Author: نعمان ناصر

اداکارہ ماہم عامر کا کہنا ہے کہ انسٹاگرام پر لوگ آکر کہہ رہے ہیں کہ ’نسیم‘ اپنے گھر جاؤ۔

اے آر وائی زندگی کے پروگرام ’دی نائٹ شو ود ایاز سموں‘ میں ’آپا شمیم‘ میں ’نسیم‘ کا کردار نبھانے والی اداکارہ ماہم عامر نے شرکت کی اور کردار سے متعلق اظہار خیال کیا۔

اداکارہ نے مسکراتے ہوئے کہا کہ اب تو میرے گھر والے بھی مجھ سے ڈرنے لگ گئے ہیں، میں نے نسیم بن کر کچھ نہیں کیا مجھ سے کروایا گیا ہے۔

ماہم عامر نے کہا کہ جب کردار آفر ہوا تو لگا تھا تو کچھ عرصے سے منفی نہیں کیا ہے تو کرکے دیکھتے ہیں، جب ہم سین کررہے تھے تو ڈائریکٹر ذیشان نے کہا کہ یہ تو بہت بری ہے تو ڈائریکٹر نے کہا کہ ایسا ہی اچھا ہے یہی کردار کرو۔

اداکارہ نے کہا کہ سب سے اچھی بات اس کردار کی یہ تھی کہ نسیم کسی کی بھی نہیں ہے۔

انہوں نے کہا کہ ’آپا شمیم‘ کی شروع کی اقساط دیکھیں گے تو نسیم آپ کو بہت معصوم لگے گی، ڈائریکٹر سمجھاتے بھی رہے ہیں کہ نیچرل کرو اچھا لگے گا۔

ماہم عامر نے کہا کہ میں حقیقت میں بالکل بھی نسیم جیسی نہیں ہوں۔

اداکارہ نے کہا کہ سیٹ پر ماحول بہت اچھا تھا کوئی مسئلہ نہیں ہوا، ہماری ہیروئن ’زوہا توقیر، (کشف)، نئی ہیں اور ان کا پہلا ڈرامہ ہے لیکن ایسا لگتا بالکل بھی نہیں ہے ان کے ساتھ شوٹنگ کرکے بہت مزہ آیا۔

 انہوں نے کہا کہ منور سعید کے ڈائیلاگ بہت شاندار تھے، فائزہ گیلانی بھی بہت عمدہ اداکاری کرتی ہیں، میں انہیں سیٹ پر کیوٹی کہتی ہوں۔

اداکار ارسلان خان اور حنا چوہدری کی وائرل ٹرینڈ پر پرفارم کرنے کی ویڈیو وائرل ہوگئی۔

فوٹو اور ویڈیو شیئرنگ ایپ انسٹاگرام پر اداکارہ حنا چوہدری نے ویڈیو شیئر کی جس میں انہیں اداکار ارسلان خان کے ساتھ روس اور برونو مارس کے گانے پر پرفارم کرتے دیکھا جاسکتا ہے۔

اداکارہ نے ویڈیو شیئر کرتے ہوئے کیپشن میں لکھا کہ ’ٹرینڈ میں تھوڑی دیر ہوگئی لیکن گیم شروع ہے۔‘

حنا چوہدری نے گزشتہ روز یہ ویڈیو شیئر کی جسے مداحوں کی جانب سے پسند کیا جارہا ہے، مداحوں کا کہنا ہے کہ پیاری بہن بھائی کی جوڑی ہے۔

واضح رہے کہ حنا چوہدری ان دنوں اے آر وائی ڈیجیٹل کے ڈرامہ سیریل ’اے دل‘ میں مرکزی کردار نبھا رہی ہیں جس میں اذان سمیع خان، کومل میر، ثانیہ سعید، محمود اسلم، گوہر رشید، صبا حمید، سعد قریشی ودیگر شامل ہیں۔

ڈرامے کی ہدایت کاری کے فرائض احمد علی بھٹی نے انجام دیے ہیں جبکہ اس کی کہانی مصباح نوشین نے لکھی ہے۔

View this post on Instagram

A post shared by Hina Chaudhary (@hinachaudharyofficial)

یاد رہے کہ ارسلان خان اور حرا خان  فروری 2023 میں رشتہ ازدواج میں منسلک ہوئے تھے۔ ارسلان خان نے اے آر وائی کے رئیلٹی شو تماشہ میں بھی شرکت کی تھی۔

ارسلان خان ایک ماڈل اور اداکار ہیں جنہوں نے 2012 میں اپنے کیریئر کا آغاز کیا، انہوں نے متعدد برانڈز کے لیے ماڈلنگ کی۔

شوبز انڈسٹری میں قدم رکھنے سے پہلے وہ 2010 میں بیڈمنٹن ورلڈ چیمپیئن شپ اور دیگر کئی بین الاقوامی مقابلوں میں ملائیشیا میں پاکستان کی نمائندگی کرنے والے سب سے کم عمر کھلاڑی تھے، انہوں نے تین بار ’نیشنل جونیئر چیمپئن‘ کا اعزاز بھی حاصل کیا۔