Author: نعیم حنیف

لاہور: مسلم لیگ ن کی قیادت نے سینئر رہنما جاوید لطیف کو شوکاز نوٹس جاری کر کے الزامات کے ثبوت مانگ لیے۔

اے آر وائی نیوز کے مطابق مسلم لیگ ن کی جانب سے جاوید لطیف کو شوکاز نوٹس جاری کیا گیا، جس میں کہا گیا ہے ہ جاویدلطیف نے ایک ٹی وی شو میں قیادت پر جھوٹے الزامات عائد کیے۔

رپورٹ کے مطابق مسلم لیگ ن کے سیکریٹری جنرل احسن اقبال کی جانب سے شوکاز نوٹس بھیجا گیا ہے۔

شوکاز نوٹس کے متن میں درج ہے کہ ’جھوٹے اور من گھڑت الزامات پارٹی ڈسپلن کی خلاف ورزی ہے، مسلم لیگ ن جمہوری اقدار کی علم بردار ہے، ن لیگ کے قائد کو اپنے شانہ بشناہ کھڑے ساتھیوں پر فخر ہے‘۔

شوکاز نوٹس میں لکھا گیا کہ ’ن لیگ تمام ترسازشوں کے باوجود اب بھی متحد و منظم ہے، کنٹونمنٹ الیکشن میں جیت بھی پارٹی اتحاد اور مقبولیت کا منہ بولتا ثبوت ہے، پارٹی میں روایت کے مطابق سب کو اظہارِ رائے کا مکمل موقع فراہم کیا جاتا ہے، اس لیے ٹی وی شوز میں پارٹی ڈسپلن کی خلاف ورزی ناقابل قبول ہے‘۔

جاوید لطیف کو ہدایت کی گئی ہے کہ وہ شوکاز نوٹس کا جواب 7 دن میں جمع کرائیں اور اپنی سزا کا تعین بھی خود کریں۔

دوسری جانب مسلم لیگ ن کے سینئر رہنما اور رکن قومی اسمبلی رانا ثنا اللہ نے جاوید لطیف کو شوکاز نوٹس بھیجنے کی تصدیق کی اور کہا کہ وہ باعزت طریقے سے نوٹس وصول کر کے اس کا جواب دیں۔

رانا ثنا اللہ نے کہا کہ ’سیاست میں گفتگو کے دوران باتیں آگے پیچھے ہوجاتی ہیں،جو بھی بات قواعد سے ہٹ کرکی اُس کی وضاحت دینی چاہیے،جاویدلطیف کی وضاحت سے پہلے بیان پر بات کرنا مناسب نہیں ہے‘۔

اُن کا کہنا تھا کہ ’پارٹی کے صدر کسی بھی رہنما، کارکن کو شوکاز نوٹس جاری کرنے کا فیصلہ کرتے ہیں، شہبازشریف فیصلےسے پہلےقائدن لیگ سےمشورہ کرتے ہیں، یہ نوٹس بھی مشاورت کے بعد جاری کیا گیا،  مفاہمت اور مزاحمت کے درمیان کوئی لڑکی ہے اور نہ ہی کوئی معاملہ ہے، لاہور: مفاہمت اورمزاحمت اس لئے ہے کہ الیکشن شفاف ہوں، اگر مفاہمت سے حق مل گیا تو مزاحمت کی ضرورت پیش نہیں آئے گی‘۔

لاہور: جشن آزادی کے روز گریٹر اقبال پارک میں پیش آئے واقعے میں مزید پیش رفت ہوئی ہے۔

اے آر وائی نیوز کے مطابق لاہور پولیس نے متاثرہ خاتون عائشہ اکرم کے دوست ریمبو کو شامل تفتیش کرنے کا فیصلہ کیا ہے، ریمبو اور عائشہ مل کر ٹک ٹاک ویڈیوز بناتے ہیں۔

ذرائع کا کہنا ہے کہ ٹک ٹاکر ریمبو عائشہ کو مینار پاکستان پر لے کر گیا تھا، واقعے کے بعد ریمبو اپنے فون سے مختلف لوگوں سے بات کراتا رہا، عائشہ کے اہلخانہ بھی ریمبو کے سخت خلاف تھے۔

ذرائع کے مطابق ریمبو کچھ عرصہ سے عائشہ کے گھر پر مقیم تھا، عائشہ کا سوشل میڈیا اکاؤنٹ بھی ریمبو چلاتا ہے، دونوں نے واقعے کی رات سڑک پر گزاری۔

مزید پڑھیں: مینار پاکستان واقعہ: متاثرہ لڑکی کی میڈیکل رپورٹ میں اہم انکشافات

عائشہ تمام شوبز سرگرمیاں ریمبو کے مشورے سے کرتی ہے، ریمبو نے ٹک ٹاکر عائشہ سے کچھ عرصہ سے گلوکاری بھی کرارہا ہے، بطور گلوکارہ عائشہ کی آواز میں گیت بھی سامنے آیا ہے۔

یاد رہے کہ 14 اگست کے روز مینار پاکستان پر موجود خاتون عائشہ اکرم کو وہاں موجود 400 افراد کی جانب سے تشدد، جنسی حملے اور لوٹ مار کا نشانہ بنایا گیا تھا۔ واقعے کی ویڈیوز سوشل میڈیا پر آنے پر پولیس نے 3 روز بعد مقدمہ درج کیا تھا۔

گزشتہ رات گئے لاہور پولیس نے راوی روڈ، بادامی باغ، لاری اڈا اور شفیق آباد کے علاقوں میں چھاپہ مار کارروائیاں بھی کی ہیں اور 15 افراد کو حراست میں لے کر تھانہ لاری اڈا منتقل کردیا۔

پولیس کا کہنا ہے زیر حراست افراد کے موبائل نمبرز کی 14 اگست کی لوکیشن ٹریس کی جائے گی اور زیر حراست افراد کو ویڈیوز میں نظر آنے والے ملزمان سے میچ کیا جائے گا۔

لاہور: کالعدم تحریک لبیک پاکستان (ٹی ایل پی) اور حکومتی کمیٹی کے مذاکرات کے دو دور ہوئے جس میں ڈیڈ لاک برقرار ہے۔

اے آر وائی نیوز کی رپورٹ کے مطابق کالعدم ٹی ایل پی سے مذاکرات کے تیسرے دور میں وزیر داخلہ شیخ رشید اور نور الحق قادری شرکت کریں گے جبکہ مذاکرات کے دو ادوار کی تفصیلات سامنے آگئیں۔

کالعدم ٹی ایل پی نے 12 پولیس اور ایک رینجرز اہلکار کو رہا کردیا، ٹی ایل پی کی جانب سے اسلحہ اور سامان واپس کیا گیا تاہم پیٹرول ٹینکر دینے سے انکار کردیا گیا۔

ذرائع کے مطابق مذاکرات کاروں نے سعد رضوی اور کارکنان کی رہائی کا تاحال مطالبہ نہیں کیا، ٹی ایل پی رہنماؤں کا کہنا ہے کہ حکومت اپنے معاہدے پر عمل کرے۔

مزید پڑھیں: سعد رضوی سے علما کی ملاقات، اندرونی کہانی سامنے آگئی

ذرائع کا کہنا ہے کہ کالعدم ٹی ایل پی معاہدے کی پاسداری اور سفیر کو نکالنے کے مطالبے پر قائم ہے، رہنماؤں کا کہنا ہے کہ معاہدے پر عمل نہ ہوا تو لائحہ عمل طے کریں گے۔

حکومت سے مذاکرات میں پیش رفت نہ ہوئی تو ٹی ایل پی کل مارچ کا اعلان کرسکتی ہے، ممکنہ مارچ کی صورت میں حکومت نے اقدامات شروع کردیے۔

ضلعی انتظامیہ کی ہدایت پر مختلف مقامات کو ایک بار پھر سیل کردیا گیا، ہیوی مشینری اور کنٹینرز فیض آباد کے مقام پر پہنچا دیے گئے، ڈبل اور شمس آباد سے آئی جے پی روڈ جانے والا لنک روڈ بھی بند کردیا گیا، ممکنہ احتجاج کے پیش نظر مزید علاقے بھی سیل کرنے کا فیصلہ کیا گیا ہے۔

لاہور: پاکستان ڈیموکریٹک موومنٹ (پی ڈی ایم) کے حوالے سے حکمت عملی طے کرنے کے لیے مسلم لیگ ن  کے اجلاس میں مریم نواز اور حمزہ شہباز میں اختلافات پیدا ہوگئے، دونوں نے ایک دوسرے کے خلاف سخت جملوں کا استعمال بھی کیا۔

نمائندہ اے آر وائی نیوز کو مسلم لیگ ن کے ذرائع سے موصول ہونے والی اطلاع کے مطابق پی ڈی ایم کے حوالے سے حکمت عملی مرتب کرنے کے حوالے سے مسلم لیگ ن کا اجلاس ہوا، جس میں شریف خاندان کی اہم شخصیات اور پارٹی رہنماؤں نے شرکت کی جبکہ نواز شریف ویڈیو لنک کے ذریعے شریک تھے۔

ذرائع کے مطابق اجلاس میں پی ڈی ایم اور پارٹی سیاست سے متعلق حکمت عملی مرتب کرنے کے دوران رہنماؤں میں اختلاف ہوا۔ مریم نواز نے حمزہ شہباز کی سیاست پر تنقید کی جس پر نواز شریف نے بیٹی سے ناراضی کا اظہار کیا جبکہ حمزہ شہباز نے اس کا بھرپور انداز میں جواب دیا۔

مزید پڑھیں: ’پی پی آئے تو ٹھیک ورنہ لانگ مارچ ہر صورت ہوگا‘: مولانا اور نوازشریف کا اتفاق

اس موقع پر حمزہ شہباز شریف نے کہا کہ ’اگر ہمیں اسی طرح سیاست کرنی ہے تو مسلم لیگ (ن) تقسیم ہوجائےگی، میرے سیاسی استاد نوازشریف ہیں تو میں کس طرح سے ایسی (جارحانہ) سیاست کرسکتا ہوں‘۔

مریم نواز کے  اعتراض پر حمزہ شہباز کا کہنا تھا کہ ’اگر آپ میری طرز سیاست پر اعتراض کررہی ہیں تو آپ اپنے والد پر اعتراض کررہی ہیں‘۔

نوازشریف نے مریم نواز کو بات کرنے سے روکتے ہوئے کہا کہ ’خاموش ہوجاؤ اور حمزہ شہباز سیاست سیکھو‘۔  اجلاس میں نوازشریف کی باربار برہمی کے باوجود جب معاملہ نہ سنبھلا تو  نوازشریف اپنی نشست چھوڑ کر چلے گئے۔ ذرائع کے مطابق اجلاس کےدوران مریم نواز اور حمزہ شہباز میں تلخ جملوں کاتبادلہ بھی ہوا۔ ذرائع نے یہ بھی بتایا کہ نوازشریف نے شاہد خاقان عباسی کو پیپلزپارٹی سے مذکرات کرنے اور انہیں اسمبلی سے استعفوں پر آمادہ کرنے کا اہم ٹاسک بھی دیا۔