Author: نعمان ناصر

شوبز انڈسٹری کی معروف اداکارہ حبا بخاری نے جعلی ایکس اکاؤنٹ سے متعلق مداحوں کو مطلع کرکے دھوکا کھانے سے بچا لیا۔

پاکستان شوبز کی اداکارہ حبا بخاری نے ایک جعلی ایکس اکاؤنٹ (سابقہ ٹوئٹر) کی جانب سے ان سے منسوب کیے گئے متنازع بیان پر ردعمل دیتے ہوئے وضاحت کی ہے کہ ان کا ایکس پر کوئی آفیشل اکاؤنٹ موجود نہیں۔

سوشل میڈیا پر ایک اکاؤنٹ نے سابق وزیراعظم عمران خان سے متعلق ایک بیان حبا بخاری کے نام سے شیئر کیا، جس کے بعد صارفین کی جانب سے ملا جلا ردعمل سامنے آیا۔

حبا بخاری نے انسٹاگرام اسٹوری کے ذریعے اپنے مداحوں کو آگاہ کیا کہ وہ ایکس پر سرے سے موجود ہی نہیں ہیں اور ان کے نام سے بنایا گیا اکاؤنٹ جعلی ہے۔

View this post on Instagram

A post shared by DIVA Magazine Pakistan (@divamagazinepakistan)

اداکارہ نے مزید کہا کہ کسی بھی سماجی یا سیاسی معاملے پر ان کے نام سے کیے جانے والے بیانات کو سنجیدگی سے نہ لیا جائے، جب تک کہ وہ خود اپنے آفیشل پلیٹ فارمز پر کوئی بات نہ کریں۔

انہوں نے مداحوں سے درخواست کی کہ ایسے جعلی اکاؤنٹس کو فوری طور پر رپورٹ کریں۔

شوبز انڈسٹری کی ابھرتی ہوئی اداکارہ اور کانٹینٹ کری ایٹر رومیسہ خان کا کہنا ہے کہ میری جس اسپتال میں پیدائش ہوئی وہ بند ہوگیا۔

اداکارہ و ٹک ٹاکر رومیسہ خان نے حال ہی میں علی سفینہ کے پوڈ کاسٹ میں شرکت کی اور نجی زندگی سمیت دیگر موضوعات پر اظہار خیال کیا۔

رومیسہ خان نے بتایا کہ میں جس اسپتال میں پیدا ہوئی وہ بند ہوگیا، جس اسکول سے میٹرک مکمل کیا وہ بھی بند ہوگیا پھر جس کوچنگ سینٹر سے پڑھی وہ بھی بند ہونے کے قریب ہے اور جس یونیورسٹی سے ڈگری حاصل کی اس کا ایک کیمپس بند ہوچکا ہے۔

اس پر میزبان نے کہا کہ آپ تو بہت بڑی پنوتی ہیں اس پر رومیسہ مسکرانے لگ گئیں۔

رومیسہ خان نے بتایا کہ بچپن میں لڑکوں کے ساتھ دوستی تھی اور ان کے ساتھ گھل مل جاتی تھی کیونکہ اس وقت لڑکیوں کے ساتھ میری زیادہ بنتی نہیں تھی لیکن وقت کے ساتھ ساتھ میری سوچ بدلی اور میری بہترین دوست لڑکیاں ہیں۔

انہوں نے کہا کہ لڑکوں کو جانتی ہوں اور سماجی تقریبات میں ملتی بھی ہوں لیکن اب قریبی دوست کوئی لڑکا نہیں۔

یہ پڑھیں: رومیسہ خان نے صرف لڑکیوں سے دوستی کی وجہ بتادی

رومیسہ نے مزید بتایا کہ وہ انسٹاگرام پر بھی لڑکیوں سے تو کشادہ دلی سے بات کرتی ہیں لیکن لڑکوں کے ڈی ایم سے گریز کرتی ہیں۔

ایک سوال کے جواب میں اداکارہ نے کہا کہ فیریئر ہال بہت اچھی جگہ ہے میرا دل چاہتا ہے کہ وہاں جاؤں لیکن میں گئی ہوں ایک دو مرتبہ شوٹنگ کے لیے لیکن ٹک ٹاک بنانے کے لیے وہاں نہیں جاسکتی۔

 رومیسہ خان نے کہا کہ مجھے پہلے دن سے ہی اداکارہ بننا تھا لیکن مجھے نہیں معلوم تھا کہ ٹک ٹاک ویڈیوز کے ذریعے ایسا ہوجائے گا، گھر میں پڑوسن کی نقلیں اتارتی تھیں اور ڈب میش بنا کر خوش ہوتی تھی۔

اداکارہ نے کہا کہ جب میں نے یہ سب کرنا شروع کیا تو لوگ خوش ہوتے تھے جسے دیکھ کر مجھے خوشی ہوتی تھی۔