Author: لئیق الرحمن

واشنگٹن : سکھ فار جسٹس کے جنرل کونسل گرپتونت سنگھ پنوں نے امریکی وزیر خارجہ اٹونی بلنکن کو خط میں کہا ہے کہ مجھے قتل کیا گیا تو بھارتی وزیراعظم مودی میری موت کے ذمہ دارہوں گے۔

تفصیلات کے مطابق سکھ فار جسٹس تنظیم گرپتونت سنگھ نے امریکی وزیر خارجہ اٹونی بلنکن کوخط لکھا ، وزیر خارجہ ٹونی بلنکن آج بھارتی وزیر خارجہ جے شنکر سے ملاقات کر رہے ہیں۔

سکھ فار جسٹس کے جنرل کونسل گرپتونت سنگھ پنوں نے خط میں کہا کہ بھارت کیساتھ خاموش سفارتکاری مودی کوعالمی جرائم جاری رکھنے کی ترغیب دے رہی ہے، ہم امریکا میں قائم ایک ایڈووکیسی گروپ ہیں اور ہم امریکا میں بھارتی سکھوں کےحق خودارادیت کیلئے کام کررہے ہیں۔

سکھ فار جسٹس کا کہنا تھا کہ خالصتان حامیوں کیخلاف امریکی سرزمین پرپرتشدد جبرکی مودی پالیسی کے مسائل اٹھائیں، خالصتان نوازسکھوں کیخلاف بھارت کے بین الاقوامی جرائم صرف امریکا تک محدود نہیں ہے۔

خط میں کہا گیا کہ کینیڈا میں ہردیپ سنگھ نجرکاقتل،مودی سرکارنےبرطانیہ میں خالصتان نوازسکھوں کو نشانہ بنایا، خالصتان کےحامی سکھوں کوبھارتی حکومت نےآسٹریلیااورپاکستان میں بھی نشانہ بنایا، مودی ان کے’’کرائے کے قاتل‘‘کی سازش میں ملوث کسی بھی شخص کی تحقیقات کریں اور انہیں انصاف کے کٹہرے میں لایا جائے۔

سکھ رہنما نے کہا کہ اجیت ڈوول اور وزیر دفاع راج ناتھ نے بار بار اپنے ارادے کو دہرایا، بھارتی وزیر خارجہ ایس جےشنکرمودی حکومت کابین الاقوامی چہرہ اورمنہ بولتا ثبوت ہیں، مودی حکومت کو کہا جائے وہ امریکی شہریوں کو دھمکیاں دینے اور خاموش کرنے کی کوشش نہ کرے۔

خط کا کہنا تھا کہ مودی حکومت کی قتل کی سازش مجھے خالصتان ریٖفرنڈم کی قیادت سے نہیں روک سکتی، امریکی انتظامیہ بتانا چاہتا ہوں مجھے قتل کیا گیا تو بھارتی وزیراعظم مودی میری موت کے ذمہ دارہوں گے ، میرے قتل کے ذمہ دار بھارتی سفیراور’’را‘‘ چیف میری موت کے ذمہ دار ہوں گے۔

خیال رہے گرپتونت سنگھ پنوں کی قاتل سازش میں بھارتی شہری پر محکمہ انصاف فرد جرم عائد کرچکا ہے۔

کرناٹکا : بھارتی ریاست کرناٹکا میں بی جے پی کےایم ایل اے این مونیراٹھنا نے ریاستی اسمبلی میں اپنے آفس کے اندر ایک خاتون کے ساتھ زیادتی کی۔

بھارت دنیا کا وہ واحد ملک بن چکا ہے جہاں عورت ناآرمی کیمپوں میں محفوظ ہے اور نہ ہی پولیس اسٹیشن میں ، آئے روز کبھی چلتی بس میں تو کبھی ہسپتالوں میں بھارتی خواتین کو اجتماعی زیادتیوں کا نشانہ بنایا جاتا ہے۔

بھارت میں خواتین کا مستقبل شدید خطرے میں، بچیاں اسکولوں، کالجوں، اسپتالوں اور بازاروں میں جانے سے ڈرنے لگی ہیں۔

حال ہی میں ایک رپورٹ کے مطابق’’بھارتی ریاست کرناٹکا میں بی جےپی کےایم ایل اےاین مونیراٹھنا نے ریاستی اسمبلی میں اپنےآفس کےاندر ایک خاتون کےساتھ زیادتی کی ‘‘۔

ریاست کرناٹکا کے ضلع کاگالی پورا پولیس اسٹیشن میں این مونیراٹھنا کیخلاف ریپ کے علاوہ ذات پات کے مسئلے  میں لوگوں کو اُکسانے پربھی ایف آئی آر درج ہیں۔

پولیس کا کہنا ہے کہ بی جے پی کے ایم ایل اے این مونیراٹھنا اس وقت عدالتی حراست میں ہیں اور پولیس اُن کے خلاف چارج شیٹ تیارکر رہی ہے، یہ کوئی پہلا واقعہ نہیں ہے کہ ایم ایل اے کے خلاف زیادتی اور ذات پات سے متعلق شکایتیں موصول ہوئی ہوں۔

شہری نے کہا کہ ریاستی اسمبلی میں ریپ جیسی شرمناک حرکت کرنے کے جرم میں ایم ایل اے این مونیر اٹھنا کو قرار واقع سزاہونی چاہئیے ،بی جے پی کو چاہیئے کہ وہ اپنے سیاسی نمائندوں کی اخلاقی تربیت کرے۔

بی جے پی کے تیسرے دورِ حکومت میں بھارت میں جنسی زیادتی کے واقعات میں تشویشناک حد تک اضافہ ہوا ہے، آخر کب تک مودی سرکار اپنے سیاسی نمائندوں کے ہاتھوں بلیک میل ہوتی رہےگی، خواتین کی حفاظت جیسےاہم اُمورکونظر انداز کرتی رہے گی؟

کرناٹک : مودی کےبھارت میں مسلمانوں کیخلاف تعصب کھل کرسامنے آنے لگا، کرناٹک ہائیکورٹ میں جسٹس وی سریسانند نے بنگلور کے ایک مسلم اکثریتی علاقے کو’’منی پاکستان‘‘قرار دے دیا۔

مودی سرکارکےتیسرےدورِحکومت میں اقلیتیں باالخصوص مسلمان ریاستی تشددکانشانہ بن رہےہیں، مسلمانوں کواُن کےمذہبی عقائدکی وجہ سےٹارگٹ کیاجاتاہےجوعدم تحفظ کوفروغ دےرہاہے۔

بھارت میں مسلمان بھارتی انتہاپسندپالیسیوں سےچندمخصوص مسلم اکثریتی علاقوں میں رہنےپرمجبور ہے، آزادی کے77سال بعد بھی بھارت میں مقیم مسلمانوں کو پاکستانی ہونے کے طعنہ دیئےجاتے ہیں۔

کرناٹک ہائیکورٹ میں جسٹس وی سریسانند نے بنگلور کے ایک مسلم اکثریتی علاقے کو’’منی پاکستان‘‘قراردیا، جسٹس وی سریسانند نے کہا کہ میسورروڈفلائی اوورمارکیٹ سےگوریپالیہ تک کاعلاقہ پاکستان ہے،بھارت میں نہیں ہے۔

نیشنل فیملی ہیلتھ سروے کا کہنا ہے کہ ’’بھارت میں مسلمانوں کی حالت اوسط بھارتی سےبہت بدترہے، مسلمانوں کی اوسط تعلیم دوسرے کمیونٹیز کی نسبت کم ہے،‘‘

بھارت شناختی بحران کاشکارہوچکاہےجہاں مذہبی اورنسلی اقلیتیں اپنی بقاکی جنگ لڑرہی ہیں ، آخرکب تک بھارتی مسلمانوں کوپاکستانی ہونےکے طعنےملتےرہیں گے؟