Author: نعیم اشرف بٹ

وزیراعلیٰ پنجاب چوہدری پرویز الہیٰ نے پاکستان تحریک انصاف کے چیئرمین عمران خان کو مشورہ دیا ہے کہ اسمبلیاں 3 ماہ بعد تحلیل کی جائیں۔

موجودہ سیاسی صورتحال میں پاکستان تحریک انصاف کے مرکزی سیکریٹری اطلاعات فواد چوہدری نے عمران خان اور چوہدری پرویز الہٰی سے ملاقاتیں کیں جس کا اندرونی احوال اے آر وائی نیوز نے حاصل کرلیا ہے۔

ذرائع نے بتایا ہے کہ وزیراعلیٰ پنجاب چوہدری پرویز الہٰی نے ملاقات میں فواد چوہدری سے کہا کہ صوبے میں ترقیاتی کام جاری ہیں جن کی تکمیل کے لیے 3 ماہ درکار ہیں۔

پرویز الہٰی کا کہنا تھا کہ ہماری طرف سے اسمبلیاں توڑنے سے انکار نہیں چاہیے کل توڑ دیں لیکن اس سے ترقیاتی منصوبے متاثر ہوں گے اور وہ ادھورے رہ جائیں گے۔

وزیراعلیٰ پنجاب سے فواد چوہدری سے کہا کہ اگر تین ماہ بعد اسمبلی توڑی جائے تو یہ بہتر فیصلہ ہوگا۔

ذرائع کے مطابق فواد چوہدری نے وزیراعلیٰ پنجاب چوہدری پرویز الہٰی کا پیغام اپنے پارٹی چیئرمین کو پہنچایا تو عمران خان نے کہا کہ اگر اسمبلیاں توڑنے میں تاخیر کی گئی تو ملک دیوالیہ ہو جائے گا۔

ذرائع کا کہنا ہے کہ عمران خان اپنے اسی موقف پر قائم ہیں کہ ملک کو درپیش مسائل کا حل فوری انتخابات ہی ہیں۔

لاہور: پاکستان مسلم لیگ (ق) اور پی ٹی آئی کے درمیان جاری بیان بازی نے نیا تنازعہ پیدا کردیا ہے۔

تفصیلات کے مطابق پاکستان تحریک انصاف کے نائب صدر اور سینیٹر اعجاز چوہدری کی جانب سے دئیے گئے بیان پر ترجمان پرویز الہیٰ نے سخت ردعمل کا اظہار کیا ہے۔

اپنے بیان میں ترجمان پرویز الہیٰ نے اعجاز چوہدری کو احسان فراموش شخص قرار دیتے ہوئے کہا کہ یہ وہی چوہدری پرویز الہیٰ ہیں جن سے آپ نے سینیٹر بننے کے لئے ووٹ مانگے تھے۔

ترجمان پرویز الہیٰ کا کہنا تھا کہ اس وقت اعجاز چوہدری پرویز الہیٰ کے آگے روتے تھے کہ میری مدد کریں کیونکہ اعجاز چوہدری کے پاس تو سینیٹر کے لیے ووٹ ہی نہ تھے، یہ پرویز الہیٰ ہی تھے جن کی مرہون منت اعجاز چوہدری کو بلا مقابلہ سینیٹر بنے۔

یہ بھی پڑھیں: چوہدری صاحبان کی ساری سیاست اسٹیبلشمنٹ کی مرہون منت ہوتی ہے،نائب صدر پی ٹی آئی

اس سے قبل تحریک انصاف کے مرکزی نائب صدر سینیٹر اعجاز چوہدری نے اے آر وائی نیوز کو دئیے گئے خصوصی انٹرویو میں چوہدری برادران کے حالیہ بیانات پر سخت ردعمل کا اظہار کیا تھا۔

انہوں نے کہا کہ چوہدری صاحبان کی ساری سیاست اسٹیبلشمنٹ کی مرہون منت ہوتی ہے، وہ سیاسی اقدامات بغیر پوچھے نہیں کرتے، پرویزالہٰی وہی فیصلہ کریں گے جو انہیں کہا جائے گا، چوہدری صاحب سے پوچھنا چاہیے کہ انکی کونسی بات کو درست مانا جائے۔

سینیٹر اعجاز چوہدری کا کہنا تھا کہ کہ پرویزالہیٰ کا بیانیہ تحریک انصاف کےبیانیے سے متصادم ہے، وزیراعلیٰ پنجاب ایسی باتیں نہ کریں جو سپورٹرز کو بھلی نہ لگ رہی ہوں،چوہدری صاحب کے لیے بہتر ہوگا کہ وہ اس طرح کےبیانات نہ دیں، ق لیگ کےبیانیےسےپی ڈی ایم کو فائدہ ہورہاہے۔

لاہور: تحریک انصاف کے مرکزی نائب صدر سینیٹر اعجاز چوہدری کا کہنا ہے کہ پرویزالہیٰ ،مونس الہی کے حالیہ بیانات نظریہ ضرورت کے تحت ہیں، چوہدری صاحب جو بھی چاہ رہے ہیں قوم دیکھ رہی ہے۔

 اے آر وائی نیوز کو دئیے گئے خصوصی انٹرویو میں تحریک انصاف مرکزی نائب صدر سینیٹر اعجاز چوہدری نے چوہدری برادران کے حالیہ بیانات پر سخت ردعمل کا اظہار کیا۔

انہوں نے کہا کہ چوہدری صاحبان کی ساری سیاست اسٹیبلشمنٹ کی مرہون منت ہوتی ہے، وہ سیاسی اقدامات بغیر پوچھے نہیں کرتے، پرویزالہٰی وہی فیصلہ کریں گے جو انہیں کہا جائے گا، چوہدری صاحب سے پوچھنا چاہیے کہ انکی کونسی بات کو درست مانا جائے۔

یہ بھی پڑھیں:  ہمیں راستہ دکھانے کیلیے اللہ نے باجوہ صاحب کو بھیجا، پرویز الٰہی

سینیٹر اعجاز چوہدری نے واضح کیا کہ پرویزالہیٰ کا بیانیہ تحریک انصاف کےبیانیے سے متصادم ہے، وزیراعلیٰ پنجاب ایسی باتیں نہ کریں جو سپورٹرز کو بھلی نہ لگ رہی ہوں،چوہدری صاحب کے لیے بہتر ہوگا کہ وہ اس طرح کےبیانات نہ دیں، ق لیگ کےبیانیےسےپی ڈی ایم کو فائدہ ہورہاہے۔

اے آر وائی نیوز سے خصوصی گفتگو میں نائب صدر پی ٹی آئی نے دو ٹوک الفاظ میں کہا کہ تحریک انصاف اورعمران خان کا فیصلہ اٹل ہے،پرویزالہیٰ ،مونس الہی کے حالیہ بیانات نظریہ ضرورت کے تحت ہیں،وہ پیغامات دے رہےہیں کہ ہماری طرف دیکھیں۔

اعجاز چوہدری کا کہنا تھا کہ پرویزالہیٰ اور مونس الہیٰ کے بیانات سے راہ عامہ کو مثبت پیغام نہیں جارہا، چوہدری صاحب جو بھی چاہ رہےہیں قوم دیکھ رہی ہے۔

وزیراعلیٰ پنجاب کو دئیے گئے ووٹوں پر پی ٹی آئی کے نائب صدر کا کہنا تھا کہ ہمیں تو کسی نےاشارہ نہیں دیا تھا،ہمارے ہی ایم پی ایزنے پرویزالہیٰ کوووٹ دیئے،پرویزالہیٰ نے شکریہ ادا کرنا ہےتو عمران خان کاکریں جنہوں نےوزیراعلیٰ بنایا۔

تحریک انصاف کے 5 ارکان اسمبلی نے اسمبلی تحلیل کرنے پر رائے دے دی۔

چیئرمین پی ٹی آئی عمران خان کی زیرصدارت پنجاب کی پارلیمانی پارٹی کا اجلاس جاری ہے جس میں اسمبلیوں سے مستعفی ہونے اور تحلیل کرنے سے متعلق آپشنز پر غور کیا جائے رہا ہے۔

اجلاس میں ملکی سیاسی صورتحال اور اسمبلیوں سے باہر آنے کی حکمت عملی ترتیب دی جارہی ہے۔

اے آر وائی نیوز کے ہیڈ آف انویسٹی گیشن سیل نعیم اشرف بٹ نے اپنے ذرائع کے حوالے سے بتایا ہے کہ 5 ارکان اسمبلی نے اسمبلی تحلیل کرنے پر رائے دی ہے جس میں سے 3 ایم پی ایز نے کہا الیکشن کمیشن پر اعتبار نہ کریں۔

ذرائع کے مطابق ان ایم پی ایز کا کہنا تھا کہ ہم آپکے ساتھ ہیں مگریہ نہ ہو کہ اسمبلی توڑ دیں اور الیکشن نہ ہوں، ہوسکتا ہے کہ الیکشن کمیشن انتخابات ہی نہ کرائے پہلے سب کچھ دیکھ لیں پھر ہی اسمبلی توڑیں۔

ذرائع کا کہنا ہے کہ عمران خان نے ارکان کی رائےدیکھ کر کہا ڈویژن سطح پردوبارہ ملیں گے۔