Author: نعمان ناصر

اے آر وائی ڈیجیٹل کے ڈرامے ’میں ہاری پیا‘ کے ایک سین کی ویڈیو سوشل میڈیا پر وائرل ہوگئی۔

ڈرامہ سیریل ’میں ہاری پیا‘ کی منفرد کہانی نے مداحوں کی توجہ اپنی جانب مبذول کروالی، ڈرامے میں اداکار سمیع خان (فواد)، حرا مانی (سارہ) اور سنبل اقبال (فروہ) کا مرکزی کردار ادا کررہی ہیں۔

ڈرامے کی کہانی بھی ان تینوں کے گرد ہی گھومتی ہے، سارہ اور فروہ بہت اچھی دوست ہوتی ہیں، سارہ کا تعلق امیر گھرانے سے ہوتا ہے جبکہ فروہ متوسط طبقے سے تعلق رکھتی ہے اور اس کی خواہش ہوتی ہے کہ وہ کسی امیر شخص سے شادی کرلے۔

فروہ اپنی دوست سارہ کی فواد سے شادی ہونے کے بعد اس سے جلن کا شکار ہوجاتی ہے اور کہتی ہے کہ میں شادی کروں گی تو کسی امیر آدمی سے ہی کروں گی، غربت کی زندگی بہت گزارلی اب میرے پاس بھی ساری آسائشیں ہوں گی۔

فروہ کی یہ خواہش اس ہی کی دوست فروہ پوری کردیتی ہے وہ اس طرح کہ اپنے ہاں اولاد نہ ہونے پر شوہر فواد کی شادی فروہ سے کروادیتی ہے اور یہی اس کی سب سے بڑی غلطی بن جاتی ہے۔

سنبل اقبال (فروہ) اب فواد اور سارہ کی محبت کے درمیان آگئی ہے اور سارہ کو نیچے دکھانے کا کوئی موقع ہاتھ سے جانے نہیں دیتی اور بات بات پر اپنی پرانی دوست سارہ سے لڑنے جھگڑنے شروع ہوجاتی ہے۔

فواد بھی دو شادیوں کو لے کر پریشان ہوگیا ہے وہ محبت تو سارہ سے کرتا ہے لیکن سارہ کے کہنے پر فروہ کو ہر وہ چیز دلانے پر رضامند ہوجاتا ہے جو سارہ کے پاس ہوتی ہے۔

ڈرامے کے ایک سین کی ویڈیو میں دیکھا جاسکتا ہے کہ فواد اہلیہ سارہ کے فون پر گفتگو کرتے ہوئے کہتا ہے کہ ’سارہ فروہ میری بیوی ضرور ہے لیکن کبھی یہ مت سمجھنا کہ وہ کبھی تمہاری جگہ لے سکتی ہے، کیا تم چاہتی ہو کہ وہ تمہاری جگہ لے؟ ‘

اس پر سارہ کہتی ہے فواد کوئی کسی کی جگہ نہیں لے سکتا، میرے دل میں جو آپ کی جگہ ہے وہ کبھی کوئی نہیں لے سکتا، اگر فروہ میری جگہ لینا چاہتی ہے تو میں اسے روک تو نہیں سکتی۔‘

فواد یہ سن کر کہتا ہے کہ بہت ہی ڈپلومیٹک جواب دیا ہے تم نے میں اب دو بیویوں کے درمیان پھنس گیا ہوں، دیکھتے ہیں کیا حال ہوتا ہے میرا، ویسے مجھے لگتا ہے کہ میرا بُرا ہی حشر ہوگا، سارہ کہتی ہے کہ میں آپ کو کچھ نہیں ہونے دوں گی۔

واضح رہے کہ ڈرامہ سیریل ’میں ہاری پیا‘ ہر پیر سے جمعرات کی رات 9 بجے اے آر وائی ڈیجیٹل پر نشر کیا جارہا ہے۔

پاکستانی ڈرامہ انڈسٹری کی معروف اداکارہ غنا علی نے شوہر پر تنقید کرنے والے صارف کو آڑے ہاتھوں لے لیا۔

اداکارہ غنا علی نے فوٹو اور ویڈیو شیئرنگ ایپ انسٹاگرام پر شوہر کے ہمراہ تصاویر شیئر کیں جنہیں مداحوں کی جانب سے سراہا گیا لیکن ایک صارف نے ان کی پوسٹ پر شوہر کو تنقید کا نشانہ بنایا۔

غنا علی کی جانب سے شیئر کی جانے والی تصاویر میں دیکھا جاسکتا ہے کہ وہ اور ان کے شوہر خوشگوار موڈ میں نظر آرہے ہیں۔

 

View this post on Instagram

 

A post shared by GHANA UMAIR👸🏻 (@ghanaaliofficial)

اداکارہ کی جانب سے شیئر کی گئی تصویر پر ایک صارف نے ان کے شوہر کے لیے نامناسب الفاظ استعمال کیے تو غنا علی غصے میں آگئیں۔

غنا علی نے جواب دیتے ہوئے کہا کہ ’تمہاری زبان نہ کاٹ دیں۔‘

واضح رہے کہ گزشتہ دنوں اداکارہ غنا علی نے شوہر کی سالگرہ کی موقع پر محبت بھرا پیغام شیئر کیا تھا۔

اداکارہ نے شوہر کو مخاطب کرتے ہوئے لکھا تھا کہ ’دنیا کے سب سے مہربان اور رحم دل انسان کو سالگرہ مبارک ہو۔‘

غنا علی نے لکھا تھا کہ ’آپ میری زندگی کے سب سے خاص انسان ہیں، آپ میرے دوست، میرے شوہر اور میرے دکھ درد کے ساتھی ہیں۔‘

اداکارہ کا کہنا تھا کہ ’شوہر میرے لیے اللہ تعالیٰ کا ایک خاص تحفہ ہیں اور میں آج اس خاص دن کے موقع پر ان سے اپنی محبت کا اظہار کرتے ہوئے انہیں خاص محسوس کروانا چاہتی ہوں۔‘

View this post on Instagram

A post shared by GHANA UMAIR👸🏻 (@ghanaaliofficial)

غنا علی نے دعا کرتے ہوئے لکھا تھا کہ ’میں دعا کرتی ہوں کہ ہماری محبت ایسے ہی سلامت رہے اور اللہ تعالیٰ ہمیں بری نظر سے بچائے۔‘

خیال رہے کہ غنا علی کئی ڈراموں میں اپنی اداکاری کے جوہر دکھا چکی ہیں جن میں سُن یارا، کس دن میرا ویا ہووے گا سیزن فور، سایہ دیوار بھی نہیں، ہانیہ، چھوٹی چھوٹی باتیں اور سراب سمیت دیگر ڈرامے شامل ہیں۔

اے آر وائی ڈیجیٹل پر گزشتہ روز نئے ڈرامہ سیریل ’امانت‘ کی پہلی قسط نشر کی گئی جسے مداحوں کی جانب سے خوب سراہا جارہا ہے۔

ڈرامہ سیریل ’امانت‘ میں اداکار عمران عباس (ضرار)، ہارون شاہد (جنید)، عروہ حسین (مہر)، صبور علی (زونی) ، بابر علی (ملک صاحب)، گوہر رشید، صبا حمید ودیگر اداکار اداکاری کے جوہر دکھا رہے ہیں.

ڈرامہ کی پہلی قسط میں دکھایا گیا ہے کہ ضرار اور زونی ایک دوسرے سے بے انتہا محبت کرتے ہیں اور دونوں کی شادی ہونے والی ہے اور ضرار کی بہن کی شادی بھی زونی کے بھائی راحیل سے ہورہی ہے۔

دوسری جانب دوسرے شہر میں رہنے والی ملک صاحب اپنی بھتیجی کی شادی اپنے ذہنی معذور بیٹے سے کروا رہے ہوتے ہیں یہ دیکھ کر مہر کی چچی اسے سمجھاتی ہیں اور کزن کے ساتھ اسے گھر سے بھگادیتی ہیں۔

ضرار اور زونی شادی تو کررہے ہوتے ہیں لیکن زونی کا مزاج ضرار سے مختلف ہے اور وہ اپنی بات منوانے کے لیے ہر حد تک گزر جاتی ہے یہاں تک کہ جہیز کا سامان لینے پہنچنے والے ضرار کے بھائی جنید کو بھی سامان ٹوٹنے پر کھری کھری سناتی ہے۔

اس بات کو لے کر ضرار اور زونی میں جھگڑا ہوتا ہے لیکن پھر بھی ضرار زونی کو نہیں چھوڑتا۔

دوسری قسط کے پرومو میں دکھایا گیا ہے کہ مہر کا شوہر ضرار کے ساتھ موٹر سائیکل پر جارہا ہوتا ہے تو موٹر سائیکل حادثے کا شکار ہوجاتی ہے۔

حادثے میں مہر کے شوہر کا انتقال ہوجائے گا اور مہر اکیلی رہ جائے گی، پرومو میں ضرار کو یہ کہتے سنا جاسکتا ہے کہ میں تمہیں لے کر بھی نہیں جاسکتا اور چھوڑ کر بھی نہیں جاسکتا ہوں لیکن وہ مہر کو لے کر گھر آجاتا ہے اور زونی یہ کہتی ہے کہ تم کیا سمجھتی ہو وہ تمہارے ساتھ  وفا کرے گا وہ تمہیں بھی چھوڑ دے گا۔

 کیا زونی کو چھوڑنے کے بعد ضرار مہر کو بھی چھوڑ دے گا، کیا زونی جنید سے شادی کرکے مہر کی زندگی اجیرن بنادے گی، یہ سب جاننے کے لیے ڈرامہ سیریل ’امانت‘ ہر منگل کی رات 8 بجے دیکھنا نہ بھولیں۔

کراچی: ڈرامہ انڈسٹری کی معروف اداکارہ امر خان کی گفتگو نے منیب بٹ کو ہنسنے پر مجبور کردیا۔

اے آر وائی ڈیجیٹل کے پروگرام ’گڈ مارننگ پاکستان‘ میں ڈرامہ سیریل ’بددعا‘ میں مرکزی کردار ادا کرنے والے اداکار منیب بٹ اور امر خان نے شرکت کی اور میزبان ندا یاسر کے مختلف سوالات کے جوابات دئیے۔

ندا یاسر نے پوچھا کہ ایسا کبھی ہوا ہے کہ کسی تقریب میں گئے ہوں تو دوسرے کے کپڑے دیکھنے کے بعد احساس ہوا کہ یا تو میں بہت ’اوور ڈریسڈ‘ ہوں یا ’انڈر ڈریسڈ‘ ہوں یعنی کپڑے موقع کی مناسبت سے یا تو زیادہ شوخ ہیں یا بہت دبے دبے سے ہیں۔

اداکارہ امر خان نے کہا کہ مجھے لگتا ہے کہ میں اوور ڈریسڈ سے زیادہ انڈر ڈریسڈ ہوتی ہوں اور کہنے لگیں کہ انڈر ڈریسڈٖ کا مطلب کبھی کبھی  کسی سالگرہ کی تقریب میں جاتی ہوں تو عام سا لباس پہن کر جاتی ہوں۔

امر خان کا یہ کہنا تھا کہ منیب بٹ ہنسنے لگے ساتھ ہی امر خان بھی اپنی ہنسی نہیں روک پائیں اور مسکرانے لگیں۔

اداکارہ نے بتایا کہ آج شو میں آرہی تھی تو کوئی کہہ رہا تھا کہ مارننگ شو میں اتنا سادہ سیاہ لباس پہن کر جارہی ہو، میں نے سوچا کہ شو میں جانے کے لیے چمکیلے کپڑے یا شرارا پہن کر جاؤں۔

دوسری جانب اداکار منیب بٹ نے منال کی مایوں کا قصہ سناتے ہوئے کہا کہ منال کی مایوں کے دوران میں نے کُرتا اور پاجامہ اور سبز واسکٹ خریدی جب وہ پہن کر والدہ کو دکھانے گیا تو انہوں نے کہا کہ بہت ہی کوئی ’دلہا‘ لگ رہے ہو۔

اداکار نے بتایا کہ میں نے کہا جی امی نے دوربارہ کہا کہ دلہا لگ رہے ہو میں پھر میں نے آئینے میں جاکر دیکھا تو واقعی بہت شوخ لگ رہا تھا، پھر میں سیاہ کرتا پہنا اور گرین واسکٹ پہنی تو بیلنس ہوگیا، اگر میں وہی پہن کر چلا جاتا اور دوسرے کچھ کہتے تو مجھے برا لگ جاتا۔

اسلام آباد: پاکستانی ڈرامہ انڈسٹری کی معروف اداکارہ اور ماڈل آمنہ شیخ کے ہاں بیٹے کی پیدائش ہوئی ہے۔

سابق سپر ماڈل اور ڈرامہ انڈسٹری کی اداکارہ آمنہ شیخ نے نومولود کی پیدائش کی اطلاع فوٹو اور ویڈیو شیئرنگ ایپ انسٹاگرام پر دی۔

اداکارہ نے نومولود کی تصویر شیئر کرتے ہوئے بتایا کہ ان کے ہاں رواں ماہ تین ستمبر کو دوسرے بچے کی ولادت ہوئی۔

 

View this post on Instagram

 

A post shared by Aamina Sheikh (@aaminasheikh)

آمنہ شیخ نے لکھا کہ انہوں نے اپنے بیٹے کا نام عیسیٰ رکھا ہے، سوشل میڈیا پر شیئر کردہ تصویر میں دیکھا جاسکتا ہے کہ ان کے شوہر عمر فاروق اور ان کی بڑی بیٹی عیسیٰ کو پیار کررہے ہیں۔

 

View this post on Instagram

 

A post shared by Aamina Sheikh (@aaminasheikh)

اداکارہ کی جانب سے بچے کی پیدائش کی تصدیق کیے جانے کے بعد کئی شوبز شخصیات اور مداحوں نے انہیں مبارک باد پیش کی۔

اداکارہ مومل شیخ، ماہرہ خان، عائزہ خان ودیگر اداکاراؤں نے آمنہ شیخ کو بیٹے کی پیدائش پر مبارک باد دی۔

یاد رہے کہ آمنہ شیخ نے گزشتہ سال اگست میں دوسری شادی عمر فاروق سے کی تھی جو ایجوکیشنل ٹیکنالوجی کمپنی کے چیف ایگزیکٹو افسر (سی ای او) ہیں۔

اداکارہ نے دوسری شادی طلاق کے تقریباً ایک سال بعد کی تھی، ان کی اور اداکار محب مرزا کے درمیان 2019 کے اختتام پر طلاق ہوگئی تھی۔

آمنہ شیخ اور اداکار محب مرزا نے 2005 میں شادی کی تھی اور ان کے ہاں 2015 میں بیٹی کی پیدائش ہوئی تھی، جس کے چند سال بعد ہی جوڑے کے درمیان اختلافات شروع ہو گئے تھے۔

اے آر وائی ڈیجیٹل کا نیا ڈرامہ سیریل ’بے رُخی‘ مداحوں کو بھاگیا، ڈرامے کی پہلی قسط کو مداحوں کی بڑی تعداد نے پسند کیا۔

ڈرامہ سیریل ’بے رخی‘ میں جنید خان، حبا بخاری، نازش جہانگیر، حسن احمد، عفت عمر، عثمان پیرزادہ، صبا حمید ودیگر اداکاری کے جوہر دکھا رہے ہیں۔

ڈرامہ کی پہلی ڈبل اقساط میں دکھایا گیا ہے کہ حبا بخاری (سبین) کی چچی (عفت عمر) اپنے بھائی (کامران) کی شادی کے لیے سبین کا ہاتھ مانگ لیتی ہیں لیکن کامران کی پہلے ہی دو بار طلاق ہوچکی ہیں اور اس کا کردار بھی کچھ اچھا نہیں جس کے باعث سبین کے گھر والے اپنے چھوٹے بھائی کو انکار کردیتے ہیں۔

سبین کے چچا کافی پیسے والے ہیں جبکہ سبین کے والد ریٹائرڈ ہیں اور سبین اور اس کا بھائی اپنی تعلیم مکمل کررہے ہیں جس کے باعث ان کے گھر کا خرچ چھوٹے بھائی یعنی چچا برداشت کررہے ہیں۔

سبین کی چچی اس بات کا فائدہ اٹھاتے ہوئے اپنے لاپرواہ بھائی کا رشتہ ان کے گھر بھیجتی ہیں لیکن سبین کے والد اپنے بھائی سے ملنے کے لیے جاتے ہیں وہاں چھوٹے بھائی تو موجود نہیں ہوتے لیکن ان کی اہلیہ سبین کے والد کو رشتے سے انکار کرنے پر کہتی ہیں کہ میرے بھائی کو تو بہت لڑکیاں مل جائیں گی لیکن آپ کو گھر بٹھا کر کھلانے والا بھائی نہیں ملے گا۔

سبین کے والد یہ سب کچھ سہہ نہیں پاتے اور زندگی کی بازی ہار جاتے ہیں جس کے بعد سبین کا بھائی کہتا ہے کہ لائیں مجھے دیں وہ کنگن جو چچی نے دئیے تھے میں ابھی ان کو واپس کرکے آتا ہوں۔

لیکن عفت عمر یعنی سبین کی چچی وہ کنگن چھپا لیتی ہے جو مرحوم والد نے انہیں واپس کردیے تھے اور اپنے بھائی کامی سے کہتی ہیں کہ کنگن مجھے ملے ہی نہیں اب تم دیکھو تو سہی میں کرتی کیا ہوں۔

کیا سبین کی چچی اپنے بھائی سے کامی کی شادی کروادیں گی، کیا بھائی اپنی بہن کو کامی سے بچا پائے گا یہ سبب جاننے کے لیے ڈرامہ سیریل ’بے رخی‘ ہر بدھ کی رات 8 بجے دیکھنا نہ بھولیں۔