Author: نعمان ناصر

اے آر وائی ڈیجیٹل کے ڈرامہ سیریل ’بے بی باجی‘ کی نویں قسط نے مداحوں کی توجہ اپنی جانب مبذول کروالی۔

ڈرامہ سیریل ’بے بی باجی‘ میں سینئر اداکارہ ثمینہ احمد (بے بی باجی)، سعود قاسمی، جویریہ سعود (عذرا)، حسن احمد، سنیتا مارشل (اسما)، جنید جمشید نیازی (واصف)، سیدہ طوبیٰ انور (فرحت)، فضل حسین (ولید)، عینا آصف ودیگر اداکاری کے جوہر دکھا رہے ہیں۔

ڈرامے کی کہانی منصور احمد خان نے لکھی ہے جبکہ اس کی ہدایت کاری کے فرائض تحسین خان نے انجام دیے ہیں۔

گزشتہ قسط میں دکھایا گیا کہ ’بے بی باجی بیٹے واصف کے رشتے سے صرف اس وجہ سے انکار کرنے جارہی ہیں کہ لڑکی بیٹے سے فون پر بات کرتی ہے۔‘

لیکن اسما کا چھوٹا دیور ولید بھابھی کے پاس جاتا ہے اور انہیں کہتا ہے کہ وہ امی سے بات کریں اور انہیں سمجھائیں کے شادی سے قبل فون پر بات کرنا غلط نہیں ہے اس سے ایک دوسرے کو سمجھنے کا موقع ملتا ہے۔

ادھر بے بی باجی بضد ہیں انہیں شادی سے قبل لڑکی کا اس طرح لڑکے سے بات کرنا پسند نہیں یہ لڑکیوں کے حربے ہوتے ہیں وہ لڑکوں کو اپنی مٹھی میں کرلیں۔

تاہم اسما کے سمجھانے پر بے بی باجی کی رائے تبدیل ہورہی ہے اور وہ بیٹے کے لیے رشتہ پکا کرنے جارہی ہیں۔

کیا بے بی باجی کا یہ فیصلہ درست ثابت ہوگا اور کیا بڑی بہو عذرا دیور کی شادی میں رکاوٹ ڈالیں گی؟ یہ جاننے کے لیے اگلی قسط دیکھیں۔

شوبز انڈسٹری کی معروف اداکارہ لائبہ خان کی نئی تصاویر سوشل میڈیا پر وائرل ہوگئیں۔

فوٹو اور ویڈیو شیئرنگ ایپ انسٹاگرام پر اداکارہ لائبہ خان نے نئی تصاویر شیئر کیں جس میں انہیں جینز اور ٹی شرٹ میں خوشگوار موڈ میں دیکھا جاسکتا ہے۔

لائبہ خان نے تصاویر شیئر کرتے ہوئے کیپشن میں لکھا کہ ’تکدیاں راستہ اکھیاں بے چاریاں۔‘

View this post on Instagram

A post shared by Laiba Khan 🇵🇰 (@laibaakhanofficial)

اداکارہ نے چند گھنٹوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔

واضح رہے کہ لائبہ خان سوشل میڈیا پر کافی متحرک رہتے ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔

View this post on Instagram

A post shared by Laiba Khan 🇵🇰 (@laibaakhanofficial)

لائبہ خان اے آر وائی ڈیجیٹل کے متعدد ڈراموں میں اداکاری کے جوہر دکھا چکی ہیں جن میں کیسی تیری خود غرضی، انگنا، مقدر کا ستارہ ودیگر شامل ہیں۔

یاد رہے کہ اے آر وائی زندگی کے پروگرام ‘دی نائٹ شو ودھ ایاز سموں ‘ میں گفتگو کرتے ہوئے لائبہ خان نے اپنے ہمسفر سے متعلق بتایا تھا کہ میں یہ چاہتی ہوں کہ میری جس سے بھی شادی ہو وہ ایک اچھا انسان اور اس کا دل صاف ہو اور دوسروں کے احساس کو جاننے کا فن رکھتا ہو۔

میزبان نے سوال کیا کہ لڑکا ظاہری طور پر کیسا ہونا چاہئے؟ جس پر اداکارہ کا کہنا تھا کہ وہ شخص اچھی فٹنس کا حامل ہوا، موٹا پتلا نہیں مگر دیکھنے میں جاذب نظر آئے۔

اداکارہ کا کہنا تھا کہ کوئی بھی رشتہ طے کرتے وقت لڑکا یا لڑکی کی رائے نہ پوچھی جائے تو میرے خیال میں وہ رشتے زیادہ دیرپا نہیں ہوتے اور ان کا جلد اختتام ہوجاتا ہے۔

اے آر وائی ڈیجیٹل کے ڈرامہ سیریل ’میرے ہی رہنا‘ میں بھابھی ’روحی‘ کی خوشی کی وجہ جان کر عمر (سبحان احمد) غمزدہ ہوگئے۔

ڈرامہ سیریل ’میرے ہی رہنا‘ میں شہروز سبزواری (اسد)، کرن حق (روحی)، سید جبران (جنید)، اریج محی الدین (بینا)، عروبا مرزا (انو)، بابر علی (ابی)، فیضان شیخ، سبحان اعوان (عمر)، ندا ممتاز، پروین اکبر ودیگر اداکاری کے جوہر دکھا رہے ہیں۔

ڈرامے کی ہدایت کاری کے فرائض ذیشان علی زیدی نے انجام دیے ہیں جبکہ اس کی کہانی میمونہ عزیز نے لکھی ہے۔

’میرے ہی رہنا‘ کی کہانی دو بہنوں روحی اور بینا کے گرد گھومتی ہے جس میں دکھایا گیا ہے ایک ہی گھر میں شادی ہونے کے بعد دونوں بہنوں کو کن مسائل کا سامنا کرنا پڑتا ہے۔

گزشتہ قسط میں دکھایا گیا کہ جب عمر کو یہ پتا چلتا ہے کہ ان کی دوست بینا کی شادی کسی اور سے نہیں بلکہ ان کے بڑے بھائی جنید سے طے ہوگئی ہے تو وہ غمزدہ ہوجاتے ہیں۔

عمر بھابھی کو گنگناتا دیکھ کر کہتے ہیں کہ ’کیا بات ہے بھابھی آج بڑا گنگنایا جارہا ہے۔‘ وہ کہتی ہیں کہ ’انسان کب گنگناتا ہے۔‘ عمر کہتے ہیں کہ ’جب وہ زیادہ خوش ہوتا ہے۔‘

روحی کہتی ہیں کہ ’تو بس آج میں بہت خوش ہوں۔‘ عمر کہتے ہیں کہ ’وہ تو نظر آرہی رہا ہے کہ آپ بہت خوش ہیں، سوال یہ نہیں بلکہ سوال یہ ہے کہ آپ کی خوشی کی وجہ کیا ہے۔‘

وہ بتاتی ہیں کہ ’خوشی کی وجہ یہ ہے کہ گڑیا اس گھر میں آرہی ہے۔‘ عمر پوچھتے ہیں کہ ’کب ابھی آئے گی وہ؟’ روحتی کہتی ہیں کہ ’میرا مطلب یہ ہے کہ وہ اس گھر میں میری جٹھانی بن کر آئے گی۔‘

یہ سنتے ہی عمر افسردہ ہوجاتے ہیں اور کہتے ہیں کہ میں کچھ سمجھا نہیں۔‘ روحی کہتی ہیں کہ ’جنید بھائی گڑیا کو پسند کرتے ہیں انہوں نے یہ بات امی سے کہی اور امی نے ابی سے بات کی اور گڑیا نے رضامندی دے دی۔‘

کیا بینا کی شادی جنید سے ہونے کے بعد روحی کی مشکلات کم ہوجائیں گی؟ یہ جاننے کے لیے ’میرے ہی رہنا‘ کی اگلی قسط ہر پیر سے جمعہ رات 9 بجے دیکھیں۔