ARYNews.tv | Urdu – Har Lamha Bakhabar

Author: نعمان ناصر

  • ڈبلیو ڈبلیو ای، ہیل اِن آ سیل، کون جیتا، کون ہارا؟

    ڈبلیو ڈبلیو ای، ہیل اِن آ سیل، کون جیتا، کون ہارا؟

    نیویارک: ورلڈ ریسلنگ انٹرٹینمنٹ (ڈبلیو ڈبلیو ای) کی جانب سے ’ہیل اِن آ سیل‘ ایونٹ منعقد کیا گیا جس میں یونیورسل چیمپئن رومن رینز (بگ ڈوگ) کو ٹائٹل کا چیلنج درپیش تھا، رومن نے اپنے کزن اوسو برادرز کو بھی نہ بخشا اور سپر مین پنچ سمیت اپنے مخصوص اسپیئر مار کر انہیں شکست دی۔

    تفصیلات کے مطابق ڈبلیو ڈبلیو ای اسٹار رومن رینز رنگ میں دوبارہ واپس آتے ہی چھا گئے، بگ ڈوگ نے یونیورسل چیمپئن شپ کا ٹائٹل دوسری مرتبہ اپنے نام کرکے رنگ میں ڈھاک بٹھا دی، بگ ڈوگ نے حریف ریسلرز کی ایک نہ چلنے دی اور یورنیورسل ٹائٹل کا کامیاب دفاع کیا۔

    رومن رینز نے جیت کے ساتھ ہی سماجی رابطے کی ویب سائٹ ٹویٹر پر فتح کی تصاویر ٹویٹ کیں جس میں دیکھا جاسکتا ہے کہ وہ یونیورسل ٹائٹل تھامے ہوئے حریف ریسلرز کی جانب دیکھ رہے ہیں، انہوں نے تصاویر کے کیپشن میں لکھا کہ ’ان کے لیے، آپ کے لیے، ہمارے لیے، رنگ کا سردار۔‘

    دوسری جانب ڈبلیو ڈبلیو ای چیمپئن شپ ٹائٹل کے لیے ریسلر رینڈی اورٹن اور ڈریو میکنٹائر مدمقابل آئے، رینڈی اورٹن نے میکنٹائر کو جال سے نیچے پھینک کر چیمپئن شپ ٹائٹل سے محروم کردیا۔

    ’منی ان دی بینک‘ بریف کیس کا مقابلہ دی مز نے جیت لیا، مز کی کامیابی کے بعد اس بات کا امکان ہے کہ وہ بریف کیس کا فائدہ اٹھاتے ہوئے کسی بھی وقت رومن رینز کو چیلنج دے سکتے تھے چاہے رومن اس وقت ایک فائٹ جیت کر تھکے ہوئے ہی کیوں نہ ہوں۔

    یونائیٹڈ اسٹیٹس چیمپئن شپ کا ٹائٹل بوبی لیشلے لے اُڑے، لیشلے نے سلیپ جیک کو اپنے مخصوص داؤ پیچ لگا کر ڈھیر کیا، میچ کے بعد ریسلر مصطفیٰ علی رنگ میں اترے اور لیشلے پر حملہ کردیا، لیشلے اور مصطفیٰ علی کے درمیان آئندہ ہونے والی ایونٹ میں مقابلہ ہونے کا امکان ہے۔

    دیگر مقابلوں میں جیف ہارڈی نے الائنس کو شکست دی جبکہ خاتون ریسلر ساشا بینکس نے بیلی کو ہرا کر ٹائٹل اپنے نام کیا۔

  • نشا اور میشا کے بچپن کا سین وائرل

    نشا اور میشا کے بچپن کا سین وائرل

    کراچی: اے آر وائی ڈیجیٹل کے مقبول ڈرامہ سیریل ’جلن‘ میں مرکزی کردار ادا کرنے والی اداکارہ اریبہ حبیب (میشا) اور منال خان (نشا) کے بچپن کا سین سوشل میڈیا پر وائرل ہوگیا۔

    تفصیلات کے مطابق اے آر وائی ڈیجیٹل پر گزشتہ دنوں ڈرامہ سیریل ’جلن‘ کی 19ویں قسط نشر کی گئی جس میں دکھایا گیا کہ نشا اپنی بہن میشا سے بچپن سے حسد کرتی تھی اور اسکول میں ریس کے مقابلے کے دوران ایک میڈل کو لے کر وہ اپنے والد سے جھوٹ بولتی ہے۔

    وائرل سین میں دیکھا جاسکتا ہے کہ دونوں بہنیں والد کے پاس دوڑتی ہوئی آتی ہیں، میشا والد سے کہتی ہے کہ ’پاپا میں پھر سے ریس جیت گئی یہ دیکھیں میرا میڈل، بڑی بہن کو خوش دیکھ کر نشا کا منہ بن جاتا ہے اور وہ فوراً کہتی ہے پاپا اس نے چیٹنگ کی ہے۔‘

    ’میشا کہتی ہے پاپا میں نے کوئی چیٹنگ نہیں کی جبکہ نشا اپنے جھوٹ پر قائم رہتی ہے، میڈل کو لے کر دونوں بہنوں میں جھگڑا شروع ہوجاتا ہے۔‘

    ’ یہ دیکھ کر والد دونوں بہنوں کے درمیان صلح کروانے کے لیے کہتے ہیں کہ جھگڑا نہیں کرو ہم ایسا کرتے ہیں میڈل کو شیئر کرلیتے ہیں، میڈل پر میشا کا نام موجود ہوتا ہے نشا اصرار کرتی ہے کہ اس پر سے مینو کا نام ہٹائیں، بڑی بہن میڈل پر دونوں کا نام لکھوادیتی ہے، والد کہتے ہیں چلو ٹھیک ہے اس پر دونوں کا نام لکھ دیں گے۔‘

    مذکورہ سین مینو کی موت کے بعد دکھایا گیا، جب والد اپنی بیٹی کو یاد کرتے ہوئے جذبات پر قابو نہ رکھ سکے اور آبدیدہ ہوگئے۔

    مداحوں کی جانب سے مذکورہ سین کو پسند کیا گیا ہے، سوشل میڈیا صارفین نے کسی نے والدین کو قصوروار ٹھہرایا تو کسی نے اسے حقیقت قرار دیا۔

    واضح رہے کہ ڈرامہ سیریل جلن کی آنے والی قسط میں مینو کے شوہر اصفی (عماد عرفانی) اور نشا کے درمیان جائیداد کو لے کر جھگڑا شروع ہوجاتا ہے، اصفی اپنے اور میشا کے بیٹے کو گھر لے آتا ہے تو نشا سے یہ بھی برداشت نہیں ہوتا، اصفی نشا کو جھگڑے کے دوران زوردار تھپڑ رسید کردیتا ہے۔

    ڈرامے میں آگے کیا ہونے جارہا ہے کیا اصفی اور نشا اپنی راہیں جدا کرلیں گے؟ کیا بہن کو دھوکا دینے والی نشا گھر واپس لوٹے گی تو اس کے گھر والے اسے قبول کرلیں گے؟ کیا احمر بے وفائی کرنے پر نشا کو معاف کرپائے گا؟ یہ جاننے کے لیے ڈرامہ سیریل جلن ہر بدھ کی رات 8 بجے دیکھنا نہ بھولیں۔

  • مینو کی خودکشی نے مداحوں کو رُلا دیا

    مینو کی خودکشی نے مداحوں کو رُلا دیا

    کراچی: اے آر وائی ڈیجیٹل کے مقبول ڈرامہ سیریل ’جلن‘ میں مرکزی کردار ادا کرنے والی اداکارہ اریبہ حبیب (میشا) کی خودکشی نے مداحوں کو غمزدہ کردیا۔

    تفصیلات کے مطابق ڈرامہ سیریل جلن میں میشا کا کردار نبھانے والی اداکارہ اریبہ حبیب نے شوہر اصفی (عماد عرفانی) کی بے وفائی اور بہن نشا (منال خان) کی جانب سے دھوکا دئیے جانے پر خود کو آگ لگا کر خودکشی کرلی، ڈرامے کی 18 ویں قسط میں مینو کی خودکشی دیکھ کر مداح افسردہ ہوگئے۔

    میشا نے انتہائی قدم اس وقت اٹھایا جب نشا اپنے اور اصفی کے نکاح کی دعوت مینو کو دیتی ہے، مینو سے یہ بات برداشت نہیں ہوتی اور وہ پیٹرول چھڑک کر خود کو آگ لگالیتی ہے۔

    مینو کی موت کے بعد پولیس اصفی کے گھر پہنچتی ہے اور اس سے اہلیہ کی خودکشی کی وجہ دریافت کرتی ہے تو اصفی پولیس کو دئیے گئے بیان میں مینو کو ذہنی مریض قرار دے دیتا ہے۔

    ادھر اصفی کی بہن کنزا (نادیہ حسین) بھائی کو صاف صاف جتا دیتی ہے کہ مینو سے بے وفائی کے بعد میں اس گھر ، جائیداد اور کاروبار سے اپنا حصہ الگ کررہی ہوں ، اس وقت اصفی اس بات پر دھیان نہ دیتے ہوئے نشا کو لے کر چھٹیاں گزارنے چلا جاتا ہے۔

    اصفی جب نشا کو یہ بتاتا ہے کہ کاروبار میں بہن کنزا کے شیئرز زیادہ ہیں تو نشا اصفی پر برس پڑتی ہے اور کہتی ہے کہ تم نے مجھے پہلے کیوں نہیں بتایا، اصفی نشا کا یہ روپ دیکھ کر حیران رہ جاتا ہے اور کہتا ہے کہ ’تم نے مجھ سے پیسے کے لیے شادی کی تھی۔

    دولت کی خاطر اصفی سے شادی کرنے والی نشا کیا اصفی کو چھوڑ دے گی؟ کیا اصفی کو مینو جیسی محبت کرنے والی بیوی کی موت پر پچھتاوا ہوگا؟ یہ سب جاننے کے لیے  ڈرامہ سیریل ’جلن‘ اے آر وائی ڈیجیٹل پر ہر بدھ کی رات 8 بجے دیکھنا نہ بھولیں۔

    سوشل میڈیا پرجلن ڈرامہ دیکھنے والے مداح جہاں مینو کی موت پر افسردہ ہوئے وہیں اصفی اور نیشا پر تنقید بھی کرنے لگے ، صارفین کا کہنا تھا کہ  اصفی اور نشا  نے معصوم سی لڑکی کے ساتھ کیا کیا۔

  • ’ان فالو کیوں کیا؟‘ عائزہ اور آمنہ کے درمیان دلچسپ نوک جھونک

    ’ان فالو کیوں کیا؟‘ عائزہ اور آمنہ کے درمیان دلچسپ نوک جھونک

    کراچی: پاکستانی ڈرامہ انڈسٹری کی معروف اداکارہ عائزہ خان اور نامور ماڈل آمنہ الیاس کے درمیان سوشل میڈیا پر دلچسپ نوک جھونک ہوئی۔

    تفصیلات کے مطابق معروف ماڈل آمنہ الیاس گزشتہ کئی دنوں سے رنگ گورا کرنے والی کریم کے اشتہارات میں کام کرنے والے فنکاروں کو تنقید کا نشانہ بنارہی ہیں، گزشتہ دنوں انہوں نے ایک ویڈیو میں آٹے کا تھیلا بھی اپنے منہ پر انڈیل لیا تھا۔

    اداکارہ عائزہ خان نے گزشتہ دنوں فیئرنس کریم کے اشتہار میں کام کیا تو آمنہ الیاس نے وہی روش اختیار کرتے ہوئے عائزہ کو بھی تنقید کا نشانہ بنانا شروع کردیا۔

    عائزہ خان نے خاموشی توڑتے ہوئے سماجی رابطے کی ویب سائٹ ٹویٹڑ پر لکھا کہ ’آمنہ الیاس آپ نے بہت محنت سے انڈسٹری میں مقام بنایا ہے اور امید ہے مستقبل میں بھی آپ ایسے ہی کام کرتی رہیں گی۔‘

    عائزہ نے مزید لکھا کہ ’آمنہ آپ کو ان فضول باتوں میں نہیں پڑنا چاہئے، میری نیک تمنائیں اور محبت ہمیشہ آپ کے ساتھ ہیں۔‘

    دوسری جانب آمنہ الیاس نے جواب دیتے ہوئے کہا کہ ’میں بھی آپ سے محبت کرتی ہوں، آپ نے بہت اچھی نصیحت کی ہے اور مجھے آپ کی رہنمائی کی مستقبل میں بھی ضرورت ہوگی۔‘

    ماڈل آمنہ الیاس نے عائزہ سے سوال کیا کہ ’لیکن آپ نے مجھے سماجی رابطے کی ویب سائٹ انسٹاگرام پر ان فالو کیوں کیا؟‘

     

    View this post on Instagram

     

    Mera gora bannay ka sapna sach hua… Happy birthday to me! 🥳 MUA BY @hunnyharoon DOP @hussain.piart

    A post shared by Amna Ilyas (illy) (@aamnailyas) on

  • دہشت گرد کہنے پر مصطفیٰ علی کا ناقدین کو منہ توڑ جواب

    دہشت گرد کہنے پر مصطفیٰ علی کا ناقدین کو منہ توڑ جواب

    نیویارک: ڈبلیو ڈبلیو ای کے معروف ریسلر مصطفیٰ علی نے دہشت گرد کہنے پر ناقدین کو منہ توڑ جواب دے دیا۔

    تفصیلات کے مطابق ڈبلیو ڈبلیو ای کے مقابلوں میں ہر ریسلر کا انٹری دینے کا اپنا ایک مخصوص انداز ہے کوئی روشنیوں کے ساتھ آتا ہے تو کوئی گروپ کی شکل میں نمودار ہوتا ہے اور کوئی بھاگتا ہوا رنگ میں داخل ہوجاتا ہے۔

    مصطفیٰ علی جو پہلے جسم پر لائٹیں باندھ کر رنگ میں اترتے تھے اب انہوں نے اپنا انداز تبدیل کرتے ہوئے رنگ میں ایک گروپ کی شکل میں انٹری دینے کو ترجیح دی۔

    وہ ایک گروپ کی شکل میں آتے ہیں جس میں ان کے ساتھ چھ لوگ موجود ہیں جنہوں نے اپنے چہروں کو ڈھانپ رکھا ہے اور مصطفیٰ علی ان کو لیڈ کررہے ہیں۔

    مصطفیٰ علی کے اس انداز کی زیادہ تر مداحوں نے تعریف کی لیکن کچھ مداح ایسے بھی ہیں جنہوں نے ان کو تنقید کا نشانہ بنایا اور انہیں دہشت گرد ہی قرار دے دیا۔

    ریسلر نے خاموشی توڑتے ہوئے ناقدین کو منہ توڑ جواب دیتے ہوئے صرف اتنا لکھا کہ ’یہ وہی ہیں۔‘

    ایک مداح نیکا نے مصطفیٰ علی کو مخاطب کرتے ہوئے لکھا کہ ’مجھے بہت افسوس ہے آپ کو اس طرح کی تنقید کا سامنا کرنا پڑرہا ہے، آپ کے حقیقی مداح ہمیشہ آپ سے پیار کریں گے اور چاہے کچھ بھی ہوجائے ہمیشہ آپ سے پیار کریں گے۔

  • ’’گھسی پٹی محبت، رضوان نے سامعہ کو طلاق دے دی مگر…..‘‘

    ’’گھسی پٹی محبت، رضوان نے سامعہ کو طلاق دے دی مگر…..‘‘

    اے آر وائی ڈیجیٹل کے مقبول ڈرامہ سیریل ’گھسی پٹی محبت‘ میں رضوان (وہاج علی) اور سامعہ (رمشا خان) نے اپنی راہیں جدا کرلیں۔

    تفصیلات کے مطابق اے آر وائی ڈٰیجیٹل کا ڈرامہ سیریل گھسی پٹی محبت کو مداحوں کی جانب سے بھرپور پذیرائی مل رہی ہے جس کی وجہ سے سامعہ (رمشا خان)، رضوان (وہاج علی)، نور (ارجمند رحیم) کی شاندار اداکاری ہے۔

    ڈرامے میں نیا موڑ اس وقت آیا جب رضوان  سامعہ سے پسند کی شادی کرنے کے چند دنوں بعد ہی اسے اپنے سے بڑی خاتون نور کے چکر میں اسے طلاق دے دی۔

    رضوان نے ناصرف سامعہ کو طلاق دی بلکہ شادی کے موقع پر دیا جانے والا سونا چرا کر نور کو دے دیا جس کے پیسوں سے وہ بیوٹی پارلر کھولے گی۔

    رضوان اپنے دوستوں کے ہمراہ میٹنگ میں بیٹھا ہوا تو اچانک میسج پڑھ کر میٹنگ چھوڑ کر امی کی طبیعت خراب ہونے کا بہانہ کرکے وہاں سے چلا جاتا ہے اور سامعہ کو فون کرکے کھری کھری سنادیتا ہے۔

    سامعہ بھی آنکھو میں آنسو لیے رضوان سے کہتی ہے کہ آگے بڑھنے کی کوشش ضرور کرو لیکن پیچھے رہنے والوں کو بھی یاد رکھو، میں اگر اب تمہارے ساتھ رہی تو خود سے جھوٹ بولتی رہوں گی اور تم سے بھی، میں تو زندگی آسان کررہی ہوں تم مجھے چھوڑ دو اور اس کے پاس (نور) چلے جاؤ۔

    سامعہ اپنی بات آگے بڑھاتے ہوئے طلاق کا مطالبہ کرتی ہے اور کہتی ہے کہ میں خلع لے لوں گی لیکن اب تمہارے ساتھ نہیں رہ سکتی اور یہ میرا آخری فیصلہ ہے۔

    رضوان بھی سامعہ کی باتوں پر غصے میں سامعہ کو فون پر ہی طلاق دے دیتا ہے اور ساتھ ہی کہتا ہے کہ ’لو ہی گئی طلاق ایک ہی جھٹکے میں ہو گئے ہم الگ ایک دوسرے سے ہمیشہ ہمیشہ کے لیے۔

    سامعہ کو طلاق دینے کے بعد رضوان اپنے دوستوں کے پاس بیٹھا ہوتا ہے تو  نور سے اس کی اتفاقاً ملاقات ہوجاتی ہے وہ  یہ دیکھ کر حیران رہ جاتا ہے کہ وہ ایک گینگ کے ساتھ بیٹھی ہوتی ہے جو لوگوں کو لوٹتا ہے، خلاف توقع رضوان کو دیکھ کر نور ہکا بکا رہ جاتی ہے اور کہتی ہے کہ میرے ساتھ چلو سکون سے بات کرتے ہیں۔

    رضوان کے طلاق دینے کے بعد سامعہ اب کیا کرے گی، کیا نور اور رضوان دوسری شادی کرلیں گے یا رضوان کو طلاق کے بعد پچھتاوے کے سوا کچھ حاصل نہیں ہوگا؟ یہ سب کچھ جاننے کے لیے جمعرات کی رات 8 بجے دیکھتے رہیے ڈرامہ سیریل گھسی پٹی محبت دیکھنا نہ بھولیں۔

  • ’’سات براعظم ہیں صرف ہمارے پاس بابر اعظم ہے‘‘

    ’’سات براعظم ہیں صرف ہمارے پاس بابر اعظم ہے‘‘

    کراچی: قومی ویمن کرکٹ ٹیم کی کپتان جویریہ خان نے قومی ٹیم کے کپتان بابر اعظم کو زبردست انداز میں سالگرہ کی مبارک باد پیش کی۔

    تفصیلات کے مطابق قومی ٹیم کے کپتان بابر اعظم آج اپنی 26ویں سالگرہ منارہے ہیں، بابر اعظم کو ساتھی کھلاڑیوں، آئی سی سی، پی سی بی اور مداحوں کی جانب سے سالگرہ کی مبارک باد دینے کا سلسلہ جاری ہے۔

    بابر اعظم کو سابق کپتان سرفراز احمد، حسن علی، شاداب خان، شاہین آفریدی سمیت دیگر کھلاڑیوں نے جنم دن کی مبارک باد دیتے ہوئے انہیں دعائیں دیں۔

    قومی ویمن کرکٹ ٹیم کی کپتان جویریہ خان نے بھی بابر کو سالگرہ کی مبارک باد پیش کرتے ہوئے لکھا کہ ’یہاں سات براعظم ہیں صرف ہمارے پاس بابر اعظم ہے۔’

    جویریہ کی جانب سے بابر اعظم کو منفرد انداز میں مبارک دینے پر مداحوں نے بھی سراہا ہے، فیس بک پر 5 ہزار صارفین نے اسے لائک کیا جبکہ 30 سے زائد صارفین سے شیئر کیا۔

    سوشل میڈیا صارفین نے جویریہ کے پیغام پر تبصرہ کرتے ہوئے لکھا کہ ’جویریہ کی جانب سے صحیح معنوں میں بابر اعظم کو خراج تحسین پیش کیا گیا ہے۔

    خیال رہے کہ قومی ٹیم کے کپتان اور اسٹار بیٹسمین بابر اعظم 26 برس کے ہوگئے، بابر اعظم نیشنل ٹی ٹوینٹی کپ میں اپنی شاندار کارکردگی سے ٹیم کی کامیابی میں اہم کردار ادا کررہے ہیں۔

  • محمد رضوان کا ناقابل یقین کیچ، کمنٹیٹر بھی حیران

    محمد رضوان کا ناقابل یقین کیچ، کمنٹیٹر بھی حیران

    راولپنڈی: نیشنل ٹی ٹوینٹی کپ کے 23ویں میچ میں خیبرپختونخوا کی نمائندگی کرنے والے محمد رضوان نے سندھ کے خلاف ناقابل یقین کیچ پکڑ لیا جس کی ویڈیو وائرل ہوگئی۔

    اے آر وائی نیوز کی رپورٹ کے مطابق سندھ کے خلاف میچ میں محمد رضوان وکٹ کیپر کی بجائے فیلڈنگ کرتے ہوئے دکھائی دئیے اور جب انور علی نے 19ویں اوورز میں چھکا لگانے کی ناکام کوشش کی تو محمد رضوان بھاگتے ہوئے آئے اور مشکل کیچ پکڑ کر انور علی سمیت کمنٹیٹر کو بھی حیران کردیا۔

    کمنٹیٹرز کو ویڈیو میں یہ کہتے سنا جاسکتا ہے کہ رضوان نے گلوز کے بغیر بھی مشکل کیچ پکڑا ہے۔

    سندھ کی ٹیم کو اس وقت 12 گیندوں پر 28 رنز درکار تھے اور انور علی 33 رنز کے ساتھ کریزپر موجود تھے، رضوان کے کیچ کی بدولت سندھ کی ٹیم کو دھچکا لگا۔

    تاہم انور علی کے ساتھ دوسری اینڈ پر کھڑے دانش عزیز نے میچ وننگ اننگز کھیل کر سندھ کو یقینی شکست سے بچالیا اور میچ کا ٹرننگ پوائنٹ بننے والا رضوان کا ناقابل یقین کیچ بھی خیبرپختونخوا کو شکست سے نہ بچاسکا۔

  • ’’گوہر جیسی نندیں سدھر جائیں تو بہتر ہے‘‘

    ’’گوہر جیسی نندیں سدھر جائیں تو بہتر ہے‘‘

    کراچی: اے آر وائی ڈیجیٹل کے ڈرامے ’نند‘ میں منفی کردار ادا کرنے والی اداکارہ فائزہ حسن کا کہنا ہے کہ معاشرے میں گوہر جیسی نندیں ہوتی ہیں وہ سدھر جائیں تو بہتر ہے۔

    تفصیلات کے مطابق اداکارہ فائزہ حسن سے ڈرامہ سیریل ’نند‘ میں ان کے کردار ’گوہر‘ سے متعلق گفتگو گئی، ان سے پوچھا گیا کہ نند کا کردار ادا کرنے پر معاشرے کے لیے کیا پیغام دیں گی۔

    اداکارہ فائزہ حسن کا کہنا تھا کہ جو میں نے منفی کردار نند کا ادا کیا ہے بالکل معاشرے میں ایسی نندیں ہوتی ہیں جبھی کہانی لکھی گئی ہے، معاشرے کے لیے یہی کہوں گی ایسی نندیں سدھر جائیں تو بہتر ہے۔

    گزشتہ دنوں فائزہ حسن کا کہنا تھا کہ وہ اس سے بھی زیادہ خطرناک کردار کرسکتی ہیں کیونکہ وہ اداکارہ ہیں اور یہ ان کا کام ہے، اگر انہیں معصوم عورت کا کردار دیا جائے گا تو وہ اسے بھی نبھائیں گی کیونکہ بطور اداکارہ یہ ان کا کام ہے کہ اپنے کردار کو 100 فیصد سے بھی بہتر ادا کریں۔

    فائزہ نے بتایا کہ کیونکہ وہ گھریلو مصروفیات کی وجہ سے کم کام کرتی ہیں اس لیے اب تک انہیں کسی تلخ تجربے کا سامنا نہیں کرنا پڑا ہے، کیونکہ اداکاری ان کا شوق ہے اور وہ زیادہ کام کرنا چاہتی بھی نہیں ہیں۔

    واضح رہے کہ ڈرامہ سیریل نند میں اداکار شہروز سبزواری، اعجاز اسلم، اداکارہ منال خان، فائزہ حسن، سنبل انصاری، ماہا حسن، مہوش قریشی ودیگر نے اداکاری کے جوہر دکھائے ہیں۔

    ڈرامے کی کہانی نند یعنی فائزہ حسن کے گرد گھومتی ہے جو شادی ہوکر گھر میں آئی فروا علی (ماہا حسن) کے خلاف سازشیں کرتی ہیں لیکن فروا ان کے ہر وار کو ناکام بنادیتی ہے۔

  • رومن رینز نے ’کزن‘ کو دھمکی دے دی، ویڈیو وائرل

    رومن رینز نے ’کزن‘ کو دھمکی دے دی، ویڈیو وائرل

    نیویارک: ڈبلیو ڈبلیو ای میں بگ ڈوگ کے نام سے مشہور ریسلر رومن رینز نے اپنے کزن اوسو کو شکست دینے کے بعد ایک بار پھر دھمکی دے دی۔

    تفصیلات کے مطابق رومن رینز رنگ میں واپسی کے بعد نئے روپ میں سامنے آئے ہیں، یونیورسل چیمپئن شپ ٹائٹل کا کامیاب دفاع کرنے کے بعد رومن رینز نے ایک بار پھر اپنے کزن اوسو کو خبردار کرتے ہوئے کہا کہ ’تمہاری جگہ میں ہوتا تو ری میچ کا چیلنج کبھی قبول نہیں کرتا۔‘

    رومن اور اوسو کے درمیان ری میچ ایونٹ ’ہیل اِن آ سیل‘ میں منعقد ہوگا جس میں رومن رینز کو اپنے کزن اوسو کا چیلنج درپیش ہوگا۔

    واضح رہے کہ رومن رینز نے اوسو کو اس سے قبل ہونے والے مقابلے میں اپنے مخصوص داؤ پیج کے ذریعے باآسانی ہرا کر ٹائٹل کا کامیاب دفاع کیا تھا۔

    مونسٹر کے نام سے مشہور برون اسٹرومین کو طاقتور ریسلر کیتھی لی کا چیلنج درپیش ہوگا، کیتھی لی نے حالیہ تکرار کے دوران برون اسٹرومین کو انٹری اسٹیج سے نیچے پھینک دیا تھا۔

    ایونٹ کے دیگر مقابلے میں ڈبلیو ڈبلیو ای چیمپئن ڈریو میکنٹائر تجربہ کار ریسلر رینڈی اورٹن کے مدمقابل آئیں گے، اس سے قبل رینڈی کو میکنٹائر نے پچھاڑ دیا تھا۔

    سیتھ رولنز کے ساتھی بڈی مرفی نے ان کا ساتھ چھوڑ دیا اور رنگ میں آکر رولنز پر مکوں کی برسات کردی جس کے بعد امکان ہے کہ دونوں ریسلرز آئندہ ایونٹ میں مدمقابل آئیں گے۔