Author: نعیم اشرف بٹ

اسلام آباد : مسلم لیگ ن کے مری میں مشاورتی اجلاس ملتوی ہونے کی وجہ سامنے آگئی ، چند لیگی رہنما پارٹی اور حکومت کے سیاسی طرزعمل پر تحفظات رکھتے ہیں۔

تفصیلات کے مطابق مسلم لیگ ن کے مری میں مشاورتی اجلاس مؤخر ہونے کی اندرونی کہانی سامنے آگئی ، ذرائع ن لیگ نے بتایا کہ ن لیگ کی میٹنگ مؤخرہونےکی وجہ پارٹی میں اختلاف رائےتھا کیونکہ چندلیگی رہنماپارٹی اور حکومت کے سیاسی طرزعمل پر تحفظات رکھتےہیں۔

ذرائع کا کہنا تھا کہ مخصوص نشستوں اورپی ٹی آئی پر پابندی پرپارٹی میں اختلافات تھے، ایک سینئر لیگی نے کہا کہ ہم کسی بھی سیاسی جماعت پر پابندی کیخلاف ہیں لیکن پارٹی کے ساتھ ہیں۔

لیگی رہنما کا کہنا تھا کہ نوازشریف نے وزیراعظم اورمریم سےمشاورت کرلی ہوگی اس لیے ہمیں نہیں بلایا، ہم جیسے لوگ میٹنگ میں کچھ اور کہہ دیں گے تو معاملات بگڑ سکتے ہیں۔

گذشتہ روز سپریم کورٹ کے فیصلے کے بعد کی صورتحال پر صدر مسلم لیگ ن نواز شریف کی وزیر اعظم شہباز شریف اور وزیر اعلی پنجاب مریم نواز سے طویل مشاورت ہوئی، مشاورتی عمل میں نائب وزیراعظم اسحاق ڈار بھی موجود تھے، ملاقات مین مخصوص نشستوں پر عدالتی فیصلے کے تمام پہلوؤں کا جائزہ لیا گیا۔

اس دوران بعض رہنماوں سے ملاقات کی اور بعض سے ٹیلی فونک رابطے کئے گئے، جس میں نواز شریف نے مختلف آپشنز پر مشاورت کی۔

ن لیگ کی سینیر قیادت نے عدالتی فیصلے پر شدید تحفظات کا اظہارکیا جبکہ بعض رہنماوں نے کھل کر فیصلے پر تنقید کی اور پارلیمنٹ کے فورم سے بھرپور جواب دینے کا مطالبہ کیا۔

ذرائع کے مطابق نواز شریف کی ہدایات سے متعلق پارٹی رہنماوں کو جلد آگاہ کردیا جائے گا، مسلم لیگ ن کے مشاورتی اجلاس جلد لاہور میں بلائے جائیں گے اور وزیراعظم شہبازشریف پیپلز پارٹی اور دیگر اتحادیوں کو آئندہ کی حکمت عملی سے آگاہ کریں گے۔

اسلام آباد : ایم کیوایم پاکستان کے رہنما اوررکن قومی اسمبلی مصطفی کمال نے انکشاف کیا کہ بانی ایم کیوایم کوچھوڑنے پرمیری سپاری دی گئی۔

تفصیلات کے مطابق ایم کیو ایم کے رہنما مصطفی کمال نے اے آر وائی نیوز کو خصوصی انٹرویو میں انکشاف کیا کہ بانی ایم کیوایم کوچھوڑنے پرمیری سپاری دی گئی ، جس میں سے کچھ لوگ پکڑے بھی گئے۔

ایم کیو ایم کے رہنما نے بتایا کہ میں نےاورانیس قائم خانی نےاس وقت بانی کوچھوڑاجب اس کی سزاموت تھی، بانی ایم کیوایم کوایک دن میں نہیں چھوڑا،وقت کیساتھ پردے اٹھ رہے تھے۔

ان کا کہنا تھا کہ آج جو لوگ دعویٰ کر رہے ہیں کہ وہ کراچی میں امن لے کر آئے درست نہیں، ہم نے گن پوائنٹ کے بغیر لوگوں کےدل اور دماغ تبدیل کئے۔

رکن قومی اسمبلی نے مزید کہا کہ کراچی کے امن پر ریاست کو ہمارا اورکراچی کے جوانوں کا شکرگزار ہونا چاہیے۔

اسلام آباد: ایم کیوایم پاکستان کے رہنما مصطفی کمال کا کہنا ہے کہ پیپلزپارٹی سے اختلاف ہے کوئی دشمنی نہیں مگر فی الحال الحاق بھی نہیں ہورہا ہے۔

تفصیلات کے مطابق ایم کیوایم پاکستان کے رہنما اور رکن قومی اسمبلی مصطفی کمال نے اے آر وائی نیوز کو خصوصی انٹرویو میں کہا کہ پارلیمانی نظام میں جو آپ کیخلاف جیتا اس کو بھی عزت دینی چاہیے، دوسرا جو ووٹ لیکر آئے اسے چور ڈاکو کہنے والا کلچرپی ٹی آئی لیکرآئی.

ایم کیوایم پاکستان کے رہنما نے پی ٹی آئی کے بیان پر کہا کہ سیاستدانوں سےنہیں اسٹیبلشمنٹ سےبات کرنےکےموقف سے خلا بڑھ رہا ہے۔

رکن قومی اسمبلی کا کہنا تھا کہ پی پی سے اختلاف رہتا ہے، جب پارلیمنٹ میں آگئے تو بات بھی کرتے ہیں، پیپلزپارٹی سے دشمنی نہیں مگرفی الحال الحاق بھی نہیں ہورہا ہے۔

انھوں نے بتایا کہ آصف زرداری سے کہا تھا ہمارے پاس وزارت عظمیٰ کا امیدوار نہیں ، بلاول آپ کے وزیراعظم کےامیدوارہیں، آپ کو ہماری ضرورت پڑےگی، کیا آپ چاہیں گے کراچی،حیدرآباد کامینڈیٹ آپ کے وزیراعظم کیخلاف ہو۔

رہنما ایم کیو ایم نے کہا کہ اگر وہ جماعت جیتے جس کا وزارت عظمیٰ کا اپنا امیدوارہوتو وہ پی پی کو ووٹ نہیں دے گی، پیپلزپارٹی سوچے کے ان کے اندر کون سے ایسے لوگ ہیں جو انکا نقصان کرا رہے ہیں۔

اگرکراچی حیدرآبادمیں ایم کیوایم کمزور ہوتی ہےتوفائدہ پی پی کو نہیں کسی اورکوہوگا اور اگر ہم جیتیں گے تو پی پی کا فائدہ ہے کیونکہ ہم ان کے امیدوار کو ووٹ دیں گے۔

اسلام آباد : سربراہ عوامی مسلم لیگ شیخ رشید کا کہنا ہے کہ دکھ ہےبانی پی ٹی آئی کو مجھ سے تعلق نبھانا چاہیے تھا لیکن ایسا نہیں ہوا۔

تفصیلات کے مطابق سربراہ عوامی مسلم لیگ شیخ رشیداحمد نے اے آر وائی نیوز کو خصوصی انٹرویو میں مستقبل کے حوالے سے سوال پر کہا کہ مستقبل سے متعلق بانی پی ٹی آئی سے بات کروں گا تو پھر بتا سکتا ہوں، ابھی میں اڈیالہ نہیں گیا کیونکہ پی ٹی آئی کی نئی ٹیم سے کوئی تعلق ہی نہیں، میں اڈیالہ جاکرنئی مصیبت کو جنم نہیں دینا چاہتا۔

شیخ رشید نے بتایا کہ میں کھڑا رہا اور 40 دن کیا اگر 40 سال بھی کھڑارہنا پڑتا تو رہ جاتا، آپ حیران ہوں گے میرے خلاف جتنی بھی شہادتیں ہیں وہ پی ٹی آئی کی ہیں لیکن میرا ضمیر مطمئن اور دل کو سکون ہے، کھڑارہا اور لوگ مجھےعزت دے رہے ہیں۔

سربراہ عوامی مسلم لیگ نے شکوہ کرتے ہوئے کہا کہ دکھ ہے بانی پی ٹی آئی کو مجھ سے تعلق نبھانا چاہیے تھا لیکن ایسا نہیں ہوا، بانی پی ٹی آئی کی حد تک میرا سافٹ کارنر تھا، ہے اور رہے گا لیکن میرے ساتھ ٹھیک نہیں ہوا۔

ان کا کہنا تھا کہ میری صحت خراب ہوگئی تھی ورنہ چلہ لمبا ہوجاتا ، چاہتا تو اسی گاڑی میں واپس آجاتا جس میں گیا تھا لیکن میں نے کوئی تحریردی نہ ویڈیوبنوائی۔

عون چوہدری کے حوالے سے سابق وزیر داخلہ نے کہا کہ تحریرمیں بشریٰ بی بی سے متعلق عون چوہدری کی باتیں غیراخلاقی تھیں، انسان کوسچ کےساتھ کھڑا ہونا چاہیے، ایسی بات کیسےکرتا جو دیکھی ہی نہیں۔

سربراہ عوامی مسلم لیگ کا مزید کہنا تھا کہ 9 مئی میں کوئی قلفی والا اور ریڑھی والا پکڑکر پولیس نے گنتی پوری کی اصل لوگ تو باہر ہیں، زلفی بخاری سمیت کئی لوگ ہیں جو پہلے ہی ملک سے بھاگ گئے۔