Author: نعمان ناصر

بالی ووڈ آنجہانی اداکار دلیپ کمار پاکستان اور بھارت میں یکساں مقبول ہیں اور انہوں نے عالمی سطح پر بھی شہرت کی بلندیوں کو چھوا۔

آنجہانی اداکار دلیپ کمار کے انتقال کے بعد نامور شخصیات نے دکھ اور افسوس کا اظہار کیا اور ان کے ساتھ ملاقاتوں اور ان سے جڑی سنہری یادوں کو شیئر کیا۔

پاکستانی نژاد برطانوی گلوکار زین ملکنے بھی دلیپ کمار کو خراج عقیدت پیش کرنے کے لیے ان کی اپنے دادا آزاد ملک کے ساتھ یادگار تصویر شیئر کی۔

زین ملک نے فوٹو اینڈویڈیو ایپ انسٹاگرام پر یہ تصویر شیئر کرتے ہوئے کیپشن میں لکھا تھا کہ ’میرے ابو دلیپ کمار کے ساتھ۔‘

اس پوسٹ کوزین ملک کے دادا نے بھی اپنے انسٹاگرام اکاؤنٹ پر شیئر کیا تھا۔

گلوکار خود بھی ماضی میں بالی ووڈ سے اپنی محبت کا اظہار کئی بار کر چکے ہیں، انہوں نے سرعام اس بات کا بھی اعتراف کیا تھا کہ بالی ووڈ کنگ شاہ رخ خان ان کے پسندیدہ اداکار ہیں۔

اداکار امیر گیلانی نے اپنی سالگرہ اہلیہ ماورا حسین کے ساتھ منائی جس کی تصاویر سوشل میڈیا پر وائرل ہوگئیں۔

اداکار امیر گیلانی اداکار ہونے کے ساتھ ساتھ وکیل بھی ہیں، انہوں نے اپنے پہلے ڈرامہ سیریل میں اہلیہ ماورا حسین کے ساتھ اداکاری کی اور مشہور ہوگئے۔

مداحوں نے انہیں دوسرے ڈراموں میں بھی پسند کیا۔

آج عامر گیلانی نے اپنی اہلیہ ماورا حسین کے ساتھ سالگرہ منائی جس کی تصاویر سوشل میڈیا پر وائرل ہوگئیں۔

انہوں نے کیپشن میں لکھا کہ ’بہترین کے ساتھ مبارک۔‘

ماورا نے ایک خوبصورت پیغام لکھا کہ ’ہیپی برتھ ڈے، میں آپ سے پیار کرتی ہوں۔”

عامر گیلانی نے ان کا شکریہ ادا کیا اور کہا کہ وہ ماورا حسین کو اپنی زندگی میں پا کر خوش قسمت سمجھتے ہیں۔

سالگرہ کے موقع پر ماورا نے ایک شاندار سلک فراک پہنا جبکہ عامر نے ڈینم پینٹ کے ساتھ جوڑی والی پیلے رنگ کی ٹی شرٹ کا انتخاب کیا۔

بالی ووڈ کے معروف اداکار عامر خان نے بتایا ہے کہ جاوید میانداد نے ان کی شادی برباد کردی تھی۔

اداکار عامر خان نے کہا کہ 18 اپریل 1986 کو میری اور رینا دتہ کی شادی ہوئی یہ وہی دن تھا جب شارجہ میں جاوید میانداد نے چیتن شرما کو آخری گیند  پر چھکا مارا تھا۔

انہوں نے کہا کہ میں شادی کرکے اپنے گھر اور رینہ اپنے گھر چلی گئی گھر پہنچ کر سوچا کہ پوچھا جائے گا کہ کہاں سے آرہے ہو لیکن سب میچ دیکھنے میں لگے تھے کسی نے کچھ نہیں پوچھا۔

عامر خان کے مطابق میں بھی میچ دیکھنے بیٹھ گیا ہم میچ جیت رہے تھے میں بڑا خوش تھا کہ شادی کے دن پاکستان سے جیت رہے ہیں بڑا مزہ آئے گا۔

اداکار نے بتایا کہ آخری گیند پر جاوید میانداد نے چھکا مار دیا۔

انہوں نے کہا کہ سالوں بعد میری جاوید میانداد سے فلائٹ میں ملاقات ہوئی تو ان سے کہا کہ جاوید بھائی آپ نے ٹھیک نہیں کیا، وہ پوچھنے لگے کیا؟ میں ان سے کہنے لگا کہ آپ نے میری شادی برباد کردی، وہ پوچھنے لگے کیسے؟ میں نے بتایا کہ آپ نے اسی دن چھکا مارا تھا۔

عامر خان کا کہنا تھا کہ آپ نے چھکا مارا تو میں ڈپریشن میں چلا گیا تھا۔

اداکار نے بتایا کہ شادی کے بعد چھ ماہ تک وہ اپنے گھر پر اور میں اپنے گھر پر رہتا تھا لیکن ہم خوش تھے کہ اب ہمیں کوئی الگ نہیں کرسکتا، گواہ ہمارے ستیا، سواتی، اور ان کا ایک کزن آنند، فیصل اور وکی تھے۔

سینئر اداکارہ بشریٰ انصاری کا کہنا ہے کہ عائشہ خان کا بچوں کے گھر پر دل نہیں لگتا تھا۔

شوبز انڈسٹری کی سینئر اداکارہ بشریٰ انصاری نے مرحوم اداکارہ عائشہ خان کے بچوں سے متعلق وضاحت دے دی۔

بشریٰ انصاری نے بتایا کہ ان کی عائشہ خان سے ایک ڈرامے میں ملاقات ہوئی تھی وہ بتا رہی تھیں کہ بچے باہر ہیں، بیٹی امریکا میں مقیم ہے جبکہ ایک بیٹا سنگاپور میں ہے۔

عائشہ خان نے بشریٰ انصاری کو بتایا تھا کہ بچے بہت کہتے ہیں کہ ہمارے ساتھ رہیں لیکن میرا ان کے ساتھ دل نہیں لگتا، میں اپنے فلیٹ میں خوش ہیں، پڑوسی اچھے ہیں اپنی مرضی سے کوکنگ کرتی، کتابیں پڑھتی ہوں۔

مزید پڑھیں : سینئر اداکارہ عائشہ خان انتقال کرگئیں

اداکارہ نے کہا کہ میں نے ان سے پوچھا کہ بچے پیسے دیتے ہیں؟ جواب میں وہ ہنسنے لگ گئیں اور کہنے لگیں کہ درازوں میں رکھ کر جاتے ہیں۔

بشریٰ انصاری نے کہا کہ ان کے بچے انہیں نظر انداز نہیں کرتے تھے، ہر چیز ایک جیسی نہیں ہوتی، میں کبھی ان لوگوں سے ملی نہیں لیکن انہوں نے اپنی زبانی بتایا، وہ اپنی مرضی سے نہیں گئیں وہ ایک مضبوط عورت تھیں۔

سینئر اداکارہ نے بتایا کہ مجھے نہیں معلوم گھریلو ملازمہ کہاں تھی اتنے دنوں سے اور پڑوسیوں نے کوئی خبر نہ ملی، میری جو ان سے گفتگو ہوئی یہ پانچ سال پہلے کی بات تھی۔

انہوں نے کہا کہ عائشہ خان بہت اعلیٰ اور اچھے خاندان سے تعلق رکھتی تھیں، ان کے انتقال پر دکھ اور افسوس ہوا ہے۔

دلجیت دوسانجھ اور ہانیہ عامر کی فلم ’سردار جی 3‘ کا ٹریلر بھارت میں یوٹیوب پر بلاک کردیا گیا۔

پاکستان کی مشہور ماڈل اور اداکارہ ہانیہ عامر نے اپنی آنے والی پنجابی فلم ’سردار جی 3‘ کا ٹریلر سوشل میڈیا پر شیئر کیا جس میں انہوں نے انڈین گلوکار و اداکار دلجیت دوسانجھ کے ساتھ کام کیا ہے۔

’سردار جی 3‘ کے ٹریلر کو گزشتہ روز ریلیز کیا گیا جسے مداحوں کی جانب سے بھرپور پذیرائی ملی۔

یہ پڑھیں: سردار جی 3 کا ٹریلر ریلیز، ہانیہ عامر کے مداح خوشگوار حیرت میں مبتلا

رپورٹ کے مطابق سردار جی 3 کے تین منٹ طویل ٹریلر نے فلم میں ہانیہ عامر کے کردار کی تصدیق کی تاہم اب ٹریلر کو بھارت میں یوٹیوب بلاک کردیا گیا ہے تاہم اسے اب بھی دلجیت دوسانجھ کے انسٹاگرام اکاؤنٹ سے دیکھا جاسکتا ہے۔

 

View this post on Instagram

 

A post shared by DILJIT DOSANJH (@diljitdosanjh)

فلم کے پہلے جاری کیے گئے ٹیزرز اور گانے اب بھی ویڈیو پلیٹ فارم پر دیکھے جاسکتے ہیں۔

اس سے قبل خبریں گردش کررہی تھیں کہ پہلگام فالس فلیگ آپریشن کے بعد پاکستانی اداکارہ کو فلم کی کاسٹ سے ڈراپ کردیا گیا ہے۔

تاہم گزشتہ روز جاری ہونے والے ٹریلر نے افواہوں کو رد کیا جس میں ہانیہ عامر موجود تھیں۔

امر ہندل کی ہدایت کاری اور جتندر لال، دھیرج رتن اور منیلا رتن کی مشترکہ تحریر کردہ فلم جمعہ 27 جون کو بھارت کے علاوہ دنیا بھر میں ریلیز کی جائے گی۔