ARYNews.tv | Urdu – Har Lamha Bakhabar

Author: قیصر کامران صدیقی

  • کنٹونمنٹ انتخابات: ن لیگ 48 نشستوں کے ساتھ آگے

    کنٹونمنٹ انتخابات: ن لیگ 48 نشستوں کے ساتھ آگے

    اسلام آباد: کنٹونمنٹ انتخابات میں ن لیگ  48 نشستوں کے ساتھ سب سے آگے ہے جبکہ  پی ٹی آئی  32 نشستیں سمیٹنے میں کامیاب ہوئی ہے۔

    ملک بھر کے بیالیس کنٹونمنٹ بورڈز کے بلدیاتی انتخابات میں ووٹوں کی گنتی کاعمل جاری ہے،غیر حتمی سرکاری نتائج کے مطابق ایک سو بیس سے زائد وارڈز میں سینتالیس آزاد امیدوار کامیاب ہوئے۔

     مسلم لیگ ن نے تینتیس، پی ٹی آئی نے انتیس نشستیں اپنے نام کیں جبکہ ایم کیو ایم کے حمایت یافتہ پندرہ امیدواروں نے بھی کامیابی کا تاج سر پر سجایا۔

    سترہ سال بعد منعقدہ کنٹونمنٹ بورڈز کے انتخابات میں عوام کی بڑی تعداد نے بھرپور حصہ لیا۔ چاروں صوبوں میں کوئی ایک جماعت بھی اب تک واضح برتری حاصل نہیں کرسکی، اسلام آباد میں تحریک انصاف اور مسلم لیگ ن کے امیدواروں میں کانٹے کا مقابلہ ہوا۔

    اب تک ایک سو بیس سے زائد وارڈز کے غیر حتمی غیر سرکاری نتائج کے مطابق آزاد امیدواروں نے سینتالیس نشستوں پر کامیابی حاصل کی۔

    سیاسی جماعتوں میں پاکستان تحریک انصاف انتیس نشستوں کے ساتھ پہلے نمبر پر رہی۔پاکستان مسلم لیگ ن کے حمایت یافتہ تئیس امیدواروں نے کامیابی کا تاج سر پر سجایا جبکہ ایم کیو ایم کے سات امیدوار فتحیاب ہوئے۔

     پاکستان پیپلز پارٹی اور جماعت اسلامی کے تین تین امیدواروں نے کامیابی سمیٹی جبکہ مختلف قوم پرست جماعتوں کے چھ امیدوار فتح حاصل کرنے میں کامیاب ہوئے۔

    بیالیس کنٹونمنٹس میں ایک سو ننانوے وارڈز قائم کئے گئے ،جن کے لیےتیرہ سو سے زائد پولنگ اسٹیشن بنائے گئے  سکیورٹی کے فرائض پاک فوج جوانوں نے انجام دیئے۔

  • لاہور: پی ٹی آئی اور لیگی کارکنوں میں تصادم، فائرنگ سے 9زخمی

    لاہور: پی ٹی آئی اور لیگی کارکنوں میں تصادم، فائرنگ سے 9زخمی

    لاہور: کنٹونمنٹ بورڈ کے انتخابات میں فائرنگ سے نو افراد زخمی ہوگئے ڈی اائی جی آپریشنز داکٹر حیدر اشرف کا کہنا ہے کہ فائرنگ کرنے والے پی ٹی آئی کے کارکنا اور زخمی ہونے والے ن لیگ کے کارکنان ہیں۔

    لاہور کنٹونمنٹ بورڈ کے وارڈ نمبر نو میں فائرنگ کا واقعہ اس وقت پیش آیا جب ن لیگ کے فاتح امیدوار حاجی محمد منیر اور کارکنان جشن مناتے ہوئے پی ٹی آئی کے کیمپ کے سامنے سے گزرے، نو زخمی افراد کو جنرل اسپتال منتقل کردیا گیاجن میں تمام کی حالت خطرے سے باہر ہے۔

    ڈی آئی جی آپریشنز ڈاکٹرحیدر اشرف کے مطابق فائرنگ کرنے والے پی ٹی آئی کے چار کارکنان کو گرفتار کرلیا گیا ہے۔

    وفاقی وزیر خواجہ سعد رفیق جنرل اسپتال میں زخمیوں کی عیادت کرنے کے لیے پہنچے اس موقع پر ان کا کہنا تھا کہ بارہ پولیس اہلکاروں اور بارہ فوجی اہلکاروں کی موجودگی میں فائرنگ پر کئی سوالات اٹھے ہیں ۔

    سعد رفیق نے کہا حکومت میں ہونے کے باعث ان کا لب و لہجہ قدرے نرم ہے تاہم تحریک انصاف آئندہ اس طرح کی غندہ گردی سے پہلے سوچ لے کہ ہمارا بھی جواب سخت ہوسکتا ہے۔

  • کل ہونہ ہو‘ میں اب سیاسی شخصیات جلوہ گر ہونگے ’

    کل ہونہ ہو‘ میں اب سیاسی شخصیات جلوہ گر ہونگے ’

    ممبئی: بھارت نے جرمنی کے ساتھ تعلقات کو مزید مضبوط بنانے کے لیے بلاک بسٹر فلم کل ہو نہ ہو کا جرمن ورژن بنا ڈالا۔

     بالی وڈ فلم کل ہو نہ ہو میں شاہ رخ خان، پریٹی زنٹا اور سیف علی خان مرکزی کرداروں میں جلوہ گر ہوئے۔

     اس فلم کے جرمن ورژن میں سابق وزیر خارجہ سلمان خورشید، جرمن سفیر مائیکل سٹینر اور ان کی اہلیہ کل ہو نا ہو کے ٹائٹل سانگ پر پرفارم کر رہے ہیں۔

    سلمان خورشید کا کہنا ہے کہ بالی وڈ کے صف اول کے اداکار کا کردار نبھانا ان کے لیے ایک چیلنج تھا۔

    جرمنی کے سفیر اور ان کی اہلیہ کے مطابق وہ بالی وڈ فلموں کے بہت مداح ہیں اور انہوں نے ایک سو پچاس سے زائد بالی وڈ فلمیں دیکھ رکھی ہیں۔

  • ای اُو بی آئی کا پنشن میں چھیالیس فیصد اضافے کا اعلان

    ای اُو بی آئی کا پنشن میں چھیالیس فیصد اضافے کا اعلان

    اسلام آباد: قرضےکی قسط کیلئےآئی ایم ایف اور پاکستان کےمابین دبئی میں یکم مئی سےمذاکرات ہوں گے،حکومت نے ای اُو بی آئی پینشنرزکے معاوضےمیں چھیالیس فیصداضافےکا اعلان کردیا۔

    اس اضافے سے ای اُو بی آئی کے پینشنرزکا کم از کم معاوضہ تین ہزار چھےسو روپےماہوار سے بڑھکر پانچ ہزار دو سو پچاس روپے ماہوار ہو جائیگا۔

    اسلام آباد میں نیوز کانفرنس کرتےہوئےوفاقی وزیرخزانہ اسحاق ڈارنےبتایاکہ اس اضافے کا اطلاق یکم اپریل سے ہوچکا ہے۔

    اسحاق ڈار نےمزید بتایاکہ یکم سےدس جنوری تک آئی ایم ایف کےساتھ قرضےکی ساتویں قسط کیلئےدبئی میں مذاکرات ہونگےجس میں معیشت کا ساتواں معاشی جائزہ لیاجائیگا۔

    ایک سوال پر اسحاق ڈار نےکہاکہ وزیراعظم کی وطن واپسی پرسیاسی جماعتوں کےرہنمائوں اور پارلیمانی لیڈرزکو پاک چین اقتصادی راہداری پربریفنگ دی جائیگی۔

  • قوم پرست رہنما جی ایم سید کی آج 20ویں برسی منائی جارہی ہے

    قوم پرست رہنما جی ایم سید کی آج 20ویں برسی منائی جارہی ہے

    کراچی: معروف سیاستداں و قوم پرست رہنما جی ایم سید کی آج بیسویں برسی منائی جارہی ہے۔

    جی ایم سید کا اصل نام غلام مرتضیٰ سید تھا اور وہ 17 جنوری 1904ءکو سن کے مقام پر پیدا ہوئے۔ جی ایم سید کا تعلق سندھ کے سادات کے مشہور گھرانے مٹیاری سادات سے تھا۔

    جی ایم سید نے ابتدائی تعلیم سن ہی میں حاصل کی۔ 1920ءمیں جب ان کی عمر سولہ برس تھی انہوں نے سیاسی میدان میں قدم رکھا۔ انہوں نے اپنی سیاست کا آغاز تحریک خلافت سے کیا۔ 1937ءمیں وہ پہلی مرتبہ سندھ اسمبلی کے رکن بنے۔ 1938ءمیں انہوں نے آل انڈیا مسلم لیگ میں شمولیت اختیارکی۔ 1942ءمیں سر حاجی عبداللہ ہارون کی وفات کے بعد وہ سندھ مسلم لیگ کے صدر بن گئے۔ اسی حیثیت میں انہوں نے سندھ اسمبلی میں مسلمانوں کے لئے ایک علیحدہ وطن کے قیام کی قرارداد بھی پیش کی۔

    مگرکچھ ہی دنوں بعد انہیں اختلافات کی بنا پر مسلم لیگ سے خارج کردیا گیا۔ قیام پاکستان کے بعد جی ایم سید نے حزب اختلاف کی سیاست اختیار کی۔ 1948ءمیں انہوں نے خان عبدالغفار خان کے ساتھ پاکستان کی پہلی سیاسی جماعت پیپلز پارٹی آف پاکستان قائم کی، 1948ءمیں انہوں نے کراچی کی سندھ سے علیحدگی اور 1955ءمیں ون یونٹ کے قیام کے خلاف تحریک چلائی جس کی بنا پر انہیں قید و بند کی صعوبت برداشت کرنی پڑی۔ 1956ءمیں انہوں نے نیپ کے قیام میں فعال حصہ لیا۔ 1970ءمیں انہوں نے آخری مرتبہ عام انتخابات میں حصہ لیا مگر کامیاب نہ ہوسکے۔ اسی زمانے میں انہوں نے جئے سندھ اسٹوڈنٹس فیڈریشن کی بنیاد بھی ڈالی۔

    جی ایم سید ایک کثیر المطالعہ اور کثیر التصانیف سیاستدان تھے۔ انہوں نے سندھی، اردو اور انگریزی میں متعدد کتابیں یادگار چھوڑیں۔ ان کی سیاست سے اختلاف اور اتفاق رکھنے والوں کا ایک بڑا حلقہ ہمیشہ موجود رہا۔

    جی ایم سید کاانتقال 25 اپریل 1995ءکوکراچی میں ہوا ۔ وہ درگاہ پیر حیدر شاہ، سن،دادو کے مقام پر آسودہ خاک ہیں ۔

  • پاکستانی حکومت اورعوام سعودی عرب کا ساتھ دے گی، امام کعبہ

    پاکستانی حکومت اورعوام سعودی عرب کا ساتھ دے گی، امام کعبہ

    لاہور: امام کعبہ شیخ خالد الغامدی نے لاہورمیں جماعت اسلامی کے مرکز اورجامعہ اشرفیہ کا دورہ کیا، انہوں نے کہا کہ سعودی عرب نے یمنی حکومت کی درخواست پرکارروائی شروع کی،امید ہے پاکستانی عوام اورحکومت سعودی عرب کاساتھ دے گی ۔

    امام کعبہ شیخ خالدالغامدی نےمنصورہ میں فجرکی نماز پڑھائی،اس موقع پرجماعت اسلامی کےامیرسراج الحق اورلیاقت بلوچ سمیت کئی رہنما موجود تھے شیخ خالد الغامدی نے اپنی تقریر کاآغاز پاکستان زندہ باد کے نعرے سے کیا،لوگوں کی جانب سے سعودی عرب زندہ باد کے نعرے لگے۔

     امام کعبہ کا کہنا تھا کہ یمنی حکومت کی درخواست پرسعودی عرب نے کارروائی کی تاکہ یمن کودہشتگردوں سےبچایا جائے،انہوں نے یقین کا اظہار کیا کہ پاکستانی حکومت اورعوام سعودی عرب کاساتھ دےگی۔

     امیرجماعت اسلامی سراج الحق نے یقین دلایا کہ سعودی عرب پرآنچ نہیں آنے دیں گے امام کعبہ نے ظہرکی نماز جامعہ اشرفیہ لاہورمیں پڑھائی،اس موقع پرقاری حنیف جالندھری ،حافظ طاہراشرفی سمیت کئی علماموجود تھے۔

    امام کعبہ نے اس موقع پرکہا کہ عربی اورعجمی میں کوئی فرق نہیں،سعودی عرب کی حکومت اورعوام پاکستان سے دل کی گہرائی سے محبت کرتے ہیں اورانہیں پاکستان پرناز ہے۔

  • آئی ایس پی آرکی سبین محمود کے بہیمانہ قتل پر مذمت

    آئی ایس پی آرکی سبین محمود کے بہیمانہ قتل پر مذمت

    روالپنڈی: ڈائریکٹر جنرل آئی ایس پی آر میجر جنرل عاصم سلیم باجوہ نے سبین محمود کے بہیمانہ قتل کی شدید الفاظ میں مذمت کرتے ہوئے کہا ہے کہ حساس ادارے اس واقعے کی تحقیقات کے لئے ہرممکن تعاون کریں گے۔

    ٹوئٹر پیغام میں انہوں نے سبین محمود کے اہل خانہ سے اظہار تعزیت کرتے ہوئے اسے ایک افسوس ناک واقعہ قرار دیا ہے۔

     

     انہوں نے کہا ہے کہ عسکری قیادت کی جانب سے انٹیلی جنس ایجنسیوں کو ہدایات جاری کی گئی ہیں کہ سبین محمود کے قتل کی تحقیقات کے لئے تفتیشی اداروں سے بھرپور تعاون کیا جائے تاکہ واقعے کے ذمے داروں کو بے نقاب کرکے گرفتار انصاف کے کٹہرے میں لایا جائے۔

  • وزیراعلیٰ پنجاب نے گندم کٹائی مہم کا آغاز کردیا

    وزیراعلیٰ پنجاب نے گندم کٹائی مہم کا آغاز کردیا

    لاہور: وزیراعلیٰ پنجاب شہبازشریف نے پنجاب میں گندم کٹائی کا افتتاح کردیا ،کہتے ہیں حکومت کسانوں کے نقصانات کا ازالہ کرتی رہے گی۔

     پنجاب میں گندم کی کٹائی مہم کاآغازوزیر اعلیٰ پنجاب میاں شہباز شریف نے کیا، گندم خریداری کےلیےپنجاب بھر میں تین سو چھہتر مراکز قائم کئے گئے ہیں اور اس سال گندم خریداری کا ہدف چالیس لاکھ ٹن مقرر کیا گیا ہے ۔

     کسانوں سے بات کرتے ہوئے وزیر اعلیٰ پنجاب نے کہا کہ گندم خریداری میں چھوٹے کسانوں کا خاص خیال کھا جائے گا۔

    انہوں نے کہا کہ چھوٹےکسانوں کودو لاکھ روپے سبسڈی کےساتھ ٹریکٹر دئیے جائیں گے انھوں نے مزیدکہا کہ حکومت کو کسان کی مشکلات کا اندازہ ہے اور صرف ٹریکٹرز پرپنجاب میں دو ارب روپےکی سبسڈی دی جائے گی۔

  • این اے 246: کنور نوید کی کامیابی پر ایم کیوایم کے کارکنان کا جشن

    این اے 246: کنور نوید کی کامیابی پر ایم کیوایم کے کارکنان کا جشن

    کراچی: قومی اسمبلی کے حلقے این اے دو سو چھیالیس کے ضمنی انتخاب کے ابتدائی نتائج میں برتری پر ایم کیو ایم کے کارکنان کی جانب سے جشن منایا جارہاہے۔

    کراچی کا حلقہ این اے دو سو چھیالیس ایم کیو ایم کا مضبوط گڑھ تصور کیا جاتا ہے، پی ٹی آئی کا حلقے سے خوف کے خاتمے کا دعویٰ تھا، جماعت اسلامی نے بھی اس حلقے میں جیت کے لئے بہت زور لگایا تھا۔

    نتائج کا سلسلہ ہوا شروع تو اس میں ایم کیو ایم کے امیدوار کنور نوید جمیل کو برتری ملی، جس کے بعد کارکنان جوش میں آگئے اور ایک دوسرے کو مٹھائیاں کھلانےلگے۔

    ایم کیو ایم کے کارکنوں نے پولیس اہلکاروں کو بھی اپنی خوشی شامل کرلیا اور انھیں بھی مٹھائی کھلادی ۔

    نتیجے کا اعلان جب بھی ہو، ایم کیو ایم کے کارکنوں نے تو اپنے امیدوار کی جیت کے جشن کا سلسلہ شروع کردیا ہے۔

  • وزیراعظم سعودی قیادت سے یمن کے مسئلے پر مشاورت کریں گے، ترجمان دفتر خارجہ

    وزیراعظم سعودی قیادت سے یمن کے مسئلے پر مشاورت کریں گے، ترجمان دفتر خارجہ

    اسلام آباد: ترجمان دفتر خارجہ تسنیم اسلم نے کہا ہے کہ یمن کے مسئلے پر پاکستان کا موقف بڑا واضح ہے وزیراعظم سعودی قیادت سے یمن کے مسئلے پر مشاورت کریں گے۔

    اسلام آباد میں ہفتہ وار بریفنگ کے دوران انہوں نے کہا کہ کوئی کشتی پکڑی گئی تو بھارت کو ہمیں آگاہ کرنا چاہئے۔

    انہوں نے کہا کہ پاکستان اور چین تمام معاہدوں کو مکمل کرنے کیلئے پرعزم ہیں۔

    انہوں نے کہا کہ دہلی میں پاکستانی سفارت خانہ اور بھارتی حکام سے رابطے میں ہیں۔

    ترجمان دفتر خارجہ کا کہنا تھا کہ کسی ملک کو دو ملکوں کے تعلقات میں مداخلت کا حق حاصل نہیں۔

    انہوں نے کہا کہ کسی ملک کے خلاف اپنی سرزمین استعمال نہیں ہونے دیں گے۔