Author: لئیق الرحمن

راولپنڈی: باجوڑ میں افغانستان سے دہشت گردوں نے 5 راکٹ فائر کیے جس کے نتیجے میں کمسن بچہ شہید ہوگیا۔

پاک فوج کے شعبہ تعلقات عامہ (آئی ایس پی آر) کے مطابق افغانستان سے راکٹ باجوڑ کے علاقے سرکئی ٹاپ، لغاری سیکٹر پر فائر کیے گئے۔

آئی ایس پی آر کے مطابق راکٹ حملے میں پانچ سال کا بچہ شہید ہوگیا، ترجمان پاک فوج کا کہنا ہے کہ دہشت گردوں کے حملے میں ایک لڑکی سمیت 7 بچے زخمی ہوئے۔

ترجمان پاک فوج کا کہنا ہے کہ شہید ہونے والے بچے کا تعلق مومند سے ہے، زخمی ہونے والوں میں حزب اللہ، خبیب، تسبیحہ، داداللہ، افساء شامل ہیں۔

پاک فوج کی جانب سے شہری آبادی میں امدادی سرگرمیاں شروع کردی گئیں، جاں بحق بچے کی لاش اور زخمیوں کو قریبی اسپتال منتقل کردیا گیا ہے۔

مزید پڑھیں: سرحد پار سے دہشت گردوں کی آرمی چیک پوسٹ پر فائرنگ، حولدار تنویر شہید

واضح رہے کہ گزشتہ سال اکتوبر میں پاک افغان بارڈر پر سرحد پار سے دہشت گردوں کی جانب سے فائرنگ کے نتیجے میں حولدارتنویر شہید اور ایک جوان زخمی ہوگیا تھا۔

آئی ایس پی آر کا کہنا تھا کہ سرحد پار سے باجوڑ سیکٹر آرمی چیک پوسٹ کونشانہ بنایا گیا۔

یاد رہے گزشتہ سال ستمبر میں بھی پاک افغان بارڈر پر سرحد پار سے پاکستانی پوسٹ پر فائرنگ کی گئی تھی ، جس کے نتیجے میں ایک سپاہی صابرشاہ شہید ہوگیا تھا۔

راولپنڈی: آرمی چیف جنرل قمر جاوید باجوہ نے لاجسٹک انسٹالیشنز راولپنڈی کا دورہ کیا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے لاجسٹک انسٹالیشنز راولپنڈی کا دورہ کیا، اس موقع پر چیف آف لاجسٹکس اسٹاف لیفٹیننٹ جنرل اظہر صالح عباسی اور کیو ایم جی لیفٹیننٹ جنرل عامر عباسی نے ان کا استقبال کیا۔

آئی ایس پی آر کا کہنا ہے کہ آرمی چیف کو موجودہ انفرا اسٹرکچر کی اپ گریڈیشن اورترقیاتی منصوبوں پربریفنگ دی گئی۔

ترجمان پاک فوج کے مطابق آرمی چیف نے اعلیٰ معیار کی سہولتوں اور خدمات کے لیے عزم کو سراہا اور مقامی سطح پر ترقیاتی، تزئین و مرمت پروگرامز کی تعریف کی۔

آئی ایس پی آر کا کہنا ہے کہ آرمی چیف نے ون ونڈو آپریشن کے تحت آپریشنل کارکردگی بڑھانے کی بھی تعریف کی۔

واضح رہے کہ گزشتہ دنوں آرمی چیف جنرل قمر جاوید باجوہ نے کھاریاں گیریژن کا دورہ کیا تھا، اس موقع پر کمانڈر سینٹرل کمانڈ لیفٹیننٹ جنرل شاہین مظہر نے ان کا استقبال کیا تھا۔

ترجمان پاک فوج کے مطابق آرمی چیف نے سینٹرل کمانڈ کے زیر اہتمام فوجی مشقوں کا جائزہ لیا اور ملکی دفاع کے حوالے سے مختلف حکمت عملی کی تعریف کی تھی۔