Author: نعیم اشرف بٹ

اسلام آباد : پیپلزپارٹی کے شریک چیرمین آصف زرداری نے وزیراعظم شہباز شریف کو فوری طور پر حکومت نہ چھوڑنے کا مشورہ دیتے ہوئے کہا بڑی محنت سے آپ کو وزیراعظم بنایا ہے۔

تفصیلات کے مطابق وزیراعظم شہبازشریف سے دو بڑی اتحادیوں جماعتوں کے رہنماؤں آصف زرداری اور فضل الرحمان سے ملاقاتوں کی اندرونی کہانی سامنے آگئی۔

ذرائع کا کہنا ہے کہ پیپلزپارٹی کے شریک چیرمین آصف علی زرداری سے ملاقات میں وزیراعظم شہباز شریف نے بتایا کہ نواز شریف اور ان کی جماعت چاہتی ہے کہ سخت فیصلوں کےلیے فریش مینڈیٹ اور لانگ ٹرم حکومت چاہیے ہوگی۔

جس پر آصف زرداری نے کہا ابھی فوری طور پر حکومت نہیں چھوڑنی چاہیے، آپ کو بڑی محنت سے وزیراعظم بنایا ہے اب اپ حوصلے سے بڑے فیصلوں کے لیے درمیانی راستہ نکالیں ، جس کے لیے ہم آپ کا ساتھ دیں گے۔

دوسری جانب مولانا فضل الرحمان نے اپنی پارٹی پالیسی کے مطابق فوری انتخابات کےحوالے سے نوازشریف کےموقف کی مشروط حمایت کردی۔

مولانا فضل الرحمان نے کہا کہ اگر فوری انتخابات میں جانا ہے تو نیا مینڈیٹ ہوناچاہیے مگر کچھ ضروری یقین دہانیاں بھی لینا پڑیں گی جبکہ دوسری جماعتوں میں بھی اتفاق رائےپیدا کرنےکےبعد ہی ایسا فیصلہ لینا چاہیئے۔

لاہور : مسلم لیگ ن کے قائد نوازشریف نے وزیراعظم شہبازشریف کو اتحادیوں کو فوری انتخابات پر امادہ کرنے کی ہدایت کردی۔

تفصیلات کے مطابق مسلم لیگ ن کے قائد نوازشریف نے وزیراعظم شہباز شریف کو اتحادیوں کو انتخابات پر آمادہ کرنے کا ٹاسک دے دیا اور کہا اتحادیوں کو بتائیں معیشت سنبھالنے کے لیے نیا مینڈیٹ چاہیے۔

نوازشریف نےPMکواتحادیوں کو انتخابات پر امادہ کرنےکا ٹاسک دیا.سخت فیصلےاسوقت کیےجاتےہیں جب تدارک بھی ہو، فیصلےکروانے ہیں توپھر یقین دہانی انتخابات 2023میں ہوں گے،اگرعمران خان کو کنٹرول نہیں کیاجاسکتا تو پھرہمیں فوری انتخابات میں جانا ہوگا، نوازشریف۔ فیصلہ اتحادیوں کی آمادگی پر ہوگ pic.twitter.com/kQyA7j9dZ4

— Naeem Ashraf Butt (@naeemashrafbut3) May 16, 2022

ذرائع نون لیگ نے بتایا کہ عالمی اداروں سےگفتگو اور بڑے فیصلوں کے لیے لانگ ٹرم حکومت ضروری ہے۔

نواز شریف کاکہنا ہے کہ سخت فیصلے اسوقت کیے جاتے ہیں جب کچھ عرصےبعد اسکا تدارک بھی ہوسکے، یہ نہیں ہوسکتا کہ ہم سخت فیصلے بھی کریں اور چار ماہ بعد انتخابات بھی کروادیےجائیں۔

انھوں نے کہا کہ سخت فیصلے کرانے بھی ہیں تویقین دہانی کرائی جائے کہ انتخابات 2023میں ہوں گے۔

نون لیگ کے قائد کا کہنا تھا کہ اگرعمران خان کو 2023 تک کنٹرول کیا جائے تو پھر ہی ہم بڑے فیصلے کریں گے ورنہ فوری انتخابات ہی موجودہ بحران کا حل ہے۔

ذرائع کے مطابق نوازشریف نے ہدایت کی حتمی فیصلہ اتحادیوں سے مشاورت اور امادگی کےبعد ہی ہوگا اور یہ اپشن بھی دی جائےگی کہ اگر اتحادی جماعتوں میں سے کسی کو واضح اکثریت نہ مل سکی تو موجودہ سیٹ اپ کی طرح انتخابات کے بعد مخلوط حکومت بھی بنائی جاسکتی ہے۔

ذرائع کا کہنا ہے کہ اس بات پر بھی غور کیاجارہا ہے کہ نگراں سیٹ اپ کے دورانیے کو بڑھایا جائے تاکہ کچھ بڑے فیصلے فوری کیے جاسکیں۔

لاہور : مسلم لیگ ن کے قائد نوازشریف نے نون لیگ کے رہنماوں کو 2 اہم شخصیات سے ملاقات کی تفصیلات سے آگاہ کردیا جبکہ نومبر میں اہم تعیناتی کےحوالے سے بھی بات چیت کی گئی۔

تفصیلات کے مطابق لندن میں مسلم لیگ ن کے قائد نوازشریف سے نون لیگ کے اہم رہنماوں کی ملاقات کا احوال سامنے آگیا ،ذرائع ن لیگ نے بتایا کہ ملاقات میں نوازشریف نے پارٹی رہنماوں کو لندن میں چند روز قبل اہم شخصیات سے ملاقات سے متعلق تفصیلات بتائیں۔

جس کے بعد ملکی معاشی صورتحال پر وزیر خزانہ کی جانب سے بتایا گیا کہ ہمیں مشکل حالات سے نکلنے کےلیے تین سو ارب روپے کی فوری ضرورت ہے اور اس سلسلے میں سعودی عرب سے اٹھائیس فیصد ڈیفر ادائیگیوں پر جلد معاہدہ ہوجائے گا، جس کے تحت 2 ارب ڈالرز جلد ملیں گے جبکہ ائی ایم ایف سے بھی معاملات اخری مراحل میں ہیں۔

ملاقات میں یہ بھی طے ہوا کہ معاشی معاملات میں بڑے اور اہم فیصلوں پر اسحاق ڈار کی مشاورت لازمی ہوگی جبکہ نومبر میں اہم تعیناتی کےحوالے سے بھی بات چیت کی گئی۔

نون لیگ کےاہم رہنما نے اے ار وائی نیوز کو بتایا کہ وزیراعظم شہبازشریف لندن سےواپسی پر چین کا دورہ کریں گے۔

ذرائع کے مطابق پیپلپزپارٹی سے معاملات پر نون لیگ کی اکثریت نے انتخابی الائنس کی مخالفت کی تاہم میثاق جمہوریت ٹو پر عملدرامد پر سب کا اتفاق ہے۔

ذرائع نے بتایا کہ تحریک انصاف کے رہنماوں کے خلاف مقدمات بھی بنائےجائیں گے، جن میں کرپشن چارجز بھی شامل ہوں گے۔

نوازشریف کی وطن واپسی پر غور کیاگیا کہ کب اور کس طرح واپسی ہوسکتی ہے، جس پر طے ہوا کہ بجٹ کےبعد نوازشریف کی وطن واپسی کے آپشنز پر دوبارہ مشاورت کی جائے گی۔

لاہور : پیپلزپارٹی نے پنجاب کابینہ میں تین وزارتوں میں دلچسپی کا اظہار کردیا ہے، جن میں کمیونیکیشن اینڈ ورکس ، خزانہ اور زراعت کےمحکمے شامل ہیں۔

تفصیلات کے مطابق آئینی مسائل کے بعد حمزہ شہباز نے وزیراعلی پنجاب کا حلف اٹھالیا، جس کے بعد صوبائی کابینہ کی تشکیل کےعمل کا اغاز کردیا گیا ہے۔

ذرائع کا کہنا ہے کہ پنجاب کابینہ میں پیپلزپارٹی کو3وزارتیں دی جائیں گی، اس حوالے سے پیپلزپارٹی نے اپنی دلچسپی کے محکموں سے وزیراعلیٰ کو آگاہ کردیا۔

مزید پڑھیں : حمزہ شہباز کی کابینہ کتنے ارکان پر مشتمل ہوگی؟

ذرائع کے مطابق علی حیدرگیلانی کوکمیونیکیشن اینڈورکس کی وزارت م حسن مرتضیٰ زراعت اور عثمان محمود کو خزانہ کی وزارتیں ملنے کا امکان ہے۔

ذرائع کا کہنا تھا کہ گورنر پنجاب اور اسپیکر صوبائی اسمبلی کے اہم عہدے نون لیگ کی نامزد شخصیات کو دیے جانے کا امکان ہے۔

ذرائع نے بتایا ہے کہ صحت ،تعلیم، قانون، داخلہ اور اطلاعات کی وزارتیں نون لیگ اپنے پاس رکھنا چاہتی ہے جبکہ منحرف ارکان کو بھی کابینہ میں شامل کیا جائے گا۔

ذرائع مسلم لیگ ن کا کہنا ہے کہ کل شام تک پنجاب کابینہ کے ارکان حلف اٹھا لیں گے، پہلےمرحلےمیں اتحادی جماعتوں اورن لیگ کےاہم رہنماحلف اٹھا ئیں گے، پنجاب کابینہ 40 سے 45 ارکان پرمشتمل ہو گی۔