Author: نعیم اشرف بٹ

لاہور: وزیراعلیٰ پنجاب پرویز الہیٰ کی جانب سے اعتماد کے ووٹ لینے کی اندرونی کہانی اے آر واے وائی نیوز نے حاصل کرلی۔

ذرائع کے مطابق وزیراعلیٰ پنجاب کی جانب سے اعتماد کا ووٹ لینے کے باوجود پنجاب اسمبلی کی تحلیل کا تاحال فیصلہ نہیں کیا گیا۔

ذرائع نے کہا کہ گزشتہ شب پرویزالہٰی نے حکومتی ایم پی ایز کو معاملات آگےلیکر چلنے کا کہا، کچھ ارکان اسمبلی کو ترقیاتی فنڈز و دیگروعدوں پراعتماد کے ووٹ پر راضی کیا گیا، پرویز الہیٰ نے ارکان اسمبلی کو کہا کہ امید دلاتا ہوں کہ آئندہ آپکے محکمانہ کام تیزی سےہونگے

ذرائع کے مطابق اسمبلی اجلاس میں ایم پی ایز کی اکثریت نے فوری اسمبلی تحلیل کرنے کی مخالفت کرتے ہوئے کہا کہ اتنی مشکل سےدوبارہ اعتماد کا ووٹ لیاہےتو کچھ عرصہ حکومت کرنی چاہیے، پی ٹی آئی کے رکن اسمبلی نے کہا کہ کوئی ایم پی اے اس لئے نہیں آیا کہ اگلے روز اسے توڑدیں۔

ذرائع کا مزید کہنا تھا کہ وزیراعلیٰ کی عمران خان سےملاقات میں بھی اسمبلی تحلیل کا فیصلہ نہیں ہواتھا،عمران خان سے آج وزیراعلی کی ملاقات میں اسمبلی کی تحلیل کےحوالے سےحتمی فیصلہ ہوگا۔

چوہدری شجاعت حسین کے صاحبزادے چوہدری سالک حسین نے دعویٰ کیا ہے کہ نواز شریف اپریل میں وفاق میں تبدیلی کے بعد انتخابات نہ کرانے پر نالاں ہیں۔

چوہدری سالک حسین نے اے آر وائی نیوز کو خصوصی انٹرویو دیتے ہوئے کہا ہے کہ نواز شریف گزشتہ سال اپریل میں وفاقی حکومت کی تبدیلی کے بعد انتخابات نہ کرانے پر نالاں ہیں۔ انہوں نے مجھے بتایا تھا کہ وہ فوری انتخابات کے حق میں تھے تاہم کچھ قوانین میں تبدیلیاں کرنی تھیں جس کے باعث تاخیر ہوئی۔

سالک حسین کا کہنا تھا کہ موجودہ حکومت ایسی تبدیلیاں چاہتی تھی جس سے دوبارہ سیاسی انتقام کا نشانہ نہ بنیں۔ کچھ ایسے اتحادی بھی تھے جو فوری انتخابات کرانے کے مخالف تھے۔

انہوں نے کہا کہ اسٹیبلشمنٹ سے ملاقاتوں کیلیے شجاعت اور پرویز الہٰی اکٹھے جاتے تھے۔ تاریخ اٹھا کر دیکھ لیں، ہمیشہ جس سے بھی ملے دونوں اکٹھے ہی ملے۔ ہو سکتا ہے آخر میں پرویز الہٰی سے کوئی علیحدہ رابطہ ہوا ہو لیکن اس بات پر مجھے شک ہے کہ پرویز الہٰی کو کہا گیا ہو کہ شجاعت حسین کو نہیں بتانا۔ اگر کسی نے پیغام ہی دینا تھا تو دونوں کو اکٹھے بلا کر بھی پیغام دیا جا سکتا تھا۔

چوہدری سالک کا کہنا تھا کہ سیاست میں ہمیشہ صلح اور دوبارہ الحاق کے امکانات ہوتے ہیں۔ جب تک پی ٹی آئی کے ساتھ ہیں وہ نہیں چاہتے صلح ہو۔ پرویز الہٰی تحریک انصاف کو چھوڑ دیں تو ان کے لیے آسانی ہوگی۔ وہ واپس آنا چاہیں تو چوہدری شجاعت کی پی ڈی ایم والے اتنی عزت تو کریں گے۔

یہ بھی پڑھیں: پرویز الہٰی کے اعتماد کا ووٹ لینے پر نواز شریف اور مریم نواز سخت برہم

ان کا کہنا تھا کہ پہلے بھی تو پی ڈی ایم شجاعت حسین کی وجہ سے ہی وزارت اعلیٰ دینے پر راضی تھی۔ پرویز الہٰی اور مونس کی موجودگی میں ن لیگ سے سیٹ ایڈجسٹمنٹ پر بات بھی ہو رہی تھی۔

لاہور: عمران خان حملہ کیس کی تفتیش کرنے والی جے آئی ٹی سے متعلق اہم انکشاف سامنے آیا ہے۔

ذرائع کے مطابق جوائنٹ انٹروگیشن ٹیم نے وزیرآباد میں چیئرمین پی ٹی آئی کے حقیقی آذادی مارچ پر ہونے والی فائرنگ سے متعلق ابھی تک گرفتار ملزمان سے کسی قسم کی تفتیش ہی نہیں کی ہے۔

ذرائع نے بتایا کہ جےآئی ٹی کے ایک رکن نے ملزم نوید کے پاس جانےسے ہی انکار کردیا، انہوں نے موقف اپنایا کہ یہ ہائی پروفائل کیس ہے، کچھ ہوگیا تو یہ نہ کہا جائے کہ میں ملزم سے ملا تھا۔

ذرائع کا کہنا ہے کہ جےآئی ٹی کےکنوینراور ایک رکن ہی ملزم سےتفتیش کررہےہیں۔

واضح رہے کہ غلام محمود ڈوگر عمران خان حملہ کیس کی جے آئی ٹی کے سربراہ ہیں۔

یہ بھی پڑھیں: عمران خان پر قاتلانہ حملے کی تحقیقات، جےآئی ٹی نے کام روک دیا

دوسری جانب سابق وزیر اعظم عمران خان پر حملے کے کیس میں جوائنٹ انویسٹیگیشن ٹیم نے عبوری چالان تیار کرنا شروع کردیا ہے۔

جے آئی ٹی نے ملزم نوید کی ویڈیوز پر مشتمل علیحدہ رپورٹ تیار کی ہے،جے آئی ٹی رپورٹ کے مطابق ملزم نوید کی پہلی ویڈیو مقامی سینئر پولیس افسر کے موبائل سے بنائی گئی تھی۔

رپورٹ کے مطابق ملزم کی دوسری ویڈیو پر سی ٹی ڈی کا مؤقف بھی اطمینان بخش نہیں ہے۔

مشیر داخلہ پنجاب عمر سرفراز چیمہ نے کہا ہے کہ اس بات کی تصدیق ہوگئی ہے کہ عمران خان پر حملے میں 3 لوگ ملوث تھے۔

مشیر داخلہ پنجاب عمر سرفراز چیمہ نے اے آر وائی نیوز کو خصوصی انٹرویو دیتے ہوئے کہا ہے کہ اس بات کی تصدیق ہوچکی ہے کہ سابق وزیراعظم عمران خان پر حملے میں 3 افراد ملوث تھے۔ دوسرا حملہ آور نوید کے سامنے والی بلڈنگ اور تیسرا دائیں جانب والی بلڈنگ میں تھا۔

عمر چیمہ نے کہا کہ تینوں حکمہ آوروں کے مختلف گنز سے 22 خول ملے ہیں۔ تیسرے حملہ آور والی بلڈنگ سے 30 بور کے 9 خول ملے۔

مشیر داخلہ کا کہنا تھا کہ وفاق میں بیٹھے لوگ پہلے ہی کیس پر اثر انداز ہو رہے ہیں ہماری کوشش ہے کہ جب تک ہم حکومت میں ہیں تمام ثبوت ریکارڈ پر لے آئیں اور جتنی جلدی ہو عمران خان حملہ کیس کا عبوری چالان جمع کرا دیں۔

یہ بھی پڑھیں: عمران خان حملہ کیس، جے آئی ٹی نے عبوری چالان تیار کرنا شروع کر دیا، ذرائع

ان کا کہنا تھا کہ نون لیگ والے ریکارڈ چوری کرنے اور آگ لگوانے میں ماہر ہیں لیکن ہم بھی تمام ٹھوس شواہد جلد عدالت میں جمع کرائیں گے۔ جب چیزیں آن ریکارڈ لے آئیں گے تو پھر ان کے لیے ثبوت بگاڑنا مشکل ہوگا۔

لاہور: وزیر اعلیٰ پنجاب پرویز الٰہی کے ایوان سے اعتماد کا ووٹ لینے سے متعلق تحریک انصاف میں مختلف آرا سامنے آگئیں۔

ذرائع کے مطابق تحریک انصاف کے چند رہنما عدالتی فیصلے سے قبل وزیر اعلیٰ پنجاب کے اعتماد کا ووٹ لینے کے مخالف ہیں۔ قبل ازوقت اعتماد کے ووٹ کی مخالفت کرنے والوں میں چند صوبائی رہنما بھی شامل ہیں۔

ان کا کہنا ہے کہ جب تک معاملہ عدالت میں چل رہا ہے اعتماد کا ووٹ نہ لیا جائے۔

مزید برآں ابھی تک کسی ایم پی اے کو 2 جنوری کی پارلیمانی پارٹی میٹنگ کی دعوت نہیں دی گئی۔ اعتماد کے ووٹ کے لیے 7 ایم پی ایز پر شک کیا جا رہا ہے جن میں 4 خواتین ارکان بھی شامل ہیں۔

اس کے علاوہ چند مرکزی رہنما ہر صورت اعتماد کا ووٹ لینے اور اسمبلی توڑنے کے حامی ہیں۔ ایم پی ایز کی دستیابی دیکھ کر حتمی فیصلہ چیئرمین پی ٹی آئی عمران خان کریں گے۔