ARYNews.tv | Urdu – Har Lamha Bakhabar

Author: قیصر کامران صدیقی

  • دنیا بھر میں آج مزدوروں کا عالمی دن منایا جارہا ہے

    دنیا بھر میں آج مزدوروں کا عالمی دن منایا جارہا ہے

    کراچی: یکم مئی مزدوروں کے عالمی دن یا یوم مزدور کے عنوان سے منایا جاتا ہے، اس دن کو منانے کا مقصد امریکہ کے شہر شکاگو کے محنت کشوں کی جدوجہد کویاد کرنا ہے ۔

    یوم مئی کا آغاز 1886ء میں محنت کشوں کی طرف سے آٹھ گھنٹے کے اوقات کار کے مطالبے سے ہوا جس میں ٹریڈ یونینز اور مزدور تنظیمیں، اور دیگر سوشلسٹک اداروں نے کارخانوں میں ہر دن آٹھ گھنٹے کام کا مطالبہ کیا۔

    اس مطالبہ کو تمام قانونی راستوں سے منوانے کی کوشش ناکام ہونے کی صورت میں یکم مئی کو ہی ہڑتال کا اعلان کیا گیا اور کہا گیا کہ جب تک مطالبات نا مانے جائیں یہ تحریک جاری رہے گی۔ 16-16 گھنٹے کام کرنے والے مزدوروں میں 8 گھنٹے کام کا نعرہ بہت مقبول ہوا۔

    اس دن امریکہ کے محنت کشوں نے مکمل ہڑتال کی، تین مئی کو اس سلسلے میں شکاگو میں منعقد مزدوروں کے احتجاجی جلسے پر حملہ ہوا جس میں چار مزدور شہید ہوئے، اس بر بریت کے خلاف محنت کش احتجاجی مظاہرے کے لئے میں جمع ہوئے، جس میں 25000سے زائد مزدورں نے احتجاج کیا، اس احتجاج کو روکنے کیلئے حکمران طبقات کے پاس محنت کشوں پر ریاستی تشدد کا راستہ اپنانے کے علاوہ کوئی راستہ نہیں بچ چکا تھا۔

    پولیس نے مظاہرہ روکنے کے لئے محنت کشوں پر تشدد کیا اسی دوران بم دھماکے میں ایک پولیس افسر ہلاک ہوا تو پولیس نے مظاہرین پر گولیوں کی بوچھاڑ کر دی جس کے نتیجے میں بے شمار مزدور شہید ہوئے اور درجنوں کی تعداد میں زخمی ہوگئے۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    حالانکہ ان کے خلاف کوئی ثبوت نہیں تھا کہ وہ اس واقعے میں ملوث ہیں، انہوں نے مزدور تحریک کے لئے شہادت دے کر سرمایہ دارانہ نظام کا انصاف اور بر بریت واضح کر دی، ان شہید ہونے والے رہنماؤں نے کہا ۔ ’’تم ہمیں جسمانی طور پر ختم کر سکتے ہو لیکن ہماری آواز نہیں دباسکتے ‘‘۔

    اس جدوجہد کے نتیجے میں دنیا بھر میں محنت کشوں نے آٹھ گھنٹے کے اوقات کار حاصل کئے ۔

    سن 1989ء میں ریمنڈ لیوین کی تجویز پر یکم مئی 1890ء کو یوم مئی کے طور پر منانے کا اعلان کیا گیا۔ اس دن کی تقریبات بہت کامیاب رہیں۔ اسکے بعد یہ دن ’’ عالمی یوم مزدور‘‘ کے طور پر منایا جانے لگا۔

  • ولادت خلیفہ چہارم، شیر خدا، حیدر کرار سیدنا حضرت علی کرم اللہ وجہہ

    ولادت خلیفہ چہارم، شیر خدا، حیدر کرار سیدنا حضرت علی کرم اللہ وجہہ

    آج عالمِ اسلام حضرت علی کرم اللہ وجہہ کا یومِ ولادت باسعادت منارہا ہے،آپ پیغمبر اسلام حضرت محمد مصطفیٰ صلی علیہ وآلہ وسلم کے چچا زاد بھائی اور داماد تھے اور خلیفہ راشد چہارم تھے۔

    حضرت علی کرم اللہ وجہہ 13 رجب کو ہجرت سے 24 سال قبل مکہ میں پیدا ہوئے آپ کی پیدائش سے متعلق تواریخ میں لکھا گیا ہے کہ آپ بیت اللہ کے اندر پیدا ہوئے، آپ کا شماراسلام قبول کرنے والے اولین افراد میں ہوتا ہے۔

    آپ کے والد حضرت ابو طالبؑ اور والدہ جنابِ فاطمہ بنت ِ اسد دونوں قریش کے قبیلہ بنی ہاشم سے تعلق رکھتے تھے اور ان دونوں بزرگوں نے بعدِ وفات حضرت عبدالمطلب پیغمبر اسلام صلی علیہ وآلہ وسلم کی پرورش کی تھی۔

    آپ کی پرورش یوں بھی مبارک تھی کہ وہ تمام کے تمام ایامِ، دورِ شیر خوارگی چھوڑ کر حضور اکرم صلی علیہ وسلم کے زیرِ سایہ رہی۔ وہ ایک لمحہ کے لیئے بھی حضور ان کو تنہا نہیں چھو ڑتے تھے ۔

    حضرت علی کرم اللہ وجہہ کے بارے میں عام روایت ہے کہ آپ نے 13 سال کے سن میں اسلام قبول کیا اور مکے میں پیش آںے والی تمام مشکلات میں پیغمبر اسلام کے ہم رکاب رہے۔

    حضرت علی ؓ کی امتیازی صفات اور خدمات کی بنا پر رسول کریم ان کی بہت عزت کرتے تھے او اپنے قول اور فعل سے ان کی خوبیوں کو ظاہر کرتے رہتے تھے۔ جتنے مناقب حضرت علی کرم اللہ وجہہ کے بارے میں احادیث نبوی میں موجود ہیں، کسی اور صحابی رسول کے بارے میں نہیں ملتے۔

    حضرت علی سے منسوب حضور صلی اللہ علیہ و آلہ وسلم کی چند احادیث مندرجہ ذیل ہیں ۔

    علیؓ مجھ سے ہیں اور میں علیؓ سے ہوں۔

    میں علم کا شہر ہوں اور علیؓ اس کا دروازہ ہے

    تم سب میں بہترین فیصلہ کرنے والا علیؓ ہے۔

    علیؓ کو مجھ سے وہ نسبت ہے جو ہارون کو موسیٰ علیہ السّلام سے تھی۔

    علیؓ مجھ سے وہ تعلق رکھتے ہیں جو روح کو جسم سے یا سر کو بدن سے ہوتا ہے۔

    وہ خدا اور رسول کے سب سے زیادہ محبوب ہیں ,, یہاں تک کہ مباہلہ کے واقعہ میں حضرت علی کرم اللہ وجہہ کو نفسِ رسول کا خطاب ملا، حضرت علیؓ کا عملی اعزاز یہ تھا کہ مسجد میں سب کے دروازے بند ہوئے تو علی کرم اللہ وجہہ کا دروازہ کھلا رکھا گیا۔

    جب مہاجرین و انصار میں بھائی چارہ کیا گیا تو حضرت علی رضی اللہ عنہ کو پیغمبر نے اپنا دنیا واخرت میں بھائی قرار دیا ۔

    آخر میں غدیر خم کے میدان میں ہزاروں مسلمانوں کے مجمع میں حضرت علی کو اپنے ہاتھوں پر بلند کر کے یہ اعلان فرما دیا کہ جس کا میں مولا (مددگار، سرپرست) ہوں اس کا علی بھی مولا ہیں۔

    حضرت علی علیہ السّلام کو 19 رمضان40ھ  کو صبح کے وقت مسجد میں عین حالتِ نماز میں ایک زہر میں بجھی ہوئی تلوار سے زخمی کیا گیا، زہر کےاثر سے 3 دن جانکنی کی حالت میں رہنے کے بعد 21 رمضان کو آپ اپنے خالقِ حقیقی سے جاملے۔ آپ کا روضہ مبارک عراق کے شہرنجف میں مرجع الخلائق ہے۔

     

  • پانامہ لیکس کے معاملے پر بریفنگ دی جائے گی، وزیر داخلہ

    پانامہ لیکس کے معاملے پر بریفنگ دی جائے گی، وزیر داخلہ

    اسلام آباد: وزیر داخلہ چوہدری نثار نے کہا ہے کہ نادرا سے دو سو سے زائد بدعنوان عناصر کو نوکریوں سے بیدخل اور کثیرتعداد میں افغان باشندوں کے ہزاروں کارڈ منسوخ کیے گئے۔

    وزیرداخلہ نے ان خیالات کااظہارراولپنڈی ،رحمان آباد نادرا اورپاسپورٹ آفس کے افتتاح کے موقع پرکیا، وزیرداخلہ کاکہناتھا کہ بدعنوان عناصر کے خلاف بھرپورکارروائی عمل میں لائی جائے گی۔

    چوہدری نثار نے کہا کہ گزشتہ دور حکومت میں نادرا کو ایک ارب روپے خسارے کاسامناتھا،ملک میں نادر اور پاسپورٹ کے چھ میگا سنٹر کام کررہے ہیں۔

    وزیرداخلہ نے کہا اڈھائی سال میں ایک لاکھ سے زائد شناختی کارڈ منسوخ کیے گئے، افغان باشندوں کے نادرا شناختی کارڈ فارم کی غلط تصدیق کرنے والوں کے خلاف بلا امتیاز کاروائی ہوگی۔

    نادرا رجسٹریشن اور پاسپورٹ آفس میں بین الاقوامی سہولیات میسر ہیں، پانامہ لیکس کے معاملے کو ایسے نہیں چھوڑیں گے اس پر بریفنگ دی جائے گی۔

  • سریلی آواز اور پاپ موسیقی کی ملکہ نازیہ حسن کی 51 ویں سالگرہ منائی جارہی ہے

    سریلی آواز اور پاپ موسیقی کی ملکہ نازیہ حسن کی 51 ویں سالگرہ منائی جارہی ہے

    پاپ موسیقی کی بے تاج ملکہ نازیہ حسن کی پچاسویں سالگرہ آج منائی جارہی ہے۔

    پاکستان میں پہلی بار پاپ موسیقی متعارف کر آنے والی سریلی آواز کی مالک نازیہ حسن 3اپریل انیس سو پینسٹھ میں کراچی میں پیدا ہوئیں تعلیم لندن میں مکمل کی۔ نازیہ حسن کا شماربرصغیرمیں پاپ موسیقی کے بانیوں میں کیا جاتا ہے۔

    نازیہ نے کم سنی میں اپنی فنکارانہ صلاحیتوں کا اظہار کرنا شروع کر دیا۔ ستر کی دہائی میں بطور چائلڈ آرٹسٹ گلوکاری کی دنیا میں نام پیدا کرنے والی ننھی سی گڑیا نے سن انیس سو اسی میں پندرہ سال کی عمر میں بھارتی فلم قربانی کے لئیے گیت گا کہ موسیقی کی دنیا میں تہلکہ مچا دیا۔

    آپ جیسا کوئی، ڈسکو دیوانے ، بوم بوم، ینگ ترنگ، ہاٹ لائن اور کیمرا کیمر ان کے مقبول البم میں شامل ہیں۔

    گیت آپ جیسا کوئی میری زندگی میں آئے نے نازیہ کو نہ صرف پاکستان بلکہ پورے وسطی ایشیا میں پاپ موسیقی کی ملکہ بنا دیا، نازیہ کی زندگی کے سب سے اہم جزو ان کے بھائی زوہیب حسن ہیں، جنھوں نے نازیہ کی پوری زندگی ان کا بھرپورساتھ دیا اور یوں نازیہ کے کئی البم اپنے بھائی زوہیب حسن کے ساتھ جاری ہوئے۔

    نازیہ کا پہلا البم ’’ڈسکو دیوانے‘‘ 1982ء میں ریلیز ہوا۔ جس نے کامیابی کے نئے ریکارڈ قائم کیے، اس البم میں ان کے بھائی زوہیب حسن نے بھی اپنی آواز کا جادو جگایا تھا، نازیہ حسن کو ان کی فنی خدمات کے اعتراف میں صدارتی تمغہ برائے حسن کارکردگی سے بھی نوازا گیا۔

    نازیہ حسن پہلی پاکستانی ہیں، جنہوں نے فلم فیئر ایوارڈ حاصل کیا اور بیسٹ فیمیل پلے بیک سنگر کی کیٹیگری میں کم عمر ایوارڈ جیتنے والی گلوکارہ قرارپائیں، یہ اعزازآج تک ان کے پاس ہے۔

    نازیہ حسن کی شادی تیس مارچ انیس سو پچانوے کو ہوئی اوران کا ایک بیٹا ہے۔

    سرطان کے موذی مرض میں مبتلا نازیہ حسن تیرہ اگست سن دو ہزار کو اپنے لاکھوں مداحوں کو اداس چھوڑ گئیں مگر ان کی سریلی آواز میں گائے گیت آج بھی دل دماغ کو ترو تازہ کر دیتے ہیں۔


    Ankhain milanay – Nazia Hassan By Lucky Amin by f100002772537108


    Dosti by Nazia & Zohaib Hassan by shahnabila

  • دہشتگردوں سے خون کے ایک ایک قطرے کا حساب لیں گے، وزیراعظم

    دہشتگردوں سے خون کے ایک ایک قطرے کا حساب لیں گے، وزیراعظم

    اسلام آباد : وزیراعظم پاکستان میاں محمد نواز شریف نے کہا کہ دہشتگردی کے ناسور کو جڑ سےاکھاڑکرہی ہمارامشن ختم ہوگا۔ سانحے پر پوری قوم زخمی ہے،ان خیالات کا اظہار انہوں نے سرکاری ٹی وی پر قوم سے خطاب کرتے ہوئے کیا۔

    سانحہ لاہور کے بعد وزیراعظم نواز شریف نے قوم سے خطاب کرتے ہوئے کہا کہ دہشتگردی ایک عالمی چیلنج ہے ،صرف ہم نہیں پوری دنیا دہشت گردی کا شکار ہے،

    وزیر اعظم نواز شریف نے کہا کہ شہداء کے خون کے ایک ایک قطرے کا حساب رکھ رہے ہیں، اور دہشت گردوں سے ایک ایک قطرے کا حساب لیا جائے گا۔ انہوں نے اس افسوس کا اظہار کیا کہ 13 سال تک کسی نے اس فتنے کی آںکھوں میں آنکھیں ڈال کر نہیں دیکھا تھا۔

    انہوں نے کہا کہ ہم نے اب تک صبر و تحمل کا مظاہرہ کیا ،ہماری نرمی کو ریاست کی کمزوری اور ناکامی نہ سمجھا جائے، دہشتگردی کے ناسورکوجڑسےاکھاڑکرہی ہمارامشن ختم ہوگا۔

    دہشت گردوں کو دوبارہ سر نہیں اٹھانے دیں گے۔ دہشتگردی کے ناسور کے خاتمے تک آپریشن جاری رہے گا۔

    وزیر اعظم کا کہنا تھا کہ عوام کی جان و مال کے تحفظ کی ذمہ داری حکومت کی ہے، اللہ رسول کے نام پر بے امنی پھیلانا مخلوق کیلیے مشکلات پھیلانا قابل قبول نہیں۔

    دہشت گرد اپنی ناکامیوں کو چھپانے کیلئے معصوم اور نہتے لوگوں کا قتل عام کررہے ہیں، آسان ہدف کو نشانہ بنا کر دہشت گرد کیا پیغام دینا چاہتے ہیں،

    پاکستان کی سر زمین دہشت گردوں کیلئے تنگ کردی گئی ہے،حکومتی اقدامات سے دہشت گردی کی وارداتون میں نمایاں کمی آئی ہے، دہشت گردوں اور ان کے سہولت کاروں کو بہت جلد قانون کے کٹہرے میں لایا جائے گا۔

    وزیراعظم کا کہنا تھا کہ کوئی دہشت گردی، فتنہ، بدامنی یا سازش ہمیں اپنی منزل کی پیش قدمی سے نہیں روک سکتی۔ عوام کے جان ومال کا تحفظ ہماری آئینی ذمہ داری ہے۔

    ہم نے اندھیروں کو روشنیوں میں بدلنے، غربت، پسماندگی اور جہالت سے لڑنے کی قسم کھائی ہے۔

    دہشت گرد مت بھولیں ان کی بزدلانہ کارروائیاں ہمارے پختہ ارادوں کو نہیں روک سکتی۔ کوئی دہشت گرد ہمارے عزم میں کوئی شگاف نہیں ڈال سکتا۔

    واضح رہے کہ وزیراعظم محمد نواز شریف نے سانحہ لاہور کی وجہ سے اپنا دورہ امریکا منسوخ کر دیا ہے۔

    ذرائع کے مطابق وزیراعظم کی جگہ معاون خصوصی طارق فاطمی اب امریکا کا دورہ کریں گے۔

     

  • پاکستان بھر میں آج ہندو برادری ہولی کا تہوار منارہے ہیں

    پاکستان بھر میں آج ہندو برادری ہولی کا تہوار منارہے ہیں

    کراچی :دنیا بھر کی طرح پاکستان میں بھی آج ہندو برادری کی جانب سے ہولی کا تہوار منایا جارہا ہے۔

    پاکستان میں اقلیتوں کو مکمل تحفظ حاصل ہے، اس کی اعلیٰ مثال ہندو برادری کے مذہبی تہوار ہولی پر ہونے والے اجتماعات کی ہے، کراچی میں ہولی کی مختلف تقاریب میں ہزاروں افراد نے شرکت کی۔

    رنگوں میں ڈوبے جوانوں نے ہولی میں خوب بھنگڑے ڈالے، یوم پاکستان اور ہولی ایک ہی دن آنے سے تہوار کی شان اور بھی بڑھ گئی ، شرکاءنے مٹھائی کھا کر ہولی کی مٹھاس کا بھرپور مزہ بھی لوٹا ۔

    ہولی کا تہوار لاہور میں بھی پرجوش انداز میں منایا گیا ،ہندو برادری کا کہنا ہے یوم پاکستان اور ہولی ایک ہی روز آنے سے تہوار کو چار چاند لگ گئے ۔

    لاہور کے کرشنا مندر میں ہولی کا آغاز پوجا سے کیا گیا،تقریب میں موجود لوگوں نے ایک دوسرے کو خوب رنگ لگائے، ہندو برادری نے کہا کہ ہولی امن کا پیغام ہے۔

    ملتان میں ہندو برادری نے ایک دوسرے پر رنگ پھینک کر بھرپورجوش وجذبے کیساتھ ہولی کا تہوار منایا۔

    سکھر میں ہندو برادری سے تعلق رکھنے والے مستقبل کے ڈاکٹرز نے غلام محمد مہر میڈیکل کالج میں ہو لی منا کر فضا میں رنگ بکھیر دیئے ۔

    پاکستان پیپلزپارٹی کے چیئرمین بلاول بھٹو زرداری ھندوکمیونٹی کے ساتھ ھولی میں شرکت کے لئے کل عمرکوٹ پہنچ رہے ہیں، جہاں پر ایک بڑے جلسے کا بھی اہتمام کیا گیا ہے۔

    سندھ کی صوبائی حکومت نے صوبے بھرمیں ہندو برادری کے مذہبی تہوار’ہولی‘ کے موقع پرعام تعطیل کا اعلان  کردیا ہے۔

    پاکستان میں یہ پہلی مرتبہ ہوا ہے کہ ہولی پرعام تعطیل کا اعلان کیا گیا ہے، اس سے قبل ماضی میں صرف ہندو برادری کو ہولی کے موقع پرچھٹی دی جاتی تھی۔

    گزشتہ دنوں قومی اسمبلی میں ایک قرارداد منظور کی گئی تھی جس میں ہولی، دیوالی اورایسٹر کے موقع پراقلیتوں کو چھٹی دیئے جانے کا مطالبہ کیا گیا تھا۔

  • ’23 مارچ یوم قراداد پاکستان ‘آج پورے قومی جوش و جذبےکے ساتھ منایا جارہا ہے

    ’23 مارچ یوم قراداد پاکستان ‘آج پورے قومی جوش و جذبےکے ساتھ منایا جارہا ہے

    کراچی: یوم پاکستان آج پورے قومی جوش و جذبےکے ساتھ منایا جارہا ہے، اس موقع پر اسلام آباد میں مسلح افواج کی روایتی پریڈ بھی ہوگی۔

    پاکستانیوں کیلئے آج تجدید عہد کا اور سوچنے کا دن ہے،جودو قومی نظریہ پر تشکیل پاکستان کی قرارداد کا بھی دن ہے، دن کا آغاز وفاقی دارالحکومت اسلام آباد میں اکتیس اور صوبائی دارالحکومتوں میں اکیس اکیس توپوں کی سلامی سے ہوتا ہے۔

    تیئس مارچ کا دن وطن عزیز پاکستان کی تاریخ میں انتہائی اہمیت کا حامل ہے، 23 مارچ 1940 ء کو لاہور میں واقع منٹو پارک موجودہ اقبال پارک میں قرار داد پاکستان منظور ہوئی ،23 مارچ کی تاریخی اہمیت کو مد نظر رکھتے ہوئے ہر سال 23 مارچ کو یوم پاکستان منانے کا اعلان سرکاری طور پر کیا جاتا ہے۔

    اس تاریخی دن کو منانے کیلئے پورے پاکستان میں سرکاری و غیر سرکاری سطح پر تقریبات کا انعقاد کیا جاتا ہے، 23 مارچ 1940 ء کو قائد اعظمؒ کی زیر صدارت منظور کی گئی قرارداد پاکستان نے تحریک پاکستان میں نئی روح پھونک دی تھی جس سے برصغیر کے مسلمانوں میں ایک نیا جوش اور ولولہ پیدا ہوا، یہاں یہ امر قابل ذکر ہے کہ آل انڈیا مسلم لیگ کی طرف سے پیش کی گئی قرار داد کو اس وقت ’قرار داد لاہور‘کا نام دیا گیا تھا۔

    اجلاس سے خطاب کرتے ہوئے قائداعظم محمد علی جناح نے کہا کہ ہندوستان میں مسئلہ فرقہ ورارنہ نوعیت کا نہیں ہے بلکہ بین الاقوامی ہے یعنی یہ دو قوموں کا مسئلہ ہے۔ ہندوؤں اور مسلمانوں میں فرق اتنا بڑا اور واضح ہے کہ ایک مرکزی حکومت کے تحت ان کا اتحاد خطرات سے بھر پور ہو گا۔ انہوں نے کہا کہ اس صورت میں ایک ہی راہ ہے کہ ان کی علیحدہ مملکتیں ہوں۔

    قیام پاکستان کے 13 سال بعد قراداد لاہور کی یاد میں منٹو پارک میں ایک یادگار بنانے کا فیصلہ کیا گیا ، مغربی پاکستان کے گورنر اختر حسین نے آزادی کی اس یادگار کو مینار پاکستان کا سنگ بنیاد 23 مارچ 1660ء کو ایک سادہ سی تقریب میں ٹھیک اسی جگہ رکھا جہاں 1940ء میں مسلمانوں کے علیحدہ وطن کا مطالبہ کیا گیا تھا۔

    یوم پاکستان کے حوالے سے ہرسال مرکزی تقریب پریڈ ایونیو میں ہوتی ہے جہاں مسلح افواج کی روایتی پریڈ کرتی ہے جس کو تاریخ میں کلیدی حیثیت حاصل ہے۔ تقریب میں صدر مملکت، وزیر اعظم اور مسلح افواج کے سربراہان شریک ہوتے ہیں،یوم پاکستان کی مناسبت سے سیاسی وسماجی تنظیموں کی جانب سے خصوصی پروگرام ترتیب دیئے جاتے ہیں، ملک بھرمیں ریلیوں کا بھی اہتمام کیا جاتا ہے۔

    خدا کرے میری ارض پاک پر اترے
    وہ فصلِ گل جسے اندیشہء زوال نہ ہو

  • ورلڈ ٹی ٹوئنٹی، نیوزی لینڈ نے پاکستان کو 22 رنز سے شکست دے دی

    ورلڈ ٹی ٹوئنٹی، نیوزی لینڈ نے پاکستان کو 22 رنز سے شکست دے دی

    موہالی:ورلڈ ٹی ٹوئنٹی کے میچ میں نیوزی لینڈ نے پاکستان کو 22 رنز سے شکست دے دی۔

    ورلڈ ٹی ٹوئنٹی کے میچ میں نیوزی لینڈ نے ٹاس جیت کر بیٹنگ کا فیصلہ کیا،نیوزی لینڈ نے مقررہ 20 اوورز میں کُل 180 بنائے اور پاکستان کو جیت کیلئے 181 رنز کا ہدف دے دیا تھا۔

    نیوزی لینڈ کے کھلاڑی مارٹن گپٹل اور کین ولیمسن نے پاور پلے میں ر ٹیم کو 62 رنز کا آغاز فراہم کیا، ولیمسن 17 رنز پر محمد عرفان کی گیند پر آوٹ ہوئے، جبکہ دوسری وکٹ آفریدی نے حاصل کی اور کولن مرنو کو 7 رنز پر پولیئن بھیجا۔

    مارٹن نے48 گیندوں پر 3 چھکوں اور 10 چوکوں کی مدد سے 80 رنز کی شاندار اننگز کھیل کر آوٹ ہوئے جبکہ اینڈرسن 21 رنز کی اننگز کھیل کر آؤٹ ہوئے۔

    لیوک رونچی اور ٹیلر نے پانچویں وکٹ کیلیے 32 رنز کی شراکت قائم کی، رونچی کو سمیع نے 11 رنز پر پویلین بھیجا، ٹیلر نے 23 گیندوں پر 36 رنز پر ناٹ آؤٹ رہے۔

    پاکستان کی جانب سے محمد سمیع، شاہد آفریدی نے 2،2 جب کہ محمد عرفان نے ایک وکٹ حاصل کی۔

    ہدف کے تعاقب میں پاکستان کی ٹیم مقررہ بیس اوورز میں پانچ وکٹوں کے نقصان پر 158رنز بنا سکی ، ہدف کے تعاقب میں پاکستان کا آغاز انتہائی شاندار رہا اور شرجیل خان 47 رنز بنا کر آوٹ ہوئےجس کے بعد اسکور کو بریک لگ گیا، خالد لطیف صرف 3 رنز بنا کرآوٹ ہوئے،سلیفی بوائے احمد شہزاد سست اننگز کھیلتے ہوئے 32 گیندوں پر 30 رنز بناسکے ۔

    تیسرے نمبر  پر بیٹنگ کی خواہش رکھنے والے عمر اکمل نے بھی سست بلے بازی کا مظاہرہ کیا اور 26 گیندوں پر 24 رنز بنا کر آوٹ ہوئے ۔کپتان شاہد آفریدی نے 9 گیندوں پر 18 رنز سکور کیے جبکہ شعیب ملک 15اور سرفراز احمد 11رنز بنا سکے ۔

    نیوزی لینڈ کی جانب سےسیٹر اور ایڈم ملن نے 2،2 جبکہ  سودھی نے ایک کھلاڑی کو آوٹ کیا ۔

     

    براہ راست اپڈیٹ

    پاکستان اننگز

    اوور نمبر 20  پاکستان نے 7 رنز بنائے ، پاکستان کا مجموعی اسکور  158/5 ہوگیا۔ (سرفراز احمد اور شعیب ملک )

    اوور نمبر 19  ہدف کے تعقب میں پاکستان نے 9 رنز بنائے ، پاکستان کا مجموعی اسکور  151/5 ہوگیا۔ (سرفراز احمد اور شعیب ملک )

    اوور نمبر 18  ہدف کے تعقب میں پاکستان نے ایک کھلاڑی کے نقصان پر 5 رنز بنائے ، پاکستان کا مجموعی اسکور  142/5 ہوگیا۔ (سرفراز احمد اور شعیب ملک )

    پانچویں وکٹ: پاکستان کے کھلاڑی عمر اکمل 24 رنز بنا کر ایڈم ملنے کی گیند پر آوٹ ہوگئے ۔

    اوور نمبر 17  ہدف کے تعقب میں پاکستان نے  8 رنز بنائے ، پاکستان کا مجموعی اسکور  137/4 ہوگیا۔ (عمر اکمل اور شعیب ملک )

    اوور نمبر 16  ہدف کے تعقب میں پاکستان نے ایک کھلاڑی کے نقصان پر  6 رنز بنائے ، پاکستان کا مجموعی اسکور  129/4 ہوگیا۔ (عمر اکمل اور شعیب ملک )

    چوتھی وکٹ: پاکستان کے کھلاڑی شاہد آفریدی 19 رنز بنا کر سودھی کی گیند پر آوٹ ہوگئے ۔

    اوور نمبر 15  ہدف کے تعقب میں پاکستان نے 8 رنز بنائے ، پاکستان کا مجموعی اسکور  123/3 ہوگیا۔ (عمر اکمل اور شاہد آفریدی)

    اوور نمبر 14  ہدف کے تعقب میں پاکستان نے 11 رنز بنائے ، پاکستان کا مجموعی اسکور  115/3 ہوگیا۔ (عمر اکمل اور  شاہد آفریدی)

    اوور نمبر 13  ہدف کے تعقب میں پاکستان نے ایک کھلاڑی کے نقصان پر  8 رنز بنائے ، پاکستان کا مجموعی اسکور  104/3 ہوگیا۔ (عمر اکمل اور  شاہد آفریدی)

    تیسری وکٹ: پاکستان کے اوپنر  احمد شہزاد 30 رنز بنا کر مچل سینٹنر کی گیند پر آوٹ ہوگئے ۔

    اوور نمبر 12  ہدف کے تعقب میں پاکستان نے  5 رنز بنائے ، پاکستان کا مجموعی اسکور  96/2 ہوگیا۔ (عمر اکمل اور احمد شہزاد)

    اوور نمبر 11  ہدف کے تعقب میں پاکستان نے  2 رنز بنائے ، پاکستان کا مجموعی اسکور  91/2 ہوگیا۔ (عمر اکمل اور احمد شہزاد)

    اوور نمبر 10  ہدف کے تعقب میں پاکستان نے  6 رنز بنائے ، پاکستان کا مجموعی اسکور  89/2 ہوگیا۔ (عمر اکمل اور احمد شہزاد)

    اوور نمبر 09  ہدف کے تعقب میں پاکستان نے ایک کھلاڑی کے نقصان پر 4 رنز بنائے ، پاکستان کا مجموعی اسکور  83/2 ہوگیا۔ (عمر اکمل اور احمد شہزاد)

    دوسری وکٹ: پاکستان کے کھلاڑی خالد لطیف 3  رنز بنا کر مچل سینٹنر کی گیند پر آوٹ ہوگئے ۔

    اوور نمبر 08  ہدف کے تعقب میں پاکستان نے 3 رنز بنائے ، پاکستان کا مجموعی اسکور  79/1 ہوگیا۔ (خالد لطیف اور احمد شہزاد)

    اوور نمبر 07  ہدف کے تعقب میں پاکستان نے 10 رنز بنائے ، پاکستان کا مجموعی اسکور  76/1 ہوگیا۔ (خالد لطیف اور احمد شہزاد)

    اوور نمبر 06  ہدف کے تعقب میں پاکستان نے  ایک کھلاڑی کے نقصان پر 5 رنز بنائے ، پاکستان کا مجموعی اسکور 66/1 ہوگیا۔ (خالد لطیف اور احمد شہزاد)

    پہلی وکٹ: پاکستان کے اوپنر  شرجیل خان 47  رنز بنا کر ایڈم ملنے کی گیند پر آوٹ ہوگئے ۔

    اوور نمبر 05  ہدف کے تعقب میں پاکستان نے 10 رنز بنائے ، پاکستان کا مجموعی اسکور بغیر کسی کھلاڑی کے نقصان پر 61/0 ہوگیا۔ (شرجیل خان اور احمد شہزاد)

    اوور نمبر 04  ہدف کے تعقب میں پاکستان نے 18 رنز بنائے ، پاکستان کا مجموعی اسکور بغیر کسی کھلاڑی کے نقصان پر 51/0 ہوگیا۔ (شرجیل خان اور احمد شہزاد)

    اوور نمبر 03  ہدف کے تعقب میں پاکستان نے 9 رنز بنائے ، پاکستان کا مجموعی اسکور بغیر کسی کھلاڑی کے نقصان پر 33/0 ہوگیا۔ (شرجیل خان اور احمد شہزاد)

    اوور نمبر 02  ہدف کے تعقب میں پاکستان نے 9 رنز بنائے ، پاکستان کا مجموعی اسکور بغیر کسی کھلاڑی کے نقصان پر 24/0 ہوگیا۔ (شرجیل خان اور احمد شہزاد)

    اوور نمبر 01  ہدف کے تعقب میں پاکستان نے 15 رنز بنائے ، پاکستان کا مجموعی اسکور بغیر کسی کھلاڑی کے نقصان پر 15/0 ہوگیا۔ (شرجیل خان اور احمد شہزاد)

     

    نیوزی لینڈ اننگز

    اوور نمبر : 20  کے اختتام پر نیوزی لینڈ نے ایک کھلاڑی نے نقصان پر 16 رنز بنائے ، نیوزی لینڈکا مجموعی اسکور 180/5 ہوگیا۔ ( بالر محمد عامر)

    اوور نمبر : 19  کے اختتام پر نیوزی لینڈ نے ایک کھلاڑی نے نقصان پر 4 رنز بنائے ، نیوزی لینڈکا مجموعی اسکور 164/5 ہوگیا۔ ( بالر محمد سمی)

    پانچویں وکٹ: نیوزی لینڈ کے کھلاڑی  لیوک رونچی 11 رنز بنا کر محمد سمی کی گیند پر آوٹ ہوگئے ۔

    اوور نمبر : 18  کے اختتام پر نیوزی لینڈ نے 14 رنز بنائے ، نیوزی لینڈکا مجموعی اسکور 160/4 ہوگیا۔ ( بالر محمد عرفان)

    اوور نمبر : 17  کے اختتام پر نیوزی لینڈ نے 11 رنز بنائے ، نیوزی لینڈکا مجموعی اسکور 146/4 ہوگیا۔ ( بالر محمد عامر)

    اوور نمبر : 16  کے اختتام پر نیوزی لینڈ نے ایک کھلاڑی نے نقصان پر 8 رنز بنائے ، نیوزی لینڈکا مجموعی اسکور 135/4 ہوگیا۔ ( بالر شاہد آفریدی)

    چوتھی وکٹ: نیوزی لینڈ کے کھلاڑی کوری اینڈرسن 21 رنز بنا کر شاہد آفریدی کی گیند پر آوٹ ہوگئے ۔

    اوور نمبر : 15  کے اختتام پر نیوزی لینڈ نے ایک کھلاڑی نے نقصان پر 4 رنز بنائے ، نیوزی لینڈکا مجموعی اسکور 127/3 ہوگیا۔ ( بالر محمد سمی)

    تیسری وکٹ: نیوزی لینڈ کے کھلاڑی مارٹن گپٹل 80 رنز بنا کر محمد سمی کی گیند پر آوٹ ہوگئے ۔

    اوور نمبر : 14  کے اختتام پر نیوزی لینڈ نے 13 رنز بنائے ، نیوزی لینڈکا مجموعی اسکور 123/2 ہوگیا۔ ( بالر شاہد آفریدی)

    اوور نمبر : 13  کے اختتام پر نیوزی لینڈ نے 10 رنز بنائے ، نیوزی لینڈکا مجموعی اسکور 110/2 ہوگیا۔ ( بالرمحمد عرفان)

    اوور نمبر : 12  کے اختتام پر نیوزی لینڈ نے 7 رنز بنائے ، نیوزی لینڈکا مجموعی اسکور 100/2 ہوگیا۔ ( بالر عماد وسیم)

    اوور نمبر : 11  کے اختتام پر نیوزی لینڈ نے 12 رنز بنائے ، نیوزی لینڈکا مجموعی اسکور 93/2 ہوگیا۔ ( بالر شاہد آفریدی)

    اوور نمبر : 10  کے اختتام پر نیوزی لینڈ نے 59 رنز بنائے ، نیوزی لینڈکا مجموعی اسکور 81/2 ہوگیا۔ ( بالر عماد وسیم)

    اوور نمبر : 09  کے اختتام پر نیوزی لینڈ نے ایک کھلاڑی کے نقصان پر 7 رنز بنائے ، نیوزی لینڈکا مجموعی اسکور 76/2 ہوگیا۔ ( بالر شاہد آفریدی)

    دوسری وکٹ: نیوزی لینڈ کے کھلاڑی کولن منرو  7 رنز بنا کر شاہد آفریدی کی گیند پر آوٹ ہوگئے ۔

    اوور نمبر : 08  کے اختتام پر نیوزی لینڈ نے ایک کھلاڑی کے نقصان پر 9 رنز بنائے ، نیوزی لینڈکا مجموعی اسکور 69/1 ہوگیا۔ ( بالر محمد عرفان)

    پہلی وکٹ: نیوزی لینڈ کے کھلاڑی کین ولیمسن 17 رنز بنا کر محمد عرفان کی گیند پر آوٹ ہوگئے ۔

    اوور نمبر : 07  کے اختتام پر نیوزی لینڈ نے 5 رنز بنائے ، نیوزی لینڈکا مجموعی اسکور بغیر کسی کھلاڑی کے نقصان پر 60/0 ہوگیا۔ ( بالر محمد عماد وسیم)

    اوور نمبر : 06  کے اختتام پر ایک چھکے اور ایک چوکےکی مدد سے نیوزی لینڈ نے 11 رنز بنائے ، نیوزی لینڈکا مجموعی اسکور بغیر کسی کھلاڑی کے نقصان پر 55/0 ہوگیا۔ ( بالر محمد سمی )

    اوور نمبر : 05  کے اختتام پر نیوزی لینڈ نے 9 رنز بنائے ، نیوزی لینڈکا مجموعی اسکور بغیر کسی کھلاڑی کے نقصان پر 44/0 ہوگیا۔ ( بالر عماد وسیم )

    اوور نمبر : 04  کے اختتام پر نیوزی لینڈ نے 8 رنز بنائے ، نیوزی لینڈکا مجموعی اسکور بغیر کسی کھلاڑی کے نقصان پر 35/0 ہوگیا۔ ( بالر محمد سمی )

    اوور نمبر : 03  کے اختتام پر تین چوکےکی مدد سے نیوزی لینڈ نے 13 رنز بنائے ، نیوزی لینڈکا مجموعی اسکور بغیر کسی کھلاڑی کے نقصان پر 27/0 ہوگیا۔ ( بالر محمد عامر )

    اوور نمبر : 02۔ ایک چھکے اور ایک چوکے کےساتھ چودہ رنز کا اضافہ، اسکور چودہ رنز بغیر کسی نقصان کے

    اوور نمبر : 01۔ نیوزی لینڈ کے اوپنر مارٹن گپٹل اور کین ولیمسن نے کھیل کا آغاز کیا، ایک رن بن سکا۔

     

    ٹاس

     

    ورلڈ ٹی ٹوئنٹی کے میچ میں نیوزی لینڈ نے ٹاس جیت کر بیٹنگ کا فیصلہ کیا ہے۔

    نیوزی لینڈ کے کپتان کین ولیم سن نے ٹاس جیت کر پہلے بیٹنگ کرنے کا فیصلہ کیا ہے، اس موقع پر بات چیت کرتے ہوئے پاکستانی ٹیم کے کپتان شاہد آفریدی نے کہا کہ آج کے میچ میں دو اہم تبدیلیاں کی گئیں ہیں۔

    ان فٹ محمد حفیظ کی جگہ خالد لطیف جبکہ فاسٹ بولر وہاب رہاض کی جگہ عماد وسیم کو ٹیم میں شامل کیا گیا ہے۔ اپنی گفتگو میں شاہد آفریدی نے جیت کے عزم کا اعادہ کیا۔

     

     ٹیم

    پاکستان الیون میں احمد شہزاد، شرجیل خان، خالد لطیف، عمر اکمل، شعیب ملک، سرفراز احمد، شاہد آفریدی (کپتان)، عماد وسیم، محمد عامر، محمد سمیع اور محمد عرفان شامل ہیں۔

    نیوزی لینڈ الیون میں مارٹن گپٹل، کین ولیمسن (کپتان)، کولن منرو، کوری اینڈرسن، راس ٹیلر، گرانٹ ایلیٹ، مچل سینٹنر، لیوک رونچی، آدم ملنے ، مچل میک کلن اور اش سوڈی شامل ہیں۔

     

     

  • عالمی یوم مسرت آج منایا جا رہا ہے

    عالمی یوم مسرت آج منایا جا رہا ہے

    کراچی: خوشیوں کوزندگی کا حصہ بنائیں اور خوش رہیں اسی مقصد کیلئے آج خوشیوں کا عالمی دن منایاجارہاہے۔

    بیس مارچ کو دنیا بھر میں خوشی کے عالمی دن کے طور پر منایا جا تا ہے، اس دن کو منانے کا مقصد انسانیت کو اس کی معراج یعنی احترام آدمیت کا درس دینا ہے،اقوام متحدہ کے زیر اہتمام اس موقع پر دنیا بھر میں مختلف تقریبات کا انعقاد کیا جاتا ہے۔

    اقوام متحدہ کےتحت اس دن کومنانے کاسلسلہ دوہزار بارہ سے شروع ہوا، اس دن زندگی سےرخصت ہوتی خوشیوں کو واپس لانےکی ایک کوشش کی جاتی ہے، حال ہی میں کولمبیا یونیورسٹی کی رپورٹ میں دنیا کےخوش وخرم ممالک کا جائزہ لیا گیاہے۔

    رواں سال کی رپورٹ میں ڈنمارک نے سوئٹزرلینڈ کو پیچھے چھوڑ تے ہوئےپہلے نمبرپرآگیاہے،گذشتہ سال سوئٹزر لینڈ کو دنیا کا خوش ترین ملک قرار دیا گیا تھا۔

    ایک سو ستاون ممالک کی فہرست میں پاکستان کا نمبربانوے ہے جبکہ پڑوسی ملک بھارت فہرست میں ایک سواٹھارویں نمبر پر ہے۔

  • ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    ورلڈ ٹی ٹوئنٹی ، بھارت نے پاکستان کو 6 وکٹوں سے شکست دے دی

    کولکتہ:ٹی ٹوئنٹی ورلڈ کپ کے اہم میچ میں بھارت نے پاکستان کو 6 وکٹوں سے شکست دے دی۔

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے ۔

    کولکتہ کے  ایڈن گارڈن اسٹیڈیم میں کھیلے جا رہے میچ میں پاکستان نے پہلے بیٹنگ کرتے ہوئے مقررہ 18 اوورز میں پانچ وکٹوں کے نقصان پر118رنز بنائے، اس سے قبل بھارت نے ٹاس جیت کر فیلڈنگ کا فیصلہ کیا  تو پاکستانی اوپنرز نے اننگز کا آغاز کیا پاکستان کے شرجیل خان 8 ویں اورر میں 38 کے مجموعی سکورپر 17 رنز بنا کر آوٹ ہوئے ۔

    احمد شہزاد 28 گیندوں پر 25 رنز بنا کر بمرا کا شکار بنے ۔ کپتان شاہد آفریدی نے ایک دفعہ پھر قوم کو مایوس کیا اور 14 گیندوں پر 8 رنز بنا کر پویلین لوٹ گئے ۔ دیگرکھلاڑیوں میں عمراکمل نے  22،شعیب ملک نے 26،سرفراز احمد  نے 8اور محمد حفیظ  نے 5رنز بنائے ۔

    بھارت کی جانب سے بمبرا ،نہرا ،جڈیجا ،پانڈیا  اور رائنا نے ایک ایک کھلاڑی کو آوٹ کیا۔

    ورلڈ ٹی ٹونٹی کے سب سے اہم میچ میں پاکستان نے بھارت کو جیت کے لیے 18اوورز میں 119رنز کا ہدف دیا تھا ۔

    ہدف کے تعاقب میں بھارت نے اننگز کا آغاز اچھا نہ کیا بھارت کی جانب سے روہت شرما صرف دس رنز بنا کر محمد عامر کی گیند پر کیچ آوٹ ہو گئے، شیکھر دھون بھی بڑی اننگز کھیلنے میں ناکام رہے اور 6 رنز بنا کر محمد سمیع کی گیند پر پر کلین بولڈ ہوگئے ،سریش رائنا کو بھی محمد سمیع نے پہلی گیند پر کلین بولڈ کر دیا، دیگر بلے بازوں میں یووراج سنگھ نے 24اور  دھونی نے13رنز سکور کیے ۔

    پاکستان کی جانب سے محمد سمیع نے 2جبکہ محمد عامر اور وہاب ریاض نے ایک ایک کھلاڑی کو آوٹ کیا ۔

    بھارت نے مقررہ ہدف سات گیندوں قبل چار وکٹوں کے نقصان پر پورا کر لیا  جبکہ ویرات کوہلی ناقابل شکست 55رنز کے ساتھ ناٹ آوٹ رہے ۔

    واضح رہے کہ کولکتہ کے اسٹیڈیم ایڈن گارڈن میں ہونے والا پاک بھارت میچ بارش کے باعث تاخیر کا شکار ہے اور آئی سی سی کی جانب سے میچ کے اوورز کم کر کے 18 کر دیا گیا تھا۔

    میچ سے قبل دونوں ٹیموں کا ترانہ گایا گیا ، پاکستان کا قومی ترانہ پاکستانی گلوکار شفقت امانت علی نے گایا جبکہ بھارت کا ترانہ بھارتی اداکار امیتابھ بچن نے گایا۔

     

    براہ راست اپڈیٹ

     

     

    بھارت اننگز

     

    اوور نمبر 16 ہدف کے تعقب میں بھارت نے 7 رنز بنائے ، بھارت کا مجموعی اسکور  119/4 ہوگیا۔ ( بالر محمد عرفان)

    اوور نمبر 15 ہدف کے تعقب میں بھارت نے 7 رنز بنائے ، بھارت کا مجموعی اسکور  106/4 ہوگیا۔ ( بالر شاہد آفریدی)

    اوور نمبر 14 ہدف کے تعقب میں بھارت نے 8 رنز بنائے ، بھارت کا مجموعی اسکور  99/4 ہوگیا۔ ( بالر محمد عامر)

    اوور نمبر 13 ہدف کے تعقب میں بھارت نے 7 رنز بنائے ، بھارت کا مجموعی اسکور  91/4 ہوگیا۔ ( بالر شاہد آفریدی)

    اوور نمبر 12 ہدف کے تعقب میں بھارت نےایک کھلاڑی کے نقصان پر 10 رنز بنائے ، بھارت کا مجموعی اسکور  84/4 ہوگیا۔ ( بالر وہاب ریاض )

    چوتھی وکٹ: بھارت کے کھلاڑی یوراج سنگھ 24 رنز بنا کر  وہاب ریاض کی گیند پر آوٹ ہوگئے ۔

    اوور نمبر 11 ہدف کے تعقب میں بھارت نے 14 رنز بنائے ، بھارت کا مجموعی اسکور  74/3 ہوگیا۔ ( بالر شعیب ملک )

    اوور نمبر 10 ہدف کے تعقب میں بھارت نے 6 رنز بنائے ، بھارت کا مجموعی اسکور  60/3 ہوگیا۔ ( بالر وہاب ریاض )

    اوور نمبر 09 ہدف کے تعقب میں بھارت نے 8 رنز بنائے ، بھارت کا مجموعی اسکور  54/3 ہوگیا۔ ( بالر شعیب ملک)

    اوور نمبر 08 ہدف کے تعقب میں بھارت نے 6 رنز بنائے ، بھارت کا مجموعی اسکور  46/3 ہوگیا۔ ( بالر شاہد آفریدی )

    اوور نمبر 07 ہدف کے تعقب میں بھارت نے 12 رنز بنائے ، بھارت کا مجموعی اسکور  40/3 ہوگیا۔ ( بالر محمد سمی )

    اوور نمبر 06 ہدف کے تعقب میں بھارت نے 5 رنز بنائے ، بھارت کا مجموعی اسکور  28/3 ہوگیا۔ ( بالر شاہد آفریدی )

    اوور نمبر 05 ہدف کے تعقب میں بھارت نےدو کھلاڑیوں کے نقصان پر 5 رنز بنائے ، بھارت کا مجموعی اسکور  23/3 ہوگیا۔ ( بالر محمد سمی )

    تیسری وکٹ: بھارت کے کھلاڑی شریش رائنا بغیر کوئی رنز بنا کر محمد سمیکی گیند پر آوٹ ہوگئے ۔

    دوسری وکٹ: بھارت کے کھلاڑی شیکھر دھون 6 رنز بنا کر محمد سمیکی گیند پر آوٹ ہوگئے ۔

    اوور نمبر 04 ہدف کے تعقب میں بھارت نے 2 رنز بنائے ، بھارت کا مجموعی اسکور  18/1 ہوگیا۔ ( بالر محمد عرفان )

    اوور نمبر 03 ہدف کے تعقب میں ایک کھلاڑی کے نقصان پر بھارت نے 2 رنز بنائے ، بھارت کا مجموعی اسکور  16/1 ہوگیا۔ ( بالر محمد عامر )

    پہلی وکٹ: بھارت کے کھلاڑی روہت شرما 10 رنز بنا کر محمد عامر کی گیند پر آوٹ ہوگئے ۔

    اوور نمبر 02 ہدف کے تعقب میں بھارت نے 10 رنز بنائے ، بھارت کا مجموعی اسکور  14/0 ہوگیا۔ ( بالر محمد عرفان )

    اوور نمبر 01 ہدف کے تعقب میں بھارت نے 4 رنز بنائے ، بھارت کا مجموعی اسکور  4/0 ہوگیا۔ ( بالر محمد عامر )

    پاکستان اننگز

     

    اوور نمبر 18  کے اختتام پر پاکستان نے 7 رنز بنائے ، پاکستان کا مجموعی اسکور  118/5 ہوگیا۔ (محمد حفیظ اور سرفراز احمد)

    اوور نمبر 17  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  111/5 ہوگیا۔ (محمد حفیظ اور سرفراز احمد)

    پانچویں وکٹ: پاکستان کے کھلاڑی شعیب ملک 26 رنز بنا کر نہرا کی گیند پر آوٹ ہوگئے ۔

    اوور نمبر 16  کے اختتام پر پاکستان نے ایک کھلاڑی کے نقصان پر 8 رنز بنائے ، پاکستان کا مجموعی اسکور  103/4 ہوگیا۔ (شعیب ملک اور سرفراز احمد)

    چوتھی وکٹ: پاکستان کے کھلاڑی عمر اکمل 22 رنز بنا کر جدیجہ  کی گیند پر آوٹ ہوگئے ۔

    اوور نمبر 16  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 15  کے اختتام پر پاکستان نےدو چوکوں کی مدد سے 13 رنز بنائے ، پاکستان کا مجموعی اسکور  95/3 ہوگیا۔ (شعیب ملک اور عمر اکمل)

    اوور نمبر 14  کے اختتام پر پاکستان نےدو چھکوں کی مدد سے 15 رنز بنائے ، پاکستان کا مجموعی اسکور  82/3 ہوگیا۔ (شعیب ملک اور عمر اکمل)

    اوور نمبر 13  کے اختتام پر پاکستان نے 2 رنز بنائے ، پاکستان کا مجموعی اسکور  67/3 ہوگیا۔ (شعیب ملک اور عمر اکمل)

    اوور نمبر 12  کے اختتام پر پاکستان نے ایک کھلاڑی کے نقصان پر 11 رنز بنائے ، پاکستان کا مجموعی اسکور  65/3 ہوگیا۔ (شعیب ملک اور عمر اکمل)

    تیسری وکٹ: پاکستان کے کھلاڑی شاہد آفریدی 8 رنز بنا کر پانڈیا  کی گیند پر آوٹ ہوگئے ۔

    اوور نمبر 11  کے اختتام پر پاکستان نے 3 رنز بنائے ، پاکستان کا مجموعی اسکور  54/2 ہوگیا۔ (شاہد آفریدی اور عمر اکمل)

    اوور نمبر 10  کے اختتام پر پاکستان نے ایک کھلاڑی کے نقصان پر 9 رنز بنائے ، پاکستان کا مجموعی اسکور   51/2 ہوگیا۔ (شاہد آفریدی اور عمر اکمل)

    دوسری وکٹ: پاکستان کے اوپنر  احمد شہزاد 25  رنز بنا کر جدیجہ  کی گیند پر آوٹ ہوگئے ۔

    اوور نمبر 09  کے اختتام پر پاکستان نے 3 رنز بنائے ، پاکستان کا مجموعی اسکور  ایک کھلاڑی کے نقصان پر 42/1 ہوگیا۔ (شاہد آفریدی اور احمد شہزاد)

    اوور نمبر 08  کے اختتام پر پاکستان نے ایک کھلاڑی کے نقصان پر 5 رنز بنائے ، پاکستان کا مجموعی اسکور  ایک کھلاڑی کے نقصان پر 39/1 ہوگیا۔ (شاہد آفریدی اور احمد شہزاد)

    پہلی وکٹ: پاکستان کے اوپنر  شرجیل خان 17  رنز بنا کر رائنا  کی گیند پر آوٹ ہوگئے ۔

    اوور نمبر 07  کے اختتام پر ایک چوکےکی مدد سے پاکستان نے 6 رنز بنائے ، پاکستان کا مجموعی اسکور بغیر کسی کھلاڑی کے نقصان پر 34/0 ہوگیا۔ (شرجیل خان اور احمد شہزاد)

    اوور نمبر 06  کے اختتام پر پاکستان نے 4 رنز بنائے ، پاکستان کا مجموعی اسکور بغیر کسی کھلاڑی کے نقصان پر 28/0 ہوگیا۔ (شرجیل خان اور احمد شہزاد)

    اوور نمبر 05  کے اختتام پر ایک چوکےکی مدد سے پاکستان نے 5 رنز بنائے ، پاکستان کا مجموعی اسکور بغیر کسی کھلاڑی کے نقصان پر 24/0 ہوگیا۔ (شرجیل خان اور احمد شہزاد)

    اوور نمبر 04  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 19/0 ہوگیا۔ (شرجیل خان اور احمد شہزاد)

    اوور نمبر 03  کے اختتام پر ایک چوکےکی مدد سے پاکستان نے 7 رنز بنائے ، پاکستان کا مجموعی اسکور بغیر کسی کھلاڑی کے نقصان پر 12/0 ہوگیا۔ (شرجیل خان اور احمد شہزاد)

    اوور نمبر 02  کے اختتام پر پاکستان نے صرف 2 رنز بنائے ، پاکستان کا مجموعی اسکور بغیر کسی کھلاڑی کے نقصان پر 5/0 ہوگیا۔ (شرجیل خان اور احمد شہزاد)

    اوور نمبر 01  کے اختتام پر پاکستان نے صرف 3 رنز بنائے ، پاکستان کا مجموعی اسکور بغیر کسی کھلاڑی کے نقصان پر 3/0 ہوگیا۔ (شرجیل خان اور احمد شہزاد)

     

    ٹاس

     

    ٹی ٹوئنٹی ورلڈ کپ کے اہم میچ میں بھارت نے پاکستان کیخلاف ٹاس جیت کر فیلڈنگ کا فیصلہ کیا ہے۔

    ایڈن گارڈن میں ٹاس کے بعد گفتگو کرتے ہوئے پاکستانی ٹیم کے کپتان شاہد آفریدی نے کہا ہے کہ احمد شہزاد اور حفیظ اچھی فارم میں ہیں، بیٹنگ لائن چل گئی تو کامیابی ہماری ہوگی، بھارت کو بڑا ہدف دینے کی کوشش کرینگے، انہوں نے کہا کہ 160سے اوپر رنز اچھا سکور ہوگا۔

    بھارتی کپتان مہندرا سنگھ دھونی نے کہا کہ پاکستان کے پاس اچھے فاسٹ باولر ہیں۔ میچ اچھا رہے گا۔ہر میچ نیا ہے اس کیلئے تیاری بھی نئی کی جاتی ہے۔انہوں نے کہا کہ ماضی میں کتنے میچ ہارے اس سے کوئی فرق نہیں پڑتا۔ٹیم میں کوئی تبدیلی نہیں کی گئی۔

     

     ٹیم

    پاکستانی سکواڈ کپتان شاہد آفریدی سمیت ، شرجیل خان، احمد شہزاد، محمد حفیظ، شعیب ملک، سرفراز احمد، عمر اکمل، ، محمد عامر، وہاب ریاض اور محمد سمیع شامل ہیں۔

    دوسری جانب بھارتی سکواڈ میں کپتان مہندرا سنگھ دھونی، روہت شرما، شیکھر دھاون، ویرات کوہلی، سریش رائنا، یوراج سنگھ ، رویندرا جدیجا، ہردک پانڈیا، روی چندرا ایشون، جسپریت بمرا، اشیش نہرا شامل ہیں۔