Author: لئیق الرحمن

تربت: بلوچستان کے علاقے تربت کے قریب دہشت گردوں کی سیکیورٹی فورسز پر فائرنگ سے لانس نائیک شہید اور 3 سیکیورٹی اہلکار زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق تربت کے قریب دہشت گردوں نے سیکیورٹی فورسز پر اندھا دھند فائرنگ کردی جس کے نتیجے میں فوجی جوان شہید اور 3 سیکیورٹی اہلکار زخمی ہوگئے۔

ترجمان پاک فوج کے مطابق لانس نائیک وسیم اللہ نے جام شہادت نوش کیا، فائرنگ سے 3 سیکیورٹی اہلکار بھی زخمی ہوئے۔

آئی ایس پی آر واقعہ تربت سے 35 کلو میٹر جنوب مشرق میں جھکی کے مقام پر پیش آیا۔

واضح رہے کہ گزشتہ 5 روز کے دوران 22 سیکیورٹی اہلکار شہید ہوگئے،، بلوچستان میں 15، شمالی وزیرستان میں 6 اور باجوڑ میں ایک اہلکار شہید ہوا۔

مزید پڑھیں: شمالی وزیرستان میں بارودی سرنگ کا دھماکا، 6اہلکار شہید

دو روز قبل کوسٹل ہائی وے پر سیکیورٹی فورسز اور دہشت گردوں کے درمیان جھڑپ میں 14 سیکیورٹی اہلکار شہید ہوگئے جبکہ دہشتگردوں کو شدید جانی نقصان کا سامنا کرنا پڑا تھا۔

پاک فوج کے شعبہ تعلقات عامہ آئی ایس پی آر کے مطابق شمالی وزیرستان میں رزمت کےقریب بارودی سرنگ میں زور دار دھماکا ہوا جس کے نتیجے میں ایک افسر سمیت 6جوان موقع پر ہی شہید ہوگئے تھے۔

راولپنڈی: بھارت کیوکاز فوجی مشقوں میں شرکت سے آخری وقت میں بھاگ گیا، بھارت چین سرحدوں پر تنازع بھارت کے پیچھے ہٹنے کی وجہ قرار دیا جارہا ہے۔

تفصیلات کے مطابق بھارت کیوکاز فوجی مشقوں سے آخری وقت میں پیچھے ہٹ گیا، دفاعی ماہرین نے بھارتی فیصلہ بچکانہ اور تنگ نظری قرار دے دیا، فوجی مشقیں کیوکاز 21 سے 26 ستمبر تک جاری رہیں گی۔

دفاعی ماہرین کے مطابق بھارت مشقوں میں پاکستان اور چین کی موجودگی سے بھاگا، بھارت کی طرف سے اگست تک ان مشقوں میں شرکت کی مکمل تیاری تھی۔

بھارت چین سرحدوں پر تنازع بھارت کے پیچھے ہٹنے کی وجہ قرار دیا جارہا ہے، کیوکاز مشقوں میں خطے کے دیگر ممالک کو بھی شرکت کی دعوت دی گئی ہے، کیوکاز استریٹجک کمانڈ مشقوں میں 80 ہزار سے زائد اہلکاروں کی شرکت متوقع ہے۔

واضح رہے کہ پاک روس مشترکہ فوجی مشقیں دروزبہ بھی ہر سال منعقد ہوتی ہیں، دروزبہ دوستی کے ٹائٹل سے مشقیں 2016 سے شروع ہوئیں، اب تک دروزبہ کے سلسلے کے چار فوجی مشقیں ہوچکی ہیں، ان مشقوں میں انسداد دہشت گردی اور اسپیشل آپریشنز کے پہلو شامل ہیں۔

پاکستان کی مسلح افواج کا دستہ مشقوں میں بھرپور حصہ لے گا، ڈی جی آئی ایس پی آر

دوسری جانب ڈی جی آئی ایس پی آر میجر جنرل بابر افتخار کا کہنا ہے کہ فوجی مشقیں کیوکاز 2020 جنوبی روس کے شہر آسترکھان میں ہوں گی، فوجی مشقیں کیوکاز 21 سے 26 ستمبر تک جاری رہیں گی۔

#PakistanArmedForces contingent participated in opening ceremony of multinational military exercise,
#Kavkaz2020, held @ Astrakhan region, #Russia today. Ex Kavkaz (21-26 Sep ) aims @ assessing ability of troops to react 2 various challenges & learn 4fm each other’s experiences. pic.twitter.com/irD8wCju4q

— DG ISPR (@OfficialDGISPR) September 19, 2020

میجر جنرل بابر افتخار کا کہنا ہے کہ پاکستان کی مسلح افواج کا دستہ ان میں بھرپور حصہ لے گا، فوجی مشقوں کے شرکا باہمی تجربات، صلاحیتوں کا مظاہرہ کریں گے، فوجی دستوں کے مختلف چیلنجز پر ردعمل کو جانچنے کا موقع ملے گا۔

راولپنڈی: سیکورٹی فورسز نے شمالی وزیرستان کے ایک علاقے میں بڑے آپریشن کے دوران 5 دہشت گردوں کو ہلاک کر دیا جب کہ 10 کو گرفتار کر لیا گیا۔

آئی ایس پی آر کے مطابق شمالی وزیرستان کے علاقے میر علی میں سیکورٹی فورسز نے دہشت گردوں کے خلاف انٹیلی جنس کی بنیاد پر آپریشن کیا، اس کارروائی میں دہشت گرد تنظیم کا وسیم زکریا 5 ساتھیوں سمیت ہلاک ہو گیا۔

پاک فوج کے شعبہ تعلقات عامہ کا کہنا ہے کہ انٹیلی جنس بیسڈ آپریشن کے دوران 10 دہشت گردوں کو گرفتار کر لیا گیا ہے۔

آئی ایس پی آر کے مطابق کمانڈر وسیم زکریا کا تعلق میر علی کے علاقے حیدر خیل سے تھا، مطلوب دہشت گرد وسیم 30 مختلف کارروائیوں کا ماسٹر مائنڈ تھا، وہ ٹارگٹ کلنگ کی مختلف وارداتوں میں بھی ملوث تھا۔

آئی ایس پی آر کا کہنا ہے کہ دہشت گرد وسیم زکریا سی ایس ایس افسرز بید اللہ داوڑ کی شہادت کا ذمہ دار تھا، وہ سیکورٹی فورسز پر حملوں میں براہ راست ملوث تھا، وسیم حسو خیل کے قریب کانوائے پر حملے میں بھی ملوث تھا۔