Author: نعیم اشرف بٹ

لاہور : پی ٹی آئی بانی رکن اورمعروف قانون دان حامد خان کا کہنا ہے کہ چیئرمین پی ٹی آئی سے کہا تھا قمرباجوہ کو چھوڑدیں وہ اب ریٹائرہوگئے ہیں، بات کو نہ بڑھائیں۔

تفصیلات کے مطابق پی ٹی آئی بانی رکن اور معروف قانون دان حامد خان نے اے آر وائی نیوز کو خصوصی انٹرویو دیتے ہوئے کہا کہ 9مئی واقعات کو چیئرمین پی ٹی آئی سے نہیں جوڑسکتےوہ تو زیرحراست تھے۔

معروف قانون دان نے بتایا کہ اب جوسلطانی گواہ بننے کو تیار ہیں یہ وہ لوگ ہیں جواسی لیےپالے جاتے ہیں، یہ لوگ پہلے کہتے تھے یہ نہیں ہوا، اب کہتے ہیں یہ ہوا ہے تو ان کی کیا کریڈیبلٹی ہے۔

حامد خان کا چیئرمین پی ٹی آئی سے گفتگو کے بارے میں بتاتے ہوئے کہنا کہ چیئرمین پی ٹی آئی سے کہا تھا عدلیہ، الیکشن کمیشن سے نہ بگاڑیں لیکن اسوقت پی ٹی آئی چیئرمین کو جو مشورے دینے والے تھے وہ بات بڑھاتے تھے ، میرے سامنے تو چیئرمین اتفاق کرتے تھے لیکن بعد میں آنیوالے معاملہ الجھا دیتے تھے۔

ان کا مزید بتانا تھا کہ چیئرمین پی ٹی آئی سے کہا تھا قمرباجوہ کو چھوڑدیں وہ اب ریٹائرہوگئے ہیں ، غیرضروری لوگوں کے نام لے کر بات کو نہ بڑھائیں۔

انتخابات کے حوالے سے پی ٹی آئی بانی رکن نے کہا کہ پی ٹی آئی بڑی جماعت ہے اس کے بغیر انتخابات کی کوئی ساکھ نہیں ہوگی۔

نواز شریف کا حوالہ دیتے ہوئےحامد خان نے کہا کہ نواز شریف جب زیرعتاب تھے تو اس وقت ان کی جماعت کو الیکشن میں پوری آزادی تھی، میاں صاحب کی طرح پی ٹی آئی سربراہ کو چیئرمین نہ بھی مانیں پھربھی وہی اتھارٹی ہیں۔

ان کا مزید کہنا تھا کہ 2008 کی وکلا تحریک کی طرح وکلا میں کچھ بظاہر ہمارے ساتھ ہیں مگر اندر سے نہیں، ہمیں ایسے لوگوں کا پتہ ہے، کچھ وکلا چہرہ چھپانے کیلئے 90 دن میں الیکشن کا کہتے ہیں۔

اسلام آباد : سابق وفاقی وزیر اطلاعات محمد علی درانی نے مفاہمت کے پہلے سی بی ایمز کا اعلان کرتے ہوئے کہا پاکستان، جمہوریت اور فوج میرے پہلے سی بی ایمز ہیں،ان تینوں کو متنازع نہ بنایا جائے۔

تفصیلات کے مطابق سابق وفاقی وزیر اطلاعات محمد علی درانی نے مفاہمت کے پہلے سی بی ایمز کا اعلان کر دیا۔

محمد علی درانی نے کہا کہ پاکستان، جمہوریت اور فوج میرےپہلے سی بی ایمز ہیں، ان تینوں کو متنازع نہ بنایا جائے، ہر قسم کی لڑائی سے باہر لے آئیں اور پاکستان پرکوئی ایسا ماحول پیدا نہ کیا جائے جس سے اسکی سالمیت کو خطرہ ہو۔

سابق وفاقی وزیر نے کہا کہ دوسری چیز جمہوریت ہے ، یہ ملک جمہوری عمل سے وجود میں آیا، ہم جمہوریت پر سوال نہیں اٹھاسکتے اس کی راہیں متعین کرناپارلیمنٹ کی ذمہ داری ہے، جمہوریت کا چلتا رہناہی پاکستان کی بقا کی علامت ہے۔

ان کا کہنا تھا کہ تیسرا سی بی ایم ہماری فوج ہے، اگر مشکل ترین حالات میں دشمن میلی آنکھ سے نہیں دیکھ رہا تو وہ فوج کے طاقتورہونے سےہے، ہماری سیاسی جماعتوں،عوام کو کلیئر ہونا چاہیےکہ ان 3کوالگ کر کےسیاست کرنی ہے۔

محمد علی درانی نے مزید بتایا کہ یہ سی بی ایمزاس ٹکراؤ کے ماحول میں ٹھنڈی ہواکا جھونکا ہوں گے، ان تین چیزوں پرکیاکسی کوکوئی اعتراض ہوگا، پہلے خرابی اس لیےہوئی کیونکہ ان تینوں کااستحصال کرنے کی کوشش ہوئی، اگر ان تین چیزوں کو تقدس دیں تو ملک مضبوط اورعوام کی عزت ہوگی۔

انھوں نے کہا کہ جس دن سےمیں نے مفاہمت کی آوازنکالی ہےکامیابی ہی نظرآرہی ہے، اگرخاموشی کو رضا سمجھاجائے تواس میں سب کی رضا شامل ہے۔

سابق وفاقی وزیر کا کہنا تھا کہ میں ملاقات کو ذریعہ ضرور سمجھتا ہوں لیکن اسکواپنابینچ مارک نہیں بناناچاہتا، الیکشن اسوقت تک شفاف نہیں ہوگاجب تک عوامی مقبولیت والےاس میں شامل نہ ہوں، اگر ملک،جمہوریت،فوج کی عزت کرنی ہے تواس کو نہ کرکے کونسے آپ بڑے ہوجائیں گے۔

اسلام آباد : سابق وفاقی وزیر اطلاعات محمد علی درانی کا کہنا ہے کہ مجھے پتہ ہے پی ٹی آئی چیئرمین کیا کریں گے ، جب چن چڑھےگا تو سب دیکھ لیں گے۔

تفصیلات کے مطابق سابق وفاقی وزیر اطلاعات محمد علی درانی نے اے آر وائی نیوز کو خصوصی انٹرویو دیتے ہوئے چیئرمین پی ٹی آئی کے حوالے سے بتایا کہ میں ان سب سے زیادہ پی ٹی آئی چیئرمین کو جانتا ہوں، مجھے پتہ ہے وہ کیا کریں گے ، جب چن چڑھےگا تو سب دیکھ لیں گے۔

محمد علی درانی نے بتایا کہ مثبت نتائج کا امکان نہ ہوتا تو میں نکلتا ہی نہیں، میاں صاحب کو کہا تھا آپ امپائر کے سر پر گیند ماریں گے تو پی ٹی آئی چیئرمین نے آؤٹ نہیں ہونا، میں اب بھی یہی کہہ رہا ہوں امپائرکو گیند مارنے سے نقصان ہوگا۔

سابق وفاقی وزیر اطلاعات نے کہا کہ پی ٹی آئی میں کسی کو پتہ ہی نہیں کس نے کیا پوزیشن لےرکھی ہے، کچھ کردار ایسے ہوتےہیں جوٹکراؤپیدا کرکے اپنی اہمیت بتاتےہیں ،جو پھڈا ڈالنا چاہتےہیں ان سےدرخواست ہےکہ پیڑنہ گنیں آم کھائیں۔

انھوں نے بتایا کہ صدرعلوی سے ملاقات کا بیک گراؤنڈ پی ٹی آئی کے زیرعتاب لوگ تھے، صدر سے پہلے تحریک انصاف کے ان لوگوں سے ملا جوپارٹی کیساتھ کھڑےہیں، مشکلات میں پھنسے پی ٹی آئی کےلوگوں نےمجھے بتایا وہ مفاہمت چاہتے ہیں، ان میں اکثروہ ہیں جن کو میں نےخود پی ٹی آئی چیئرمین کےحوالےکیاتھا۔

لاہور : سابق وفاقی وزیر اطلاعات محمد علی درانی کا کہنا ہے کہ شہبازشریف سے جیل میں ملاقات کی تو کہا آپ کو فوج سے نہیں لڑنا چاہیے، جو مؤقف شہبازشریف کا تھا اسی طرح کا مثبت مؤقف عارف علوی کا ہے۔

تفصیلات کے مطابق سابق وفاقی وزیر اطلاعات محمد علی درانی نے اے آر وائی نیوز کو خصوصی انٹرویو دیتے ہوئے کہا کہ جمعہ کو پہلے سی بی ایمز اعتماد کی بحالی کے نکات کا اعلان کروں گا، یہ سی بی ایمز ان لوگوں کی ترجمانی کریں گے، جوتحریک انصاف میں ہیں اور کرائسز میں ہیں۔

محمد علی درانی نے بتایا کہ عارف علوی سے میری اور پھر آرمی چیف سےملاقات کےبعدحالات میں بہتری آئی، آئندہ چند دنوں میں انہی کی طرف سے معاملات کو آگے بڑھانےکیلئےکام ہوگا.

سابق وفاقی وزیر اطلاعات کا کہنا تھا کہ شہبازشریف سے جیل میں ملاقات کی تو کہا آپ کو فوج سے نہیں لڑنا چاہیے، جو مؤقف شہبازشریف کا تھا اسی طرح کا مثبت مؤقف عارف علوی کا ہے، شہبازشریف نےکہامیں پارٹی قیادت کا پابند ہوں تومیں نےکہا ہم بھی حق بات کے پابند ہیں، سیاستدان پر کراس صرف عوام لگا سکتے ہیں۔

بلاول کے بیانات سے متعلق انھوں نے کہا کہ بلاول کو والد سے معذرت کرنی چاہیے وہ جیسا بھی ہے ملک کا صدر رہا ہے، میرے ان سے اختلافات اپنی جگہ میں مر کر بھی ان کی جماعت میں نہ جاؤں۔

محمد علی درانی نے مزید کہا کہ لوگ مجھے کہتےہیں کہ تم صلح کراتے کراتے آخری نوابزادہ نصراللہ بن رہےہو۔

لاہور : موجودہ عوامی مسائل میں مسلم لیگ نون کے سینیٹرز کی جانب سے سینٹ اجلاس بلانے کی ریکوزیشن جمع کروانے کی سخت مخالفت کا انکشاف ہوا۔

تفصیلات کے مطابق نون لیگ نے موجودہ حالات میں سینیٹ اجلاس طلب کرنے کے لیے پیپلزپارٹی کی جانب سے ریکوزیشن جمع کروانے کی تجویز کی سخت مخالفت کی۔

ذرائع نے بتایا کہ چند روز قبل جب پیپلزپارٹی نے سینیٹ اجلاس بلانے کے لیے ریکوزیشن جمع کروانے کی تجویز دی تو لیگ سینیٹرز نے ایسا کرنے سے منع کرتےہوئے کہا ۔کہ موجودہ حالات میں اجلاس بلایا گیا تو پی ٹی ائی والے ہمیں کچا چبا جائیں گے۔

تاہم پیپلزپارٹی کے اصرار پر نون لیگ نےریکوزیشن جمع کروانے پر مشروط امادگی ظاہر کی ۔۔۔۔اور ایجنڈے سے دیگر عوامی مسائل کو نکال کر ۔۔۔صرف۔۔۔جڑانوالہ واقعے پر بحث تک محدود کردیا۔

پیپلزپارٹی کے سینٹر نے اے اروائی نیوز کو بتایا کہ ہم تو بجلی، چینی ، پٹرول سمیت تمام عوامی ایشوز کو ایجنڈے میں شامل کرنا چاہتے تھے۔۔

ذرائع کےمطابق پی ڈی ایم اور اتحادی جماعتوں کے سینیٹرز کے مشترکہ واٹس ایپ گروپ میں بھی نون لیگ نے سینیٹ اجلاس طلب کرنے کی مخالفت کی تھی، اس لئے ابھی تک ریکوزیشن پر چیرمین سینیٹ نے اجلاس طلب نہیں کیا۔