Author: لئیق الرحمن

راولپنڈی: سکیورٹی فورسز نے خیبر پختونخوا میں دو الگ الگ آپریشن کے دوران 4 دہشتگردوں کو ہلاک کر دیا۔

فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے بنوں کے علاقے جانی خیل میں انٹیلیجنس بیسڈ آپریشن کیا جہاں فائرنگ کے تبادلے میں 2 دہشتگرد مارے گئے۔

سکیورٹی فورسز سے شمالی وزیرستان کے علاقے حسن خیل میں جھڑپ میں دو خارجی ہلاک ہوئے جن سے بڑی تعداد میں اسلحہ اور گولہ بارود برآمد ہوا۔

آئی ایس پی آر کے مطابق ہلاک خارجی فورسز پر حملوں اور عام شہریوں کی ٹارگٹ کلنگ میں ملوث تھے، دہشتگردوں کا مکمل خاتمہ یقینی بنانے کیلیے سینیٹائزیشن آپریشن کیا گیا، فورسز وطن سے دہشتگردی کی لعنت کے خاتمے کیلیے پرعزم ہیں۔

گزشتہ روز بلوچستان میں دہشتگردوں نے ایف سی پوسٹ پر حملہ کیا جس میں سکیورٹی فورسز کا جوان شہید جبکہ جوابی کارروائی میں 2 دہشتگرد مارے گئے تھے۔

دہشتگردوں نے ضلع ژوب میں پوسٹ پر حملہ کیا تھا جسے سکیورٹی فورسز نے مؤثر کارروائی سے ناکام بنا دیا۔

سکیورٹی فورسز نے کارروائی میں خودکش بمبار عمر عرف عمری سمیت 2 دہشت گرد ہلاک کیے جو فورسز پر حملوں اور بے گناہ شہروں کے قتل میں ملوث تھے۔

دہشتگرد عمر عرف عمری ڈی سی شیرانی کے قافلے پر حملے میں بھی ملوث تھا۔ فائرنگ کے تبادلے میں حوالدار جمشید خان بہادری سے لڑتےہوئے شہید ہوگئے تھے۔

راولپنڈی: بلوچستان میں دہشتگردوں نے ایف سی پوسٹ پر حملہ کیا جس میں سکیورٹی فورسز کا جوان شہید جبکہ جوابی کارروائی میں 2 دہشتگرد مارے گئے۔

فوج کے شعبہ تعلقات عامہ (آئی ایس پی آر) کے مطابق دہشتگردوں نے ضلع ژوب میں پوسٹ پر حملہ کیا جسے سکیورٹی فورسز نے مؤثر کارروائی سے ناکام بنا دیا۔

سکیورٹی فورسز نے کارروائی میں خودکش بمبار عمر عرف عمری سمیت 2 دہشت گرد ہلاک کیے جو فورسز پر حملوں اور بے گناہ شہروں کے قتل میں ملوث تھے۔

آئی ایس پی آر نے بتایا کہ دہشتگرد عمر عرف عمری ڈی سی شیرانی کے قافلے پر حملے میں بھی ملوث تھا۔ فائرنگ کے تبادلے میں حوالدار جمشید خان بہادری سے لڑتےہوئے شہید ہوگئے۔

علاقے میں ممکنہ دہشتگردوں کے خاتمے کیلیے کلیئرنس آپریشن جاری ہے۔ فورسز بلوچستان میں امن و ترقی کو سبوتاژ کرنے کی کوشش ناکام بنا دیں گی۔

قبل ازیں، سکیورٹی ذرائع نے بتایا کہ فورسز نے تربت میں دہشتگردی کا منصوبہ ناکام بناتے ہوئے گاڑی میں نصب 280 کلو دھماکا خیز مواد برآمد کیا جو شہر میں دہشتگردی کیلیے استعمال کیا جانا تھا۔

سکیورٹی فورسز نے 12 ستمبر کو کالعدم تنظیم بلوچستان لبریشن آرمی (بی ایل اے) کے ٹھکانوں پر کارروائی کے دوران 6 دہشتگردوں کو ہلاک کیا تھا۔

فورسز کی جانب سے 12 ستمبر کو بلوچستان کے علاقے ہرنائی میں کامیاب آپریشن کیا گیا جس کے دوران کالعدم بی ایل اے کے ٹھکانوں کو نشانہ بنایا گیا تھا۔ ہلاک دہشتگرد سکیورٹی فورسز اور معصوم شہریوں پر براہ راست حملوں میں ملوث تھے۔

ہلاک دہشتگردوں میں شافو سمالانی عرف تادین، سرمد خان عرف دستین، گل مری عرف واحد بلوچ، غلام قادر مری عرف انجیر بلوچ شامل ہیں۔

اسلام آباد: سکیورٹی ذرائع نے بتایا ہے کہ انتشار پسندوں کے عقب میں خیبر پختونخوا سے فوجی دستے روانہ ہوگئے۔

سکیورٹی ذرائع کے مطابق عوام کی حفاظت یقینی بنانے اور انتشار پھیلانے کی اجازت نہیں دی جائے گی، انتشاریوں اور مسلح جھتے کا دونوں اطراف سے گھیرا تنگ ہوگیا۔

مذکورہ اقدامات شہریوں کی سلامتی اور تحفظ کویقینی بنانے کیلیے کیے جا رہے ہیں۔

واضح رہے کہ اسلام آباد میں پاک فوج کی تعیناتی آج رات 12 بجے تک مکمل کر لی جائے گی۔ اس سلسلے میں سکیورٹی ذرائع نے بتایا کہ دارالحکومت کے تمام علاقوں میں آرٹیکل 245 کے تحت فوج تعینات کی جا رہی ہے۔

انہوں نے بتایا کہ کسی کو بھی قانون کو ہاتھ میں لینے کی اجازت نہیں دی جائے گی، کسی کو بھی امن و امان اور حالات خراب کرنے کی اجازت نہیں دی جائے گی، وفاقی کابینہ نے اسلام آباد میں 5 سے 17 اکتوبر تک فوج تعیناتی کی منظوری دی ہے۔

سکیورٹی ذرائع کے مطابق 5 سے 17 اکتوبر تک فوج ضلعی انتظامیہ کے ساتھ امن و امان میں معاونت کرے گی۔