Author: نعمان ناصر

گواجرانوالہ: پنجاب کے شہر گوجرانوالہ میں دوران ڈکیتی خواتین سے زیادتی کرنے والا گروہ سرگرم ہوگیا۔

اے آر وائی نیوز کے مطابق گوجرانوالہ میں دوران ڈکیتی ایک ہفتے میں خواتین سے مبینہ زیادتی کی چار وارداتوں نے شہریوں کو خوفزدہ کردیا ہے۔

پولیس کا بتانا ہے کہ پہلا واقعہ تھانہ تتلے عالی کے علاقے مرالیوالہ میں 22 فروری کو پیش آیا، ڈاکوؤں نے اہلخانہ کو باندھ کر گھر کی خاتون کو کھیت میں لے جاکر زیادتی کا نشانہ بنایا۔

پولیس کے مطابق دوسرا واقعہ تھانہ اروپ کے علاقے نواں پنڈ میں 26 فروری کو ہوا جہاں ڈاکوؤں نے اہلخانہ کو باندھ کر ماں اور بیٹی کو گن پوائنٹ پر زیادتی کا نشانہ بنایا۔

تیسرا واقعہ تھانہ لدھیوالہ وڑائچ کے علاقے ہرنانوالی میں 28 فروری کو پیش آیا، ڈاکوؤں نے اہلخانہ کو باندھ کو لوٹ مار کی اور خاتون کو کھیت میں لے جاکر اجتماعی زیادتی کا نشانہ بنایا۔

پولیس کا بتانا ہے کہ 26 فروری کو زیادتی کی شکار ماں اور بیٹی خوفزدہ ہوکر رشتے داروں کے گھر منتقل ہوئی تھیں یکم مارچ کو ڈاکو اسی گھر میں واردات کرنے پہنچے جہاں ماں بیٹی رہائش پذیر تھیں۔ پولیس کے مطابق ڈاکوؤں نے متاثرہ لڑکی کو وہاں دیکھا اور دوبارہ زیادتی کا نشانہ بنایا۔

پولیس نے تمام واقعات کے الگ الگ مقدمات درج کرلیے لیکن تاحال کوئی ملزم گرفتار نہیں کیا جاسکا ہے۔

گوجرانوالہ پولیس کا کہنا ہے کہ چاروں واقعات میں تین رکنی گروہ ملوث ہے اور طریقہ واردات بھی ایک جیسا ہے جبکہ چاروں واقعات میں غریب، آبادی سے فاصلے پر گھرانوں کو ٹارگٹ کیا گیا ہے، پولیس کی چار مختلف ٹیمیں، سی آئی اے پولیس ملزمان کی تلاش میں چھاپے مار رہی ہے۔

اسلام آباد: صدر مملکت ڈاکٹر عارف علوی نے اٹارنی جنرل پر عدم اعتماد کا اظہار کردیا۔

اے آر وائی نیوز کے مطابق صدر مملکت ڈاکٹر عارف علوی نے اٹارنی جنرل پر عدم اعتماد کا اظہار کرتے ہوئے سلمان اکرم راجہ کو اپنا ذاتی وکیل مقرر کردیا ہے۔

عارف علوی کے سیکریٹری نے عدالت میں بیان دیتے ہوئے کہا کہ صدر مملکت اٹارنی جنرل کے بجائے سلمان اکرم راجہ کو صدر کی جانب سے دلائل دینے کی اجازت دی جائے۔

چیف جسٹس نے سلمان اکرم راجہ کو صدر عارف علوی کی جانب سے پیش ہونے کی اجازت دے دی۔

ذرائع کا بتانا ہے کہ کل عدالت میں اٹارنی جنرل وفاقی حکومت کی نمائندگی کریں گے جبکہ صدر مملکت کی جانب سے سلمان اکرم راجہ ان کا موقف عدالت میں پیش کریں گے۔

قومی ٹیم کے سابق اسپیڈ اسٹار شعیب اختر نے بابر اعظم سے متعلق بیان کی وضاحت کردی۔

پروگرام ’ہرلمحہ پرجوش‘ میں گفتگو کرتے ہوئے سابق اسپیڈ اسٹار شعیب اختر نے کہا کہ ’آپ اس دور میں رہ رہے ہیں جہاں میڈیا کی بھرمار ہے اور آپ کو میڈیا سے سیکھنا پڑے گا۔‘

انہوں نے کہا کہ یہ بیس سال پرانی کرکٹ نہیں ہے یہ وہ کرکٹ ہے جہاں پر آپ کو بولنا بھی سیکھنا پڑے گا اور کمیونی کیشن اسکل بھی بہتر کرنا پڑے گی۔

شعیب اختر نے کہا کہ ’کرکٹ اب ایک ’جاب‘ نہیں رہی ہے اس کی دوسری ’جاب‘ میڈیا بھی ہے۔‘

سابق اسپیڈ اسٹار نے کہا کہ ’ہمارے پاس گریٹ یونس خان بیٹھے ہوئے ہیں وہ اچھے کھلاڑی بھی ہیں اور ماشا اللہ بولتے بھی بہت اچھا ہیں لیکن بات وہی ہے کہ یونس اور میرے وقت پر میڈیا اتنا نہیں تھا لیکن اب آپ کو میڈیا کو بھی دیکھنا ہے۔‘

شعیب اختر نے کہا کہ اگر آپ کو انگریزی نہیں آتی ہے تو اپنی زبان میں بات کرلو لیکن ٹوٹی پھوٹی انگریزی نہ بولو یہ عجیب لگتا ہے۔

ایک سوال کے جواب شعیب اختر نے کہا کہ بابر اعظم کو میں نے بیٹھ کر سمجھایا تھا کہ تمہیں سو کروڑ کا برانڈ ہونا چاہیے لیکن اس کے لیے دوسری ڈیوٹی میڈیا ودیگر چیزیں بھی ہیں۔

انہوں نے کہا کہ میرا یہ ارادہ نہیں تھا کہ بابر اعظم کو چھوٹا دکھاؤں بلکہ یہ چاہتا ہوں کہ جب آپ اس کا موازنہ ویرات کوہلی کے ساتھ کرتے ہیں تو وہ بھی بڑا نظر آئے۔