ARYNews.tv | Urdu – Har Lamha Bakhabar

Author: قیصر کامران صدیقی

  • دس ایسے اداکار جنہوں نے شادی کے لئے بالی ووڈ کو اہمیت نہ دی

    دس ایسے اداکار جنہوں نے شادی کے لئے بالی ووڈ کو اہمیت نہ دی

    بالی ووڈ کے چند ایسے ستارے جنہوں شادی کے لئے فلم انڈسٹری کو اہمیت نہ دی ۔

    عمران ہاشمی

    بالی ووڈ کے اداکار عمران ہاشمی نے طویل مددتی گرل فرینڈ اور عزیز پروین شہانی سے 2006 میں شادی کی۔ان کا ایک بیٹا ہے جس کا نام ایان ہاشمی ہے۔

    Bollywood

    مادھوری ڈکشت

    بالی ووڈ اپنے حسن اور اعلیٰ کردار نبھانے وای مادھوری ڈکشت نے اپنی دھک دھک پرفارمنس سے ہزاروں دل جیتے ، لیکن جب بات آئی شادی کی تو انہوں نے بالی ووڈ کو چھوڑتے ہوئے کارڈیو سرجن ڈاکٹر سری رام نیئن کے ساتھ 1999 رشتہ ازدواج میں منسلک ہوگئیں۔شادی کے بعد مادھوری اپنے شوہر کے ساتھ امریکہ میں مقیم ہیں ۔
    Bollywood

    ہریتھک روشن

    ہرتھک روشن نے بھی بالی ووڈ کو چھوڑ کر ایک مشہور انٹیریر ڈزائنر سوسین خان سے شادی کی ۔ تاہم اس جوڑی ایک دوسرے کا 14 سال ساتھ نبھایا لیکن گزشتہ برس ان دونوں میں تلاق ہوگی۔
    Bollywood

    جوہہی چاولہ

    مشہور بالی ووڈ کی اداکارہ جوہی چاولہ نے نوے کی دہائی میں بھارت میں بڑی مقبولیت حاصل کی،ان کا  صنعتکار جئے مہتا کے ساتھ افیئر سامنے آیا تاہم 1997 میں ان دونوں شادی کرلی اور آج تک اپنے 2 بچوں کے ساتھ خوش و خرم زندگی گزار رہے ہیں ۔
    Bollywood

    وویک اوبرائے

    اداکارہ ایشوریا رائے کے ساتھ ایک مختصر حسین وقت گزرنے کے بعد(ایشوریہ کی ابیشیک سے شادی سے قبل)  وویک اوبرائے کرناٹکا کے سابق وزیر کی بیٹی پرینکا الوا سے شادی کرلی، اور اپنے ایک بچےکے ساتھ وہ ایک اچھی زندگی گزار رہے ہیں۔
    Bollywood

    شلپا شیٹی

    بالی ووڈ اداکارہ شلپا شیٹی نے بھی ازدواجی پارٹنر کے لئے بالی ووڈ انڈسٹری کے بجائے ایک کاروباری شخصیت راج کُندرا کو چنا۔شلپا شیٹی کے شوہر نے آئی پی لیگ میں راجستان رائل ٹیم کو 16.8 لاکھ ڈالرز میں خریدا تھا۔
    Bollywood

    ایشا دیول

    بالی ووڈ کے مشہور ستارے بوبی دیول اور سنی دیول کی بہن  ایشا دیول جو کہ ہیما مالینی اور دھرمیندر کی بیٹی ہیں ، انہوں نے بھی شادی کے لئے فلم انڈسٹری کے بجائے بزنس میں شخص کو چنا ، ایشا دیول نے شادی کاروباری شخصیت بھرت تختانی کی یہ دونوں بچپن سے ہی ایک دوسرے کے قریب تھے۔
    Bollywood

    عمران خان

    بالی ووڈ مسٹر پرفیکٹ عامر خان کے بھانجے عمران خان نے بھی سب کو اس وقت چونکادیا جب انہوں نے 10 جنوری 2011 کو اوینتیکا ملک خان سے شادی کی، عمران ان چند اداکاروں میں سے ایک ہیں جنہوں نے کم عمری میں شادی کی ۔
    Bollywood

    شاہ رخ خان

    شاہ رخ اور گوری خان کی شادی ہر وقت کی نایاب کامیابی کی کہانیاں میں سے ایک ہے اس جوڑی نے 1991 میں شادی کی ۔جب شاہ رخ خان کے نام پر ایک گھر بھی نہ تھا اور گوری خان بھی انڈسٹری نامعلوم تھیں لیکن آج گوری ایک مشہور پروڈیوسر ہیں اور شاہ رخ بھی شہرت کی بلندیوں کو چھو چکے ہیں ۔
    Bollywood

    علی ظفر

    علی ظفر ایک پاکستانی ہیں لیکن ان کا نام بالی ووڈ اور بھارتی فلم انڈسٹری میں معروف اداکاروں کے شانہ بشانہ لیا جاتا ہے علی نے 28 جولائی 2009  کو عائشہ فضلی سے شادی کی ۔
    Bollywood

  • بشرا انصاری کے زندگی کے حسین پل صرف ایک ویب سائٹ پر

    بشرا انصاری کے زندگی کے حسین پل صرف ایک ویب سائٹ پر

    پاکستانی فلم اور ڈرامہ انڈسٹری کی مشہور و معروف اداکارہ و  فنکارہ بشرا انصاری کی کیرئیر پر ایک مقامی سائٹ منظر عام پر آگئی ہے ۔

    بشرا انصاری ویب سائٹ پر کچھ ایسی تصاویر اور ویڈیوز موجود ہیں جو آپ کو ماضی کے خوشگوار لمحوں میں واپس لے جائے گا ۔

    ویب سائٹ بشرا انصاری اسی اور نوے کی دہائی میں دی جانے والی یادگار پرفارمنس اور ان کے گائے ہوئے پرانے گانے جن میں سے چند وہ ہیں جو شاید کسی کے پاس نہ ہوں۔ابتداء سے لیکر آج تک کی ان کی تمام تصاویر اور ان کے گائے ہوئے گانے اور ان پر لکھے گئے آرٹیکل بڑی تعداد میں موجود ہیں ۔

    اس ویب سائٹ کو بشرا انصاری کی 35 سالہ بیٹی ناریما انصاری بنائی ہے یہ ٹورانٹو میں ناریما فوٹوگرافر اور بصری آرٹسٹ ہیں۔

    bushra ansari

    bushra ansari

    wedding bushra ansari

    Fifty fifty bushra ansari

    http://arynews.tv/en/wp-content/uploads/2015/06/iqbal.png

    ایسی ویب سائٹ ہمارے لازوال فنکاروں کو خراج تحسین پیش کرنے میں مددگار ثابت ہوتے ہیں ،اس ویب سائٹ کو دیکھ کر ساتھی دوسرے فنکاروں کو بھی چاہیئے کہ ایسی چیزیں منظر عام پر لائیں ۔

  • ایم کیوایم ، عمران خان اور زید حامد ٹوئٹر پرآج موضوع بحث بننے ہوئے ہیں

    ایم کیوایم ، عمران خان اور زید حامد ٹوئٹر پرآج موضوع بحث بننے ہوئے ہیں

    ایم کیوایم کےاہم رہنما اورالطاف حسین کےقریبی ساتھی سمجھےجانے والےطارق میر کےمبینہ بیان نےتہلکہ مچادیا۔

    ایم کیوایم کے رہنماطارق میر نے لندن پولیس کودیئے گئے مبینہ انٹرویو میں بھارت سے مالی امدادکااعتراف کرلیا۔ لندن پولیس کی مبینہ دستاویزسوشل میڈیا پر جاری ہوئیں تو میڈیا اور سوشل میڈیا کا بھرپور ردعمل سامنے آیا ۔

     ایم کیوایم رہنما طارق میر کے بھارت سے پیسے لینے کے مبینہ اعترافی بیان سے سیاسی حلقوں سمیت سوشل میڈیا پر بھی ایک نئی بحث چھڑ گئی ہے۔ ایم کیوایم کے خلاف چلنے والا ٹرینڈ سب سے اوپر دیکھائی دیا۔

    #TariqMirExposesMQMRAWNexus

     

    پیپلزپارٹی کے چئیرمین بلاول بھٹو زرداری دبئی سے غیر ملکی ائیر لائن کی پرواز ای کے چھ سو دو کے ذریعے کراچی پہنچے، بلاول بھٹو ائیر پورٹ سے باہر آئے تو ان کے ہمراہ سابق وزیر داخلہ رحمان ملک بھی تھے۔

    پیپلزپارٹی کے چئیرمین بلاول بھٹو زرداری سماجی رابطے کی ویب سائٹ پر ان کے حق میں ٹرینڈ منظر عام پر آیا ۔جس میں پی ٹی کے چیئرمین عمران خان کو شدید کا تنقید کا نشانہ بنایا جارہا ہے ۔

    #bhagniazibossaagaya

     

    دوسری جانب سعودیہ میں گرفتار ہونے والے زید حامد کے حق میں بھی ٹرینڈ گردش کرتا نظر آیا ہے ۔

     

  • مائیکل جیکسن کو اپنے مداحوں سے بچھڑے 6برس ہوگئے

    مائیکل جیکسن کو اپنے مداحوں سے بچھڑے 6برس ہوگئے

    پاپ میوزک کے بے تاج شہنشاہ مائیکل جیکسن کو میوزک کے دیوانوں سے بچھڑے چھ برس بیت گئے۔

    پاپ میوزک کے بے تا ج با دشا ہ ما ئیکل جیکسن کو مد احوں سے بچھڑے چھ برس بیت گئے مائیکل جیکسن انیس سواٹھاون کو امریکہ میں پیدا ہوئے ما ئیکل جیکسن اپنے منفرد انداز کی وجہ سے دنیا بھر میں مقبول ہیں۔

    اپنے پہلے البم آئی وانٹ یو بیک سے ہی مائیکل جیکسن دنیا بھر میںمشہور ہو گئے،انیس سوبیاسی میں مائیکل جیکسن کے البم تھر لرنے دنیا ئے میوزک میں تہلکہ مچا دیا تھا ۔

    پاپ موسیقی پر اپنے نا قابل فر ا موش کام کی بدولت مائیکل جیکسن مداحوں کے دلوں پر ہمیشہ راج کر ینگے۔

  • کنگ خان کو بالی ووڈ میں قدم رکھے 23 سال مکمل

    کنگ خان کو بالی ووڈ میں قدم رکھے 23 سال مکمل

    لاکھوں دلوں کی دھڑکن بالی ووڈ کے شاہ رخ خان کو فلم نگری پر راج کرتے ہوئے 23 سال مکمل ہوگئے۔ان 23سالوں کے ابتدائی کئی سال ایسے بھی تھے جب انہیں خود کومنوانے کیلئے سخت محنت کرنا پڑی۔

    شاہ رخ خان کی کامیابی کے حوالے سے ایک رپورٹ میں لکھا ہے کہ” دن رات کی محنت اور تگ ودو کے بعدبلاخر شاہ رخ خان کو پہلا بریک تھرو ملا 25 جون 1992ء کور یلیز ہونے والی فلم ”دیوانہ“ سے۔ اس فلم میں رشی کپوراور دیویا بھارتی جیسے اسٹارز کی موجودگی میں شاہ رخ نے اس کمال کی ایکٹنگ کی کہ اعتراف فن کے طور پر انہیں ”فلم فیئرایوارڈ“ سے نوازا گیا۔

    فلم ”دیوانہ“ان کے کیرئر کو ایسی مضبوط بنیاد فراہم کرنے میں کامیاب ہوگئی کہ تب سے اب تک شاہ رخ خان نے پیچھے مڑ کرنہیں دیکھا۔ آج وہ جس فلم میں کام کریں اسے ریلیز سے پہلے ہی بے انتہائی شہرت مل جاتی ہے ۔ ان بیس سالوں میں شاہ رخ نے لاکھوں اور کروڑوں فینز بنائے جو انہیں پیار سے ’ایس آر کے ‘ اور ’کنگ خان‘کہتے ہیں۔ وہ واقعی فلمی اسکرین کے کنگ ہیں۔

    بالی وڈ میں گزارے ہوئے ان بیس سالوں میں کنگ خان نے انگنت کردارکئے۔”دل والے دلہنیا لے جائیں گے “ کے والہانہ عاشق سے ’سوادیش ‘ کے سائنسدان تک کون سا ایسا کردار ہے جو کنگ خان نے ادا نہ کیا ہو اور داد نہ پائی ہو۔

     ابتدائی دور میں شاہ رخ نے بہت سی فلموں مثلاً ”ڈر“، ”بازی گر“ اور” انجام“ میں منفی کردار اس خوبی سے نبھائے کہ شہرت میں ہیرو کو بھی کوسوں میل پیچھے چھوڑ دیا۔

    انیس سو پچانوے میں فلمساز ادیتیہ چوپڑہ کی تاریخ ساز فلم ’ ’دل والے دلہنیا لے جائیں گے“ میں ’راج ملہوترہ ‘ کے کردار نے افسانوی شہرت حاصل کر کے شاہ رخ کو فلمی دنیا میں امر کر دیا اور رومینٹک ہیرو کا ایک نیا انداز متعارف کرایا۔ شاہ رخ کا جادو راج ملہوترہ کی صورت میں سر چڑھ کر بولا اوراس نے لاکھوں چاہنے والوں کو اپنا دیوانہ بنائے رکھا۔

    اس کے بعد تو شاہ رخ کے پاس رومینٹک فلموں کی لائن ہی لگ گئی۔”کچھ کچھ ہوتا ہے“،” کبھی الوداع نہ کہنا“،” محبتیں“، ”کل ہو نہ ہو“ اور ”رب نے بنا دی جوڑی‘‘کی صورت میں کنگ خان نے ایک سے بڑھ کر ایک میگا ہٹ رومینٹک فلم دی۔

    بلاشبہ اپنی حقیقی اور جنونی اداکاری سے شاہ رخ نے رومینٹک ہیرو کے کردار کو ایک نئی جہت، ایک نیا رخ عطا کیا۔اس دوران انہوں نے تجرباتی کردار بھی ادا کئے جو ہیرو کے عام تصور سے ہٹ کر تھے مثلاً سودیش“،” اشوکا، ڈان،ڈان 2،چک دے انڈیا ، دیوداس، اور ، را۔ون ،ہیپی نیو ایئر ، مائی نیم از خان ،  کے کردار ۔

    شاہ رخ فلم نگر کے بادشاہ ضرور ہیں لیکن ان کی شروعات ٹیلی ویژن سے ہوئی تھی۔ ٹی وی ناظرین سے ان کا پہلا تعارف انیس سو اٹھاسی میں ٹی وی سیریز ’فوجی ‘ کے ذریعے ہوئی۔اس کے بعد شاہ رخ نے انیس سو نواسی میں عزیز مرزا کی ٹی وی سیریل ’سرکس‘ میں بھی کام کیا ۔

    بادشاہ خان نے اپنے سفر میں ایک اور سنگ میل اس وقت عبور کیا جب انہوں نے دو ہزار سات میں ٹی وی میزبان کے طور اسٹار پلس کے گیم شو ”کون بنے گا کروڑ پتی“ میں میزبان کے فرائض انجام دئیے۔اس کے علاوہ انہوں نے’کیا آپ پانچویں پاس سے تیز ہیں“اور ”زور کا جھٹکا“ کی بھی میزبانی کی۔

    شاہ رخ خان کی کے بالی ووڈ میں 23 سال مکمل ہونے سماجی رابطے کی ویب سائٹ ٹوئٹر پر ان کے مداح بے پناہ ٹوئٹ کرتے نظر آئے جن میں چند مندرجہ ذیل ہیں۔

  • پاکستانی اداکار مایا علی کی بالی ووڈ ادکارہ پرینکا چوپڑا اور دیپیکا کی نقالی

    پاکستانی اداکار مایا علی کی بالی ووڈ ادکارہ پرینکا چوپڑا اور دیپیکا کی نقالی

    کراچی :  پاکستانی ٹیلی ویژن ادکارہ مایا علی مخلتف ڈرامہ سیریل میں اپنی شاندار اداکاری کے بعد اپنے چاہنے والوں اور شائقین کے لئے مزاحیہ ویڈیو اپلوڈ کردیا ۔

    اداکارہ نے سماجی رابطے کی ویب سائٹ  ٹوئٹر اور فیس بک پر حال ہی میں دو ویڈیو اپلوڈ کیں جس میں سے ایک میں وہ بالی ووڈ کی مشہور اداکارہ پرینکا چوپڑا کی فلم میری کوم کے ڈائلاگ کی نقالی کرتے ہوئے پائیں گئیں۔

    اس سے قبل وہ بالی ووڈ  اداکارہ دیپیکا پاڈوکون  کی فلم چنائے ایکسپریس  کے  ایک ڈائیلاگ کی نقالی کرتے ہوئے دیکھائی دیں ۔یہ دونوں ویڈیو انتہائی مزاحیہ ہیں ۔

     

     

     

  • خصوصی رپورٹ : کراچی میں اموات کی اہم وجہ موسم کی تبدیلی ہے ، ماہرین

    خصوصی رپورٹ : کراچی میں اموات کی اہم وجہ موسم کی تبدیلی ہے ، ماہرین

    کراچی: کراچی میں گرمی میں جان کی بازی ہارنے والے شہریوں کی تعداد 750 ہوگئی ہے، مردہ خانوں میں لاشیں رکھنے کی جگہ کم پڑگئی، شہر بھر کے اسپتالوں میں ایمرجنسی نافد کردی گئی۔

    تفصیلات کے مطابق 21 جون کو 200 افراد جان لیوا گرمی سے ہلاک ہوئے جبکہ 22 جون کو 397 افراد لقمہ اجل بنے، 23 جون کو 113 افرادکی ہلاکتوں کی تصدیق  ہوچکی ہے، جن میں 40 بچے بھی شامل ہیں۔

    گذشتہ چار روز سے شہر قائد کراچی میں شدید گرمی کے باعث ہلاکتوں کا سلسلہ تاحال تھم نہیں سکا،گزشتہ روز مختلف اسپتالوں میں ایک سو تیرہ سے زائد افراد کی ہلاکتیں ہوچکی ہیں، اور پانچ روز کے دوران ہلاکتوں کی تعداد 750 سے تجاوز کرچکی ہے۔

    مشہور و معروف آرکیٹیکٹ اور حلالِ امتیاز نے اعزاز یافتہ عارف حسن کا کہنا تھا کہ رمضان المبارک روزے کے باعث مسلمان پانی نہیں پیتے جس کی وجہ سے موسم کی شددت اثرانداز ہوئی اور اموات کا واقع پیش آیا ۔

    مزید شہریوں کی پریشانی لوڈشیڈنگ اور کراچی میں پانی قلت کی وجہ سے بڑھ گئی ہے۔

    محکمہ میٹرولوجیکل پاکستان نے کہا ہے کہ منگل کو درجہ حرارت 44 ڈگری تک رہا جبکہ شام میں طوفان کی پیش گوئی کی گئی تھی۔

    ڈبلیو ڈبلیو ایف پاکستان پالیسی افسر فررخ زمان نے اے آر وائی نیوز کو بتایا حالیہ ہونے والی موسمی تبدیلی اور چلنے والی لو نے عالمی درجہ حرارت میں اضافہ ہوا ہے ۔

    اس شدید گرمی میں لو سے بچاؤ کیلئے احتیاطی تدابیر ضروری ہے۔

    گرم موسم میں پانی کا زیادہ استعمال کرنا چاہیے روزانہ کم از کم تین لیٹر پانی تو لازمی پینا چاہیے، خاص طور پر پانی کے ذریعے اپنے جسم میں نمکیات اور پانی کا توازن برقرار رکھنا چاہیے۔

    طبی ماہرین کا کہنا ہے کہ اپنے جسم کو ٹھنڈا رکھنے کے لیے کھیرے کا جوس، ناریل کا پانی، لیموں کا جوس کا استعمال کرنا چاہیے، گرم اشیاء، چائے، کافی کا استمال کم کیجئے ۔

    ڈھیلے اور ہلکے رنگوں کے ملبوسات کاٹن جیسے ہوا دار کپڑے پہنیں، تاکہ پسینہ سوکھ جائے، اگر آپ مچھروں کے کاٹنے کے وقت باہر ہوں، تو پوری پینٹیں اور بند جوتے پہنیں۔

    گرم اشیاء، چائے، کافی کا استمال کم کیجئے، جب الکوحل اور کیفین والے مشروبات سے پرہیز کرنا چاہیے، کولڈرنکس کے بجائے پانی، لسی، اور دیسی مشروبات کا استعمال کریں، سحری اور افطار میں کھانا کم کھائیں۔

    طبی ماہرین کا کہنا ہے کہ روزہ دار بلاوجہ گھروں سے نہ نکلیں۔ایسی چیزیں کو آپ کو دھوپ سے محفوظ رکھیں۔

    اس لاعلاج اور ہلاکت خیز مرض سے صرف بچا ہی جا سکتا ہے۔ اس کے علاوہ ناک کے کلپ خریدیں، اور اپنا سر پانی سے اوپر رکھیں تاکہ پانی کو ناک میں جانے سے بچایا جا سکے۔

    اگر ہم  یہ احتیاطی تدابیر پر عمل کریں تو گرمی سے ناصرف بچا جا سسکتا ہے بلکہ صحت کو بھی متوازن رکھا جا سکتا ہے۔

  • افطار میں عربین کباب بنانے کا آسان طریقہ

    افطار میں عربین کباب بنانے کا آسان طریقہ

    عربین کباب

    اجز

    گائے یا بکری کا قیمہ         ایک کلو

    اُبلی میکرونی                    ایک پیالی

     چھلے اور اُبلے مٹر          ایک پیالی

    ڈبل روٹی کا چورا             ایک پیکٹا

    انڈے                               2 عدد

    درمیانی پیاز                      3 عدد

    اُبلے آلو                           3 عدد

    ٹماٹر                               3 عدد
    ہری مرچ                        6-8 عدد

    ادرک لہسن کا پیسٹ        ایک چائے کا چمچہ

    کُٹی کالی مرچ                 ایک چائے کا چمچہ

    تیل                              حسبِ ضرورت

    ترکیب

    پہلے ایک پتیلی میں ایک کلوقیمہ،ایک چائے کا چمچہ ادرک لہسن کا پیسٹ،3 عدددرمیانی پیازباریک کتری ہوئی اور حسبِ ذائقہ نمک ڈال کر ہلکی آنچ پر اسی کے پانی  میں اُبال لیں۔

    جب پانی خشک ہو جائے تو اس میں 3 عدد ٹماٹر،6-8 عدد ہری مرچ،ایک پیالی چھلے اور اُبلے مٹر اور ایک پیالی اُبلی میکرونی ملا کر چوپر میں پیس لیں۔

    جب قیمہ باریک پیس لیں تو اس میں ایک چائے کا چمچہ کُٹی کالی مرچ شامل کر کے رول کی  شکل کے کباب بنا اس کے بعدکبابوں کو 2 عدد پھینٹے ہوئے انڈوں میں لگائیں اور ڈبل روٹی کا چورا لگا کر ہلکی آنچ پر ڈیپ فرائی کر لیں۔


    جب کباب اچھی طرح براؤن ہو جائیں تو اُنھیں نکال کرٹشو پیپر پر رکھیں تاکہ چکنائی جذب ہو جائے۔

  • کیمبرج کالج نےمردوں کو سکرٹ پہننے کی اجازت دے دی

    کیمبرج کالج نےمردوں کو سکرٹ پہننے کی اجازت دے دی

    لندن: کیمبرج کالج نے رسمی عشائیہ میں مردوں کو سکرٹ پہننے کی اجازت دے دی

    اس اجازت کے بعد سینٹ کیتھرائین  کیمبرج کالج کی پہلی یونیورسٹی بن گئی ہے جس نے جنس تبدیل کرانے والے طلبہ کی اپیل پر طلبہ پر سے  عشائیے کے لئے مخصوص لباس کی پابندی ختم کی ہے۔

    کیمبرج کالج نے اپنی صدیوں کی ثقافت کو توڑتے ہوئے مرد سے عورت بننے والے طلبہ کے لئے منعقد  پروگرام میں خواتین کو ٹرازر جبکہ مرد حضرات کو سکرٹ پہنے کی اجازت دی ہے۔

    سینٹ کیتھرین کی1473 میں بنیاد رکھی گئی تھی، یہاں ہمیشہ مردوں  طالب علموں کو جیکیٹ ، ٹائی اور پتلون پہنے پر زور دیا جاتا تھا۔ جبکہ خواتین کا بلاوز اور سکرٹ لباس ہوتا ہے ۔

    لیکن چارلی نورتھروپ کی پچھلے سال مرد سے عورت بنے کی مہم کے بعد کالج کی اصول وضوابط کو تبدیل کرنے پر رضا مند ہوگئے۔

    یہ  800 سالہ پرانی یونیورسٹی کا پہلہ کالج ہے جس نے کالج کے ڈریس کوڈ کو تبدیل کیا ہے، وہ طالب علم جو خود کو مرد یہ عورت کچھ بھی طاہر نہیں کرتے وہ جو چاہیئے پہن سکتے ہیں۔

    امید کی جارہی ہے کہ اس قدم کے بعد جنس تبدیل کرانے والے طلبہ زیادہ سہولت محسوس کریں گے۔

  • چہرے کے نقوش سے درد کی شدت ناپنے والا سافٹ ویئر تیار

    چہرے کے نقوش سے درد کی شدت ناپنے والا سافٹ ویئر تیار

    امریکی ماہرین نے چہرے کے نقوش سے درد کی شدت ناپنے والا سافٹ ویئر تیار کرلیا ۔

    بچوں سمیت بڑے بھی کبھی کبھی اپنے درد کی شدت کو ٹھیک سے بتا نہیں پاتے، اب یہ مشکل بھی آسان ہوگئی ۔

    امریکی ماہرین نے ایسا سوفٹ وئیر تیار کیا ہے جو چہرے کے تاثرات دیکھ کر درد کی شدت بتاتا ہے۔

    ماہرین نے فیشل ایکشن کوڈنگ سسٹم کو سافٹ ویئر کے ساتھ جوڑا ہے، جو درد کی شدت ناپنے میں مدد فراہم کرتا ہے۔

    ماہرین نے سوفٹ وئیرکو طبی دنیا میں اہم پیش رفت قرار دیا ہے۔