وزیر اعظم نوازشریف نے قوم کے عظیم اور بہادر سپوت اعتزاز حسین شہیدکیلئے ستارہ شجاعت کی سفارش کردی۔
نویں جماعت کے طالبعلم اعتزاز حسین شہید نے ہنگو میں دلیری اور شجاعت کے ساتھ اپنے اسکول پر خود کش حملے کی کوشش ناکام بناتے اپنی جان قوم پر قربان کردی اور سیکڑوں طلبا کی جان کو بچا لیا۔
شہید اعتزاز حسین نے وطن سے محبت، جرات اور بہادری کی نئی مثال رقم کردی، وزیر اعظم نوازشریف نے صدر ممنون حسین سے اعتزاز حسین کو ستارہ شجاعت دینے کی سفارش کی ہے۔
بین الاقوامی شہرت یافتہ یافتہ گلوکار راحت فتح علی خان ٹریفک حادثے میں زخمی ہوگئے، راحت فتح کے سر اور چہرے پر چوٹیں آئیں ہیں۔
لاہور میں حادثہ بیدیاں روڈ پر اس وقت پیش آیا جب راحت فتح علی خان اپنی رہائش گاہ سے ایئرپورٹ جارہے تھے، کہ ان کی کار مخالف سمت سے آتی گاڑی سے ٹکرا گئی، راحت فتح علی خان کے سر اور چہرے پر چوٹیں آئی ہیں، انکا ڈرائیور شدید زخمی ہوا، راحت فتح علی خان نے آج بحرین روانہ ہونا تھا۔
ایس پی سی آئی ڈی شہید چوہدری اسلم گزشتہ روز دھماکے میں شہید ہوگئے تھے، شہید چوہدری اسلم کی 3 پولیس اہلکار سمیت نمازجنازہ پولیس ہیڈ کوارٹر میں ادا کردی گئی۔
جس پر سندھ پولیس کے چاق و چوبند دستے نے شہدا کو سلامی پیش کی۔
وزیر اعلی سندھ قائم علی شاہ ، اویس مظفر ،آجی سندھ ، ڈی جی رینجرز ، سیاستدان ، اور علمئدین شہر نے بڑی تعداد میں شرکت کی۔
اس موقع پر سکیورٹی کے سخت انتظامات کئے گئے۔
آرمی چیف کی جانب سے بھی پھول چڑھائے گئے، ایس پی سی آئی ڈی شہید چوہدری اسلم کی تدفین گزری قبرستان میں ہوگی ۔
اپنے ایک بیان میں انہوں نے کہاکہ ایس ایس پی سی آئی ڈی چوہدری اسلم پاکستان میں دہشت گردی کابازارگرم کرنے والے کالعدم تنظیموں کے دہشت گردوں کے خلاف سرگرم تھے اورانہوں نے کالعدم تنظیموں کے دہشت گردوں اور دیگرجرائم پیشہ عناصرکے خلاف بڑ ی جرات و بہادری سے کارروائیاں کیں۔
الطاف حسین نے کہاکہ چوہدری اسلم کی شہادت سے کراچی پولیس ہی نہیں بلکہ پاکستان ایک انتہائی بہادر ، نڈراور جرات مند افسرسے محروم ہوگیا ہے اوریہ پاکستان کانقصان ہے۔ یہ ایک بڑاسانحہ ہے اورکراچی کے امن پسند باسی اس المناک سانحہ پرافسردہ اوراشکبار ہیں۔
الطاف حسین نے چوہدری اسلم کی شہادت پر ان کے تمام ساتھیوں،شہید کی بیوہ اورتمام لواحقین سے دلی تعزیت کااظہارکرتے ہوئے اس المناک سانحہ پر مجھ سمیت کراچی کے تمام شہری آپکے غم میں برابرکے شریک ہیں۔
الطاف حسین نے حکومت سے مطالبہ کیاکہ چوہدری اسلم کی شہادت کے المناک سانحہ میں ملوث دہشت گردوں کوفی الفور گرفتارکیاجائے اور جوسفاک دہشت گردپولیس وسیکوریٹی فورسز اورپاکستان کے معصوم شہریوں کے خون سے ہولی کھیل رہے ہیں ان دہشت گردوں کاقلع قمع کیاجائے ۔
اجلا س کو بتایا گیا کہ سال دوہزار بارہ تیرہ میں پاک افغان تجارت کا حجم دو اعشاریہ تین ارب ڈالر رہا۔ اس میں وہ تجارت بھی شامل ہے جو پاکستانی روپے میں کی جاتی ہے ۔ یہ مقدار مجموعی تجارت کا پچاس فیصد ہے۔
وزیرخزانہ نے کہا کہ تجارت کے عوض افغانستان کو ادائیگی اب پاکستانی کرنسی میں نہیں کی جائے گی اور سترہ مارچ دوہزار چودہ سے تجارت کا مروجہ طریقہ اپنایا جائے گا۔ تاہم برآمدکندگان کو اپنے موجودہ معاہدوں کو پورا کرنے کے لیے دو ماہ کا وقت دیا جائے گا۔
چئیرمین تحریک انصاف عمران خان نے کہا ہے کہ چوہدری اسلم کی شہادت قومی دھچکا ہے ، ملک میں قانون نام کی کوئی چیز موجود نہیں ۔
لاہور میں میڈیا سے گفتگو کرتے ہوئے عمران خان کا کہنا تھا کہ ہربار آپریشن سے طالبان گروپوں میں اضافہ ہوا ، جو گروپ مذاکرات چاہتے ہیں ان سے بات کی گئی ہوتی تو دہشت گردی میں واضح کمی ہوجاتی ، مولانا سمیع الحق طالبا ن سے مذاکرات کرتے ہیں تو انہیں سپورٹ کیا جائے گا ۔
عمران خان نے کہا کہ پرویز مشرف کے ساتھ کیا سلوک ہوگا نہیں جانتا مگر یہ حقیقت ہے کہ قانون طاقتور کے لیے کبھی مسئلہ نہیں رہا، جن کے اربوں روپے باہر پڑے ہیں انہیں کوئی نہیں پوچھتا۔ شامت صرف پٹواری کی ہی آتی ہے
کراچی اسٹاک مارکیٹ میں جمعرات کو بھی تیزی برقرار رہی، مارکیٹ نے بلندترین سطح پر پہنچنے کا نیا ریکارڈ بنایا، ایک موقع پر سوا دو سو پوائنٹس کے اضافے سے مارکیٹ نے ساڑھے چھبیس ہزار پوائنٹس کی ریکارڈ سطح بھی عبور کی۔
تاہم پرافٹ ٹیکنگ نے مارکیٹ میں تیزی کے بڑھتے قدموں کو روک دیا، کاروبار کے اختتام پرکے ایس ای 100انڈیکس میں اضافہ بتیس پوائنٹس تک محدود رہا اور بینچ مارک انڈیکس 26373 پوائنٹس کی نئی ریکارڈ سطح پربند ہوا۔۔چار ماہ بعد کراچی اسٹاک مارکیٹ میں 42 کروڑ شیئرز سے زائد کا نمایاں کاوربارہوا۔
سری لنکا نے دبئی ٹیسٹ کے دوسرے روز شاندار کارکردگی دکھاتے ہوئے دن کے اختتام تک چار وکٹوں پر تین سو اٹھارہ رنز بنالیے ہیں، پاکستان کیخلاف پہلی اننگز میں سری لنکا کو ایک سو ترپن رنز کی سبقت حاصل ہے۔
دبئی ٹیسٹ میچ کے دوسرے روز سری لنکن بیٹسمینوں نے عمدہ کارکردگی کا مظاہرہ کیا۔ سری لنکا نے پہلی نامکمل اننگز ایک وکٹ کے نقصان پر ستاون رنز سے دوبارہ شروع کی۔
پاکستانی بولرز دونوں سیشنز میں سخت جدوجہد کے بعد تین وکٹیں حاصل کرسکے۔ کوشل سلوا نے پچانوے رنز بنائے۔ مہیلا جےوردھنے ایک سو چھ اور اینجلو میتھیوز بیالیس رنز پر ناٹ آؤٹ ہیں۔ سری لنکا کو پاکستان کیخلاف ایک سو ترپن رنز کی سبقت حاصل ہے۔ پاکستانی ٹیم پہلی اننگز میں ایک سو پینسٹھ رنز بناسکی تھی۔
آرمی چیف جنرل راحیل شریف نے کراچی میں ایس پی سی آئی ڈی چوہدری اسلم پر حملے کی مذمت کی ہے اور کہا ہے کہ دہشت گردی کے خلاف پوری قوم متحد ہے، گورنر سندھ نے چوہدری اسلم کو سول ایوارڈ دینے کی سفارش کی ہے۔
آرمی چیف جنرل راحیل شریف کی چوہدری اسلم پرحملےکی مذمت کرتے ہوئے انھیں خراج عقیدت پیش کیا، آرمی چیف کا کہنا تھاکہ چوہدری اسلم نےدہشت گردی کیخلاف شاندارخدمات انجام دیںاور پوری قوم دہشت گردی کےخاتمےکیلئےمتحدہے، سندھ رینجرزنے بھی دھماکے کی مذمت کی ہے۔
ترجمان سندھ رینجرز کا کہنا ہے کہ چوہدری اسلم ایک بہادر اور دلیر افسرتھے،انکی شہادت سےمزید چوہدری اسلم پیدا ہوں گے، گورنر سندھ ڈاکٹر عشرت العباد خان نے چوہدری اسلم کے لئے سول ایوراڈ کی سفارش ہے ان کا کہنا ہے کہ چوہدری اسلم نے بہادری اور جواں مردی کی زندگی گزاری، گورنر سندھ کی سفارش پر پہلے بھی چوہدری اسلم کو قومی اعزازت سے نوازا جا چکا ہے۔
دہشتگردی کے خلاف جنگ میں کراچی پولیس کی فرنٹ لائن شخصیت ایس پی چوہدری اسلم آج ریموٹ کنٹرول دھماکے میں شہید ہوگئے، تحریک طالبان پاکستان نے ان پر حملے کی ذمہ داری قبول کرلی۔
دہشتگردوں کیلئےدہشت کی علامت ایس پی سی آئی ڈی چوہدری اسلم اپنے گھر سے نکلے اور کراچی کے مرکز، گنجان ترین علاقے گلشن اقبال کے بالمقابل عیسیٰ نگری سے متصل لیاری ایکسپریس وےکی انٹری پوائنٹ پر پونے پانچ بجے شام کے قریب پہنچے تو زور دار دھماکاہوا۔
دھماکا اس قدر زور دار تھا کہ اس کی آواز دور دور تک سنائی دی گئی، دھماکے نے ان کی گاڑی کو تباہ کردیا ، اس حملے میں چوہدری اسلم کے ڈرائیور اور گن بھی شہادت پائی، حملے میں بارہ اہلکار زخمی بھی ہوئے۔
حملے کی ذمہ داری کالعدم تحریک طالبان مہمند ایجنسی نے قبول کرلی، ڈی آئی جی ویسٹ کا کہنا ہے ان کے پاس موجود بم پروف گاڑی کچھ روز قبل بننے کے لیئے دی گئی تھی اس لئے اس وقت ان کے پاس بم پروف گاڑی نہیں تھی ۔
اپنی شہادت سے چودہ پندرہ گھنٹے پہلے ، چوہدری اسلم اور ان کی ٹیم نے ایک کارروائی میں طالبان کے تین دہشتگرد ہلاک کیئے تھے۔ چوہدری اسلم پر اس سے پہلے بھی حملے ہوچکے ہیں۔ ایک خطرناک حملہ ان کے گھر پر بھی ہوا تھا، لیکن ایکسپریس وے دھماکا جان لیوا ثابت ہوا۔
بم دھماکےمیں شہید ایس پی سی آئی ڈی چوہدری اسلم نے پسماندگان میں بیوہ، تین بیٹے اور ایک بیٹی سوگوار چھوڑی ہے، بیوہ کا کہناہے کہ چوہدری اسلم بچوں کو ٹیوشن چھوڑنے جارہے تھے کہ ہیڈ آفس سے فون آگیا۔
انیس سو تریسٹھ میں ایبٹ آباد کے محلے ارغشال میں پیدا ہونے والے ایس پی سی آئی ڈی چوہدری اسلم نے ابتدائی تعلیم آبائی علاقے میں حاصل کی، انیس سو چوراسی میں بطور اسسٹنٹ سب انسپکٹر پو لیس میں بھر تی ہو ئے اسلم خان کا تعلق صوبہ خیبرپختونخوا کے سیاحتی و فوجی شہر ایبٹ آباد سے تھا لیکن دو ستوں نے ان کے لباس اور چال ڈھال کیو جہ سے انہیں چو ہدر ی کہنا شروع کیا اور پھر یہ نام ان کے ساتھ ایسا جڑا کہ وہ چو ہدری اسلم کے نام سے ہی پہچا نے جا نے لگے ۔
جرائم پیشہ افراد و دہشت گردوں کیخلاف سینہ سپر چو ہدری اسلم نو ے کی دہا ئی میں متعدد تھا نو ں کے ایس ایچ او بھی رہے، دو ہزار دس میں سی آئی ڈی کی تفتیشی کمیٹی کی سربراہی کا منصب انہو ں نے سنبھا لا۔ اس دوران ان کے گھر پر خود کش حملہ بھی کیا گیا لیکن وہ محفو ظ رہے، ان کے گھر پر حملے کی ذمہ داری المختار گروپ نے قبول کی تھی۔،
میڈیا رپورٹس کے مطابق چوہدری اسلم کے گیارہ سے سولہ سال کے تین بیٹے اور اٹھارہ سال کی ایک بیٹی ہے۔
بیوہ نور کا کہناہے کہ چوہدری اسلم بچوں کو ٹیوشن چھوڑنے کیلئے جانا چاہتے تھے لیکن ہیڈآفس سے فون آگیا ۔اور وہ بچوں کو چھوڑ کر آفس چلے گئے، اگر بچوں کو ٹیوشن چھوڑنے جاتے تو روٹ مختلف ہوتا اور ان کی جان بچ جاتی۔ یہ بھی معلوم ہوا ہے کہ چوہدری اسلم کی نماز جنازہ کل ادا کی جائے گی اور تدفین والدہ کے پہلو میں کی جائے گی۔
جناح اسپتال کے شعبے حادثات کی انچارج ڈاکٹر سیمی جمالی نے میڈیا سے گفتگو میں بتایا کہ چوہدری اسلم کو حملے میں سر، چہرے،سینے، پیٹ اور ٹانگوں پر زخم آئے اس کے علاوہ ان کے جسم سے کچھ پلاسٹک اور دھاتی ذرات میں بھی ملے ہیں۔
حکومت سندھ کا چوہدری اسلم کے اہل خانہ کے لئے دوکروڑ روپے کا اعلان کیا ہے، واقعے میں شہید ہونے والے دیگر اہلکاروں کےلواحقین کو بیس بیس لاکھ روپے اور زخمیوں کو ایک ایک لاکھ روپے دیئے جائیں گے۔
اس کے علاوہ سندھ حکومت نے شہیدپولیس اہلکاروں کے اہل خانہ کوپلاٹ اوربچوں کو نوکری بھی دینے کا اعلان کیا ہے۔ اس واقعے میں مزید دو جاں بحق اور پانچ افراد کو آغا خان اسپتال لایا گیا۔ ترجمان آغا خان اسپتال کے مطابق ہلاک ہونیوالوں کی شناخت فرحان جونیجو اور کامران کے ناموں سے ہوئی ہے۔ زخمیوں میں فیاض ،بلال ،فرحان ،فراز ،احمد ،محمد عرفان ،محمد رحمت شامل ہیں ۔
کراچی کے علاقے گلشن اقبال کے قریب لیاری ایکسپریس وے پر دہشت گرد کارروائی میں ایس پی سی آئی ڈی چوہدری اسلم اور ان کے ساتھیوں کی شہادت کی خبر کو بین الاقوامی میڈیا میں نمایاں جگہ دی گئی ہے، بی بی سی ، وائس آف امریکا اور جرمن ریڈیو ڈوئچے ویلے پر کراچی دھماکے اور چوہدری اسلم کی شہادت کو اہم واقعہ اور بڑا نقصان قرار دیا گیا ہے۔
انٹرنیشنل میڈیا کے مطابق چوہدری اسلم پر اس سے پہلے پانچ ناکام حملے ہو چکے ہیں اور دہشت گرد چھٹی کوشش میں چوہدری اسلم کی جان لینے میں کامیاب ہو سکے ہیں۔ چوہدری اسلم دہشت گردوں کے خلاف مسلسل کارروائیوں کی وجہ سے خبروں میں رہتے تھے۔