Author: نعیم اشرف بٹ

اسلام آباد : وفاقی کابینہ کے چند ارکان نے پی ٹی آئی مظاہرین کو نہ روکنے پر تحفظات کا اظہار کیا اور کہا مظاہرین آکر بیٹھ گئے تو حکومت کے لیے مشکلات ہوں گی۔

تفصیلات کے مطابق چند ن لیگی حکومتی شخصیات پی ٹی آئی احتجاج ہینڈل کرنے کے طریقے سے ناخوش ہیں، ذرائع نے کہا کہ وفاقی کابینہ کے چند ارکان نے مظاہرین کو نہ روکنے پر تحفظات کا اظہار کیا۔

ذرائع کا کہنا تھا کہ انہوں نے کہا پی ٹی آئی کے پی کے جلوس کو اٹک پل پر طاقت سے روکنا چاہیے تھا، پی ٹی آئی کواب یہ کہنا فضول ہے کہ مختص جگہ پر بیٹھ جائیں، پی ٹی آئی مظاہرین آکر بیٹھ گئے تو حکومت کے لیے مشکلات ہوں گی۔

یاد رہے پی ٹی آئی کےمظاہرے کے دوران سری نگر ہائی وے پرشرپسندوں نے رینجرز پر گاڑی چڑھا دی تھی ، جس سے چار اہلکار شہید ہوئے جبکہ پانچ رینجرز اہلکاروں سمیت پولیس کے جوان بھی شدید زخمی ہیں۔

بعد ازاں صورتحال پر قابو پانے کیلیے آرٹیکل 245 کے تحت پاک فوج کو بلا لیا گیا ہے جبکہ انتشاریوں اور شرپسندوں کو موقع پر گولی مارنے کے واضح احکامات دے دیے گئے ہیں۔

خیال رہے پاکستان تحریک انصاف  کے احتجاج کے پیش نظر اسلام آباد کے داخلی وخارجی راستے رکاوٹیں لگا کر بند کر دیئے گئے ہیں جبکہ اٹک میں پنجاب اورخیبر پختونخوا کا زمینی رابطہ منقطع ہیں اور مختلف شہروں میں بھی راستے بند ہیں۔

زین قریشی،عامر ڈوگر، معین ریاض سمیت متعدد پی ٹی آئی رہنماؤں اور سیکڑوں کارکنوں کو حراست میں لے لیا گیا۔

اسلام آباد : رہنما تحریک انصاف عاطف خان نے دعویٰ کیا کہ آئینی ترامیم سے پہلے عہدوں کی پیشکش ہوئی، جس میں نے مسترد کردی تھی۔

تفصیلات کے مطابق پاکستان تحریک انصاف کے رہنما عاطف خان نے اے آر وائی نیوز کو خصوصی انٹرویو میں بتایا آئینی ترامیم سےپہلےعہدوں کی پیشکش ہوئی میں نےانکارکردیا، اس بار تجوریوں کےمنہ کھلے تھے، بات اربوں روپے تک گئی۔

رہنما تحریک انصاف کا کہنا تھا کہ الیکشن سے پہلے مجھے وزیراعلیٰ بنانےکی پیشکش ہوئی تھی، کہا گیاعلیحدہ گروپ بنالیں تو آپ وزیراعلیٰ بن جائیں گے۔

انھوں نے بتایا کہ پرویز خٹک کو وزیراعلیٰ بنانے کی پیشکش ہوئی، حیران ہوں وہ باتوں میں آگئے تاہم وفاداریاں بدل کر عہدے لینے والے اب گھرسےباہر نہیں نکل سکتے۔

پی ٹی آئی رہنما نے جاری نوٹسز سے متعلق سوال پر کہا کہ میں کسی کیلئے خطرہ نہیں، بانی پی ٹی آئی جس کو عہدہ دینا چاہتے ہیں وہی ہوگا لیکن نوٹسز کی سمجھ نہیں آرہی، پارٹی دوست کہتے ہیں وزیراعلیٰ کے علم میں نہیں تھا، اب جب وزیراعلیٰ کے پی سے ملوں گا تو ہی اندازہ ہوگا ان کے علم میں تھا یا نہیں۔

انھوں نے مزید کہا کہ ہوسکتا ہے کوئی چاہتا ہو ان کے تعلقات خراب ہوں اور پارٹی میں اختلافات ہو، بانی پی ٹی آئی سے ملاقات نہیں ہوئی لیکن وکلا نے ان کو بتایا تو وہ حیران تھے، جس کے بعد بانی نے پیغام پہنچایا فکر نہ کریں، پارٹی اختلافات کو میڈیا میں بیان نہ کریں۔

اسلام آباد : وزیراعظم کے مشیر رانا ثنا اللہ کا کہنا ہے کہ بانی پی ٹی آئی کو 190 ملین پاؤنڈ کیس میں سزا ہوجائے گی، وہ خود اپنے دشمن ہیں۔

تفصیلات کے مطابق وزیراعظم کے مشیر رانا ثنا اللہ نے اے آر وائی نیوز کو خصوصی انٹرویو میں بانی پی ٹی آئی کے حوالے سے کہا فی الحال مجھے لگتا ہے بانی پی ٹی آئی کو 190 ملین پاؤنڈ میں سزا ہوگی، یہ کیس دو جمع دو کی طرح ہے۔

وزیراعظم کے مشیر کا کہنا تھا کہ بانی پی ٹی آئی اپنے دشمن خودہیں، پی ٹی آئی کو جب بھی بات کرنا ہوگی ، وہ سیاسی جماعتوں اور ان کے قائدین سے ہی بات کرنا ہوگی۔

اسٹیبلشمنٹ کے حوالے سے انھوں نے کہا کہ اسٹیبلشمنٹ کا سربراہ آنکھ مارنے والا بندہ نہیں، واضح کردوں انہوں نے گزشتہ 2 سال اور آگے بھی 3 سال کسی کو آنکھ نہیں مارنی۔

آئینی ترامیم میں ووٹ سے متعلق ن لیگی رہنما کا کہنا تھا کہ ترامیم کیلئےبندے اٹھانےوالی بات درست نہیں،سب ڈرامہ تھا، کس نے کیا ڈرامہ کیایہ بات بانی اور پی ٹی آئی سب کو پتہ ہے۔

علی امین گنڈا پور کے بیان پر انھوں نے کہا کہ گنڈاپور کے ملے ہونے پر مجھے شک ہے وہ دونوں طرف کھیلتا ہے، گنڈا پور انتظامیہ سے کہتا ہےڈی چوک کو ہاتھ لگانے دیں پھر نکل جاؤں گا، گنڈا پور اس بار خود ٹھیک ہو جائیں گے یا کر دیئے جائیں گے۔

اپوزیشن سے مذاکرات کے سوال پر وزیراعظم کے مشیر نے بتایا کہ نوازشریف کی ہدایت پرسیاسی جماعتوں سے مذاکرات جاری ہیں، اپوزیشن سے مذاکرات چل رہے ہیں لیکن اس بار پہلے تفصیل نہیں بتانی۔

ان کا مزید کہنا تھا کہ محمود اچکزئی اور فضل الرحمان کیساتھ پی ٹی آئی کے لوگوں سے بھی رابطے ہیں، سیاسی مسائل کا حل سیاسی طور پر ہوسکتا ہے۔

اسلام آباد : مسلم لیگ ن کے سینیٹر افنان اللہ کا کہنا ہے کہ کوئی آپ کو اٹھالے یا دھمکیاں دے تو یہ برداشت کرنا پڑتا ہےلیکن مطلب یہ نہیں کہ جاکر ووٹ خلاف ڈال دیں۔

تفصیلات کے مطابق مسلم لیگ ن کے سینیٹرافنان اللہ نے اے آر وائی نیوز سے خصوصی گفتگو کرتے ہوئے کہا کہ ترمیم کےلیےکسی سےبھی زبردستی ووٹ لیا جائے تو وہ غلط ہے، کیا 18 ویں ترمیم میں کسی نے زبردستی ووٹ دیا تھا، یہ کام 2018 کے بعد خراب ہوا، اب یہ خرابی ٹھیک ہوتے ہوتے کچھ وقت لگے گا۔

رہنما ن لیگ کا کہنا تھا کہ کوئی آپ کو اٹھالے یا دھمکیاں دے تو یہ میرے والد اور فیملی کے ساتھ کئی مرتبہ ہوا، سیاست میں یہ برداشت کرنا پڑتا ہے لیکن مطلب یہ نہیں کہ جا کر ووٹ خلاف ڈال دیں۔

سینیٹر افنان اللہ نے کہا کہ بدقسمتی ہے کہ بجائے آگے جانے کے ہم پیچھے چلےگئے، جو ون پیج 2018 میں بنایا گیا اور ہائبرڈ نظام بنا اس کے ثمرات ابھی بھی جاری ہیں، کسی حد تک ابھی ہائبرڈ نظام کا تسلسل جاری ہے اور ختم کرنے میں وقت لگے گا۔

ان کا کہنا تھا کہ بعض اوقات چیزیں زیادہ بڑھ جاتی ہیں توہی ختم ہوتی ہیں، میرے قریب ہائبرڈ نظام کی انتہا گزر چکی ہے اور اب مائنس ہوگا۔

ن لیگی سینیٹر نے کہا کہ مینڈیٹ درست ملا ہے یا غلط اس پر کوئی انکوائری ہو تو پھر بات ہوسکتی ہے، میرے خیال میں 2008 اور 2013 کے انتخابات 2018 اور 2024 سے بہتر تھے، پہلے 2018 کے انتخابات میں پولنگ اسٹیشنزمیں خرابیاں ہوئی تھیں، اب 2024 میں جہاں نتیجہ تیار ہوا وہاں زیادہ شکایات آئیں اور الزامات لگ رہے ہیں۔

انھوں نے بتایا کہ 2018 کا الیکشن لڑا تھا اور ایک بندے نے مجھ پر بندوق تان لی اور کہا تم کچھ نہیں کرسکتے، ثابت ہوا کہ پہلے عدلیہ سے آر اوز ہوتے تھے تو بہتر تھے لیکن اس مرتبہ بیورو کریٹس آگئے، بیورو کریٹس کے آر اوز بننے سے زیادہ خرابی ہوئی اور سارے الزامات وہیں لگ رہے ہیں۔

ان کا مزید کہنا تھا کہ الزامات ہمارے لوگوں نے اور مولانا نے بھی لگائے اسی لیے الیکشن خراب ہوگیا، اب عوام کو فیصلہ کرنا چاہیے اور ان ہی کو معاملات چلانے چاہئیں۔

اسلام آباد : پی ٹی آئی سینئر رہنماؤں نے پارٹی امورمیں علیمہ خان کی مداخلت کا معاملہ بانی پی ٹی آئی کے سامنے اٹھادیا۔

تفصیلات کے مطابق پاکستان تحریک انصاف ( پی ٹی آئی ) کی سینئر قیادت پارٹی امور میں علیمہ خان کی مداخلت سے پریشان ہیں۔

ذرائع نے بتایا کہ پی ٹی آئی سینئر رہنماؤں نے مداخلت کا معاملہ بانی پی ٹی آئی کے سامنے اٹھا دیا ہے۔

رہنما پی ٹی آئی نے بتایا کہ بانی پی ٹی آئی کی بہن میڈیا ٹاک میں پارٹی رہنماؤں پر حقائق جانے بنا تنقیدکرتی ہیں اور جیل ملاقات میں بانی پی ٹی آئی کو بھی مس گائیڈ کررہی ہیں۔

ذرائع کا کہنا ہے کہ بانی پی ٹی آئی نے پارٹی رہنماؤں کو بیانات کو نظرانداز کرنے کا کہا ہے۔

عمران خان کی بہن کا مؤقف ہے وہ بھائی کی رہائی چاہتی ہیں اور پی ٹی آئی سیاست میں دلچسپی نہیں۔

ذرائع نے کہا ہے کہ کے پی سے پارٹی رہنما نے بانی پی ٹی آئی کو ان کے بعض رابطوں کی شکایت بھی کی۔

اسلام اآباد : جمعیت علمائے اسلام کے رہنما نور عالم خان نے فوجی عدالتوں کی حمایت کرتے ہوئے کہا حالات کے مطابق ملک کو فوجی عدالتوں کی ضرورت ہے۔

تفصیلات کے مطابق جمعیت علمائے اسلام کے رہنما نور عالم خان نے اے آر وائی نیوز کو خصوصی انٹرویو میں کہا کہ اسمبلی فلور پر کہوں گا فوجی عدالتوں کے حق میں ہوں، حالات کے مطابق ملک کوفوجی عدالتوں کی ضرورت ہے۔

جے یو آئی رہنما کا کہنا تھا کہ ٹائم فریم طے کرلیں، 2 سے 3 سال کیلئے فوجی عدالتیں بنالیں، سمجھ نہیں آتی فوجی عدالتوں سے کسی کے بنیادی حقوق کیسےسلب ہوتے ہیں۔

انھوں نے مزید کہا کہ میں ملک کیخلاف کسی سرگرمی میں ملوث نہیں تو ڈر نہیں ہونا چاہیے۔

مولانا فضل الرحمان اور پی ٹی آئی کے حوالے سے جمعیت علمائے اسلام کے رہنما نے بتایا کہ مولانا کو کہا تھا پی ٹی آئی کی حمایت نہ کریں ہم نے ان کے خلاف الیکشن لڑناہے، مولانا سے کہا آپ پی ٹی آئی سے سیٹ ایڈجسٹمنٹ کریں گے، تو ووٹ نہیں ملیں گے۔

انھوں نے مزید کہا کہ سوشل میڈیا پر گالیاں دینے سے پاکستان نہیں بھارت کے عزائم پورے ہوتے ہیں۔

اسلام آباد : آئینی ترامیم پر جے یو آئی اور حکومت میں کچھ لو کچھ دو کے فارمولے پر بات چیت جاری ہے تاہم پی ٹی آئی چیف جسٹس کی تقرری پر کسی قسم کی ترمیم کی مخالف ہے۔

تفصیلات کے مطابق آئینی ترامیم پر جے یو آئی اور حکومت میں کچھ لو کچھ دو کے فارمولے پر بات چیت جاری ہے۔

حکومتی ذرائع نے بتایا ہے کہ خصوصی بینچ کو مان لیا جائے تو چیف جسٹس کی تقرری میں ترمیم پر غور ہوگا اور حکومتی رضا مندی کے بعد جے یو آئی اور پی ٹی آئی سے چیف جسٹس کی تقرری پر بات کرے گی۔

چیف جسٹس کی تقرری میں تین یا پانچ کے پینل پر جے یو آئی سے بات ہوگی اور یہ بھی طے کیا جائے گا کہ پینل میں سے تقرری کون کرے، جس پر مختلف تجاویز ہیں۔

پی ٹی آئی چیف جسٹس کی تقرری پر کسی قسم کی ترمیم کی مخالف ہے،پی ٹی آئی رہنما کاکہنا ہے جو آئین میں چیف جسٹس ودیگر تقرریوں کاطریقہ کار طے ہے اسی کو مانتےہیں، ہم کسی بھی تقرری کو چھیڑنے پر مزاحمت کریں گے۔

خیال رہے حکومت نے 17 اکتوبر کو قومی اسمبلی کا اجلاس طلب کرنے کا فیصلہ کیا ہے ، جس میں 26 ویں آئینی ترامیم کا مسودہ منظوری کے لیے پیش کیا جائے گا۔

ذرائع نے بتایا ہے کہ حکومت نے اس حوالے سے اپنے تمام اراکین قومی اسمبلی اور سینیٹرز کو کل تک اسلام آباد پہنچنے کی بھی ہدایت کر دی ہے۔

ذرائع کا کہنا ہے کہ 26 ویں مجوزہ آئینی ترامیم میں عدالتی اصلاحات کے حوالے سے سب سے اہم دو ایشوز وفاقی آئینی عدالت کا قیام اور سپریم کورٹ میں چیف جسٹس کے تقرر کے حوالے سے جو طریقہ کار تبدیل کیا جا رہا ہے تاہم اس معاملے پر تمام بڑی جماعتوں میں اتفاق رائے ہو گیا ہے۔