Author: نعمان ناصر

شوبز انڈسٹری کی ابھرتی ہوئی اداکارہ حنا چوہدری کا کہنا ہے کہ شوہر علی فاروق سے ان کی پہلی ملاقات یونیورسٹی میں ہوئی تھی۔

اے آر وائی ڈیجیٹل کے ڈرامہ سیریل ’رسم وفا‘ میں ’نور‘ کا کردار نبھانے والی اداکارہ حنا چوہدری نے شوہر علی فاروق کے ساتھ پروگرام ’گڈ مارننگ پاکستان‘ میں شرکت کی اور اس دوران مختلف موضوعات پر اظہار خیال کیا۔

حنا چوہدری نے بتایا کہ شوہر سے پہلی ملاقات یونیورسٹی میں ہوئی، پھر علی نے کہا کہ میرا یونیورسٹی میں بی بی اے ختم ہوچکا تھا، میں شام میں وہاں ایم فل کی کلاسز لے رہا تھا اور دن میں نوکری کرتا تھا۔

انہوں نے کہا کہ میرے بی بی اے میں مارکس اچھے تھے تو یونیورسٹی نے جونیئر لیکچرار کی جاب آفر کی تھی۔

حنا چوہدری نے بتایا کہ ہماری یونیورسٹی میں بھی ون آن ون کبھی بات نہیں ہوئی کیونکہ یہ فیکلٹی میں تھے زیادہ کام کے حوالے سے بات ہوتی تھی، اس کے بعد علی یونیورسٹی چھوڑ گئے اور کوئی کمپنی جوائن کرلی تھی، میرا یونیورسٹی میں کوئی جان پہچان والا نہیں تھا تو میں اپنے مسائل ان سے شیئر کرتی تھی۔

اداکارہ نے کہا کہ مجھے اکنامکس شروع سے برا سبجیکٹ لگتا تھا اور علی اس میں گولڈ میڈلسٹ تھے تو مجھے یہ تھا کہ کوئی بندہ مجھے پڑھا دے تو پاس ہوجاؤں، امی نے مشورہ دیا تھا کہ علی سے کہو کہ وہ تمہیں پڑھا دے پھر انہوں نے مجھے پڑھایا تھا۔

انہوں نے کہا کہ میری امی اور بہن کو علی بہت اچھے لگتے ہیں، یہ بہت ذمہ دار ہیں ابو لاہور میں نہیں تھے اور بھائی بھی نہیں تھا تو ہمیں جس بھی ضرورت ہوتی تھی تو یہ کام آتے تھے۔

شوبز انڈسٹری کے معروف اداکار آغا علی کا کہنا ہے کہ طلاق لینے پر خوش ہیں تو اس میں غلط کیا ہے۔

اداکار آغا علی نے حال ہی میں پوڈ کاسٹ میں شرکت کی جہاں میزبان نے سوال کیا کہ آپ کے خیال میں خوشی خوشی طلاق کو پروموٹ کرنا چاہیے؟

جواب میں اداکار نے کہا کہ میں نے نہیں بولا بٹ صاحب نے بولا تھا، اگر آپ طلاق لینے پر خوش ہیں تو اس میں غلط کیا ہے، کوئی بھی جوڑا الگ کیوں ہوتا ہے کیونکہ وہ خوش نہیں ہوتا۔

آغا علی نے کہا کہ کوئی بھی الگ ہونے کا فیصلہ اسی لیے کرتا ہے کہ ساتھ میں خوش نہیں ہے الگ رہ کر خوش رہیں گے تو مجھے نہیں لگتا کہ انہوں نے کچھ غلط کہا ہے۔

اداکار نے کہا کہ اس بات کو سال ہوگیا ہے کہ میں عوام سے کیوں جھوٹ بولوں گا۔ اگر وہ ایسا نہیں بولتے تو اس پوڈ کاسٹ میں ایسی بات نہیں ہوتی۔

انہوں نے کہا کہ آغا علی سے ملاقات کرلی تو سنبھل گے ہیں ورنہ کچھ عرصے پہلے فیصلہ سنا دیا گیا تھا کہ سب کچھ ختم ہوگیا ہے، انڈسٹری، لوگ ایسا رویہ کررہے تھے کہ میں ختم ہوگیا ہوں۔

آغا علی نے کہا کہ میں کہیں نہیں گیا یہیں پر موجود ہوں اپنا بیسٹ دینے کی کوشش کررہا ہوں۔

واضح رہے کہ آغا علی نے اداکارہ حنا الطاف سے شادی کی لیکن دونوں کی شادی نہیں چل سکی اور باہمی رضامندی سے علیحدگی اختیار کرلی۔

اداکار فیضان شیخ کا کہنا ہے کہ ڈرامہ سیریل ’شیر‘ میں میرے کردار ’فہد‘ سے نفرت میری کامیابی ہے۔

اے آر وائی ڈیجیٹل کے ڈرامہ سیریل ’شیر‘ کی 20 قسطیں نشر ہوئیں اور مداحوں کو ڈرامہ اتنا پسند آرہا ہے کہ یہ یوٹیوب پر ٹرینڈز میں شامل ہے۔

’شیر‘ میں دانش تیمور اور سارہ خان مرکزی کردار نبھا رہے ہیں۔

ڈرامے کی دیگر کاسٹ میں فیضان شیخ، ارجمند رحیم، سنیتا مارشل، نادیہ افگن، نبیل ظفر، منزہ عارف، عتیقہ اوڈھو، حسان نیازی، آمنہ ملک، نورین گلوانی ودیگر شامل ہیں۔

’شیر‘ کی ہدایت کاری کے فرائض احسن تالش نے انجام دیے ہیں جبکہ اس کی کہانی زنجابیل عاصم شاہ نے لکھی ہے۔

حالیہ انٹرویو میں فیضان شیخ سے میزبان نے سوال کیا کہ شیر میں آپ ولن بنے ہیں، لوگ آپ سے نفرت کررہے ہیں کیا کہیں کوئی کچھ کہہ رہا ہے؟

جواب میں فیضان نے کہا کہ کبھی مال چلے جاؤ تو خواتین پکڑ لیتی ہیں اور کہتی ہیں کہ آپ کیا کررہے ہیں، آپ نے شیر کو کیوں پاگل خانے بھجوا دیا ہے۔

انہوں نے کہا کہ میں خواتین سے کہتا ہوں کہ آپ دعا کریں شیر اسپتال سے واپس آجائے گا، ویسے اگر کسی کو میرے کردار سے نفرت ہے تو وہ میری جیت ہی ہے۔

اداکار نے کہا کہ ایک اور نئے پروجیکٹ کی شوٹنگ کررہا ہوں اور مداح مجھے جلد اسکرین پر دیکھیں گے۔