Author: لئیق الرحمن

راولپنڈی : سیکیورٹی فورسز نے بلوچستان میں آپریشن کرتے ہوئے فتنہ الہندوستان کے 7 دہشت گردوں کو ہلاک کردیا۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ سیکیورٹی فورسز کے بلوچستان میں فتنہ الہندوستان کیخلاف مختلف علاقوں میں دو آپریشنز کے دوران 7 دہشتگردہلاک کر دیے گئے۔

آئی ایس پی آر کا کہنا تھا کہ سیکیورٹی فورسز نے ضلع کچھی کےعلاقے مچھ میں انٹیلی جنس بیسڈ آپریشن کیا۔ فائرنگ کے شدید تبادلے میں 5 بھارتی حمایت یافتہ دہشتگرد مارے گئے۔

فورسز کے ضلع قلات کے علاقے مرگند میں انٹیلی جنس بیسڈآپریشن کے دوران فائرنگ کے شدید تبادلے میں 2 بھارتی حمایت یافتہ دہشتگرد ہلاک ہوئے۔

ترجمان کا کہنا تھا کہ آپریشنز کے دوران ہتھیار، گولیاں اور دھماکا خیز مواد بھی برآمد ہوا، ہلاک دہشت گرد مختلف دہشت گردی کی کارروائیوں میں ملوث تھے۔

مزید پڑھیں : سیکیورٹی فورسز کی مختلف کارروائیاں، فتنہ الہندوستان کے 5 دہشت گرد ہلاک

پاک فوج کے ترجمان نے کہا کہ  فورسز بھارتی حمایت یافتہ دہشت گردوں کے خاتمے کیلئے پرعزم ہیں۔

وزیراعظم شہباز شریف نے بلوچستان میں فتنہ الہندوستان کیخلاف کامیاب آپریشن پر سیکیورٹی فورسز کی پذیرائی کی۔

وزیراعظم نے فتنہ الہندوستان کے 7 دہشت گردوں کو جہنم واصل کرنے پر   فورسز کوخراج تحسین پیش کرتے ہوئے کہا دہشت گردی کی عفریت کے ملک سے خاتمے تک جنگ جاری رکھیں گے، پوری قوم فتنہ النہدوستان کے مذموم عزائم کو ناکام بنانے کیلئے اپنی افواج کے شانہ بشانہ ہے۔

کوئٹہ: فیلڈ مارشل سید عاصم منیر کا کہنا ہے کہ قوم اور بہادر بلوچ عوام کی غیر متزلزل حمایت سے پاک فوج اندرونی ہو یا بیرونی ہر دشمن کو کچل دے گی۔

دورہ کوئٹہ کے موقع پر فیلڈ مارشل جنرل سید عاصم منیر نے اپنے بیان میں کہا کہ جو بھی دشمن ہماری خود مختاری کو چیلنج کرے گا اسے منہ توڑ جواب دیا جائے گا، بھارت کی پراکسی جنگ اب ڈھکی چھپی نہیں رہی، یہ ہماری قوم، ترقی اورامن کے خلاف کھلی دہشتگردی ہے۔

انہوں نے کہا کہ ہمارے پاس بھارتی مداخلت کے واضح ثبوت موجود ہیں، دشمن کے ناپاک عزائم ہر صورت ناکام بنائیں گے، پاک فوج ہر خطرے سے نمٹنے کیلیے مکمل طور پر تیار ہے۔

ان کا کہنا تھا کہ بلوچستان کے امن پر کوئی سمجھوتا نہیں ہوگا، پاکستان کا مستقبل بلوچستان کے استحکام اور خوشحالی سے جڑا ہے۔

دورہ کوئٹہ کے موقع پر وزیر اعظم شہباز شریف اور فیلڈ مارشل سید عاصم منیر نے سکیورٹی فورسز اور قانون نافذ کرنے والے اداروں کی بہادری اور قربانیوں کی ستائش کی۔

وزیر اعظم نے کہا کہ دہشتگردوں، ان کے سہولت کاروں اور مددگاروں کو معاف نہیں کیا جائے گا۔ انہوں نے شہدا کے خاندانوں کو مکمل تعاون کی یقین دہانی کروائی۔

جرگے میں قبائلی عمائدین نے حکومت اور افواج پاکستان کے شانہ بشانہ رہنے کا عزم کرتے ہوئے کہا کہ بلوچستان کی سلامتی، استحکام اور ترقی کیلیے اپنا کردار ادا کرنے کیلیے پرعزم ہیں۔

اس پر وزیر اعظم شہباز شریف کا کہنا تھا کہ مقامی سطح پر رابطے اور شمولیت ضروری ہے تاکہ دہشتگردوں کو کوئی حمایت نہ ملے، دیرپا امن کیلیے دہشتگردی کے خلاف کوششوں کی کامیابی ناگزیر ہے، امن دشمنوں کو پاکستان میں کوئی جگہ نہیں ملے گی۔

شہباز شریف نے کہا کہ حکومت، افواج، قانون نافذ کرنے والے ادارے اور عوام دہشتگردی کے خلاف متحد ہیں، ہمارا پیغام واضح ہے کہ انسداد دہشتگردی کی قومی جنگ کو منطقی انجام تک پہنچائیں گے، بلوچستان میں حکومت کی ترقیاتی اسکیموں کے ثمرات عوام تک پہنچنے چاہیئں۔

انہوں نے بلوچستان کے عوام کی قومی یکجہتی کیلیے قربانیوں کو سراہتے ہوئے کہا کہ بلوچستان کے عوام بھارت کے حمایت یافتہ تخریب کاروں کے خلاف ہوشیار رہیں۔

راولپنڈی: فیلڈ مارشل عاصم منیر کا کہنا ہے کہ بھارت کے ہائیڈرو ٹیرر ازم کے بھیانک نتائج ہوں گے۔

پاک فوج کے شعبہ تعلقات عامہ (آئی ایس پی آر) کے مطابق فیلڈ مارشل سید عاصم منیر نے کمانڈ اینڈ اسٹاف کالج کوئٹہ کا دورہ کیا اس موقع پر کور کمانڈر اور کمانڈنٹ اسٹاف کالج نے ان کا استقبال کیا، انہوں نے کمانڈ اینڈ اسٹاف کالج کے طلبا، افسران اور فیکلٹی سے خطاب کیا۔

فیلڈ مارشل عاصم منیر نے مسلح افواج کی پیشہ ورانہ مہارت کو سراہا، اور شہدا کے اہلخانہ سے مکمل یکجہتی کا اظہار کیا۔

عاصم منیر نے آپریشن بنیان مرصوص کے شہدا کو بھرپور خراج عقیدت پیش کیا۔

انہوں نے معرکہ حق کی کامیابی میں مسلح افواج کی پروفیشنل ازم کی تعریف کی اور عالمی، علاقائی صورت حال پر تفصیلی تبادلہ خیال کیا، بھارت کے پاکستان کے خلاف بلا اشتعال جارحانہ اقدامات پر بھی روشنی ڈالی۔

عاصم منیر نے کہا کہ معرکہ حق کی کامیابی ہمارے قومی عزم کا منہ بولتا ثبوت ہے، قومی قیادت کے ساتھ قوم مادر وطن کے دفاع کے لیے آہنی دیوار بن کر کھڑی ہوئی۔

فیلڈ مارشل نے کہا کہ کسی بھی جارحیت کا بھرپور اور منہ توڑ جواب دیا جائے گا، دہشت گردی کے خلاف جنگ سے توجہ ہٹانے کی ہرسازش کو ناکام بنائیں گے۔

پاک فوج کے سپہ سالار نے کہا کہ جنوبی ایشیا میں استحکام کے لیے تنازع کشمیر کا منصفانہ فوری حل ضروری ہے، بھارت کے ہائیڈرو ٹیرر ازم کے بھیانک نتائج ہوں گے۔

انہوں نے کہا کہ پاکستان میں دہشت گردی کو بھارتی ریاستی سرپرستی مل رہی ہے، قوم کے تعاون سے دہشت گردی کے خلاف جنگ کومنطقی انجام تک پہنچائیں گے۔