Author: خواجہ نصیر

استحکام پاکستان پارٹی کے پیٹرن انچیف جہانگیر ترین کے بھائی عالمگیر خان ترین نے گولی مار کر خود کشی کر لی ہے۔

اے آر وائی نیوز کے مطابق استحکام پاکستان پارٹی کے پیٹرن انچیف جہانگیر ترین کے بھائی عالمگیر خان ترین نے گولی مار کر خود کشی کر لی ہے تاہم اس حوالے سے متضاد رپورٹ سامنے آ رہی ہیں۔

عالم ترین کے دوست اور خاندانی ذرائع کا کہنا ہے کہ عالمگیر ترین نے گولی مار کر خود کشی کی ہے جب کہ کچھ ذرائع کا کہنا ہے کہ ان کی موت طبعی طور پر واقع ہوئی ہے۔ ترین فیملی نے عالم ترین کی موت کی تصدیق کر دی ہے۔

ذرائع کا کہنا ہے کہ جہانگیر ترین کو اپنے بھائی کی موت کی خبر پارٹی اجلاس کے دوران ملی جس کے فوری بعد وہ اجلاس چھوڑ کر روانہ ہوگئے ہیں۔

اس حوالے سے پولیس ذرائع کا کہنا ہے کہ عالمگیر ترین نے اپنے سر میں گولی ماری اور خودکشی سے پہلے ایک خط  بھی چھوڑا ہے۔

پولیس کے مطابق فرانزک ٹیم نے جائے وقوع سے شواہد اکٹھے کر لیے ہیں اور میت کو مردہ خانہ منتقل کیا جائے گا۔

عالمگیر ترین بزنس مین تھے او وہ لاہور کے علاقے گلبرگ میں رہائش پذیر تھے۔

جہانگیر ترین جو موجودہ سیاسی تناظر میں ایک نئی سیاسی جماعت بنانے کے لیے کوشاں ہیں ان کی نئی پارٹی کا مجوزہ نام سامنے آگیا ہے۔

اے آر وائی نیوز کے مطابق 9 مئی واقعات کے بعد پی ٹی آئی میں اندرونی خلفشار اور رہنماؤں کے پارٹی چھوڑنے کے بعد تحریک انصاف کے سابق رہنما جہانگیر ترین اپنی نئی سیاسی جماعت کے قیام کے لیے سرگرم ہیں اور لاہور واسلام آباد میں کئی اہم ملاقاتیں ہوچکی ہیں جب کہ ان کی جانب سے 70 سے زائد اراکین کی حمایت کا دعویٰ بھی سامنے آیا ہے۔

اب ان کی نئی مجوزہ پارٹی کا نام بھی سامنے آگیا ہے اور ذرائع سے ملنے والی اطلاعات کے مطابق جہانگیر ترین گروپ کے زیادہ تر رہنماؤں نے نئی سیاسی جماعت کے لیے جس نام کی تجویز دی ہے وہ ’’پاکستان ڈیموکریٹک پارٹی‘‘ ہے۔

ذرائع نے یہ بھی بتایا کہ اس وقت نئی سیاسی جماعت کے لیے تین ناموں پر غور جاری ہے اور نئی پارٹی کا نام کیا ہوگا؟ اس حوالے سے حتمی فیصلہ جہانگیر ترین ہی کریں گے۔

دوسری جانب ذرائع نے بتایا ہے کہ جہانگیر ترین نے لیگل ٹیم کو پارٹی رجسٹریشن کیلیے فوری اقدامات کا ٹاسک بھی دے دیا ہے۔ اس سلسلے میں آئندہ ہفتے قانونی تقاضے پورے کرنے کے بعد الیکشن کمیشن کو درخواست دی جائے گی۔

جہانگیر ترین آج بھی مختلف اہم شخصیات سے ملاقاتیں کریں گے اور امکان ہے کہ آئندہ تین سے چار روز میں وہ اپنی نئی پارٹی کا باضابطہ اعلان کر دیں گے۔

پی ٹی آئی کے سابق رہنما جہانگیر ترین نے اپنے گروپ ممبران سے نئی پارٹی کے نام پر مشاورت شروع کر دی ہے اور انہوں نے ٹیلیفون پر رابطے کیے ہیں۔

اے آر وائی نیوز کو ذرائع سے ملنے والی اطلاعات کے مطابق پی ٹی آئی کے سابق رہنما جہانگیر ترین جنہوں نے گزشتہ دنوں نئی سیاسی جماعت بنانے کا اعلان کیا تھا اور اس کے لیے لاہور میں اپنا سیاسی دفتر بھی کھول لیا تھا اب انہوں نے پارٹی کے نام کے لیے اپنے گروپ ممبران سے مشاورت شروع کر دی ہے جس کے لیے انہوں نے ٹیلیفون پر بھی گروپ ممبران سے رابطے کیے ہیں۔

ذرائع کا کہنا ہے کہ جہانگیر ترین کی آج متعدد اہم سیاسی رہنماؤں سے بھی ملاقات متوقع ہے۔

واضح رہے کہ 9 مئی واقعات کے بعد پی ٹی آئی کے رہنما تحریک انصاف چھوڑنے کا اعلان کر رہے ہیں اور اب تک کئی مرکزی رہنماؤں سمیت درجنوں رہنماؤں نے عمران خان کو الوداع کہہ دیا ہے اور ان میں سے کئی نے جہانگیر ترین سے رابطے کیے ہیں۔

سابق وزیر اعظم اور پاکستان تحریک انصاف کے چیئرمین عمران خان کی القادر ٹرسٹ کیس میں گرفتاری کے بعد پنجاب بھر میں دفعہ 144 نافذ کرنے کا فیصلہ کر لیا گیا۔

اے آر وائی نیوز کی رپورٹ کے مطابق پنجاب کی نگراں حکومت نے صوبے بھر میں دفعہ 144 نافذ کر کے جلسے جلوسوں پر پابندی لگانے کا فیصلہ کر لیا۔

ایڈیشنل چیف سیکرٹری ہوم کا اس متعلق کہنا ہے کہ لاہور میں موبائل سروس بند کرنے کا لکھ دیا ہے، شہر میں رینجرز طلب کر لی گئی ہے، حکومت عوام کے جان و مال کا تحفظ یقینی بنائے گی۔

ذرائع کے مطابق حکومت نے پی ٹی آئی کارکنوں کی جانب سے احتجاج والے علاقوں میں انٹرنیٹ سروس بندش کیلیے پی ٹی اے سے رابطہ کر لیا۔ مختلف علاقوں میں انٹرنیٹ سروس بند کی جائے گی تاکہ لوگوں کو احتجاجی مظاہرین کو معلومات سے روکنا ہے۔

پنجاب بھر میں دفعہ 144 نافذ کرنے کا فیصلہ#ARYNews #ImranKhan pic.twitter.com/KpIE35n6mF

— ARY NEWS (@ARYNEWSOFFICIAL) May 9, 2023

عمران خان کو القادر ٹرسٹ کیس میں کیوں گرفتار کیا گیا؟

القادر ٹرسٹ کیس میں چیئرمین پاکستان تحریک انصاف عمران خان کو آج اسلام آباد سے رینجرز نے گرفتار کیا کر لیا۔ نیب نے سابق وزیر اعظم کی گرفتاری کی وجوہات بھی جاری کر دی۔

نیب نے بتایا کہ عمران خان کو القادر ٹرسٹ کیس میں گرفتار کیا گیا، یہ مقدمہ القادر یونیورسٹی کیلیے زمین کے غیر قانونی حصول کا ہے، نیشنل کرائم ایجنسی یو کے کے ذریعے 190 ملین پاؤنڈ کی غیر قانونی وصولی سے فائدہ اٹھایا گیا۔

احتساب بیورو نے بتایا کہ نیب میں قانونی طریقہ کار کو پورا کرنے کے بعد گرفتاری عمل میں لائی گئی، تفتیشی عمل کے دوران عمران خان اور ان کی اہلیہ بشریٰ کو کال اپ نوٹس جاری کیے گئے، یہ دونوں القادر ٹرسٹ کے ٹرسٹی تھے، دونوں کی جانب سے کسی نوٹس کا جواب نہیں دیا گیا۔

نیب نے کہا کہ سابق معاون خصوصی شہزاد اکبر کیس میں ملوث اور کلیدی کردار رہے، شہزاد اکبر اور عمران خان نے خفیہ معاہدے کی دستاویز چھپا کر کابینہ کو گمراہ کیا، 190 ملین پاؤنڈ کی رقم قومی خزانے میں جمع ہونا تھی، 190 ملین پاؤنڈ کو نجی سوسائٹی کے کیس میں ایڈجسٹ کیا گیا جسے سپریم کورٹ نے نمٹایا۔