Author: نذیر شاہ

کراچی: جرائم میں ملوث 100 سے زائد افسران اور اہلکاروں کو اے سی ایل سی کی ملازمت سے برطرف کردیا گیا۔

تفصیلات کے مطابق اے سی ایل سی نے جرائم پیشہ عناصر کے خلاف اندرونی اور بیرونی کریک ڈاون کا آغاز کرتے ہوئے اپنے پیٹی بھائیوں کے خلاف بڑی کارروائی کرڈالی۔

ایس ایس پی مقدس حیدر نے پریس کانفرنس کرتے ہوئے بتایا کہ ’100 سے زائد افسران اور اہلکاروں کے خلاف مسلسل شکایات موصول ہورہی تھیں جس کے تحت کارروائی کرتے ہوئے کچھ ملازمت سے فارغ جبکہ بقیہ کے خلاف تحقیقات کا آغاز کردیا ہے‘۔

اُن کا کہنا تھا کہ ’آئی جی سندھ اور ایڈیشنل آئی جی کی مدد سے کارلفٹر مافیا کے خلاف  بڑی کارروائیاں کرتے ہوئے 5 گروہوں کو بالکل ختم کردیا اس لیے ستمبر سے اکتوبر تک کارلفٹنگ کی وارداتوں میں نمایاں کمی دیکھنے میں آئی۔

مقدس حیدر کا کہنا تھا کہ ’بین الصوبائی گروہوں کے خلاف بھرپور آپریشن جاری ہے، اس ضمن میں پولیس اور رینجرز بڑی کامیابیاں بھی حاصل کررہی ہے‘۔

ایس ایس پی نے اس عزم کا اظہار کیا کہ سال 2018 میں اپنے دائرہ کار میں آنے والے جرائم کی وارداتوں کو مزید نیچے لائیں گے، ملازمت سے برطرف کیے جانے والے اہلکار تحقیقات مکمل ہونے تک آپریشنل ڈیوٹیاں انجام نہیں دے سکیں گے‘۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: پولیس اور سی پی ایل سی نے مشترکہ کارروائی کرتے ہوئے کورنگی سے تین ملزمان کو گرفتار کرلیا جو چھینے ہوئے آئی فون کو ہیک کر کے کھولنے کے جرائم میں ملوث ہیں۔

تفصیلات کے مطابق اسمارٹ فون کی دنیا میں آئی فون کو محفوظ ترین فون سمجھا جاتا ہے کیونکہ اسے کوئی بھی شخص آسانی سے ان لاک نہیں کرسکتا کیونکہ موبائل کھولنے کے لیے ایپل آئی ڈی درکار ہوتی ہے۔

سی پی ایل سی کورنگی اور محکمہ پولیس کو ایسے گینگ کی اطلاع موصول ہوئی جو چوری کیے ہوئے موبائل فون کو ہیک کر کے ان لاک کرنے کے غیر قانونی دھندے میں ملوث تھا۔

ایس ایس پی کورنگی نعمان صدیقی کا کہنا ہے کہ چوری اور چھینے ہوئے موبائل فون ان لاک کرنے کی شکایات موصول ہوئیں تو ابتدائی طور پر مارکیٹوں سے معلومات حاصل کی گئیں۔

اُن کا کہنا تھا کہ کورنگی پولیس اور سی پی ایل سی نے کورنگی میں کارروائی کرتے ہوئے تین ملزمان گرفتار کیا جو آئی فون سمیت دیگر اسمارٹ فونز کو ان لاک کر کے مارکیٹ میں فروخت کرتے تھے۔

ایس ایس پی کا کہنا ہے کہ ملزمان فون ان لاک کرنے کے ساتھ ساتھ اسٹریٹ کرائم کی وارداتوں میں بھی ملوث ہیں اور وہ چھینے ہوئے موبائل اپنے بنائے ہوئے سافٹ ویئر سے ان لاک کرتے تھے۔

پولیس نے کارروائی کرتے ہوئے سافٹ ویئر انجینئر سمیت تین افراد کو گرفتار کر کے چوری شدہ موبائل اور سافٹ ویئر بھی برآمد کرلیا جبکہ حراست میں لیے جانے والے ملزمان کے خلاف مقدمہ درج کرلیا گیا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

کراچی: سی پی ایل سی نے رواں سال کے گیارہ ماہ کے دوران ہونے والے جرائم کے اعداد و شمار کی فہرست جاری کردی، جس کے مطابق جنوری سے نومبر تک 361 افراد کو موت کے گھاٹ اتارا گیا۔

تفصیلات کے مطابق شہرقائد میں امن و امان کے حوالے سے سی پی ایل سی نے 2017 کے ابتدائی 11 ماہ میں ہونے والے جرائم کے اعداد و شمار کی فہرست جاری کردی۔

سی پی ایل سی رپورٹ کے مطابق گیارہ ماہ کے دوران 361 افراد کو موت کے گھاٹ اتارا گیا، ڈکیتی اور راہزنی کی وارداتوں میں 28 ہزار سے زائد شہری موبائل اور قیمی اشیاء سے محروم ہوئے جن کی مالیت کا تخمینہ 28 کروڑ 8 لاکھ سے زائد بنتا ہے۔

مزید پڑھیں: ماہ مارچ: شہر قائد میں 24 افراد قتل ہوئے، سی پی ایل سی رپورٹ

رپورٹ کے مطابق گیارہ ماہ کے دوران 24 ہزار 154 شہری اپنی موٹرسائیکلوں سے ہاتھ دھو بیٹھے، موٹرسائیکل کی فی کس قیمت 40 ہزار سے 96 کروڑ 61 لاکھ کی مالیت بنتی ہے جبکہ 13 سو 31  شہری اپنی قیمتی کاروں سے محروم کردیے گئے شہری 7 لاکھ روپے ایوریج پر 93 کروڑ 17 لاکھ کی گاڑیوں سے محروم ہوئے۔

سی پی ایل سی کی رپورٹ کے مطابق اغواء برائے تاوان کے 11 واقعات رپورٹ کیے گیے، کراچی کے 61 شہریوں نے بھتہ خوری کی شکایات درج کروائیں جبکہ ڈکیتوں نے کراچی 8 بینکوں پر اپنے ہاتھ صاف کیے۔

مکمل رپورٹ دیکھیں