Author: نعمان ناصر

پاکستانی ڈرامہ انڈسٹری کی معروف اداکارہ اقرا عزیز نے شوہر یاسر حسین کے ہمراہ دبئی کے سفر کے دوران جہاز میں موبائل فون بھول گئیں۔

اداکارہ اقرا عزیز نے اپنی انسٹا انسٹوری میں ایمریٹس ایئرلائن سے مدد کی اپیل کرتے ہوئے لکھا کہ ’میں اپنا فون پاکستان سے دبئی کے سفر کرتے ہوئے جہاز میں بھول گئی ہوں، ایئرلائن فون دوبارہ واپس دلوانے میں میری مددد کرے۔‘

انہوں نے لکھا کہ ’وہ اپنا فون جہاز میں ہی بھول گئی ہیں اور اب انہیں دو راتوں تک دبئی میں ہی رہنا ہے اور بیٹے کی بھی بہت یاد آرہی ہے۔‘

اقرا نے متعلقہ ایئرلائن سے مخاطب ہوتے ہوئے لکھا کہ ’کیا وہ میری مدد کرسکتے ہیں۔‘

دوسری جانب ایئرلائن کی جانب سے اہلیہ کا فون واپس نہ کرنے پر شوہر یاسر حسین بھی مایوس ہوگئے۔

یاسر حسین نے لکھا کہ ایمریٹس نے کہا کہ آپ کو تین گھنٹے بعد فون مل جائے گا اور اب وہ جواب بھی نہیں دے رہے ہیں۔

یاد رہے کہ اداکارہ اقرا عزیز نے اپنا آئی فون جہاز میں بھولنے کی اطلاع انسٹاگرام اسٹوری کے ذریعے دی تھی۔

اے آر وائی ڈیجیٹل پر اداکارہ کومل میر کا نیا ڈرامہ سیریل ’بے نام‘ جلد نشر کیا جائے گا، ڈرامے کے پہلے ٹیزر کو مداحوں کی جانب سے بھرپور پذیرائی مل رہی ہے۔

اے آر وائی ڈیجیٹل کے نئے ڈرامہ سیریل ’بے نام‘ میں کومل میر (عائزہ) نامی لڑکی کا مرکزی کردار ادا کریں گی، ڈرامے کی دیگر کاسٹ میں نور حسن (حیدر)، شازیل شوکت (لائبہ) انوشے عباسی، سعد قریشی ودیگر شامل ہیں۔

ڈرامے کی ہدایت کاری کے فرائض علی مسعود سعید نے انجام دئیے ہیں جبکہ اس کی اسٹوری سیما شیخ نے لکھی ہے۔

اداکارہ کومل میر نے فوٹو اور ویڈیو شیئرنگ ایپ انسٹاگرام پر اپنی خوبصورت تصاویر شیئر کیں اور ڈرامے سے متعلق مداحوں کو آگاہ کیا۔

 

View this post on Instagram

 

A post shared by Komal Meer (@komallmeer)

کومل کی تصاویر کو مداحوں کی جانب سے خوب سراہا جارہا ہے۔

ڈرامے کا ٹیزر

بے نام کے ٹیزر میں دکھایا گیا ہے کہ منفی کردار نبھانے والی اداکارہ شازیل شوکت کہہ رہی ہیں کہ ’محبت اگر سچی ہو تو مل ہی جاتی ہے دیکھ لو حیدر آخر میں نے تمہیں پا ہی لیا۔‘

حیدر لائبہ سے مخاطب ہوتے ہوئے کہتا ہے کہ ’لائبہ محبت دو لوگوں کے بیچ ہوتی ہے، میں تو تمہارا کبھی تھا ہی نہیں، اسی اثنا میں شادی ہال میں عائزہ بھاگتی ہوئی آتی ہیں اور کہتی ہیں کہ ’حیدر میں نے سوچا تھا میں تمہارے بغیر رہ لوں گی لیکن نہیں رہ پائی کمزور پڑ گئی مجھے معاف کردو۔

اس دوران حیدر کہتا ہے کہ کمزور تم نہیں، کمزور تو میری محبت ہے یہاں سے چلی جاؤ۔

لائبہ کہتی ہے کہ میں جانتی تھی تم بے وفا تو ہوسکتے ہو لیکن احسان فراموش نہیں اور پھر حیدر کا ہاتھ پکڑ کر واپس لے جاتے ہوئے کہتی ہے کہ قاضی صاحب نکاح شروع کریں۔

کیا اتنی نفرتوں کے بیچ عائزہ اپنی بے نام محبت ڈھونڈ پائے گی، یہ سب دیکھنے کے لیے ڈرامہ سیریل ’بے نام‘ جلد اے آر وائی ڈیجیٹل پر دیکھنا نہ بھولیں۔