Author: نعیم اشرف بٹ

لاہور : پی ڈی ایم کے ترجمان حافظ حمد اللہ نے نگراں وزیراعظم کو خبردار کرتے ہوئے کہا کہ انوارالحق کاکڑ پھونک پھونک کاقدم رکھیں ورنہ منزل اٹک یا اڈیالہ ہوگی۔

تفصیلات کے مطابق پی ڈی ایم کے ترجمان حافظ حمد اللہ نے اے آر وائی نیوز کو خصوصی انٹرویو دیتے ہوئے بلوچستان نگراں حکومت سے متعلق کہا کہ بلوچستان نگراں حکومت کے ایک وزیرکاتعلق ڈی جی خان سے ہے، کیا بلوچستان کی 2 کروڑ 30 لاکھ آبادی میں بھی آپ کو 11 یا 14 بندے نہیں ملے، جو بھی یہ کررہا ہے وہ جمہوریت کے ساتھ ٹھیک نہیں کررہا۔

آفیشل سیکرٹ اور آرمی ایکٹ بل کے تنازع سے متعلق سوال پر انھوں نے کہا ہ اتفاق کرتا ہوں بلز پر صدر کے ساتھ حکومت بھی انکوائری نہیں کرارہی ، صدر اور حکومت کس کی خدمت کررہےہیں سپریم کورٹ بھی نوٹس نہیں لےرہی۔

حافظ حمداللہ نے نگراں وزیراعظم کو مخاطب کرتے ہوئے کہا کہ انوار صاحب، آنکھیں بند کرکےدستخط کرنا آپ کو جیل لے جاسکتا ہے، نگراں وزیراعظم خود کو صاف شفاف انتخابات تک محدود رکھیں۔

ترجمان پی ٹی ایم نے نگران حکومت کو خبردار کیا کہ اگرا نتخابات آگےپیچھے ہوئے تو پھر ان کا اختتام بھی اڈیالہ یا اٹک ہوگا، کرسی نے کبھی کسی سے وفاداری نہیں کی، انوارکاکڑ پھونک پھونک کرقدم رکھیں۔

لاہور : پیپلزپارٹی کے رہنما ندیم افضل چن کا کہنا ہے کہ تاریخ میں چاچے مامے فارغ ہوتے دیکھے ہیں، ن لیگ میں عوامی لوگ الیکشن چاہتے ہیں اور کھمبے والے الیکشن سے ڈرتے ہیں۔

تفصیلات کے مطابق پیپلز پارٹی کے سینیئر رہنما ندیم افضل چن نے اے آر وائی نیوز سے خصوصی گفتگو کرتے انتخابات کے حوالے سے کہا کہ انتخابات میں زیادہ تاخیریاکوئی اورسسٹم لایاگیا تو سیاسی طاقتیں اکٹھی ہوں گی ، لگتا ہے کسی کو نوابزادہ نصراللہ والا کردار ادا کرکے سیاسی قوتوں کو اکٹھا کرنا پڑے گا۔

ندیم افضل چن کا کہنا تھا کہ اسوقت نوابزادہ نصراللہ والا کردار صرف آصف زرداری ادا کرسکتےہیں، آصف زرداری واحد شخصیت ہیں جن کی ہرجماعت دوسری سےضمانت مانگتی ہے ، مستقبل میں کسی کو اکٹھا کرکے اتحاد کرنا ہوا تو اس کا محور آصف زرداری ،نوازشریف ہوں گے۔

انھوں نے کہا کہ پیپلزپارٹی ہرصورت الیکشن مانگے گی اورکافی لوگ انکےساتھ مل جائیں گے، سیاستدان کچھ آرام کریں،غیرسیاسی نگراں سسٹم لایاگیاہےہمیں اعتراض نہیں، اس سے پہلے بھی بڑےٹیکنوکریٹ،امپورٹڈوزیراعظم آئےلیکن بہتری نہیں آئی۔

پی پی رہنما کا کہنا تھا کہ ابھی سیاسی قیادت خاموش ہے لیکن سیاسی جماعتوں کواکٹھاہونےمیں وقت نہیں لگتا، ن لیگ میں عوامی لوگ الیکشن چاہتے ہیں اور کھمبے والے الیکشن سے ڈرتےہیں، اب اس ملک میں سیاست نہیں مینجمنٹ ہورہی ہے۔

ندیم افضل چن نے شہبازشریف سے متعلق سوال پر جواب میں کہا کہ تاریخ میں چاچے مامے فارغ ہوتےدیکھے ہیں، ن لیگ میں عوامی لوگ الیکشن چاہتے ہیں اور کھمبے والے الیکشن سے ڈرتےہیں، اب اس ملک میں سیاست نہیں مینجمنٹ ہورہی ہے۔

سابق دور حکومت سے متعلق ان کا کہنا تھا کہ شہزاد اکبر نےمیرےسامنے190ملین پاؤنڈوالابند لفافہ لہرایا کہا بحث نہیں کرنی، آج سارے انقلابی باتیں کررہے ہیں اس وقت کسی نےبندلفافے کی مخالفت نہیں کی، کابینہ کےسارے ارکان کو پتہ تھا یہ دونمبری ہے لیکن کسی نےانکار نہ کیا۔

سابق معاون خصوصی نے مزید نے بتایا کہ اسدعمر سمیت کچھ وزرا نےتوکہا پریس کانفرنس کرکے کریڈٹ لینا چاہیے اتنی رقم واپس آرہی ہے لیکن اسوقت کےوزیراعظم نے کہا رہنےدیں بحث نہ کریں، اس وقت وہی ہوتا تھا جو شہزاد اکبر اور اعظم خان چاہتےتھے۔

ان کا کہنا تھا کہ اب تو کابینہ ریکارڈنگ ہوتی ہےفیصل واوڈا اکثر بہتر اورکھل کر بات کرتے تھے، فیصل واوڈا کہتے تھے شاہ محمود اور اسد عمر غلط مشورے دےرہےہیں، فیصل واوڈا کابینہ میں سب کےسامنے کہتاتھا کچھ لوگوں نے شیروانیاں سلوا رکھی ہیں، فیصل واوڈا کی بات پرکوئی نہیں بولتا تھاکیونکہ غصہ تووہ کرےجس میں کرنٹ ہو۔

لاہور : ڈی آئی جی شارق جمال کی پراسرارموت کامعمہ حل ہوگیا، فرانزک ایجنسی کا کہنا ہے کہ ممنوعہ ادویات کا استعمال ان کی موت کا سبب بنی۔

تفصیلات کے مطابق فرانزک ایجنسی نے ڈی آئی جی شارق جمال کی پراسرارموت کامعمہ حل کرلیا، ذرائع نے بتایا ہے کہ ڈی آئی جی شارق جمال کی موت ممنوعہ ادویات کے استعمال سے ہوئی۔

ذرائع کا کہنا تھا کہ ڈی آئی جی شارق جمال کے دل کی شریانیں بھی بند تھیں ، ممنوعہ ادویات کے استعمال اور شریانیں بند ہونے سے دل کا دورہ پڑا۔

ذرائع نے مزید کہا کہ شارق جمال کے جسم سے کسی قسم کے زہر کے شواہد نہیں ملے۔

یاد رہے جولائی میں ڈی آئی جی لاہور شارق جمال نشتر تھانے کی حدود میں واقع فلیٹ میں مردہ پائے گئے تھے جب کہ ان کی رہائش تھانہ ڈیفنس اے کے علاقے فیز فور میں تھی۔ لاش ملنے کے بعد پولیس نے شواہد جمع کرنے کے بعد مذکورہ فلیٹ کو سیل کر دیا تھا۔

پولیس نے وقوعہ کے بعد ایک مرد اور ایک خاتون کو حراست میں لیا تھا، جنہیں تفتیش کے لیے سی آئی اے سینٹر منتقل کیا گیا تھا جہاں زیر حراست خاتون نے بتایا تھا کہ شارق جمال کا اہلیہ سے تنازع تھا اور وہ دوست کے فلیٹ میں رہائش پذیر تھے۔

لاہور : قائمہ کمیٹی خزانہ کے سربراہ اور سینئر ن لیگی رہنما قیصر احمد شیخ نے ن لیگ اور پیپلزپارٹی کو ایک صوبے کی جماعتیں قرار دے دیا۔

تفصیلات کے مطابق قائمہ کمیٹی خزانہ کے سربراہ اور سینئر ن لیگی رہنما قیصراحمدشیخ نے اے آر وائی نیوز کو خصوصی انٹرویو دیتے ہوئے کہا کہ چارٹرآف اکانومی یہی ہے کہ ن لیگ نے سندھ اور پیپلزپارٹی نےپنجاب نہیں آنا۔

قیصراحمد شیخ کا کہنا تھا کہ ملک تب آگےبڑھتاہےجب سیاسی جماعت کےووٹ ہرصوبےمیں ہوں، ملک کو ہم نےآگےبڑھانا ہےتوہماری پارٹیوں میں جمہوریت ہونی چاہیے۔

سینئر ن لیگی رہنما نے کہا کہ کسی بھی پارٹی میں جمہوریت نہیں اورعوام کےپاس آپشن بھی کیاہیں، جوسندھ کی جماعت ہے اس کے ووٹ سندھ کے ہی ہیں، دوسرےصوبوں میں نہیں، اسی طرح جوپنجاب کی پارٹی ہےوہ سندھ میں کوئی سیٹ نہیں لےسکتی۔

ان کا کہنا تھا کہ میں کراچی رہتا ہوں اور اپنی جماعت کو بہت کہتا ہوں کراچی آئیں، اپنی پارٹی کوکہتا ہوں کراچی میں آپ کے لیے موقع ہے اس لیے یہاں آئیں لیکن شاید کوئی انڈراسٹینڈنگ ہے پیپلزپارٹی سے کہ یہاں ن لیگ کوشش نہیں کرتی۔

سربراہ قائمہ کمیٹی خزانہ نے مزید کہا کہ ن لیگ کی سندھ میں کوئی دلچسپی نہیں حالانکہ کراچی اتنابڑا شہر ہے ، مریم نواز سے کہا ہے آپ کراچی آئیں ہم یہاں سے نشستیں نکال سکتے ہیں۔

لاہور : وزیراعظم کے مشیر اور پیپلزپارٹی کے سینئر رہنما قمر زمان کائرہ نے نگراں سیٹ اپ کے لیے تحریک انصاف سے مشورے کی تجویز دے دی۔

تفصیلات کے مطابق وزیراعظم کے مشیر اور پیپلزپارٹی کے سینئر رہنما قمر زمان کائرہ نے اے آر وائی نیوز کو خصوصی انٹرویو میں نگراں سیٹ اپ کے لیے تحریک انصاف سے مشورے کی تجویز دے دی۔

پیپلزپارٹی کے سینئر رہنما نے کہا کہ سیاسی طور پر پی ٹی آئی بالکل نگران سیٹ اپ کے لیےاسٹیک ہولڈر ہے۔

قمر زمان کائرہ کا کہنا تھا کہ مشاورتی عمل کے لیے تو آئین 2 لوگوں کا کہتا ہے لیکن باقی جماعتیں کیا جماعتیں نہیں، پی ٹی آئی سمیت دیگر جماعتوں کے خیالات کو بھی ساتھ لیکر چلنا چاہیے۔

وزیراعظم کے مشیر نے کہا کہ ایسے فیصلے کریں جو ان کو بھی قابل قبول ہوں یا کم سے کم اعتراض نہ ہو، اگرپی ٹی آئی حکومت یا کسی کےزیرعتاب ہےتوبالکل نہیں ہوناچاہیے۔

ان کا مزید کہنا تھا کہ ہرجماعت کو لیول پلئنگ فیلڈ ملنی چاہیے اورپیپلزپارٹی کو توہمیشہ نہیں ملی، عدالتی حکم نہ ہو تو ہر جماعت کو الیکشن میں حصہ لینے کا اختیار ہے، پارٹیاں بنتی اورٹوٹتی رہتی ہیں جوہمارےملک کی بدقسمتی ہے۔