اسلام آباد: جنوبی ایشائی ممالک کے سیکورٹیز ریگولیٹر کے فورم کا آئندہ اجلاس رواں سال اکتوبر میں پاکستان میں منعقد ہو گا،اس اہم اجلاس کی میزبانی سیکورٹیز اینڈ ایکس چینج کمیشن (ایس ای سی پی) کرے گا۔
اس اجلاس میں بھارت ، سری لنکا ، بنگلہ دیش ، مالدیپ اور نیپال کے سیکورٹیز ریگولیٹرز شرکت کریں گے۔
ایس ای سی پی کے چیئرمین ظفر حجازی نے سیکورٹیز فورم کے نام اپنے پیغام میں کہا کہ علاقائی ترقی اور ممبر ممالک میں سرمایہ کاری کے اضافہ کے لئے پاکستان اپنا بھرپور تعاون جاری رکھے گا۔
سارک ممالک کے مابین کیپیٹل سیکورٹیز میں تعاون اور ممبر ممالک کے ریگولیشن میں ہم آہنگی پیدا کرنے کی غرض سے ساؤتھ ایشین سیکورٹیز ریگولیٹر فورم 2005میں قائم کیا گیا تھا۔
