آرمی چیف جنرل عاصم منیر نے کمبائنڈ ملٹری اسپتال راولپنڈی کا دورہ کیا، انھوں نے کہا کہ ملکی فوجی تاریخ میں نیا باب رقم ہوا ہے۔
آئی ایس پی آر کی جانب سے جاری بیان میں بتایا گیا کہ چیف آف آرمی اسٹاف سید عاصم منیر نے کمبائنڈ ملٹری اسپتال راولپنڈی کے دورے میں آپریشن بنیان مرصوص اور معرکہ حق میں زخمی ہونے والوں کی عیادت کی، آرمی چیف جنرل عاصم منیر نے فرداً فرداً زخمیوں سے ملاقات کی۔
آرمی چیف نے جوانوں کی غیرمعمولی بہادری، ثابت قدمی کی تعریف کی، انھوں نے کہا کہ شہریوں جوانوں کی بہادری اور قربانیاں پاکستان کی سلامتی کی بنیاد ہیں
انھوں نے کہا کہ پوری قوم مسلح افواج کیساتھ ہے اور بھرپور یکجہتی کا اظہار کرتی ہے، پوری قوم مسلح افواج کے ساتھ پُرعزم یکجہتی کے ساتھ کھڑی ہے، کوئی بھی دشمن پاکستان کی مسلح افواج کےعزم کو ختم نہیں کرسکتا۔
جنرل عاصم منیر نے کہا کہ دشمن کی کوئی سازش مسلح افواج کے جذبے کو کم نہیں کرسکتی، معرکہ حق اور بنیان مرصوص میں ہر پاکستانی کا جذبہ قابل تعریف رہا۔
پاکستان کا بھارت کے خلاف آپریشن بنیان مرصوص کامیابی سے مکمل کر لیا گیا ہے 6 سے 10 مئی تک آپریشنز بنیان مرصوص کا حصہ تھے۔
آئی ایس پی آر کے مطابق خلاف پاکستان کا آپریشن بنیان مرصوص کامیابی سے مکمل کر لیا گیا ہے۔ 6 سے 10 مئی تک کے آپریشنز بنیان مرصوص کا حصہ تھے۔
آئی ایس پی آر کے جاری اعلامیہ میں کہا گیا ہے کہ 22 اپریل سے 10 مئی تک پاک بھارت کشیدگی کو معرکہ حق کا نام دیا گیا ہے۔
ترجمان آئی ایس پی آر کے مطابق بھارتی اشتعال انگیزی سے خواتین، بچے اور بوڑھے شہید ہوئے۔ ہمارے دل اور ہمدردیاں شہدا کے اہلخانہ کے ساتھ ہیں اور زخمی ہونے والوں کی جلد صحتیابی کے لیے دعا گو ہیں۔
آئی ایس پی آر کے مطابق پاکستان نے بھارتی جارحیت کا جواب دے کر اپنے شہیدوں کے خون کا بدلہ لیا اور الحمدللہ پاک افواج نے قوم سے کیا گیا وعدہ پورا کیا۔ مسلح پاک افواج نے بھارتی جارحیت کا منہ توڑ جواب دے کر انصاف کر دکھایا۔
جاری بیان میں مزید کہا گیا ہے کہ قوم کے حوصلے اور دعاؤں نے پاک فوج کو ناقابل شکست قوت دی۔ نوجوان سائبر محاذ کے سپاہی بن کر دشمن کے جھوٹ کا مقابلہ کرتے رہے۔ پاکستانی میڈیا بھی بنیان مرصوص کی طرح بھارتی پروپیگنڈے کے خلاف سیسہ پلائی دیوار بنا۔
سفارتکاروں نے عالمی فورمز پر پاکستان کا مقدمہ جاندار انداز میں لڑا، مقامی سائنسدانوں اور انجینئرز کی ٹیکنالوجی جنگ میں کارگر ثابت ہوئی، تمام سیاسی قیادت نے قومی یکجہتی کا مظاہرہ کیا، وزیراعظم اور کابینہ نے تاریخ ساز فیصلے کئے، آپریشن میں تینوں افواج کی زبردست ہم آہنگی اور جدید حکمت عملی دیکھنے میں آئی
آئی ایس پی آر کے جاری بیان میں پاک فوج کے ہر افسر، جوان، ہواباز اور سیلر کا شکریہ ادا کرتے ہوئے کہا ہے کہ پیشہ ورانہ مہارت، قربانی اور دلیری کی بدولت شاندار کامیابی ممکن ہوئی۔ پاکستان کی بہادر قوم کا بھی دل کی گہرائویں سے شکریہ ادا کرتے ہیں۔
قوم نے مشکل حالات میں مسلح افواج کی غیر متزلزل حمایت کی۔ قوم کے حوصلے اور دعاوں سے ہمارا حوصلہ بلند رہا اور قومی یکجہتی بڑی طاقت بنی۔
آئی ایس پی آر کا مزید کہنا ہے کہ پاکستان آرمی کے فتح سیریز ایف ون اور ایف 2 میزائل نے دشمن کے پرخچے اڑائے۔ پی اے ایف کے جدید ہتھیار، لانگ رینج لوئٹرنگ کلر ڈرونز نے 26 اہداف کو نشانہ بنایا۔ طویل فاصلے تک مار کرنے والی توپوں سے دشمن کے اہداف کو کامیابی سے نشانہ بنایا گیا اور اس آپریشن میں دشمن کی وہ تنصیبات تباہ کی گئیں جو پاکستانی شہریوں کو نشانہ بنانے اور دہشتگردی میں ملوث تھیں۔
آپریشن بنیان مرصوص میں جن مقامات کو نشانہ بنایا گیا، ان میں بھارتی فضائی اڈے شامل تھے۔ سورت گڑھ، سرسا، بُھج، نالیا، آدم پور، بھٹنڈا، برنالہ، حلوارہ میں دشمن کے اڈوں کو تباہ کیا گیا۔ اس کے علاوہ اونتی پورہ، سری نگر، جموں، اودھم پور، ماموں، امبالہ اور پٹھان کوٹھ کے اڈوں کو تباہ کیا گیا۔
بیاس اور ناگرُوٹا میں براہموس میزائلوں کے ذخیرے تباہ کیے گئے۔ آدم پور اور بھج میں نصب ایس 400 دفاعی نظام کو موثر طریقے سے ناکارہ بنایا گیا۔ اس کے علاوہ فیلڈ سپلائی ڈپوپوری اور ریڈار اسٹیشن پونچھ جیسے لاجسٹک سپورٹ مقامات تباہ کیے گئے۔ 10 بریگیڈ اور 80 بریگیڈ کے جی ٹاپ اور نوشہرہ جیسے ہیڈ کوارٹرز کو مکمل تباہ کیا۔
مسلح افواج نے بھرپور جواب دیتے ہوئے ایل او سی پر بھارتی چوکیاں اور توپ خانے تباہ کرکے خاموش کرائے، جن میں اڑی کا فیلڈ سپلائی ڈپو اور پونچھ ریڈار سٹیشن سمیت ملٹری کمانڈ ہیڈ کوارٹرز بھی شامل ہیں، ایل او سی پر جوابی کارروائی دشمن کے سفید جھنڈے لہرانے تک جاری رہی۔
، آپریشن بنیان مرصوص کے دوران پاکستانی ڈرونز نے بھارت کے حساس شہروں بشمول نئی دہلی، گجرات سمیت مقبوضہ کشمیر پر مسلسل پرواز کیں، مسلح فوج کی سائبر کارروائیوں نے بھارتی انفراسٹرکچر کو عارضی مفلوج کیا، بھارت کے ساتھ ساتھ اس کے پراکسیز نے بلوچستان و خیبرپختونخوا میں دہشتگردی بڑھائی تاہم مسلح افواج نے مغربی محاذ پر دہشتگردوں کے خلاف کامیاب جوابی کارروائیاں کیں، معرکہ حق قومی طاقت کے تمام عناصر کی شاندار ہم آہنگی کی مثال ہے، پاکستان کا پیغام واضح ہے کہ جارحیت کا بھرپور اور فیصلہ کن جواب دیا جائے گا، بے شک اللہ بہترین تدبیر کرنے والا ہے
پاکستان اور بھارت ڈی جی ایم اوز کے درمیان ہاٹ لائن پر پہلا رابطہ ہوا ہے۔
اے آر وائی نیوز کے مطابق ذرائع کے مطابق پاک بھارت ڈائریکٹر جنرل ملٹری آپریشنز (ڈی جی ایم اوز) کے درمیان بات چیت کا پہلا راؤنڈ مکمل ہوگیا ہے جس میں بات چیت جاری رکھنے کا امکان ظاہر کیا جارہا ہے۔
رپورٹ کے مطابق رابطے کے دوران دونوں ممالک کے درمیان اعلان کردہ سیز فائر سے متعلق اہم امور پر غور کیا گیا۔
پاکستان اور بھارت کے درمیان 2 روز قبل ہونے والی جنگ بندی کے بعد ڈی جی ایم اوز کا یہ پہلا رابطہ تھا۔
یاد رہے بھارت نے سات اور آٹھ مئی کی درمانی شب پھر دراندازی کی کوشش کی اور اسے ‘آپریشن سندھور’ کا نام دیا گیا ، جس میں شہری آبادی کو نشانہ بنایا گیا اور 31 شہری شہید اور کئی زخمی ہوئے۔
بعد ازاں پاک فوج کی جانب سے بھارت کے کیخلاف آپریشن بنیان المرصوص کا آغاز کیا ، جس میں پاک فضائیہ کے جے ایف سیونٹین تھنڈر نے جدید ترین ایس فور ہنڈریڈ ایئر ڈیفنس سسٹم تباہ کرکے بھارت کی فضائی ڈھال پاش پاش کردی جبکہ ناگروٹا میں براہموس میزائل کا ذخیرہ بھسم کردیا اور پاکستان کے عوام پر حملہ کرنے والی ایئربیسز کو ملیامیٹ کردیا گیا۔
جس کے بعد ہفتے کے روز امریکی صدر ڈونلڈ ٹرمپ ہفتے نے پاکستان اور بھارت کے درمیان جنگ بندی کا اعلان کیا۔
گذشتہ روز ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) لیفٹیننٹ جنرل احمد شریف چوہدری نے واضح طور پر کہا تھا کہ پاکستان نے بھارت کے ساتھ حالیہ فوجی کشیدگی کے دوران کبھی بھی جنگ بندی کی درخواست نہیں کی۔
اسلام آباد: پاکستان نے آپریشن بنيان مرصوص (آہنی دیوار) کے تحت جارحیت کرنے والے بھارت کے دانت کھٹے کر دیے ہیں، اور کئی ایئر فیلڈز تباہ کر دیے گئے ہیں، پاکستان کی اس جوابی کارروائی میں فتح 1 میزائل سسٹم کا نہایت کام یابی سے استعمال کیا گیا ہے۔
فتح 1 گائیڈڈ راکٹ سسٹم 120 کلومیٹر تک ہدف کو نشانہ بنانے کی صلاحیت رکھتا ہے، فتح 1 میزائل جدید نیوی گیشن سسٹم، برق رفتار اور مؤثر نیوی گیشن خصوصیات سے لیس ہے، یہ انتہائی درستگی سے اہداف کو نشانہ بنانے کی صلاحیت کا حامل ہے۔
سیکیورٹی ذرائع کا کہنا ہے کہ آج صبح جوابی کارروائی میں پاکستانی فتح 1 میزائل سسٹم نے دشمن پر قہر ڈھا دیا ہے، اور اس میزائل سسٹم کے ذریعے متعدد بھارتی اہداف کو بالکل درست طور پر نشانہ بنایا گیا، ان حملوں کی ویڈیوز بھی سامنے آئی ہیں، حملے سے دشمن کے متعدد ٹھکانے تباہ اور بھاری نقصان کی اطلاعات ہیں۔
ادھر پاکستان ایئر فورس کے جے ایف 17 تھنڈرکے ہائپر سونک میزائلوں نے آدم پور میں بھارت کا S-400 سسٹم تباہ کر دیا ہے، اس ایئر ڈیفنس سسٹم کی مالیت لگ بھگ 1.5 ارب ڈالر ہے۔
پاکستانی میزائلوں نے راجوڑی میں پاکستان میں دہشت گردی کروانے والے بھارتی ملٹری انٹیلیجینس کا تربیتی مرکز تباہ کیا، بھارت کی ہلوارا ایئر فیلڈ کو بھی تباہ کر دیا گیا ہے، اس سے قبل افواج پاکستان آدم پور، بھٹنڈا، سورت گڑھ، مامون، اکھنور، جموں، سرسہ اور برنالہ کی ایئر بیسز اور فیلڈز کو بھی تباہ کر چکی ہیں۔
بھارتی میڈیا نے بھی پاکستان کے بھارت پر حملوں کا اعتراف کر لیا ہے، بھارتی میڈیا نے پٹھان کوٹ ایئر بیس، پونچھ اور جموں ایئر بیس پر پاکستانی حملوں کا اعتراف کیا، واضح رہے کہ رات کی تاریکی میں بھارتی بزدلانہ حملے کا دن کی روشنی میں بھرپور جواب دیا جا رہا ہے۔
رحیم یار خان: بھارت نے شیخ زید ایئر پورٹ پر بزدلانہ حملہ کر دیا ہے۔
تفصیلات کے مطابق گزشتہ شب بھارتی بزدلانہ حملے کے نتیجے میں شیخ زید انٹرنیشنل ایئر پورٹ کو نقصان پہنچا ہے، بھارت نے پاکستان اور متحدہ عرب امارات کی دوستی کی علامت کو نشانہ بنایا ہے۔
شیخ زید ایئر پورٹ 1993 میں تعمیر کیا گیا تھا، جس کا نام شیخ زید بن سلطان النہیان کے نام پر رکھا گیا، بھارت نے گزشتہ روز ننکانہ صاحب کو بھی نشانہ بنانے کی کوشش کی تھی، جنگی جنون میں مبتلا بھارت کی جانب سے انتہائی شرمناک عمل جاری ہے۔
واضح رہے کہ پاکستان نے بھارتی جارحیت پر آپریشن بُنْيَانٌ مَّرْصُوْصٌ کے تحت جوابی کارروائی شروع کر دی ہے، سیکورٹی ذرائع کا کہنا ہے کہ اس وقت پاکستان کی بھارت کے خلاف جوابی کارروائی جاری ہے۔
پاکستان کی سیاسی و عسکری قیادت نے جواب میں بھارت کی مزید کارروائی پر دو ٹوک ردعمل تیار کر لیا ہے، بھارت نے مزید جارحیت کی تو ہائی ویلیو اہداف کو نشانہ بنایا جائے گا، جوابی حملے کی صورت میں بھارت کے معاشی اہداف بھی نشانے پر ہوں گے، پاکستان کی سیاسی و عسکری قیادت نے سخت انتباہ کیا ہے کہ بھارت نے حرکت کی تو نتائج سنگین ہوں گے۔
سیکیورٹی فورسز کے مطابق وہ تمام بیسز جہاں سے پاکستان کے عوام اور مساجد پر حملے کیے گئے، کو ٹارگٹ کیا جا رہا ہے، آپریشن میں متعدد ٹارگٹ کو نشانہ بنایا جا رہا ہے۔ بھارتی بریگیڈ ہیڈکوارٹر کے جی ٹاپ سمیت سپلائی ڈپو اڑی کو بھی تباہ کر دیا گیا ہے۔
پاکستان نے بھارت کی بھٹنڈہ اور سرسہ ایئر فیلڈز کو تباہ کر دیا ہے۔
تفصیلات کے مطابق پاکستان نے بھارتی جارحیت پر جوابی کارروائی شروع کر دی ہے، سیکورٹی ذرائع کا کہنا ہے کہ اس وقت پاکستان کی بھارت کے خلاف جوابی کارروائی جاری ہے۔
سیکیورٹی ذرائع کے مطابق اس وقت بھارت میں متعدد اہداف کو نشانہ بنایا جا رہا ہے، بھٹنڈہ سے قبل بھارت کی سرسہ ایئر فیلڈ کو بھی تباہ کیا گیا، سرسہ ایئر فیلڈ کی تباہی کی کنفرمیشن انڈین میڈیا نے خود کر دی ہے۔
آپریشن بُنْيَانٌ مَّرْصُوْصٌ کے تحت پاکستان نے بیاس کے علاقے میں براہموس اسٹوریج سائٹ بھی تباہ کر دی ہے، براہموس کی اسٹوریج جہاں سے پاکستان پر میزائل داغے گئے تھے، ایئر بیس ادھم پور کو تباہ کر دیا گیا ہے، پٹھان کوٹ میں ایئر فیلڈ کو بھی تباہ کر دیا گیا ہے۔
سیکیورٹی فورسز کے مطابق وہ تمام بیسز جہاں سے پاکستان کے عوام اور مساجد پر حملے کیے گئے، کو ٹارگٹ کیا جا رہا ہے، آپریشن میں متعدد ٹارگٹ کو نشانہ بنایا جا رہا ہے۔ بھارتی بریگیڈ ہیڈکوارٹر کے جی ٹاپ سمیت سپلائی ڈپو اڑی کو بھی تباہ کر دیا گیا ہے۔
پاکستان کی سیاسی و عسکری قیادت نے جواب میں بھارت کی مزید کارروائی پر دو ٹوک ردعمل تیار کر لیا ہے، بھارت نے مزید جارحیت کی تو ہائی ویلیو اہداف کو نشانہ بنایا جائے گا، جوابی حملے کی صورت میں بھارت کے معاشی اہداف بھی نشانے پر ہوں گے، پاکستان کی سیاسی و عسکری قیادت نے سخت انتباہ کیا ہے کہ بھارت نے حرکت کی تو نتائج سنگین ہوں گے۔
بھارت کی اشتعال انگیزی پر پاکستان کی بھرپور جوابی کارروائیون میں لائن آف کنٹرول پر بھارت کی متعدد پوسٹیں مکمل تباہ کردیں۔
پاکستان نے بھارت کو منہ توڑ جواب دیتے ہوئے ایل او سی پر بھارت کی متعدد پوسٹیں مکمل تباہ کردیں ، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا
پاک فوج نے پھکلیاں سیکٹر میں بھی بھارتی پوسٹیں مکمل تباہ کین ، ایل اوسی پر افواج پاکستان کی توپوں نے بھارتی توپوں کوخاموش کرا دیا۔
بھارتی پوسٹوں کی تباہی کے مناظر کی ویڈیوز بھی سامنے آرہی ہے۔
یاد رہے پاکستان نے بھارتی جارحیت کا جواب نماز فجر کی آذانوں کے ساتھ آپریشن بُنۡیَانٌ مَّرْصُوْص شروع کرکے دیا۔
پاکستان کے فتح 1میزائل سسٹم نے اہداف کو چن چن کر نشانہ بنایا اور دشمن کے متعدد ٹھکانے تباہ کرکے بھاری نقصان پہنچایا، جس کی ویڈیوز بھی جاری کردی گئیں۔
آدم پور ایئرفیلڈ کو تباہ کردیا گیا، آدم پور ایئر فیلڈ سے امرتسر میں سکھوں ،پاکستان ،افغاستان پر میزائل داغےگئےتھے۔
برنالہ اورپٹھان کوٹ ایئربیس بھی ملیامیٹ کردی گئی جبکہ سورت گڑھ اور بھٹنڈہ کی ایئرفیلڈز اور اکھنور کی ایوی ایشن بیس تباہ کردی ۔
ادھم پور میں نہ صرف ایئربیس تباہ کی بلکہ بطور ثبوت ویڈیو بھی جاری کردی ، جس میں ایئربیس کو تباہ ہوتےدیکھا جاسکتا ہے۔
پاکستان کی جوابی کارروائی میں بھارتی دفاعی نظام کے بھی پرخچے اڑادیے گئے، پاک فضائیہ کے جےایف 17 تھنڈر نے آدم پورمیں بھارت کا جدید ترین ایئر ڈیفنس سسٹم ایس 400سسٹم زمین بوس کردیا، اس سسٹم کی مالیت تقریباً 1.5 بلین ڈالر تھی۔
پاک فوج نے دشمن کی عسکری تنصیبات اور سپلائی لائن پر بھی کاری ضرب لگائی اور بھمبر گلی میں بریگیڈ ہیڈکوارٹر کے جی ٹاپ بھی خاک میں ملادیا گیا۔
اڑی میں سپلائی ڈپو اور نگروٹا میں براہموس اسٹوریج سائٹ بھسم کردی گئی جبکہ دہرنگیاری میں آرٹلری گن پوزیشن ملیا میٹ کردیا گیا ۔۔
مقبوضہ کشمیر کے علاقے نوشہرہ اور راجوڑی میں پاکستان میں دہشت گردی کرانیوالے بھارتی ملٹری انٹیلی جنس کے تربیتی مراکز بھی صفحہ ہستی سے مٹادیے گئے۔
آپریشن بُنۡیَانٌ مَّرْصُوْص میں پاکستانی ڈرونز نے بھارتی دارالحکومت دہلی اور مودی کی ریاست گجرات پر پروازیں کیں۔
اسلام آباد: پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
تفصیلات کے مطابق بھارت کا ملٹری سیٹلائٹ جیم کر دیا گیا ہے، سائبر حملے میں بھارت کا ملٹری سیٹلائٹ ناکارہ ہو گیا ہے، جب کہ پچھلے کئی گھنٹوں سے دہلی میں پاکستانی ڈرونز کی پروازیں بھی جاری ہیں، جس سے بھارتی شہریوں میں خوف و ہراس پھیل گیا ہے، مودی کی ریاست گجرات میں بھی پاکستانی ڈرونز کی 3 گھنٹے سے پروازیں جاری ہیں۔
پی اے ایف سائبر ٹیم نے شان دار کارنامہ سرانجام دیتے ہوئے جموں و کشمیر میں بھارتی ایئر فورس کی نارتھ ایئر کمانڈ پر سائبر حملے کیے ہیں، ٹیم نے بھارتی فضائیہ کا سائبر نیٹ ورک مسلسل ڈاؤن کر دیا ہے۔ ادھر بھارتی وزیر اعظم اور بی جے پی کی آفیشل ویب سائٹ بھی ہیک کر لی گئی ہے۔
آپریشن بُنۡیَانٌ مَّرْصُوْص
واضح رہے کہ پاکستان کی بھارتی جارحیت کے خلاف جوابی کارروائی جاری ہے، پاکستان کی جانب سے نماز فجر کے وقت آپریشن ’بُنۡیَانٌ مَّرْصُوْص‘ کا آغاز کیا گیا، آپریشن میں پاک فوج نے بھارت کے علاقے بیاس میں براہموس میزائل اسٹوریج سائٹ کو تباہ کر دیا ہے۔
پاک فوج نے ادھم پور ایئربیس اور پٹھان کوٹ میں ایئر فیلڈ کو ملیامیٹ کر دیا، اس کے علاوہ اڑی سیکٹر میں بھارت کے سپلائی ڈپو کو نیست و نابود کر دیا، جوابی حملے میں بھارت کا بریگیڈ ہیڈ کوارٹرز کے جی ٹاپ کو بھی تباہ کر دیا گیا، آدم پور کی ایئر فیلڈ کو بھی تباہ کر دیا گیا ہے، جہاں سے بھارت نے امرتسر میں سکھوں، پاکستان اور افغاستان پر میزائل داغے گئے تھے۔
وہ تمام بیسز جہاں سے پاکستان کے عوام اور مساجد پر حملے کیے گئے ان کو نشانہ بنایا جا رہا ہے، فوجی ایکشن کے علاوہ بھاررت کی بجلی تنصیبات پر بڑا سائبر اٹیک بھی کیا گیا، پاکستان نے سائبر اٹیک سے بھارت کے 70 فی صد بجلی گرڈ کو ناکارہ کر دیا، پاکستان نے دہرنگیاری میں بھارتی آرٹلری گن پوزیشن اور نگروٹا میں براہموس اسٹوریج سائٹ کو بھی تباہ کر دیا۔
نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں، پاک فوج نے بھارت کی سورت گڑھ ایئر فیلڈ بھی ملیا میٹ کر دی، راجوڑی میں پاکستان میں دہشت گردی کروانے والا بھارتی ملٹری انٹیلیجینس کا تربیتی مرکز اور بھارت کی سرسہ ایئر فیلڈ کو تباہ کر دیا گیا۔
راولپنڈی : بھارت کی جانب سے مسلسل جارحیت کے بعد جوابی کارروائی کرتے ہوئے پاکستان نے ’’ آپریشن بنیان مرصوص ‘‘ جاری ہے، کارروائی کا آغاز صبح اذان فجر کے بعد کیا گیا۔
اس حوالے سے سیکیورٹی ذرائع کا کہنا ہے کہ پاکستان نے بھارتی جارحیت پر باقاعدہ جوابی کارروائی شروع کردی ہے، اس وقت پاکستان کی بھارت کےخلاف کارروائی جاری ہے، بھارت کے آپریشن سندور کے جواب میں پاکستان نے اپن اس کارروائی کو ’’ آپریشن بنیان مرصوص ‘‘ کا نام دیا ہے۔
عربی زبان کے ان الفاظ کا مطلب ’سیسہ پلائی ہوئی دیوار‘ ہے ، اس وقت پاک فوج کی جانب سے بھرپور کارروائی کرتے ہوئے ’’ آپریشن بنیان مرصوص ‘‘ کے تحت بمباری کا سلسلہ جاری ہے، پاکستان بھر میں فضائی دفاعی نظام مکمل طور پر فعال ہے۔
بھارت کا ادھم پور ایئربیس اور پٹھان کوٹ میں ایئر فیلڈ تباہ
پاکستانی افواج نے بھرپور جوابی وار کرتے ہوئے ایئربیس ادھم پور کو تباہ کردیا اس کے علاوہ پاکستان کی جانب سے پٹھان کوٹ میں ایئر فیلڈ کو تباہ کردیا گیا ہے۔اس کے علاوہ بھارت کے علاقے بیاس میں براہموس میزائل اسٹوریج سائٹ بھی تباہ کردی گئی۔
بھارت کا بریگیڈ ہیڈ کوارٹر اور سپلائی ڈپو ملیا میٹ
پاکستان نے بھارت کا بریگیڈ ہیڈ کوارٹر ’کے جی ٹاپ‘ تباہ کردیا اس کے علاوہ پاکستان نے اُڑی میں بھارت کے سپلائی ڈپو کو بھی ملیا میٹ کردیا۔
تازہ ترین اطلاعات کے مطابق اس وقت بھارت میں متعدد اہداف کو کامیابی سے نشانہ بنایا جا رہا ہے، سیکیورٹی ذرائع کا کہنا ہے کہ پاکستان کی جانب سے راولپنڈی میں بھارتی ڈرونز کو گرایا جارہا ہے۔
بھارت کا ادھم پور ائیر فیلڈ تباہ، کئی شہر بجلی سے محروم
ہندوستان کی بجلی تنصیبات پر بڑا سائبر اٹیک کیا گیا ہے، پاکستان نے سائبر اٹیک کرکے ہندوستان کے70 فیصد بجلی گرڈ کو ناکارہ کر دیا، بھارت کے کئی شہر بجلی سے محروم ہوگئے، اس کے علاوہ بھارت کا ادھم پور ائیر فیلڈ تباہ کردیا گیا، یاد رہے کہ ادھم پور ایئر فیلڈ سے امرتسر میں سکھوں، پاکستان اور افغاستان پر میزائل داغے گئے تھے۔
ایک ڈرون سمیت براہموس اسٹوریج سائٹ بھی تباہ
سیالکوٹ کے علاقے برتھ کے قریب ایک اور بھارتی ڈرون مار گرایا گیا،اس کے علاوہ پاکستان نے دہرنگیاری میں بھارتی آرٹلری گن پوزیشن تباہ کردی۔
آپریشن بنیان مرصوص میں بھارت میں متعدد اہداف کو کامیابی سے نشانہ بنایا جارہا ہے، پاک افواج نے نگروٹا میں براہموس اسٹوریج سائٹ کو بھی تباہ کر دیا، نگروٹا میں براہموس اسٹوریج سائٹ تباہ ہونے سے بھاری نقصانات کی اطلاعات ہیں۔
بھارت کی سورت گڑھ ائیرفیلڈ تباہ
تازہ ترین اطلاعات کے مطابق بھارت کی سورت گڑھ ائیرفیلڈ تباہ کردی گئی، اس کے علاوہ بھارت کے دارالحکومت نئی دہلی میں پاکستانی ڈرونز کی پروازیں جاری ہیں۔
بھارت کا مہنگا ترین ایس 400 سسٹم تباہ
پاک فضائیہ نے ادھم پور میں بھارت کا ایس 400 سسٹم تباہ کر دیا، جے ایف 17 تھنڈر کے ہائپر سونک میزائلوں سے ایس 400 سسٹم کو تباہ کیا گیا اس ایئر ڈیفنس سسٹم کی مالیت تقریباً 1.5 بلین ڈالر ہے۔
بھارت کیخلاف آپریشن کا آغاز اذان فجر کے بعد ہوا
سکیورٹی ذرائع کا کہنا ہے کہ فجر کے وقت اذان کے فوری بعد دشمن کے خلاف آپریشن ‘بنیان مرصوص’ کا آغاز کیا گیا اور بھارت پر فتح میزائل فائر کیا گیا۔
سکیورٹی ذرائع کے مطابق پاکستان کی جوابی کارروائی میں فتح ٹو گائیڈڈ راکٹ سسٹم کا استعمال کیا گیا ہے، فتح ٹو گائیڈڈ راکٹ سسٹم 400 کلومیٹر تک اپنے ہدف کو نشانہ بنانے کی صلاحیت رکھتا ہے۔
آپریشن بنیان مرصوص کے تحت بھارت میں مختلف اہداف کو نشانہ بنایا جارہا ہے، بھارت کے علاقے بیاس میں براہموس میزائل اسٹوریج سائٹ تباہ کردی گئی۔
بھارت نے مزید کارروائی کی تو معاشی اہداف نشانے پر ہوں گے
پاکستانی جواب میں بھارت کی مزید کارروائی پر پاکستان کا دوٹوک ردعمل بھی تیار ہے، پاکستان کی سیاسی اور عسکری قیادت نے فیصلہ کیا ہے کہ اگر بھارت نے مزید جارحیت کی تو وہاں ہائی ویلیو اہداف کو نشانہ بنایا جائے گا۔
پاکستان کی سیاسی و عسکری قیادت نے سختی سے متنبہ کیا ہے کہ بھارت کے جوابی حملے کی صورت میں بھارت کے معاشی اہداف بھی نشانے پر ہوں گے، بھارت نے اب اگر کوئی حرکت کی تو اس کے نتائج سنگین بھگتنا ہوں گے
اس کے علاوہ بھارت کی جانب سے کوٹلی آزاد کشمیر میں ایل او سی پر بھارت کی جانب سے اشتعال انگیزی کی گئی جس کے بعد پاک فوج نے بھرپور جوابی کارروائی کی۔
اطلاعات کے مطابق ’آپریشن بنیان مرصوص‘ میں بھارت میں متعدد اہداف کو نشانہ بنایا جا رہا ہے، بھارت کے وہ تمام فوجی اڈے جہاں سے گزشتہ روز پاکستان کے عوام اور مساجد پر حملے کئے گئے تھے پہلے ان کو تباہ کیا جارہا ہے۔
بھارتی وزیر اعظم کی ویب سائٹ ہیک کر لی گئی
بیش تر بھارتی ویب سائیٹس ہیک کر لی گئی ہیں، بھارتی وزیر اعظم نریندر مودی کی و یب سائٹ بھی ہیک کر لی گئی جب کہ بھارت کا ملٹری سیٹلائٹ بھی جیم کر کے ناکارہ بنا دیا گیا ہے۔
پاکستان سائبر اٹیک ٹیم نے بھارتی مہاراشٹرا اسٹیٹ الیکٹرسٹی ٹرانسمیشن کمپنی لمیٹڈ پر سائبر حملہ کیا ہے، پاکستانی سائبر اٹیک ٹیم نے مہاراشٹرا سٹیٹ الیکٹرسٹی ٹرانسمیشن کمپنی لمیٹڈ کو ہیک کر لیا۔
امریکی وزیر خارجہ کا آرمی چیف اور اسحاق ڈار سے رابطہ
پاکستان کے آرمی چیف جنرل عاصم منیر سے امریکی وزیر خارجہ مارکو روبیو نے فون پر رابطہ کیا، امریکا کی جانب سے ایک بار پھر پاک بھارت کشیدگی کم کرنے اور مذاکرات کے لیے تعاون کی پیش کش کی گئی۔
امریکی وزیر خارجہ مارکو روبیو نے کہا فریقین کشیدگی میں کمی کے لیے اقدامات کریں، ترجمان امریکی محکمہ خارجہ نے کہا مارکو روبیو نے تعمیری بات چیت کے لیے مدد کی پیش کش کی ہے۔
اسحاق دار نے امریکی ہم منصب سے کہاکہ گیند اب بھارت کے کورٹ میں ہے، اگر بھارت نے صورتحال کو مزید بڑھایا تو پاکستان نہیں رکے گا۔ بھارت اب حملہ کرے گا تو زیادہ سخت جواب دیا جائے گا۔
وزیر اعظم نے نیشنل کمانڈ اتھارٹی کی میٹنگ طلب کر لی
آپریشن بنیان مرصوم کے بعد وزیر اعظم شہباز شریف نے نیشنل کمانڈ اتھارٹی کا اجلاس طلب کر لیا ہے، جس کی صدارت وزیراعظم شہباز شریف کریں گے۔
دہلی میں پاکستانی ڈرونز کی پروازیں جاری
سکیورٹی ذرائع کے مطابق پاکستانی سائبر ٹیم نے بھارت کا ملٹری سیٹلائٹ جیم کر دیا ہے، جب کہ دہلی میں پاکستانی ڈرونز کی پروازیں کئی گھنٹوں سے جاری ہیں۔
چین کی پاکستان اور بھارت سے تحمل کا مظاہرہ کرنے کی اپیل
چین نے پاکستان اور بھارت سے تحمل کا مظاہرہ کرنے کی اپیل کرتے ہوئے کہا کشیدگی ختم کرنے کیلئے تعمیری کردار ادا کرنے کو تیار ہے، کشیدگی میں کمی لائیں اور سیاسی ذرائع سے پرامن حل کے راستے پر واپس آئیں۔
جی سیون ملکوں کا پاکستان اور بھارت سے مطالبہ
پاکستان کی جانب سے اپنے دفاع کا استعمال کرتے ہوئے آپریشن کے آغاز کے بعد جی سیون ملکوں نے پاکستان اور بھارت سے کشیدگی میں کمی کا مطالبہ کرتے ہوئے کہا کہ دونوں ممالک تحمل کا مظاہرہ کریں۔
جی سیون ممالک نے پُرامن نتائج کیلئے دونوں ممالک کو براہ راست بات کرنے پر زور دیتے ہوئے کہا کہ صورتحال کا قریب سے جائزہ لے رہے ہیں، مسئلے کے تیز اور دیرپا سفارتی حل کیلئے حمایت کا اظہار کرتے ہیں۔
ایل او سی پر بھارت کی متعدد پوسٹیں مکمل تباہ
پاکستان فوج ایل او سی پر بھارت کی متعدد پوسٹیں مکمل تباہ کردیں، ربتانوالی پوسٹ، ڈنہ پوسٹ، خواجہ بھیک کمپلیکس، رنگ کنٹوئر کو تباہ کردیا گیا، پاک فوج نے پھکلیاں سیکٹر میں بھی بھارتی پوسٹیں مکمل تباہ کیں، ایل اوسی پر افواج پاکستان کی توپوں نے بھارتی توپوں کو خاموش کرا دیا۔
پاکستان نے بھارت کی سرسہ ائیرفیلڈ کو تباہ کردیا
سکیورٹی ذرائع کے مطابق راجوڑی میں پاکستان میں دہشتگردی کروانے والا بھارتی ملٹری انٹیلیجینس کا تربیتی مرکز تباہ کردیا گیا جس کی تصدیق انڈین میڈیا نے خود کی ہے۔
بھارتی فوج کا فوجی تنصیبات کونقصان پہنچنے کا اعتراف
بھارتی فوج نے پاکستانی جوابی حملے میں فوجی تنصیبات کو نقصان پہنچنے کا اعتراف کیا ہے، نئی دہلی میں ترجمان بھارتی فوج صوفیہ قریشی نے پریس کانفرنس کرتے ہوئے کہا پاکستان نے پٹھانکوٹ، ادھم پور، بھوج اور آدم پورٹ میں واقع اسٹریٹجک ایئر بیسز پر میزائل حملے کیے ہیں، حملوں سے فوجی تنصیبات سمیت پنجاب کے ایئر بیس اسٹیشن کو نقصان پہنچا ہے۔
بھارت فوج کی ترجمان نے کہا کہ یہ ایک بے مثال اور مربوط حملہ تھا، ہم تصدیق کرتے ہیں کہ پاکستان نے ہماری 26 تنصیبات کو نشانہ بنایا، جن میں فرنٹ لائن ایئربیس بھی شامل ہیں، ہم نے اس "جارحیت کا نوٹس لیا” ہے لیکن اس بات کا اعادہ کیا کہ بھارت تناؤ نہیں چاہتا۔
سیاسی رہنماؤں نے وزیر اعظم کو مکمل تعاون اور یکجہتی کا یقین دلا دیا
وزیر اعظم نے موجودہ صورتحال میں سیاسی جماعتوں کے رہنماؤں بلاول بھٹو زرداری، بیرسٹر گوہر خان، مولانا فضل الرحمان، خالد مقبول صدیقی، حافظ نعیم الرحمان، خالد حسین مگسی اور چوہدری سالک سے ٹیلیفونک رابطہ کیا۔
اس موقع پر شہباز شریف نے کہا کہ افواج پاکستان نے بھارتی جارحیت کا آج مربوط طریقے سے طاقتور جواب دیا، بھارت نے پاکستان پر میزائل اور ڈرون حملے کیے، بھارتی جارحانہ اقدامات کے باوجود پاکستان نے انتہائی تحمل سے کام لیا۔
امریکی وزیر خارجہ کا بھارتی ہم منصب جے شنکر سے رابطہ
مطابق امریکی وزیرخارجہ مارکو روبیو نے جے شنکر سے گفتگو میں دونوں ممالک کو کشیدگی کم کرنے اور براہ راست رابطے بحال کرنے کے طریقے تلاش کرنے کی ضرورت پر زور دیا۔
امریکی وزیر خارجہ نے کہا کہ پاکستان اور بھارت کشیدگی کم کرنے کا طریقہ کار نکالیں اور دونوں ممالک آپس میں بات چیت کا راستہ کھول کر کشیدگی کم کریں۔
سعودی وزیرخارجہ کا پاکستانی ہم منصب سے رابطہ
سعودی وزیرخارجہ نے پاکستان اور بھارت کے وزرائے خارجہ سے رابطہ کیا ہے، سعودی وزیر خارجہ نے بھی دونوں ممالک سے کشیدگی کم کرنے پر زور دیا ہے۔
سعودی وزیر خارجہ نے کہا کہ سعودی عرب خطے میں امن اور استحکام کا خواہاں ہے، دونوں ممالک کے ساتھ قریبی اور دوستانہ روابط ہیں۔
بھارت کا شیخ زید انٹرنیشنل ایئر پورٹ پر بزدلانہ حملہ
گزشتہ شب بھارتی بزدلانہ حملے کے نتیجے میں شیخ زید انٹرنیشنل ایئر پورٹ کو نقصان پہنچا ہے، بھارت نے پاکستان اور متحدہ عرب امارات کی دوستی کی علامت کو نشانہ بنایا ہے۔
شیخ زید ایئر پورٹ 1993 میں تعمیر کیا گیا تھا، جس کا نام شیخ زید بن سلطان النہیان کے نام پر رکھا گیا، بھارت نے گزشتہ روز ننکانہ صاحب کو بھی نشانہ بنانے کی کوشش کی تھی، جنگی جنون میں مبتلا بھارت کی جانب سے انتہائی شرمناک عمل جاری ہے۔
پاکستان کی جوابی کارروائی میں فتح 1 گائیڈڈ راکٹ سسٹم کا استعمال
سیکیورٹی ذرائع کا کنا ہے کہ پاکستان کی اس جوابی کارروائی میں فتح 1 میزائل سسٹم کا نہایت کام یابی سے استعمال کیا گیا ہے۔
فتح 1 گائیڈڈ راکٹ سسٹم 120 کلومیٹر تک ہدف کو نشانہ بنانے کی صلاحیت رکھتا ہے، فتح 1 میزائل جدید نیوی گیشن سسٹم، برق رفتار اور مؤثر نیوی گیشن خصوصیات سے لیس ہے، یہ انتہائی درستگی سے اہداف کو نشانہ بنانے کی صلاحیت کا حامل ہے۔
پاکستان اور بھارت کے درمیان پہلا ٹیلیفونک رابطہ، برطانوی میڈیا
برطانوی میڈیا کا کہنا ہے کہ بھارت کے آپریشن سندور اور پاکستان کے آپریشن بنیان موصوم کے بعد پاکستان اور بھارت کے درمیان پہلا ٹیلیفونک رابطہ ہوا ہے، دونوں ممالک کے درمیان بڑھتی کشیدگی کے بعد یہ پہلا رابطہ ہے۔
راولپنڈی : پاک فوج نے وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیئے، اب تک دشمن کے پینتیس ڈرونز تباہ کیے جاچکے ہیں۔
اے پی پی کے مطابق پاک فوج دراندازی کرنے والے بھارتی ڈرونز کو چن چن کر نشانہ بنارہی ہے، وہاڑی، پاکپتن اور اوکاڑہ میں اسرائیلی ساختہ 6 بھارتی ڈرون تباہ کردیے گئے۔
سیکیورٹی ذرائع نے بتایا کہ ایک ڈرون وہاڑی ، ایک پاکپتن جبکہ 4 ڈرونز کو اوکاڑہ میں تباہ کیا گیا، اب تک دشمن کے پینتیس ڈرونز تباہ کیے جاچکے ہیں۔
ڈی جی آئی ایس پی آر کا کہنا ہےتمام ڈرونز مسلسل ریڈارپر مانیٹر کئے جا رہے تھے، پاکستان کا دفاعی نظام اور ایئر ڈیفنس سسٹم دشمن کے حملے مسلسل ناکام بنا رہا ہے، ہروپ ڈرون کی ٹریکنگ سے واضح ہے پاکستان کادفاعی اور ایئرڈیفنس سسٹم انتہائی مضبوط ہے۔
ہمارے ایئرڈیفنس سسٹم میں اتنی صلاحیت ہے کہ چھوٹے ڈرونز بھی ٹریک کرلیتا ہے، جب بھی ڈرون آتا ہےتو وہ مسلسل ریڈار پر دیکھا جارہا ہوتا ہے،شہری علاقوں،کمرشل فلائٹس کی موجودگی میں ڈرون مار گرانے کا آپریشنل طریقہ کارہے۔
یاد رہے گذشتہ روز بھارت کی جانب سے بھیجے گئے ڈرونز کے ذریعے متعدد بار پاکستانی حدود کی خلاف ورزیاں کیں، جنہیں پاک فوج نے مؤثر جواب دیتے ہوئے ناکام بنایا تھ۔ا۔
ترجمان پاک فوج نے بتایا تھا کہ پاک فوج نے مجموعی طور پر 29 اسرائیلی ڈرون مار گرائے، جس میں سے ایک ڈرون ٹارگت پر پہنچا جس سے 4 فوجی زخمی ہوئے، بھارتی ڈرونز حملے میں تین سویلینز کی شہادت ہوئی اور 4 زخمی ہوئے۔
ترجمان کا کہنا تھا کہ بھارت کو اپنے سنیما سے نکل کر حقیقی دنیا میں آنا ہوگا، دنیا کو بے وقوف بنانا بند کرے، 18ویں نہیں 21ویں صدی ہے جہاں ہر پروجیکٹائل اپنی ڈیجیٹل پاتھ چھور جاتا ہے۔
