ARYNews.tv | Urdu – Har Lamha Bakhabar

Author: نعمان ناصر

  • سی این جی پر سیلز ٹیکس کے نئے اضافی نرخ کا نوٹیفکیشن جاری

    سی این جی پر سیلز ٹیکس کے نئے اضافی نرخ کا نوٹیفکیشن جاری

    اسلام آباد: سی این جی پر سیلز ٹیکس کے نئے اضافی ریٹس کا نوٹیفکیشن جاری کردیا گیا۔

    تفصیلات کے مطابق آئل اینڈ گیس ریگولیٹری اتھارٹی (اوگرا) کی جانب سے سی این جی مہنگی ہونے کا نوٹیفکیشن جاری کردیا گیا جس کا اطلاق یکم جولائی سے ہوگا۔

    نوٹیفکیشن کے مطابق سی این جی سیکٹر کے لیے گیس کی قیمت 980 روپے سے بڑھ کر 1283 روپے فی ایم ایم نے مقرر کردی گئی۔

    گیس کی قیمتیں بڑھنے سے 19 روپے فی کلو گرام اضافہ ہوگا اور سیلز ٹیکس فارمولے شامل کرکے سی این جی کی قیمتوں پر مجموعی اضافہ 22 روپے فی کلو گرام کیا گیا۔

    [bs-quote quote=”سندھ میں سی این جی کی قیمت 125 روپے فی کلو ہوجائے گی” style=”style-8″ align=”left”][/bs-quote]

    ریجن ون کے سی این جی صارفین کو گیس سپلائی پر 69 روپے 57 پیسے فی کلو ٹیکس دینا ہوگا، ریجن ٹو کے صارفین پر سی این جی سپلائی 74 روپے 4 پیسے کلو ٹیکس عائد کیا گیا ہے۔

    ریجن ون میں پختونخوا، بلوچستان، راولپنڈی، اسلام آباد، گوجر خان شامل ہیں، ریجن ٹو میں سندھ اور پوٹھوہار کے علاوہ پنجاب بھر کے دیگر علاقے شامل ہیں۔

    ایف بی آر ٹیکسوں میں اضافے سے سی این جی کی قیمتوں میں 21 سے 22 روپے اضافہ ہوگا، سندھ میں سی این جی کی قیمت 125 روپے فی کلو ہوجائے گی۔

    کے پی میں سی این جی کی قیمت 137 سے 140 روپے کے درمیان ہوگی جبکہ ٹیکس بڑھنے سے پنجاب میں سی این جی کی قیمت پر فرق نہیں پڑے گا۔

    ایف بی آر کے مطابق نئے سیلز ٹیکس ریٹ کا اطلاق یکم جولائی سے ہوگا۔

    دوسری جانب سی این جی ایسوسی ایشن کے صدر ریاض پراچہ نے کہا ہے کہ ٹیکسوں میں اضافہ قابل قبول نہٰں ہے اسے فوری واپس لیا جائے۔

  • امریکا کا ایران سے تیل خریدنے والے ممالک پر پابندی لگانے کا اعلان

    امریکا کا ایران سے تیل خریدنے والے ممالک پر پابندی لگانے کا اعلان

    واشنگٹن: امریکا نے ایرانی تیل خریدنے والے کسی بھی ملک پر پابندی لگانے کا اعلان کردیا۔

    غیرملکی خبررساں ادارے کے مطابق ایران کی مشکلات میں اضافہ ہوگیا، ایران کے لیے امریکا کے نمائندہ خصوصی برائن ہک نے کہا ہے کہ ایرانی خام تیل کی کسی بھی قسم خریداری پر مذکورہ ملک پر کسی بھی قسم کی برآمدگی پابندی عائد کی جائے گی۔

    امریکی نمائندہ خصوصی کا کہنا تھا کہ امریکا ایرانی تیل چین جانے کی رپورٹوں کا بھی بغور جائزہ لے گا۔

    برائن ہک کا کہنا تھا کہ اس وقت ایرانی تیل کی خریداری پر کوئی چھوٹ نہیں ہے اور ہم ایرانی خام تیل کی ممنوعہ خریداری پر پابندی عائد کریں گے۔

    ان کا کہنا تھا کہ ایران اپنے تیل کی برآمدگی کو چھپانے کے لیے سمندری قوانین کی عموماً خلاف ورزی کرتا ہے۔

    مزید پڑھیں: ایران سے خطرہ، کیا نیٹو امریکا کی مدد کرے گا؟

    واضح رہے کہ امریکا نے ایران کے سپریم لیڈر آیت اللہ خامنہ ای اور وزیر خارجہ جواد ظریف پر پابندی عائد کردی ہے جبکہ چند روز قبل ٹرمپ نے دھمکی دی تھی کہ ایران سے اگر تصادم ہوا تھا اسے نیست و نابود کردیں گے۔

    یاد رہے کہ امریکا کی جانب سے ایرانی جوہری معاہدے کے خاتمے کے بعد سے ایران اور امریکا کے درمیان کشیدگی میں اضافہ ہوگیا ہے۔

    ایران نے گزشتہ دنوں امریکی جاسوس ڈرون طیارہ بھی مار گرایا تھا جس کے ردعمل میں ٹرمپ کا کہنا تھا کہ ایران نے بہت بڑی غلطی کی ہے۔

    خیال رہے کہ ایران نے امریکی کی جانب سے جاسوس ڈرون بھیجے جانے پر اقوام متحدہ سے رجوع کرلیا ہے۔

  • کراچی، نشے میں دھت ہوکر خاتون کو ہراساں اور ہوائی فائرنگ کرنے والا اہلکار معطل

    کراچی، نشے میں دھت ہوکر خاتون کو ہراساں اور ہوائی فائرنگ کرنے والا اہلکار معطل

    کراچی: شہر قائد کے علاقے حیدری تھانے کی حدود نارتھ ناظم آباد میں نشے میں دھت ہوکر خاتون کو ہراساں کرنے والے پولیس اہلکار کو معطل کرکے کوارٹر گارڈ کردیا گیا۔

    تفصیلات کے مطابق کراچی میں حیدری تھانے کی حدود میں نشے میں دھت پولیس اہلکار کو خاتون کو ہراساں اور ہوائی فائرنگ کرنا مہنگا پڑ گیا، سی سی ٹی وی فوٹیج اور پڑوسی کی جانب سے شکایت درج کرانے کے بعد ایس ایس پی عارف اسلم راؤ نے معطل کردیا۔

    پولیس اہلکار امجد کے خلاف پڑوسی عامر حمید نے حیدری مارکیٹ تھانے میں ایف آئی آر درج کرائی اور ساتھ ہی اہلکار کی نشے میں دھت ہوکر فائرنگ کرنے کی ویڈیو بھی سوشل میڈیا پر وائرل ہوگئی تھی۔

    ضلع سینٹرل کے ایس ایس پی عارف اسلم راؤ نے مذکورہ ویڈیو کا نوٹس لیتے ہوئے مذکورہ اہلکار کو معطل کرکے حیدری تھانے میں کوارٹر گارڈ کردیا۔

    مزید پڑھیں: ڈیفنس میں نشے میں دھت افراد کی فائرنگ، پولیس اہلکار سمیت دو افراد جاں بحق

    عامر حمید کے مطابق پولیس اہلکار امجد 13 سال سے ہمارا پڑوسی ہے اور اکثر اوقات نشے میں دھت ہونے کی وجہ سے محلے میں غل غپاڑہ مچا کر رکھتا ہے۔

    پڑوسی عامر کا کہنا تھا کہ کئی مرتبہ امجد کو اس کی حرکتوں سے روکنے کی کوشش کی گئی لیکن اس میں ہم کامیاب نہ ہوسکے اور اس کی حرکتیں بڑھتی ہی جارہی تھیں۔

    پڑوسی عامر کا کہنا تھا کہ پولیس اہلکار نشے میں دھت ہوکر ہوائی فائرنگ کرتا تھا اور خواتین، بچوں سے بھی اس کا رویہ ٹھیک نہیں ہوتا تھا۔

  • ورلڈ کپ 2019: کس ٹیم نے کتنے کیچز ڈراپ کیے؟

    ورلڈ کپ 2019: کس ٹیم نے کتنے کیچز ڈراپ کیے؟

    کراچی: کرکٹ میں ایک محاورہ ہے کیچز ون میچز اور یہ بالکل صحیح بھی ہے جو ٹیم مشکل کیچ پکڑلیتی ہے اس کی جیت یقینی ہوجاتی ہے اور جو ٹیم میچ میں گرا دے تو کہا جاتا ہے میچ گرا دیا۔

    تفصیلات کے مطابق ورلڈ کپ 2019 میں شریک تمام ٹیموں میں سے کس ٹیم نے کتنے کیچ چھوڑے، فہرست کے مطابق پاکستان نے سب سے زیادہ کیچز چھوڑے ہیں۔

    پوائنٹس ٹیبل پر چھٹے پانچویں نمبر پر موجود سری لنکا نے اپنے میچز میں 3 کیچ ڈراپ کیے، پوائنٹس ٹیبل پر سب سے آخری ٹیم افغانستان نے دو کیچز ڈراپ کیے۔

    اسی طرح روایتی حریف بھارت کی ٹیم نے اچھی کارکردگی کا مظاہرہ کرتے ہوئے صرف ایک کیچ چھوڑا ہے، جبکہ آسٹریلیا اور بنگلہ دیش نے چار، چار کیچز چھوڑے ہیں۔

    مزید پڑھیں: میچ میں بہت کیچز چھوڑے، سرفراز کا اعتراف

    میزبان انگلینڈ پاکستان کے بعد سب سے زیادہ 12 کیچز گرائے ہیں، ورلڈ کپ 2019 کی اب تک کی ناقابل شکست ٹیم نیوزی لینڈ نے 9 کیچز چھوڑے ہیں۔

    ورلڈ کپ سے باہر ہونے والی جنوبی افریقہ کی ٹیم نے بھی 8 کیچز ڈراپ کیے ہیں، کالی آندھی کے نام سے مشہور ویسٹ انڈین ٹیم نے 6 کیچز گرائے ہیں۔

    ورلڈ کپ 2019 میں اب تک کے سب سے زیادہ پاکستان نے کیچز ڈراپ کیے ہیں، پاکستان نے مجموعی طور پر 14 کیچز ڈراپ کیے ہیں۔

    واضح رہے کہ جنوبی افریقہ کے خلاف کامیابی کے بعد سرفراز احمد نے کہا تھا کہ ہم نے بہت کیچز چھوڑے ہیں فیلڈنگ میں بہتری لانے کی ضرورت ہے۔

  • ایران پر حملے کے لیے تیار تھے، تین اطراف سے اسٹرائیک کرنا تھی، ٹرمپ کا اعتراف

    ایران پر حملے کے لیے تیار تھے، تین اطراف سے اسٹرائیک کرنا تھی، ٹرمپ کا اعتراف

    واشنگٹن: امریکی صدر ڈونلڈ ٹرمپ نے اعتراف کیا ہے کہ ہم لوگ ایران پر حملے کے لیے تیار تھے، ہمیں تین اطراف سے اسٹرائیک کرنا تھی، آپریشن سے 10 منٹ پہلے حکم واپس لیا۔

    غیرملکی خبررساں ادارے کے مطابق امریکی صدر ڈونلڈ ٹرمپ نے کہا ہے کہ ایک ڈرون گرانے پر جواب دینے کے لیے ہمیں جلدی نہیں ہے، ہم لوگ ایران پر اسٹرائیک کے لے تیار تھے، میں نے پوچھا کتنے لوگ مریں گے تو جواب ملا 150 افراد مریں گے، آپریشن سے دس منٹ پہلے حکم واپس لے لیا۔

    امریکی صدر نے کہا کہ ایران پر پابندیوں کے نتائج سامنے آنا شروع ہوگئے ہیں، گزشتہ رات مزید پابندیاں لگائی گئیں، ایران کبھی ایٹمی ہتھیار حاصل نہیں کرسکتا۔

    ڈونلڈ ٹرمپ نے کہا کہ اوباما نے مجبوری میں ایران سے خوفناک ڈیل کی تھی، تہران کو ڈیڑھ سو ارب ڈالر جن میں سے دو ارب کیش تھا، ایران مشکل میں تھا اور اسے ہم نے بیل آؤٹ پیکیج دیا۔

    مزید پڑھیں: ڈرون گرانے پرٹرمپ نے ایران پرحملے کا حکم دیا اوراچانک واپس لے لیا، امریکی اخبار کا دعویٰ

    انہوں نے کہا کہ اوباما حکومت نے ایران کو ایٹمی ہتھیاروں کا راستہ دکھایا، شکریہ کرنے کے بجائے ایران شور مچا رہا ہے۔

    واضح رہے کہ امریکی اخبار نیویارک ٹائمز نے انکشاف کیا تھا کہ امریکی ڈرون گرائے جانے کے بعد ٹرمپ نے ایران پر حملے کا حکم دیا تھا لیکن حملے کا فیصلہ اچانک واپس لے لیا۔

    امریکی اخبار کا کہنا تھا امریکی طیارے فضاؤں میں آگئےتھے اور بحری جہازوں نے پوزیشن لےلی تھی تاہم آپریشن کے آغاز سے چندگھنٹے قبل ہی صدرٹرمپ نے حملے کا فیصلہ اچانک واپس لے لیا۔

    اس سے قبل ایران کی جانب سے امریکی ڈرون گرائے جانے پر امریکی صدر ڈونلڈ ٹرمپ نے ردعمل دیتے ہوئے کہا تھا کہ ایران نے امریکی ڈرون گرا کر بہت بڑی غلطی کی۔

  • ٹویٹر پر ٹویٹ رپورٹ کرنے کا آپشن متعارف

    ٹویٹر پر ٹویٹ رپورٹ کرنے کا آپشن متعارف

    واشنگٹن: سوشل نیٹ ورک سروس ٹویٹر نے انتخابی عمل میں مداخلت اور ووٹرز کو گمراہ کرنے سے متعلق ٹویٹس کو رپورٹ کرنے کا عمل آسان بنانے کا آغاز کردیا۔

    تفصیلات کے مطابق سماجی رابطے کی ویب سائت ٹویٹر نے انتخابی عمل میں مداخلت اور ووٹر کو غلط معلومات دے کر گمراہ کرنے سے متعلق ٹویٹس کو رپورٹ کرنے کا عمل آسان بنانے کا آغاز کیا ہے جسے سب سے پہلے یورپ اور بھارت میں متعارف کرایا جارہا ہے۔

    ٹویٹر سیفٹی ٹیم کے مطابق بھارت اور یورپ میں ووٹنگ سے متعلق گمراہ کن ٹویٹر میسیجز کو رپورٹ کرنے کے لیے ایک آپشن شامل کیا جارہا ہے اس آپشن کو اسی سال پوری دنیا میں متعارف کرادیا جائے گا۔

    ٹویٹر حکام کا کہنا ہے کہ ووٹ رجسٹریشن یا انتخابی عمل کو متاثر کرنا کمپنی کی بنیادی اقدار کے برعکس ہے، نئے فیچر سے گمراہ کن میسیجز کے بارے میں ٹویٹر انتظامیہ کو رپورٹ کرانے میں آسانی ہوگی۔

    مزید پڑھیں: سوشل میڈیا پرسب سے بڑا چیلنج ’جعلی خبریں‘ ہے

    ٹویٹر سیفٹی ٹیم کے مطابق یہ آپشن متعارف کرائے جانے کے بعد ٹویٹر کی سروسز کو انتخابات میں گڑ بڑ یا مداخلت کرنے کے لیے استعمال نہیں کیا جاسکے گا۔

    ٹویٹ رپورٹ کرنے کے لیے اس پر مختلف آپشنز ہوں گے پھر انتظامیہ کی جانب سے رپورٹ کرنے والے صارف کو اپ ڈیٹ سے بھی آگاہ کیا جائے گا۔

    واضح رہے امریکی انتخابات میں سوشل میڈیا ویب سائٹس پر رائے عامہ تبدیل کرنے کے حوالے سے سخت تنقید کی گئی تھی۔

    فیس بک کی انتظامیہ نے امریکی انتخابات میں رائے عامہ تبدیل کرنے والے جعلی اکاؤنٹس پر کریک ڈاؤن کرتے ہوئے درجنوں فیک اکاؤنٹس بند کر دیے تھے۔

  • تائیوان زلزلے سے لرز اٹھا، 18 افراد زخمی

    تائیوان زلزلے سے لرز اٹھا، 18 افراد زخمی

    تائی پے: تائیوان زلزلے کے شدید جھٹکوں سے لرز اٹھا جس کے نتیجے میں اٹھارہ افراد زخمی ہوگئے۔

    تفصیلات کے مطابق تائیوان کے دارالحکومت تائی پے میں زلزلے کے شدید جھٹکے محسوس کیے گئے ہیں، جس کے باعث بلندوبالا عمارتیں لرز اٹھیں۔

    غیر ملکی خبر رساں ادارے کا کہنا ہے کہ زلزلے کی شدت ریکٹر اسکیل پر 6.1 ریکارڈ کی گئی، جبکہ دارلحکومت کے گردنواح بھی شہریوں نے زلزلے کے جھٹکے محسوس کیے۔

    زلزلہ کوہ پیما مرکز کے مطابق 18 اپریل کو آنے والے اس زلزلے کی شدت ریکٹر اسکیل پر 6.1 ریکارڈ کی گئی، زلزلے سے تائی پے میں 15 افراد جبکہ ہوالین کاؤنٹی میں تین افراد زخمی ہوئے۔

    Taiwan earthquake April 18

    حکام کا کہنا ہے کہ زخمی ہونے والوں میں غیرملکی سیاح بھی شامل ہیں، اسپتال ذرایع کے مطابق زخمیوں میں ایک دو کی حالت تشویش ناک ہے۔

    دریں اثنا زلزلے کی وجہ سے فوری طور پر تائیوان کے مشرقی حصے میں واقع اسکولوں کی عمارتوں سے بچوں کو محفوظ مقامات پر منتقل کر دیا گیا۔

    خیال رہے کہ فروری 2016 میں تائیوان کے جنوبی شہر تائینان میں آنے والے زلزلے میں ایک شخص کی ہلاکت جبکہ درجنوں زخمی ہوئے تھے۔

    تائیوان میں زمین لرز گئی 6.4 شدت کا زلزلہ

    علاوہ ازیں درجنوں افراد عمارتوں کے ملبے تلے کئی گھنٹوں تک دبے رہے تھے جنہیں بھاری مشینری کی مدد سے ریسکیو کیا گیا تھا۔

  • اداکارہ صنم بلوچ بھی ٹک ٹاک سے متاثر، ویڈیو وائرل

    اداکارہ صنم بلوچ بھی ٹک ٹاک سے متاثر، ویڈیو وائرل

    کراچی: معروف اداکارہ اور مارننگ شو کی میزبان صنم بلوچ بھی موبائل ایپ ٹاک ٹاک سے متاثر ہوگئیں، ان کی ویڈیو سوشل میڈیا پر وائرل ہوگئی۔

    تفصیلات کے مطابق ستارہ امتیاز حاصل کرنے والی اداکارہ مہوش حیات اور اداکارہ نور کے بعد صنم بلوچ بھی مشہور موبائل ایپ ٹک ٹاک کے سحر میں مبتلا ہوگئیں، اداکارہ نے اپنے انسٹاگرام اکاؤنٹ پر نئی ویڈیو شیئر کردی۔

    ڈرامے تیری رضا کی اداکارہ صنم بلوچ کی معصومانہ انداز کی ویڈیو ٹک ٹاک اور انسٹاگرام پر تیزی سے وائرل ہوگئی اور مداحوں کی جانب سے اسے خوب سراہا جارہا ہے۔

    ویڈیو میں دیکھا جاسکتا ہے کہ صنم بلوچ ایک ڈائیلاگ ’میرے فون میں تیری فوٹو ممی پوچھے بیٹا کون ہے، رات بھر تو سوئی نہیں تیری کس سے چیٹنگ آن ہے‘ پر خوبصورت انداز میں ڈبنگ کرتی ہوئی دکھائی دے رہی ہیں۔

    View this post on Instagram

    😋😋

    A post shared by Sanam Baloch (@thesanambaloch) on

    صنم بلوچ کی ٹک ٹاک ویڈیو اب تک ایک لاکھ 12 ہزار سے زائد افراد دیکھ چکے ہیں، ایک مداح اریبا چوہدری نے کہا کہ ’صنم آپی بہت ہی کیوٹ لگ رہی ہیں۔‘

    ایک اور مداح سعید راحیل نے مزاحیہ انداز میں کہا کہ ’اللہ کسی کو ایسی بیوی نہ دے بہت تیز لڑکی ہے۔‘

    واضح رہے کہ اس سے قبل اداکارہ مہوش حیات نے ویڈیو ٹک ٹاک پر شیئر کی تھی جسے مداحوں کی جانب سے بہت پسند کیا تھا، مہوش حیات نے ویڈیو میں بالی ووڈ اداکارہ کرینہ کپور کی بلاک بسٹر فلم کبھی خوشی کبھی غم کے ڈائیلاگ پر ڈبنگ کی تھی۔

    یاد رہے کہ ٹک ٹاک موبائل ایپ میں فالوورز کی تعداد ایک کروڑ سے تجاوز کرگئی ہے، ٹک ٹاک 2018 میں پاپولر ایپ کے طور پر سامنے آئی تھی اور 2019 میں بھی اس کے فالوورز کی تعداد میں اضافہ ہوا ہے۔

  • مہوش حیات، 8 سال کی عمر سے ستارہ امتیاز حاصل کرنے تک کا سفر

    مہوش حیات، 8 سال کی عمر سے ستارہ امتیاز حاصل کرنے تک کا سفر

    کراچی: ستارہ امتیاز حاصل کرنے والی خوبرو اداکارہ مہوش حیات نے اپنی آپ بیتی بیان کردی۔

    تفصیلات کے مطابق پاکستانی خوبرو اداکارہ مہوش حیات کو ستارہ امتیاز حاصل کرنے سے قبل کن کن مراحل سے گزرنا پڑا، اداکارہ نے سماجی رابطے کی ویب سائٹ انسٹاگرام پر سب کچھ بیان کردیا۔

    مہوش حیات نے کہا کہ جب وہ آٹھ سال کی تھیں تو اپنی والدہ کے ساتھ پہلی بار پی ٹی وی اسٹوڈیو میں گئیں وہ لمحہ میرے لیے بہت خوشگوار تھا، وہاں پر بہت سے لوگ موجود تھے اور اپنے اپنے کاموں میں مصروف تھے۔

    انہوں نے کہا کہ پی ٹی وی اسٹوڈیو میں ہر کوئی اپنے کام میں ماہر تھا اور میری والدہ بھی بہت محنتی اور اچھی اداکارہ تھیں، میں نے پی ٹی وی سے ہی سفر کا آغاز کیا، بہت سے لوگ خواب دیکھتے ہیں لیکن میں نے جو خواب دیکھے وہ پورے ہوئے۔

    مہوش حیات نے کہا کہ گزشتہ روز اسی چھوٹی سی بچی نے اپنی والدہ کا ہاتھ تھام کر ایوان صدر کا دورہ کیا، اس بچی کو یقین تھا کہ میری ماں ہی ہے جس کی بدولت میں آج اس مقام پر پہنچی ہوں اور بہت سے ممتاز افراد کو اس ایوارڈ سے نوازا جاچکا ہے۔

     

    View this post on Instagram

     

    An eight year old girl went to the PTV studios holding her mother’s hand tightly. She was totally clueless about all the hustle and bustle going on around her. But she was equally fascinated by the lights, the cameras and the way in which everybody was hard at work including her mother who was an actress. Even as a child the wobbly sets amused her but she could see on the screens the magic being woven in that studio creating dreams for so many people. Yesterday that same little girl arrived at the Aiwan e sadr holding tightly on to her mother’s hand equally bemused by her surroundings. That girl knows that she is blessed to be there receiving such a prestigious honour in the company of such distinguished people following in the footsteps of so many legends, so many of her own heroes. At heart she remains that simple little girl from Karachi who has been fortunate to live her dreams. Her journey from that PTV studio to the Awan-e-sadr has been a long one and by no means the easiest. But never in her wildest dreams did she see this recognition coming at such a tender age. Nor did she see the role she would go on to play in the revival of Pakistani Cinema and her contribution being acknowledged in this way…! Thank you to the Government of Pakistan and the President for bestowing this honour upon me and making the dream of that little girl come true. Today, I share this with all the other girls in Pakistan who have a dream, to them I simply say, "Hope lies in dreams, in imagination, and in the courage of those who dare to make dreams turn into reality.” Thank you also to all my family, friends and colleagues who have shared this wondrous journey and above all to all the fans who have supported me each step of the way and made me worthy of this award! 🙏🇵🇰 #MehwishHayat #Tamghaeimtiaz 🎖#Medalofexcellence #pakistanzindabad 💚

    A post shared by Mehwish Hayat (@mehwishhayatofficial) on

    اداکارہ نے کہا کہ کراچی کی اس چھوٹی سی لڑکی نے بڑے بڑے خواب دیکھے جو ایوان صدر میں ستارہ امتیاز کا ایوارڈ حاصل کرکے پورے ہوگئے، پی ٹی وی اسٹوڈیو سے ایوان صدر تک کا سفر آسان نہیں تھا لیکن میں نے ہمت نہیں ہاری اور اپنی منزل کو پاکر رہی۔

    مہوش حیات نے گورنمنٹ آف پاکستان اور صدر عارف علوی کا شکریہ ادا کیا کہ انہوں نے اس قابل سمجھا کہ چھوٹی سی بچی اس ایوارڈ کی حقدار ہے۔

    مزید پڑھیں: مہوش حیات بچپن میں کیسی نظر آتی تھیں؟ اداکارہ کی تصویر وائرل

    انہوں نے مداحوں کے نام پیغام میں کہا کہ ’امید خوابوں میں ہے‘ لہٰذا اپنے خوابوں کو پورا کرنے کے لیے سخت محنت کریں اور کبھی ہمت نہ ہاریں، کامیابی آپ کے قدم چومے گی۔

    آخر میں مہوش حیات نے اپنے دوستوں، مداحوں اور رشتے داروں کا شکریہ ادا کرتے ہوئے کہا کہ میرے اس سفر میں سپورٹ کرنے والے تمام لوگوں کی شکر گزار ہوں، انڈسٹری میں میرے ایک ایک قدم نے مجھے اس ایوارڈ کا حقدار بنایا۔

  • افغانستان، امریکی فضائی حملے میں خواتین، بچوں سمیت 14 افراد جاں بحق

    افغانستان، امریکی فضائی حملے میں خواتین، بچوں سمیت 14 افراد جاں بحق

    کابل: افغانستان کے صوبے قندوز میں امریکی فضائی حملوں کے نتیجے میں خواتین، بچوں سمیت 14 افراد جاں بحق ہوگئے، جاں بحق ہونے والوں میں 4 افغان اہلکار بھی شامل ہیں۔

    غیرملکی خبررساں ادارے کے مطابق افغان صوبے قندوز میں امریکی فضائی حملے میں گھر کو نشانہ بنایا گیا جس کے نتیجے میں خواتین، بچوں سمیت 14 افراد جاں بحق ہوگئے، امریکی فوج کے ترجمان نے فضائی حملے کی تصدیق کرتے ہوئے کہا ہے کہ حملہ طالبان کے ٹھکانوں پر کیا گیا ہے۔

    سارجنٹ ڈیبرا رچرڈسن نے کہا کہ فضائی حملہ طالبان کی موجودگی کی اطلاع پر کیا گیا، طالبان عام افراد کے گھروں میں پناہ لیے ہوئے تھے اور مبینہ طور پر خاندانوں نے انہیں پناہ دے رکھی تھی۔

    کمانڈر ابراہیم کے مطابق فضائی حملے سے قبل 20 منٹ تک طالبان اور افغان امریکی فورسز کے درمیان فائرنگ کا تبادلہ ہوا جس میں 12 سویلین اور 6 اہلکار جاں بحق ہوئے۔

    مزید پڑھیں: افغانستان: طالبان کے مختلف علاقوں میں دہشت گرد حملے، 28 سیکیورٹی اہلکار ہلاک

    سارجنٹ ڈیبرا رچرڈسن نے واضح کیا کہ امریکی فضائی حملے کے بعد دونوں طرف سے جاری فائرنگ کا سلسلہ رک گیا۔

    رپورٹ کے مطابق امریکی فورسز کے بم افغان چوکیوں پر بھی گرے جس کے نتیجے میں 4 سے 8 افغان فورسز کے اہلکاروں کے جاں بحق ہونے کی اطلاعات ہیں۔

    دوسری جانب افغان حکومت کی جانب سے تاحال ہلاکتوں کی تصدیق نہیں کی گئی ہے۔

    واضح رہے کہ دو روز قبل افغانستان کی گل تیپا ضلع میں طالبان اور امریکا افغان ملٹری فورسز کے درمیان جھڑپوں میں چار افغان اہلکار دو امریکی فوجی ہلاک ہوگئے تھے فضائی حملے کو امریکا کی جوابی کارروائی قرار دیا جارہا ہے۔