اسلام آباد: حکومت نے آئندہ مالی سال کے بجٹ میں زیرو ریٹیڈ شعبہ جات پر سیلز ٹیکس میں اضافے کا عندیہ دے دیا۔
زرائع کے مطابق پانچ زیرو ریٹیڈ برآمدی سیکٹرز پر سیلز ٹیکس میں تین فیصد تک اضافہ کئے جانے کا خدشہ ہے، ان سیکٹرز میں ٹیکسٹائل، گارمینٹس، چمڑے کی مصنوعات اور کھیل کا ساز وسامان شامل ہے ۔
ان شعبہ جات سے وابستہ افراد کا کہنا ہےکہ حکومت کے اس اقدام سےبرامدات میں کمی متوقع ہے۔
زیرو ریٹیڈ سیکٹرز کے مطابق تمام شعبے مقامی فروخت پر سیلز ٹیکس کی ادائیگیاں پہلے ہی کر رہےہیں۔
کراچی: پاکستان بزنس مین اینڈ انٹلیکچوئلز فورم(پی بی آئی ایف) کے صدر اورسابق صوبائی وزیر میاں زاہد حسین نے کہا ہے کہ ٹیکس نظام میں اصلاحات موجودہ حکومت کا بڑا کارنامہ ہو گا۔
اپنے ایک بیان میں انہوں نے کہا کہ جس سے ٹیکس نیٹ میں اضافہ ملکی ترقی کی رفتار بڑھا دیگا اورکشکول ہمیشہ کیلئے ٹوٹ جائیگا، کاروباری برادری کو ٹیکس ریفارمز کمیشن کی سفارشات کا بے چینی سے انتظار ہے، جس پر عمل درآمد جو پاکستان کو چند سال میں ترقی یافتہ ممالک کی صف میں کھڑا کر دیگی۔
انہوں نے کہا کہ ٹیکس کا موجودہ نظام جابرانہ ہے جوامراء کے بجائے مڈل کلاس اور غریبوں کو ہدف،ایماندار ٹیکس گزاروں کی حوصلہ شکنی اورفائدہ حکومت کے بجائے ٹیکس چوروں کو دیتاہے۔
ان کا کہنا تھا کہ مختلف شرح سے نافذ سیلز ٹیکس، پیچیدہ قوانین، استثناء ایف بی آرکی جانب سے نفاذ اور ٹیکس گزاروں کی جانب سے تعمیل دونوں کو مشکل بنا دیتا ہے،معنی خیز اصلاحات اور غیر ضروری مراعات کے خاتمہ سے محاصل کی مد میں حکومت کی آمدنی میں کھربوں روپے کا اضافہ ہو گا۔
لاہور: زمبابوے سیکورٹی ٹیم کے انچارج ایلیسٹر کیمبل کا کہنا ہے کہ پاکستان کے دیگر شہروں میں بھی کھیلنے کے خواہشمند ہیں لیکن آغاز لاہور سے کیاہے، سیکورٹی انتظامات سے مطمئن ہیں۔
زمبابوے کرکٹ بورڈ کا چھ رکنی وفد سیکورٹی انتظامات کا جائزہ لینے کے لئے پاکستان کے دورے پر ہے، وفد نے نیشنل کرکٹ اکیڈمی کے بعد قذافی اسٹیڈیم میں سیکورٹی انتظامات کا جائزہ لیا۔
پاکستان کرکٹ بورڈ کے چیف آپریٹنگ آفیسر سبحان احمد نے سیکورٹی ٹیم کو بریفنگ دی، سیکورٹی وفد اتنظامات کا مکمل جائزہ لینے کے بعد اپنی رپورٹ زمبابوےکرکٹ بورڈکو پیش کریگا۔
سیکیورٹی کلئیرنس ملنے کے بعد ہی زمبابوے کرکٹ ٹیم شیڈول کے مطابق پاکستان آئیگی۔سیکورٹی ٹیم کے سربراہ ایلسٹیر کیمبل سیریز کے کامیاب اور پرامن انعقاد کے لئے پر امید ہیں۔
ڈھاکہ: بنگلہ دیش کے خلاف دوسرے ٹیسٹ کے پہلے روز پاکستان نے تین وکٹوں کے نقصان پر تین سو تئیس رنز بنالئے، یونس خانےاور اظہر علی نے شاندار سنچریاں اسکور کیں۔
ڈھاکا کے شیر بنگلہ اسٹیڈیم میں جاری ٹیسٹ کے پہلے روز بنگلہ دیش نے ٹاس جیت کر پہلے فیلڈنگ کا فیصلہ کیا،دوسرے ٹیسٹ کے لئے قومی ٹیم میں ایک تبدیلی کی گئی اسپنر ذوالفقار بابر کی جگہ فاسٹ بولر عمران خان کو موقع دیا گیا ہے،پاکستان نے اننگز کا آغاز کیا تو چوتھے ہی اوور میں پروفیسر حفیظ صرف آٹھ رنزبناکرہمت ہارگئے۔
سمیع اسلم انیس رنزبناکر آؤٹ ہوئے، اظہر علی اور یونس خان نے محتاط انداز سے کھیلتے شاندار سنچریاں اسکور کیں، یونس خان نے کیرئیر کی انتیسویں سنچری اور اظہر علی نے آٹھویں سنچری بنائی جو بنگلہ دیش کیخلاف انکی پہلی سنچری ہے۔
یونس خان جارحانہ انداز میں کھیلتے ہوئے ایک سو اڑتالیس رنز بناکر کیچ آوٹ ہوئے،دونوں کھلاڑیوں کے درمیان تیسری وکٹ کے لئےدو سو پچاس رنز کی شراکت قائم ہوئی، دن کے اختتام پر اظہر علی ایک سو ستائیس اور مصباح الحق نو رنز کے ساتھ وکٹ پر موجود ہیں۔
اسلام آباد: امریکی نشریاتی ادارے کے مطابق ریاست ٹیکساس کے شہر گارلینڈ کے کرٹس کلویل سینٹر میں توہین آمیز خاکوں کی نمائش کے باہر فائرنگ کرنے والوں کی شناخت نادر صوفی اور ایلٹن سمپسن کے نام سے ظاہر کی گئی ہے، نادر صوفی پاکستانی نژاد شہری ہے جو ایلٹن سمپسن کے ہمراہ ریاست ایری زونا میں رہتا تھا۔
پاکستانی نژاد شہری نادر صوفی کے بچپن کے دوست کا کہنا تھا کہ نادر پاکستان میں اپنے اسکول میں مشہور طالبعلم تھا،نادر کے دوست کا کہنا تھا کہ نادر نے امریکہ میں سکونت اختیار کرنے کےلئے بہت جدوجہد کی۔
نادر کے دوست کا کہنا تھا کہ وہ نادر کے ساتھ انٹرنیشنل اسکول آف اسلام آباد میں پڑھتا تھا، انہیں حیرانی ہوئی جب پولیس نے نادر کو حملہ آوروں میں شناخت کیا۔
انہوں نے بتایا کہ جب نادر اسلام آباد میں رہتا تھا تو ایک اچھی زندگی گزار رہا تھا ۔اس کی والدہ امریکی خاتون تھیں جو کہ ایک اسکول میں آرٹ پڑھایا کرتی تھیں،وہ کھیلوں کا شوقین تھا اور لڑکیوں میں مشہور تھا، اسے پیار سے ’گوفی‘ کہتے تھے۔
نادر صوفی کی ایک اور دوست کا کہنا تھا کہ وہ ایک مشہور بچہ تھا بلکل اس سے مختلف جیسے کہ ایک شدت پسند ہوتا ہے ۔
اس کی دوست نے بتایا کہ جب وہ دسویں جماعت میں تھا تو اس کے والدین میں طلاق ہوگئی تھی ، جس کے بعد وہ اوتھا منتقل ہوگئے تھے، کئی سالوں بعد جب وہ ملا تو یہ شکایت کرتا پایا گیا کہ وہ مطمعین نہیں ہے اور حالات کا سامنا نہیں کرپارہا ہے۔
امریکہ کا تزکرہ کرتے ہوئے اس نے اپنے دوست کو بتایا کہا کہ وہاں زندگی بہت مشکل ہے اور اس کو بہت سی مشکلات کا سامنا ہے ، جس میں تنہائی اور مسلمان ہونے کی وجہ سے لوگوں میں ناپسند ہوں۔
نائجیریا: شدت پسند وں کی قید سے رہائی پانے والی خواتین نے بوکو حرام کے مظالم بے نقاب کئے اوران کےآپس کے اختلافات سے بھی پردہ اٹھادیا۔
شدت پسند تنظیم بوکو حرام کی قید سےرہائی پانےوالی خواتین نےبوکو حرام کےمظالم بیان کیے،خواتین نےبتایا کےفوج کے پہنچنے پر بوکو حرام کےکارندوں نےخواتین کوپتھر مارکرہلاک کرنا شروع کردیا،اغوا کی جانے والی خواتین سے زبردستی شادی کی جاتی تھی
خواتین کا کہنا تھا کہ خوارک اور اسلحے کی قلت کے باعث بوکو حرام کے کارندوں اور سرداروں میں شدیداختلافات تھے،کارندوں کا شکوہ تھا کہ انہیں مذہب کے نام پرغلط استعمال کیا جارہا ہے۔
کراچی: پی پی اے کی بجٹ سفارشات میں پاکستان پولٹری ایسوسی ایشن نے پولٹری پراسسنگ صنعت ،پولٹری اور لائیو اسٹاک کی فیڈ کو زیرو ریٹنگ کا مطالبہ کیا ہے۔
پاکستان پولٹری ایسوسی ایشن حکومت کو بجٹ تجاویز پیش کرتے ہوئے کہا کہ برائلر مرغیوں کی پیداوار کے لحاظ سے پاکستان دنیا میں گیارواں ملک ہے، ہر سال ایک ارب سے زائد مرغیاں پیدا ہوتی ہیں جبکہ زندہ مرغیوں کا صرف چار فیصد پراسس مصنوعات میں استعمال کیا جاتا ہے۔
پی پی اے کی بجٹ سفارشات میں کہا گیا ہے کہ زیرو ریٹنگ صرف ایسے پراسسنگ پلانٹس کو دی جائے جن میں مذبح خانے اور ویلیو ایڈیشن کے دیگر انتظامات میسر ہیں۔انڈسٹری پر ٹیکس عائدکرنے سے پراسس چکن مصنوعات کی قیمتوں میں 10 روپے سے 40 روپے فی کلو تک پیداواری لاگت میں اضافہ ہوا ہے۔ پراسس فوڈ کی ویلیو ایڈیشن سامان پر 15 فیصد سے 30 فیصد امپورٹ ڈیوٹی اور17 فیصد سیلز ٹیکس بھی ادا کیا جاتا ہے۔
انہوں نے کہا کہ فا سٹ فوڈ کے اداروں کی جانب سے پولٹری پروڈکٹس کے سینکڑوں کنٹینرز درآمد کئے جا رہے ہیں، اس درآمد سے پولٹری فیڈ تباہ ہو کر رہ گئی ہے۔اس لیے چکن ویلیو ایڈڈ مصنوعات کو بغیر ڈیوٹی درآمد کرنے کی اجازت اور سیلز ٹیکس کا خاتمہ کرنا چاہیے۔
پی پی اے نے پولٹری فارمنگ شعبے میں استعمال ہونے والی مشینری، پلانٹس پر سے بھی ڈیوٹی ختم کرنے کا مطالبہ کیاہے۔
کراچی: پاکستان بزنس اینڈ انٹلیکچولز فورم اور سابق صوبائی وزیر میاں زاہد حسین نے کہا ہے کہ سیلز ٹیکس کا موجودہ نظام خامیوں کا مجموعہ ہے ، جس میں معنی خیز اصلاحات سے کاروباری صورتحال میں خوش گوار تبدیلی آئے گی۔
اپنے ایک بیان میں انہوں نے کہا کہ ڈبل ڈیجٹ کے بجائے سنگل ڈیجٹ سیلز ٹیکس نافذ کرنے سے حکومت کو اربوں روپے کی بچت ہو گی جبکہ نجی شعبہ کیلئے کاروباری لاگت کم ہونے سے سرمایہ کاری کا ماحول سازگارہو جائے گا، جو اقتصادی ترقی کی اولین شرط ہے۔
انہوں نے کہا کہ درامدات اورکارخانوں میں مختلف اشیاء کی تیاری کے موقع پر سنگل ڈیجٹ ناقابل واپسی سیلز ٹیکس عائد کرنے سے ریفنڈ کلیم اور انپٹ ٹیکس میں کرپشن کا خاتمہ ممکن ہو گا، جس سے بزنس کمیونٹی کا وقت اور سرمایہ جبکہ ایف بی آر کی انتظامی اخراجات کم ہو جائیں گے۔
انہوں نے کہا کہ صرف جعلی ریفنڈ کلیمز کا دروازہ بند ہونے سے حکومت کودوسو ارب روپے تک سالانہ کی بچت کا اندازہ ہے ، جس سے کشکول توڑنا آسان ہو جائے گا۔
ہوبارٹ: آسٹریلیا میں کھیلی جارہی چار ملکی ہاکی سیریز میں پاکستان نے کوریا کو شکست دیکر پہلی کامیابی حاصل کرلی ہے۔
ہوبارٹ میں جاری چار ملکی ہاکی سیریز میں پاکستان نے اپنا تیسرا میچ کوریا کیخلاف کھیلا، ابتدائی مرحلے میں دونوں ٹیموں کیجانب سے کوئی گول اسکور نہ ہوسکا۔
دوسرے کوارٹر میں پاکستان ٹیم نے جارحانہ انداز اپناتے ہوئے مسلسل تین گول کیے ، پہلے ہاف کے اختتام تک پاکستان نے تین صفر کی سبقت قائم کرلی تھی۔
دوسرے ہاف میں کوریا کی جانب سے جینگ نے واحد گول اسکور کیا، کھیل کے اختتام سے قبل پاکستان نے مزید ایک گول کرکے مقابلہ چار ایک سے اپنے نام کرلیا۔
محمد دلبر نے دو،عمر بھٹہ اور محمد عرفان نے ایک ایک گول اسکور کیا، پاکستان اب سات مئی کو نیوزی لینڈ سےمدمقابل ہوگا۔
ممبئی: سپراسٹارسلمان خان کے خلاف ہیٹ اینڈ رن کیس کا فیصلہ عدالت کل سنائے گی، سلمان خان کو سزا ہوتے ہی سرمایہ کاروں کے دوسو کروڑ روپے ڈوب جائیں گے۔
بالی وڈ کے دبنگ اسٹار اپنے کام پر گرو ہیں لیکن ان پر بھارتی فلم نگری میں دس سال کے لیے نو انٹری کا بورڈ لگنے کا امکان ہے۔
ہٹ اینڈ رن کیس میں سلمان خان کے مستقبل کا فیصلہ بھارتی عدالت کل کریگی،اگر سلمان خان پر فرد جرم عائد ہوئی تو نہ صرف دبنگ خان دس سال کیلئے قید ہوگی بلکہ بالی ووڈ انڈسٹری کو بھی پانچ سو کروڑ کاجھٹکا لگے گا۔
انڈین پینل کوڈ کے تحت دبنگ خان کو اقدام قتل کے نتیجے میں دس سال قید،ڈرائیونگ میں غفلت و لاپرواہی،انسانی زندگی کو خطرے میں ڈالنے اور پراپرٹی کو نقصان پہنچانے جیسے مقدمات کا سامنا ہے۔
سوال یہ ہے کہ اگر سزا ہوئی تو کیا فلموں کی شوٹنگ کے لیے دبنگ خان کو سنجے دت کی طرح ہر بار ضمانت ملے گی، یا وہ دس سال بعد ہیرو کی بجائے کسی ہیرو یا ہیروئن کے باپ کے رول میں نظر آئیں گے۔