کی۔ جس میں باہمی دلچسپی علاقائی سیکورٹی، دفاع و تربیتی امور پر تبادلہ خیال کیا گیا۔

CJCSC, South African National Defence Force Chief deliberate upon bilateral cooperation@OfficialDGISPR https://t.co/j0WsOMqRPk pic.twitter.com/dWyX4KFXST

— Radio Pakistan (@RadioPakistan) July 27, 2021

ملاقات میں فوجی رابطوں، تعاون کو مزید فروغ دینےکے عزم کا اعادہ کیا گیا۔ آئی ایس پی آر کے مطابق جنرل ریوڈزنئی کی  پاک فوج کی پیشہ وارانہ کارکردگی کی تعریف کی اور دہشت گردی کے خلاف جنگ میں مسلح افواج کی قربانیوں  کو سراہا۔

جنرل یوڈنئی کی جوائنٹ اسٹاف ہیڈ کوارٹر آمد پر گارڈآف آنر بھی پیش کیاگیا۔