ARYNews.tv | Urdu – Har Lamha Bakhabar

Author: نعمان ناصر

  • سنجے دت پھر گینگسٹر بنیں گے

    سنجے دت پھر گینگسٹر بنیں گے

    ممبئی: بالی وڈ اسٹار سنجے دت ایک بار پھر گینگسٹر کے روپ میں دکھائی دیں گے۔

    تفصیلات کے مطابق بالی وڈ اسٹار سنجے دت ٹگ منشو دھولیا کی فلم صاحب بیوی اور گینگسٹر تھری میں گینگسٹر کا کردار نبھائیں گے۔

    صاحب بیوی اور گینگسٹر کے تیسرے پارٹ کی شوٹنگ کا آغاز رواں سال اگست میں ہوگا، فلم کی شوٹنگ کا پہلا حصہ گجرات ایسٹرن بارڈر گودھرا میں فلمایا جائے گا۔

    راہول مترا کے مطابق سنجے دت کے کردار کے لیے مخصوص ڈیزائن کردہ ملبوسات متعارف کرائے جارہے ہیں۔

    واضح رہے کہ صاحب بیوی اور گینگسٹر کے پہلے دو پارٹ میں عرفان خان اور رندیپ ہدا نے منفی کردار اد اکئے تھے۔
    فلم کی کاسٹ میں جمی شیرگل، ماہی گیر ودیگر نمایاں ہیں، راہول مترا کا کہنا ہے کہ فلم میں مزید معروف چہرے متعارف کرائے جائیں گے۔

    یاد رہے کہ سنجے دت ان دنوں اپنی نئی آنے والی فلم بھومی، میں اداکارہ ادیتی راؤ حیدری کے باپ کا کردار ادا کررہے ہیں۔

     

  • بیک لیش، جندر مہل پہلی بار ڈبلیو ڈبلیو ای چیمپئن بن گئے

    بیک لیش، جندر مہل پہلی بار ڈبلیو ڈبلیو ای چیمپئن بن گئے

    شکاگو: ڈبلیو ڈبلیو ای بیک لیش اسمیک ڈاؤن ایونٹ میں جندر مہل نے رینڈی اورٹن سے ڈبلیو ڈبلیو ای کا ٹائٹل ہتھیا لیا، یونائیٹڈ اسٹیٹ ٹائٹل چیمپئن شپ میں کیون اونز نے ٹائٹل کا کامیاب دفاع کرتے ہوئے اے جے اسٹائلز کو شکست سے دوچار کردیا۔

    تفصیلات کے مطابق شکاگو میں جاری ڈبلیو ڈبلیو ای بیک لیش چیمپئن شپ میں آٹھ مقابلے ہوئے جس میں ڈبلیو ڈبلیو ای چیمپئن شپ اور یونائیٹڈ اسٹیٹ چیمپئن شب کے مقابلے بھی شامل تھے۔

    ڈبلیو ڈبلیو ای چیمپئن شپ میں رینڈی اورٹن کو حیران کن طور پر جندر مہل سے اس وقت شکست کا سامنا کرنا پڑا جب وہ جندر مہل کے ساتھیوں پر حملہ آور ہوئے کہ پیچھے سے جندر مہل نے آکر اپنا آخری داؤ پیج استعمال کرتے ہوئے اورٹن کو شکست سے دوچار کرتے ہوئے پہلی بار ڈبلیو ڈبلیو چیمپئن بننے کا اعزاز حاصل کرلیا ہے۔

    کینڈین نژاد بھارتی ریسلر جندر مہل کا کہنا ہے کہ مجھے خوشی ہے کہ پہلی بار ڈبلیو ڈبلیو چیمپئن شپ کا ٹائتل اپنے نام کیا ہے، ان کا کہنا تھا کہ میرے اس ٹائٹل جیتنے پر پورا بھارت خوش ہوگا۔

    جندر مہل نے جیت کے ساتھ ہی سینا سے لڑائی کی خواہش کا اظہار بھی کردیا، دیکھنا یہ ہے کہ فلمی دنیا میں مصروف سینا جندر مہل کے اس چیلنج کو قبول کرتے ہیں یا نہیں۔

    واضح رہے کہ اس سے قبل ڈؓبلیو ڈبلیو دو اور بھارتی ریسلر دی گریٹ کھلی اور دلیپ سنگھ رانا بھی حصہ لیتے رہے ہیں۔

    یونائیٹڈ اسٹیٹ چیمپئن شپ میں اے جے اسٹائلز جو کہ کیون اونز کو شکست دینے کے لیے بے تاب تھے یہ خواب اسٹائلز کے لیے خواب ہی رہ گیا اور کیون اونز نے اپنے تائٹل کا کامیاب دفاع کرتے ہوئے اے جے اسٹائلز کو شکست دے دی۔

    ٰیاد رہے کہ اے جے اسٹائلز نے یونائیٹڈ اسٹیٹ چیمپئن شپ میں کیون اونز سے ٹکرانے کے لیے ٹرپل تھریٹ میچ میں سیمی زین اور بیرون کوربن کو شکست دی تھی۔

  • نرسوں کی اہمیت ڈاکٹرز سے زیادہ ہے: ارشد وہرہ

    نرسوں کی اہمیت ڈاکٹرز سے زیادہ ہے: ارشد وہرہ

    کراچی: ڈپٹی میئر کراچی ارشد وہرہ کا کہنا ہے کہ نرسوں کی اہمیت ڈاکٹرز سے زیادہ ہے، ڈاکٹرز آپریشن کرکے چلے جاتے ہیں‘ یہ نرسیں ہی ہیں جو ڈاکٹرز کی عدم موجودگی میں مریض کی دیکھ بھال کے فرائض سر انجام دیتی ہیں۔

    ان خیالات کا اظہار انہوں نے کراچی انسٹیٹیوٹ آف ہارٹ ڈیزیز میں نرسوں کے عالمی دن کے حوالے سے منعقدہ تقریب سے خطاب کرتے ہوئے کیا۔

    ڈپٹی میئرنے کہا کہ کے ایم سی کے اسپتالوں میں مسائل سے بخوبی آگاہ ہیں اور نرسوں اور پیرا میڈیکل اسٹاف کے مسائل کے حل کیلئے جلد اقدامات بروئے کار لائے جائیں گے۔

    ارشد وہرہ نے نرسوں کو مخاطب کرتے ہوئے کہا کہ اللہ تعالیٰ نے آپ لوگوں کو مریضوں کے لئے فرشتہ بنایا ہے، اسی طرح محنت اورلگن سے اپنے فرائض سرانجام دیتی رہیں۔

    زخموں کی مسیحائی کرنے والی نرسوں کا عالمی دن

     اس موقع پراسسٹنٹ نرسنگ ڈائریکٹر نسرین  خانم نے ڈپٹی میئرکراچی ارشد وہرہ کو نرسنگ شعبے کو درپیش مسائل سے آگاہ کیا، پروموشن اور الاؤنسز کی مد میں مراعات دلوانے کا مطالبہ کیا۔

    ڈپٹی میئر نے بہترین کارکردگی دکھانے والی نرسوں اور اسٹاف میں شیلڈ تقسیم کیں۔

    اس موقع پر ڈائریکٹر اسد اللہ حسینی، ڈپٹی ڈائریکٹر راشد سبزواری، محمد علی عباسی، ڈاکٹر زاہد رشید، ڈاکٹر ارشد، اسسٹنٹ ڈائریکٹر نرسنگ ودیگربھی موجود تھے۔

    واضح رہے کہ کراچی انسٹیٹیوٹ آف ہارٹ ڈیزیزکا آغاز سنہ 2005میں ہوا تھا اور اس اسپتال میں نرسوں کی تعداد تریسٹھ ہے جو مختلف اوقات میں اپنی ڈیوٹیاں نبھا رہی ہیں۔

    واضح رہے کہ نرسوں کا عالمی دن 12 مئی کو منایا گیا تھا تاہم کراچی انسٹی ٹیوٹ آف ہارٹ ڈیزیز میں اس حوالے سے تقریب کا انعقاد گزشتہ روز کیا گیا تھا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • ڈبلیو ڈبلیو ای بیک لیش ایونٹ کون جیتے گا؟ فیصلہ آج ہوگا

    ڈبلیو ڈبلیو ای بیک لیش ایونٹ کون جیتے گا؟ فیصلہ آج ہوگا

    برمنگھم: ڈبلیو ڈبلیو ای سپر اسٹار براؤن اسٹرومین کہنی میں فریکچر کی وجہ سے 6 ماہ کے لیے رنگ سے دور ہوگئے، دیو قامت ریسلر 21 مئی سے شروع ہونے والے بیک لیش ایونٹ میں شرکت نہیں کرسکیں گے۔ یونائیٹڈ اسٹیٹ چیمپئن شپ کے لیے اے جے اسٹائلز اور کیون اونز مدمقابل آئیں گے۔

    تفصیلات کے مطابق اے جے اسٹائلز نے یونائیٹڈ اسٹیٹ چیمئن شپ میں اونز سے مقابلے سے قبل نمبر ون کنٹینڈر مقابلے میں کرس جیریکو کو زیر کیا تھا۔ ڈبلیو ڈبلیو ای چیمپئن شپ ٹائٹل کے لئے رینڈی اورٹن اور جندر مہل میں مقابلہ ہونا ہے۔

     ڈبلیو ڈبلیو ای سپر اسٹار براؤن اسٹرومین کہنی میں فریکچر کی وجہ سے بیک لیش میں شرکت نہیں کرسکیں گے، ڈبلیو ڈبلیو انتظامیہ نے اسٹرومین کی بیک لیش میں عدم شرکت کی تصدیق کردی۔

    21 مئی سے شروع ہونے والے ڈبلیو ڈبلیو ای بیک لیش ایونٹ میں اسٹرومین کو رومن رینز کے مدمقابل آنا تھا، اب دیکھنا یہ ہے کہ رینز کا مقابلہ کس ریسلر سے ہوتا ہے؟

    یہ پڑھیں: رومن رینز زخمی‘ کئے ہفتے تک رنگ میں نہیں اتر سکیں گے

     قوی امکان ہے کہ ڈبلیو ڈبلیو انتظامیہ دیو قامت ریسلر کی عدم موجودگی کے سبب سابق ڈبلیو ڈبلیو ای چیمپئن کرٹ اینگل کو بیک لیش ایونٹ میں سرپرائز انٹری کے طور پر متعاف کرادے۔

    WWE POST 2

    واضح رہے کہ رومین رینز نے گزشتہ ہفتے براؤن اسٹرومین پر اس وقت حملہ کیا تھا جب وہ مخالف ریسلر سے رنگ میں لڑرہے تھے، رینز نے اسٹرومین پر سپر مین پنچ کی بھرمار کے ساتھ ساتھ کرسی کئی بار ان کی کہنی پر دے ماری تھی۔

    بیک لیش ایونٹ میں رینڈی اورٹن اور جندر مہل میں کانٹے دار مقابلہ متوقع ہے جبکہ کیون اونز اور اے جے اسٹائلز یونائیٹڈ اسٹیٹ چیمپئن شپ کے لئے رنگ میں اتریں گے، یاد رہے کہ اے جے اسٹائلز نے نمبر ون کنٹینڈر کا میچ جیتا تھا۔

  • اسٹار آل راؤنڈر شاہد آفریدی کا ہمپشائر سے معاہدہ

    اسٹار آل راؤنڈر شاہد آفریدی کا ہمپشائر سے معاہدہ

    لندن: انگلش کاؤنٹی ہمپشائر نے آل راؤنڈر شاہد خان آفریدی سے رواں سال ٹی 20 بلاسٹ کے لیے معاہدہ کرلیا۔ سنہ 2011 کے بعد یہ تیسرا موقع ہوگا جس میں آفریدی انگلش کاؤنٹی سے کھیلیں گے۔

    جائلز وائٹ کا کہنا ہے کہ ٹی 20 ٹورنامنٹ کے لیے شاہد خان آفریدی ایک بہترین انتخاب ہیں ان کی نمائندگی ہماری ٹیم کو مزید مضبوط بنادے گی۔

    afridi post 1

    آفریدی نے ٹی ٹوئنٹی انٹرنیشنل میچز میں 98 میچز میں 97 وکٹیں حاصل کر رکھی ہیں جو اب تک انٹرنیشنل ریکارڈ ہے۔

    واضح رہے کہ شاہد آفریدی نے سنہ 2011 میں سمر سیٹ سے کھیلتے ہوئے 42 گیندوں پر 80 رنز بنائے تھے جہاں ٹائی ہونے والے میچ میں ہمپشائر کو سپر اوور میں شکست کا سامنا کرنا پڑا تھا۔

    afridi post 2

    یاد رہے کہ آفریدی رواں سال انٹرنیشنل کرکٹ سے ریٹائر منٹ کا اعلان کرچکے ہیں۔ بوم بوم نے دنیا بھر میں ٹی ٹوئنٹی لیگز کھیلنے کا سلسلہ جاری رکھنے کا اعلان کرتے ہوئے اپنی فلاحی فاؤنڈیشن پر توجہ دینے کا اعلان کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • نامور خواتین کا روپ دھارنے والی حیرت انگیز بچی

    نامور خواتین کا روپ دھارنے والی حیرت انگیز بچی

    فلوریڈا: چھوٹے بچے بڑوں کی نقل کرنا پسند کرتے ہیں لیکن  تین سالہ اساٹ لارسن نے دنیا کی نامور خواتین کی زیبائش کاپی کرکے سب کو حیران کردیا۔

    امریکی ریاست فلوریڈا سے تعلق رکھنے والی اس چھوٹی بچی کی والدہ ایشلے نے معروف شخصیات کے ملبوسات پہنا کراس کی تصاویرانسٹا گرام پرشیئر کی ہیں جنہیں بے حد سراہا جارہا ہے۔

     اس ننھی پری نے ملالہ یوسفزئی، ٹیلر سوئفٹ، ایما واٹسن، سلینا گومز سمیت متعدد مشہور شخصیات کے ملبوسات پہن رکھے ہیں۔

    اسکاٹ لارسن کی والدہ کے مطابق ان کی ننھی پری ہمیشہ سے نت نئے ملبوسات پہننا پسند کرتی ہے اورفوٹو سیشن کرانے میں دلچسپی رکھتی ہے۔

    ان کا کہنا تھا کہ انسٹا گرام پرتصاویر شیئر کرنے کا خیال اس وقت آیا جب اسکاٹ کی نانی کینسر جیسے موذی مرض میں مبتلا ہوئیں۔

    Nothing says #girlpower quite like Frida Kahlo. #scoutstolemystyle

    A post shared by Scout Penelope (@hello.scout) on

    ایشلے کے مطابق انہوں نے اپنی بیٹی کی تصاویر لینے کا سلسلہ اپنے آپ کو مصروف رکھنے کے لیے کیا تاکہ وہ اس مشکل وقت کا سامنا کرسکوں، ان کا کہنا ہے کہ میں اسکاٹ کو بتانا چاہتی ہوں کہ خواہ کیسے بھی حالات ہوں خواتین بہت مضبوط ہوتی ہیں بالکل اس کی نانی کی طرح۔

    ایشلے اپنی بیٹی کی ہر پسند کا خیال رکھتی ہیں اور معروف شخصیات کے برانڈ اپنی بیٹی کو لا کر دیتی رہتی ہیں۔ ایشلے کے مطابق کبھی پیسے نہیں ہوتے تو بیٹی کے لیے ادھار بھی چیزیں خریدنا پڑ جاتی ہیں۔

    تین سالہ ننھی پری کے چہرے پر مسکراہٹ ہر وقت عیاں رہتی ہے اور اسے دوست بنانا بہت پسند ہے کہیں باہر جاتی ہے تو اجنبیوں سے گھل مل جاتی ہے۔

    اسکاٹ کی والدہ کا کہنا تھا کہ انہیں اپنی بیٹی کے گالوں پر ہنستے وقت جو گڑھے پڑتے ہیں وہ بہت اچھے لگتے ہیں۔

  • عرفان خان ’بک گئی گورنمنٹ‘ والی پاکستانی آنٹی کے مداح نکلے

    عرفان خان ’بک گئی گورنمنٹ‘ والی پاکستانی آنٹی کے مداح نکلے

    ممبئی: بالی ووڈ اداکارعرفان خان پاکستانی سوشل میڈیا پر شہرت پانے والی ’بک گئی ہے یہ گورمنٹ‘ والی آنٹی کے مداح نکلے، ویڈیو بنا کر سب کو حیرت میں مبتلا کردیا۔

    تفصیلات کے مطابق بالی ووڈ میں اپنی منفرد اداکاری سے مشہور اداکارعرفان خان نے پاکستان میں ’بک گئی ہے یہ گورمنٹ‘  والی آنٹی کے نام سے وائرل ہونے والی ویڈیو کی میم بنا کر سب کو حیران کردیا ہے۔

    ویڈیو میں دیکھا جاسکتا ہے کہ عرفان خان پاکستانی خاتون کی طرح دوپٹہ اوڑھ کر بالی وڈ سنیما کو بُرا بھلا کہتے دکھائی دے رہے ہیں، اور فلم کی پروموشن کے طریقہ کار پربھی تنقید کررہے ہیں۔


    IRFAN POST 3

    یہی نہیں اداکار نے مشہور بالی وڈ اداکار امریش پوری کی فلم کے ڈائیلاگ ’ آؤ کبھی حویلی پہ، پر بھی کامیڈی کی اس کے علاوہ ہالی وڈ اداکار کی فلموں پر بھی کامیڈی کی اور مشہور ناول نگار شیکسپیئر کی نقل اتار کر بھی دکھائی۔
    IRFAN POST 5

    واضح رہے کہ عرفان خان ان دنوں اپنی نئی آنے والی فلم ’ہندی میڈیم‘ کی تشہیر میں مصروف ہیں، اور یہ ویڈیو بھی اسی تشہیری مہم کا حصہ قرار دی جارہی ہے۔

    IRFAN POST 1

    ہندی میڈیم میں عرفان خان کے ساتھ پاکستانی اداکارہ صبا قمر نے مرکزی کردار ادا کیا ہے فلم کے گانے پہلے ہی ہٹ ہوچکے ہیں۔ مذکورہ فلم کا ایک گانا ’تینوں سوٹ سوٹ کردا‘ مداحوں میں کافی پذیرائی حاصل کررہا ہے۔

    IRFAN POST 2

    عرفان اور صبا قمر کی فلم ہندی میڈیم کی ہدایت کاری کے فرائض سکیت چوہدری نے انجام دئیے ہیں جبکہ دیگر کرداروں میں دیپک دوبریال، ترن بجاج، جسپال شرما، سواتی داس ودیگر نمایاں ہیں۔

    IRFAN POST 4

    عرفان اور صبا قمر کی فلم باکس آفس پرکامیابی سمیٹے یا نہیں لیکن ان کی یہ تکنیک ضرور کارگر ثابت ہوئی ہے اورسوشل میڈیا پر ہر طرف عرفان خان کے ہی چرچے ہورہے ہیں۔

     

  • ملتان: ٹرک اور اسکول وین میں تصادم، 4 بچے جاں بحق

    ملتان: ٹرک اور اسکول وین میں تصادم، 4 بچے جاں بحق

    ملتان: صوبہ پنجاب کے شہر وہاڑی میں ٹریفک حادثے میں 4 بچے جاں بحق اور 9 افراد زخمی ہوگئے۔ حادثہ ٹرک اور اسکول وین میں تصادم کے باعث پیش آیا۔

    تفصیلات کے مطابق ملتان کے قریبی شہر وہاڑی میں ٹرک اور اسکول وین میں تصادم کے باعث 4 بچے جاں بحق اور 9 زخمی ہوگئے۔

    لاشوں اور زخمیوں کے لیے قریبی اسپتال منتقل کردیا گیا ہے۔

    پولیس کے مطابق اسکول وین کو ٹکر مارنے والا آئل ٹینکر ڈرائیور فرار ہونے میں کامیاب ہوگیا۔ حادثے کی تحقیقات شروع کردی گئی ہیں۔

    دوسری جانب صوبہ سندھ کے دارالحکومت کراچی کے علاقے بوٹ بیسن میں تیز رفتار گاڑی کی زد میں آ کر نوجوان جاں بحق اور 1 شخص زخمی ہوگیا۔ مقتول کی شناخت سکندر ممتاز کے نام سے ہوئی۔

    پولیس نے حادثے کے ذمہ دار ڈرائیور کو گرفتار کرلیا۔ مقتول کے ورثا نے بوٹ بیسن تھانے کے باہر احتجاج بھی کیا۔

  • کراچی: خفیہ ڈانس پارٹی میں فائرنگ، نوجوان زخمی

    کراچی: خفیہ ڈانس پارٹی میں فائرنگ، نوجوان زخمی

    کراچی: صوبہ سندھ کے دارالحکومت کراچی کے ساحلی علاقے ہاکس بے میں خفیہ ڈانس پارٹی میں فائرنگ سے نوجوان زخمی ہوگیا۔ فائرنگ کرنے والا فرار ہونے میں کامیاب رہا۔ پولیس نے ساتھی خاتون سمیت بینڈ کے 4 افراد کو حراست میں لے لیا ہے۔

    تفصیلات کے مطابق کراچی کے علاقے ہاکس بے میں خفیہ ڈانس پارٹی پر فائرنگ کے نتیجے میں نوجوان زخمی ہوگیا ہے جبکہ فائرنگ کرنے والا شخص فرار ہونے میں کامیاب ہوگیا۔

    پولیس نے جائے واردات پر پہنچ کر ساتھی خاتون اور میوزیکل بینڈ کے 4 افراد کو حراست میں لے لیا ہے۔

    ذرائع کے مطابق میوزیکل بینڈ کے گرفتار افراد کی رہائی کے لیے سی ٹی ڈی اہلکار کو فون کی گھنٹی بجنا شروع ہوگئی ہے۔

    ایس پی کیماڑی کا کہنا ہے کہ مذکورہ واقعے میں ملوث کسی بھی پولیس اہلکار نے پیسے لیے تو ان کے خلاف کارروائی کی جائے گی۔ واقعہ کا مقدمہ 98 اقدام قتل کی دفعات کے تحت درج کرلیا گیا ہے۔

    نمائندہ اے آر وائی نیوز کے مطابق ڈانس پارٹی میں ہزار سے 12 سو کے قریب افراد موجود تھے اور مذکورہ ڈانس پارٹی پولیس کی سرپرستی میں جاری تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سلمان خان کی پسند، سونم کپور بھی بول پڑیں

    سلمان خان کی پسند، سونم کپور بھی بول پڑیں

    ممبئی: بالی ووڈ اداکارہ سونم کپور نے اس راز سے پردہ اٹھا دیا ہے کہ سلمان خان کس طرح کے کپڑوں کا انتخاب کرتے ہیں۔

    ایک انٹرویو کے دوران سونم کپور نے بتایا کہ سلمان خان اپنے برانڈ بینگ ہیومن کے علاوہ کسی دوسرے برانڈ کا انتخاب کم ہی کرتے ہیں۔

    سونم اور ریہا نے کہا کہ انہیں جیکٹس بہت پسند ہیں اور وہ زیادہ تر موم ڈینم جیکٹس استعمال کرتی ہیں۔

    SONAM POST 2

    سونم کا کہنا تھا کہ سلمان خان انسانیت کی خدمت میں ہمیشہ پیش پیش رہتے ہیں۔ دبنگ خان کی نظر میں کام کی اتنی اہمیت نہیں جتنی انسانیت کی خدمت ہے۔

    واضح رہے کہ سونم کپور نے فلم سانوریا سے دبنگ خان کے ساتھ اپنے فلمی کیریئر کا آغاز کیا تھا جس میں ان کے ہمراہ رنبیر کپور نے مرکزی کردار ادا کیا۔

    SONAM KAPOOR POST 1

    دوسری بار سونم اور سلمان خان فلم پریم رتن دھن پایو میں ایک ساتھ جلوہ گر ہوئے تھے جو باکس آفس پر کامیاب رہی تھی۔

    یاد رہے کہ سونم کپور ان دنوں ششنکر گھوش کی فلم ’ویرے دی ویڈنگ‘ کی شوٹنگ میں مصروف ہیں جس میں ان کے ساتھ کرینہ کپور بھی اہم کردار ادا کر رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔