Author: قیصر کامران صدیقی

کھلنا ٹیسٹ: شاہینوں کاکم بیک،1وکٹ پر227 رنزبنالیے

کھلنا: بنگلادیش کیخلاف پہلے ٹیسٹ میں شاہینوں کا شاندار کم بیک، پروفیسر کی سنچری اور اظہرعلی کی ففٹی نے میچ میں پاکستان کی گرفت مضبوط کردی۔

کھلنا ٹیسٹ کا دوسرا پاکستان ٹیم کے نام ، کیا گیند باز اور کیا ہی بلے باز سب نےکمال کردکھایا، شاہینوں کی اٹیکنگ کرکٹ نے پہلے ٹیسٹ میں بنگلادیش کو بیک فٹ پر لاکھڑا کیا، دوسرے روز پاکستانی بولرز نےمیزبان بیٹنگ لائن کے بڑھتے قدم روک دیئے۔

بنگلا دیش نے نامکمل اننگزدوسو چھتیس رنز چار کھلاڑی آؤٹ پر دوبارہ شروع کی تو چھیانوے رنز کے اضافے کےبعد پوری ٹیم تین سو بتیس رنزبناکر آؤٹ ہوگئی۔ وہاب ریاض اور یاسر شاہ نے تین تین وکٹیں حاصل کیں، بولرز کی فارم دیکھ کر بلے باز بھی فارم میں آگئے، اوپنر نے پچاس رنز کا آغازدیا، سمیع اسلم ڈیبیو میچ میں بیس رنز بنا کر آؤٹ ہوئے۔

پروفیسر اور اظہرعلی نے بنگالی بولرز پر خوب ہاتھ صاف کیے،دونوں کے سامنے بنگال کا ایک بھی جادو نہ چل سکا، حفیظ نے شاندار بیٹنگ کرتے ہوئے کیرئیر کا آٹھواں سینکڑاں جڑ دیا،اظہرعلی نے بھی چھکا داغ کر کیرئیر کی انیسویں ففٹی بنائی، کھیل کے اختتام پر پاکستان نے ایک وکٹ پر دوسو ستائیس رنزبنالئےتھے، قومی ٹیم کو برتری ختم کرنے کیلئے ایک سو سات رنز کی ضرورت ہے۔

اپریل 29, 2015
اہلخانہ کو جنوبی افریقہ سے دھمکیاں دی جارہی ہیں ،صولت مرزا کاخط

اسلام آباد: شاہد حامد قتل کیس کے مجرم صولت مرزا نے سندھ ہائی کورٹ کو چار خطوط لکھے ہیں جن میں کہا ہے کہ انکی اہلیہ کو جنوبی افریقہ سے دھمکی آمیز فون آرہے ہیں، عدالت اہلیہ اور خاندان کو تحفظ فراہم کرے۔

سندھ ہائی کورٹ کو لکھے گئے خطوط میں صولت مرزا نے کہا ہے کہ ان کی اہلیہ کو جنوبی افریقہ سے دھمکی آمیز ٹیلیفون کالز آر ہی ہیں ، انکی اہلیہ کال کرنےو الوں کو جانتی ہیں۔

اس لئےمتعلقہ ایس ایس پی ان کی اہلیہ کا بیان قلم بند کریں اورملزمان کیخلاف کاروائی عمل میں لائی جائے صولت مرزا نے مطالبہ کی اہے کہ دھمکی آمیز کالز کرنے والوں کے کے ناقابل ضمانت وارنٹ جاری کئے جائیں۔

انہوں نے اپنی بیوی اور اہلہ خانہ کو تحفظ فراہم کرنے کی بھی درخواست کی ہے اور کہا ہے کہ جب تک اس مسئلہ کی تفتیش مکمل نہیں ہوجاتی ان کی سزا پر عمل درآمد موخر کیا جائے۔

سندھ ہائی کورٹ ذرائع کے مطابق عدالت کے رجسٹرار نے خط اعتراض لگا کر واپس کر دئے ہیں اور صولت مرزا سے کہا گیا ہے کہ عدالتیں خطوط پر کارروائی نہیں کرتیں، صولت مرزا عدالتی کاروائی چاہتے ہیں تو عدالتی طریقہ کار استعمال کیا جائے۔

اپریل 29, 2015
یکم مئی سے اسلام آباد میں نظام صلوٰۃ پرعملدرآمدہوگا، وزیرمذہبی امور

اسلام آباد: وفاقی وزیرمذہبی امورسرداریوسف نےکہاہےکہ آئندہ جمعےسے وفاقی دارالحکومت میں نظام صلوٰۃ پرعملدرآمدشروع کیاجائےگا، جس کےتحت شہرکی تمام مساجدمیں ایک ہی وقت میں اذان اورنماز اداکی جائےگی۔

امام کعبہ شیخ خالد الغامدی کے اعزاز میں منعقد کی گئی تقریب سے خطاب کرتے ہوئے وفاقی وزیر مذہبی امور سردار یوسف کا کہنا تھا کہ تمام مسالک کے علما نے اس بات پر اتفاق کیا ہے کہ وفاقی دارالحکومت میں ایک ہی وقت میں اذان اور نماز ادا کی جائے جس کے بعد یکم مئی سے اسلام آباد کی تمام مساجد میں ایک ہی وقت میں نماز ادا کی جائے گی۔

انہوں نے کہا کہ جمعہ کو فیصل مسجد سے نظام صلوٰة ۃکا آغاز کیا جائے گا جہاں صدر ممنون حسین بھی نماز جمعہ ادا کریں گے جس کے بعد یہ نظام پورے ملک میں بھی رائج کیا جائے گا۔

اپریل 29, 2015
لندن: عمران فاروق کیس، ایک ملزم کی ضمانت میں توسیع

لندن: عمران فاروق قتل کیس میں ملوث ایک ملزم کی ضمانت میں مئی کے آخر تک توسیع کردی گئی ہے۔

اسکاٹ لینڈیارڈ نے اس حوالے سے تصدیق کی ہے کہ ایک مشتبہ شخص کی ضمانت میں مئی کے آخر تک توسیع کی گئی ہے۔

اس شخص کی عمر اکتیس سال ہے اور اسے گزشتہ سال ستائیس اگست کو گرفتار کیا گیا تھا، اس مشتبہ نوجوان سے کاؤنٹر ٹیررازم یونٹ نے بھی تفتیش کی تھی۔

اسکاٹ لینڈ یارڈ کا کہنا ہے کہ ڈاکٹر عمران فاروق قتل کیس کو منطقی انجام تک پہنچانے کیلئے پوری کوشش کی جارہی ہے ،اس حوالے سے قتل کے دو اہم ملزمان سے تفتیش کیلئے پاکستانی حکام سے رابطے میں ہیں۔

اپریل 28, 2015
نیپال: 50گھنٹے بعد ایک خاتون کو ملبے سے زندہ نکال لیا گیا

کھٹمنڈو: نیپال میں آنے والے شدید زلزلے کے بعد امدادی کام جاری ہیں ،پچاس گھنٹے بعد ایک خاتون کو ملبے سے زندہ نکال لیا گیا۔

کہتے ہیں جسے خدا رکھے اسے کون چکھے،ایسا ہی کچھ ہوا نیپال میں جہاں شدید زلزلے کے تیسرے روز امدادی کارکنوں نے کئی گھنٹے کی محنت کے بعد ایک خاتون کو ملبے سے زندہ نکال لیا، خاتون کو ملبے تلے دبے پچاس گھنٹے گزر چکے تھے۔

خاتون کو زندہ دیکھ کر اس کے گھر والوں میں خوشی کی لہر دوڑ گئی، ایک رشتہ دار خاتون نے تصویر کی مدد سے بتایا کہ ملبے سے نکالی جانے والی خاتون کون تھی۔

امدادی کام کرنے والی ٹیم کے ایک رکن نے بتایا کہ خاتون ملبے میں ایک سیلب کے نیچے دبی ہوئی تھی جسے نکالنے کیلئے انتہائی احتیاط سے کام لیا گیا ورنہ خاتون کی جان کو خطرہ ہو سکتا تھا۔

اپریل 28, 2015
زلزلے سے ہلاکتوں کی تعداد 10،000تک پہنچ سکتی ہے، نیپالی وزیراعظم

کھٹمنڈو: نیپالی وزیر اعظم کا کہنا ہے کہ زلزلے سے ہلاکتوں کی تعداد دس ہزار تک پہنچ سکتی ہے۔

نیپال میں بھونچال نے انسانی المیے کو جنم دے دیا،زلزلے سے پانچ ہزار ہلاکتوں کی تصدیق ہوچکی ہے، لیکن تباہ کاریوں کو دیکھتے ہوئے نیپال کے وزیر اعظم نے خدشہ ظاہر کیا ہے کہ یہ تعداد دس ہزار تک جاسکتی ہے۔

نیپال میں زمین کی ہلچل نے ہزاروں کو گھروں سے محروم کردیا اور زندگی سے بھرپور بستیوں میں قبرستان جیسی خاموشی چھا گئی ہے۔

اقوام متحدہ کےمطابق زلزلے سے متاثرہ افراد کی تعداد اسی لاکھ ہے،تاریخ کے بدترین زلزلے نے جہاں بستیاں کی بستیاں صفحہ ہستی سے مٹادیں وہیں آفٹر شاکس نے لوگوں کو خوف میں مبتلا کر رکھا ہے۔

متاثرہ خاندان رات کھلے آسمان تلے رات گزار رہے ہیں، متاثرہ علاقوں میں امدادی کارروائیاں تو جاری ہیں، لیکن کئی علاقے اب بھی دواؤں کھانے پینے کی اشیا سمیت ایندھن کی قلت کا شکار ہیں تو کچھ ایسے ہیں جہاں اب تک امداد نہیں پہنچ سکی ہے۔

پاکستان کی جانب سے پاک فضائیہ کے مزید دو سی ون تھرٹی طیارے امداد لے کر کٹھمنڈو پہنچ چکے ہیں۔

اپریل 28, 2015
سعودی سکیورٹی فورسز کی کاروائی 93 دہشتگرد گرفتار

دبئی: سعودی سکیورٹی فورسز نے داعش کے 93 دہشت گردوں کو گرفتار کرلیا، کاروائی میں 61 افراد پر مشتمل گروہ کو بھی گرفتار کیا گیا ہے جنہوں نے سعودیہ میں تربیتی کیمپ بھی قائم کرلیا تھا۔

سعودی وزارت خارجہ کی جانب سے جاری کردہ بیان کے مطابق سکیورٹی فورسزنے ملک کے مختلف حصوں میں کارروائیاں کرکے 93 دہشت گردوں کو گرفتار کرلیا۔ گرفتار شدہ افراد میں دو افراد ہیں جنہوں نے ریاض میں واقع امریکی سفارتخانے پر ناکام خود کش حملہ کی منصوبہ بندی کی تھی۔

سعودی خبر رساں ادارے کے مطابق گرفتار 93دہشت گردوں میں سے 77 سعودی شہری ہیں۔

بیان میں کہا گیا ہےگرفتار شدگان میں مبینہ طورپرداعش کے لیے کام کرتے ہیں جب کہ یہ دہشت گرد ملک میں اعلیٰ شخصیات کے قتل اور امریکی سفارت خانے پرخود کش دھماکوں کی منصوبہ بندی کررہے تھے۔

حکام کا کہنا ہے کہ ایک گروہ جو کہ 61 افراد پر مشتمل ہے کہ سوشل میڈیا کے زریعے اپنے گروہ لوگوں کو شامل کرہا تھا، فنڈ اکھٹا کرنے کے ساتھ ساتھ انہوں نے سعودی ریاست کے اندر ایک تربیتی کیمپ بھی بنالیا تھا۔

اپریل 28, 2015
خیبر پختونخواہ میں حقیقی معنوں میں تبدیلی آرہی ہے، عمران خان

اسلام آباد: چیئر مین پی ٹی آئی عمران خان نے کہا ہے کہ خیبر پختون خواہ میں حقیقی معنوں میں تبدیلی آ رہی ہے،تبدیلی کے لئے میگا پراجیکٹس کے مصنوعی ڈراموں کی بجائے صوبے میں یکساں تعلیم کا جدید نظام متعارف کروا رہے ہیں۔

اسلام آباد سے جاری بیان میں تحریک انصاف کے چیئر مین عمران خان نے کہا کہ خیبر پختون خواہ میں مثالی تعلیم کے لئے ترقی یافتہ ممالک کے ماڈلز کو اپنایا جا رہا ہے،غریب اور امیر کے بچوں کو ایک جیسی معیاری اور جدید تعلیم فراہم کی جا رہی ہے جس سے صوبے میں تبدیلی آ رہی ہے۔

اس موقع پر انہوں نے پنجاب حکومت پر تنقید کرتے ہوئے کہا کہ تبدیلی کے لئے میگا پراجیکٹس کے مصنوعی ڈراموں کی ضرورت نہیں بلکہ پنجاب حکومت صوبے میں یکساں اورمعیاری تعلیم کے ذریعے غریب لوگوں کی زندگی بدلے۔

عمران خان نے پنجاب حکومت کے دانش اسکول پراجیکٹ کی شفافیت پر تحگظات کا اظہار کرتے ہوئے نیب سے مطالبہ کیا کہ د انش اسکولز کی شفافیت سے متعلق تحقیقات کی جائیں۔

اپریل 28, 2015
کھلنا ٹیسٹ: پہلے روزبنگلادیش نے 4 وکٹ پر236 رنز بنالئے

ڈھاکہ: کھلنا ٹیسٹ کے پہلے روز بنگال ٹائیگرز کی سست بیٹنگ،کھیل کے اختتام پربنگلادیش نے چار وکٹ پر دو سو چھتیس رنز بنالئے۔

شاہینوں کی مہربانیوں کی بدولت کھلنا ٹیسٹ کا پہلا روز بنگال ٹائیگرز کے نام، ٹاس جیت کر بیٹنگ کا فیصلہ بنگلادیش کے حق میں گیا، اوپنرز نے بھی کپتان کے فیصلےکی لاج رکھی، تممیم اقبال اور عمر القیس ے باون رنز کا سست لیکن پراعتماد آغاز دیا۔

فیلڈرز نے بھی بلے بازوں کا خوب ساتھ دیا اور بلے بازوں کی دل کھول کر مدد کی،یاسر شاہ نے تمیم اقبال کو ٹہکانے لگا کر پہلی وکٹ لی، عمرالقیس بھی نصف سنچری بناکرہمت ہار گئے۔

محموداللہ اور مومن الحق نے بولرز کی ایک نہ چلنے دی، فیلڈرز نے بھی بولرز کی محنت پر پانی پھیرنے میں کوئی کسر نہیں چھوڑی، محمود اللہ نصف سنچری سے ایک رن کی کمی پر وکٹ دے بیٹھیں۔

مومن الحق دن کی آخری گیند پر ذوالفقار بابر کی گیند پر آؤٹ ہوئے اور ریویو بھی ضائع کیا، میزبان ٹیم نے کھیل کے اختتام پر چار وکٹ پر دوسو چھتیس رنز بنالئے۔

اپریل 28, 2015
پشاور:عمران خان کا لیڈی ریڈنگ اسپتال کا دورہ

پشاور: عمران خان پشاور میں طوفانی بارش سے زخمیوں کی عیادت کیلئے پہنچ گئےان کا کہنا تھا کہ کل ہی آنا تھا، مریضوں کو پریشانی سے بچانے کیلئے نہیں آیا۔

میڈیا اور سیاسی رہنماؤں کی مسلسل تنقید کے بعد عمران خان بالآخر آج پشاور پہنچے، طوفانی بارشوں سے زخمی ہونیوالے افراد کی عیادت کیلئے لیڈی ریڈنگ اسپتال پہنچے تو اہلیہ ریحام خان بھی ہمراہ تھیں ۔

عمران خان نے زخمیوں کی عیادت کی اور ڈائیریکٹر ہاسپٹل ڈاکٹر عدنان تاج سے ملاقات میں زخمیوں سے متعلق تفصیلات لیں ۔

میڈیا سے گفتگو میں پی ٹی آئی چیئرمین عمران خان کا کہنا تھا کہ ڈاکٹرز نے آنے سے منع کیا تھا اس لئے کل نہیں آیا عمران خان کا کہنا تھا کہ تنقید کا جواب جان بوجھ کر نہیں دیا وزیر اعلیٰ اور میں ڈاکٹر سے رابطے میں تھے ۔

بارش اورآندھی کے بعد لیڈی ریڈنگ اسپتال زخمیوں سےبھرگیا تھا اورانتظامیہ نےمزید زخمی لینےسےانکارکردیا تھا کپتان نےیقین دلایا کہ تین ماہ میں اسپتال کی حالت بہترہوجائےگی۔

اپریل 28, 2015