Author: قیصر کامران صدیقی

  • راولپنڈی: جنوبی وزیرستان میں شہید کیپٹن فوجی اعزاز کےساتھ سپردخاک

    راولپنڈی: جنوبی وزیرستان میں شہید کیپٹن فوجی اعزاز کےساتھ سپردخاک

    جنوبی وزیرستان میں چیک پوسٹ پر دہشتگردوں کے حملے کے نتیجے میں جام شہادت نوش کرنے والے کیپٹن یحیی عبدالصمد کو پور ے فوجی اعزازات کے ساتھ سپرد خاک کر دیا گیا۔

    راولپنڈی کے علاقے عبداللہ شاہ ٹاؤن میں شہید یحیی عبدالصمد کی میت لائی گئی تو شہید کا آخری دیدار کرنے کے لئے ہر آنکھ منتظر تھی ، آہوں اور سسکیوں میں نماز جنازہ ادا ہوئی تو اہل خانہ غم سے نڈھال ہوتے رہے اور اہل علاقہ بھی سوگوار نظر آئے۔اس موقع پر شہید کے بڑے بھائی نے بتایا کہ عبدالصمدچھٹیوں پر گھر آنے والا تھا۔

    مگر طالبان سے مذاکراتی عمل کے نتیجے میں یونٹ کی چھٹیاں منسوخ تھی جس کے باعث شہید گھر نہ آ سکا اور جب آیا تو اس طرح کہ کسی نے تصور بھی نہ کیا تھا۔ شہید عبدالصمد کی چھوٹے بھائی نے بتایا کہ بھائی کی کچھ دنوں میں شادی بھی ہونے والی تھی،یقین نہیں آتا کہ وہ اب ہم میں نہیں رہا۔ نماز جنازہ کے بعد شہید کو مقامی قبرستان میں پورے فوج اعزاز کے ساتھ لحد میں اتارا گیا تو والدین کا حوصلہ بھی قابل دید تھا جو جوان بیٹے کی شہادت پر فخر محسوس کر رہے تھے۔نماز جنازہ میں شہید کی یونٹ کے اعلی فوجی شخصیات نے بھی شرکت کی۔
       

  • نجکاری کمیشن بورڈ نے پانچ اداروں کے حصص کی فروخت کی منظوری دے دی

    نجکاری کمیشن بورڈ نے پانچ اداروں کے حصص کی فروخت کی منظوری دے دی

    نجکاری کمیشن بورڈ نے حبیب بینک لمیٹڈ، یونائیٹڈ بینک لمیٹڈ، الائیڈ بینک لمیٹڈ، او جی ڈی سی ایل اور پاکستان پیٹرولیم لمیٹڈ کے حصص کی فروخت کی منظوری دے دی۔

    نجکاری کمیشن بورڈ کا اجلاس وزیر مملکت برائے نجکاری زبیرعمرکی صدارت میں ہوا۔ اجلاس میں وزیرمملکت نے بتایا کہ نجکاری کے عمل میں شفافیت کو یقینی بنایا جائے گا اور تمام اسٹیک ہولڈرز کو اعتماد میں لیا جائے گا۔

    حکومت نجکاری کے عمل کے دوران ملازمین کے حقوق کا تحفظ کرے گی۔ بورڈ نے اپنے اجلاس میں پانچ اداروں کے حصص کی فروخت کی منظوری بھی دی۔ ان میں حبیب بینک لمیٹڈ، یونائیٹڈ بینک لمیٹڈ، الائیڈ بینک لمیٹڈ، او جی ڈی سی ایل اور پاکستان پیٹرولیم لمیٹڈ شامل ہیں۔ بورڈ نے کمیشن کو ان اداروں کو مالیاتی مشیر کی تقرری کی منظوری بھی دی اور ٹرانزیکشن کمیٹی بھی قائم کردی۔
       

  • پشاور: سینٹرل جیل میں سکیورٹی خدشات کی وجہ سے دوبارہ اضافی نفری تعینات کر ی گئی

    پشاور: سینٹرل جیل میں سکیورٹی خدشات کی وجہ سے دوبارہ اضافی نفری تعینات کر ی گئی

    پشاور سینٹرل جیل میں سکیورٹی خدشات کی وجہ سے دوبارہ اضافی نفری تعینات کر ی گئی ہے اور سکیورٹی کو مزید سخت کر دیا گیا ہے۔

    بنوں اور ڈی آئی خان جیل پر حملوں کے بعد پشاور سینٹرل جیل کو موصول ہو نے والی دھمکیوں کی وجہ سے پشاور سینٹرل جیل میں پاک آرمی اور پولیس کی بھا ری نفری دوبارہ تعینات کر دی گئی ہیں۔

    چند روز قبل پشاور سینٹرل جیل میں قید کا لعدم تنظیم لشکر اسلام اور کا لعدم نفاذ شریعت محمدی کے کا رندوں کے درمیان ہا تھ پا ئی ہو ئی تھی اور کئی قیدی زخمی بھی ہوئے، جس کے بعد پشاور سینٹرل جیل میں پا ک آرمی اور کمانڈوذ نے سرچ آپریشن کیا ۔

    دونوں کا لعدم تنظمیوں کے قیدوں کے مابین لڑائی کی وجہ سے پشاور سینٹرل کے سپریڈنڈنٹ اعتزازخان کے خلا ف صوبائی حکومت کی جا نب سے انکوائری بھی کی جاری ہے۔
       

  • کراچی میں پولیو کا سال 2014کا پہلا کیس سامنے آگیا

    کراچی میں پولیو کا سال 2014کا پہلا کیس سامنے آگیا

    کراچی میں پولیو کا سال دوہزرا چودہ کا پہلا کیس سامنے آگیا ہے جبکہ کراچی کے ہائی رسک زون پولیو رضاکاروں کو پولیس کین سیکورٹی نہ ملنے کے باعث اضافی پولیو مہم بھی مکمل نہ ہوسکی۔اور ہزراوں بچے پولیو کے قطرئے پینے سے محروم ہوگئے.

     پولیو حکام کی جانب سے دوسالہ ارسلان میں پولیو وائرس کی تصدیق کے بعد پاکستان بھر میں پولیو کیسوں کی مجموعی تعداد 86 ہوگئی ہے کراچی کے ہائی رسک زون بلدیہ ،بن قاسم اور گڈاپ کے علاقوں میں تین روزہ اضافی پولیو مہم بھی پولیو رضاکاروں کو سیکورٹی نہ ملنے باعث ملتوی کردی گئی تھی جمعرات کے روز اضافی پولیو مہم کا آخری دن تھا.

    پولیو حکام کا کہنا ہے کہ قومی پولیو مہم شروع کرنے سے قبل کراچی کے ہائین رسک زون میں اضافی پولیو مہم شروع کرنے کے لئے پولیس کی نفری نہ ملنے کے سبب پولیو کی اضافی مہم چلانے سے قاصر ہیں۔

    کراچی میں 2013کاآخری پولیو کیس دسمبر2013کی رات ساڑھے نوبجے قومی ادارہ امراض میں رپورٹ ہوا تھا جس کی پولیو حکام نے تصدیق کرتے ہوئے بتایا تھاکہ دو سالہ فاطمہ پولیو سے متاثر ہوئی تھی , کراچی میں پولیو مہم چلانے کے لئے پولیو حکام کو ہائی رسک زون میں پولیو مہم چلانے میں مشکلات کا سامنا ہے۔ پاکستان میں سب سے زیادہ کیس فاٹا میں 50زائد رپورٹ ہوئے ہیں جبکہ صوبہ سندھ میں پولیو کیسوں کی تعداد اب سات ہوچکی ہے۔

  • سندھ کی مٹی ہماری رو حوں میں شامل ہےاس کی تقسیم کا سوال ہی پیدا نہیں ہوتا، صدرالدین راشدی

    سندھ کی مٹی ہماری رو حوں میں شامل ہےاس کی تقسیم کا سوال ہی پیدا نہیں ہوتا، صدرالدین راشدی

    وفاقی وزیر اوور سیز پاکسانیز پیر صدر الدین شاہ راشدی نے کہا ہے کہ سندھ کی مٹی ہماری رو حوں میں شامل ہے سندھ کی تقسیم کا سوال ہی پیدا نہیں ہوتا۔

    لاہور میں میڈیا سے گفتگو کرتے ہوئے صدر الدین شاہ راشدی نے کہاکہ سابق صدر پر وزی مشرف غدار ہیں یا نہیں اس کا فیصلہ عدالتوں نے کرنا ہے سیاستدان یا میڈیا جج بننے کی کوشش نہ کرے وفاقی وزیر نے کہاکہ ماضی کی غلطیوں سے سبق سیکھ کر آگے بڑھنا ہو گا اور اس بات کو یقینی بنانا ہو گا کہ ہر جگہ قانون کی حکمرانی ہے ۔

    پیر صدر الدین شاہ نے کہاکہ ق لیگ ایک آمر کی چھتری تلے بنی تھی جس کا حال شیشے کے ٹوٹے گلاس جیسا ہے جس کے ٹھڑے گننے والا بھی نہیں گن سکتا انہوں نے کہاکہ سندھ کی تقسیم کی باتیں سن کر حیرت ہوتی ہے، سندھ کی مٹی ہماری روحوں میں شامل ہیں اس لیے سندھ دھرتی کی تقسیم کا سوال ہی پیدا نہیں ہوتا۔

  • آل پاکستان سی این جی ایسوسی ایشن کا ہفتے سے سی این جی اسٹیشنزبند کرنے کا فیصلہ

    آل پاکستان سی این جی ایسوسی ایشن کا ہفتے سے سی این جی اسٹیشنزبند کرنے کا فیصلہ

    آل پاکستان سی این جی ایسوسی ایشن نے سی این جی کی بندش کے خلاف ہڑتال کااعلان کرتے ہوئے ہفتے سے غیرمعینہ مدت تک کے لیئے سی این جی اسٹیشنزبند کرنے کافیصلہ کیاہے، کراچی ٹرانسپورٹ اتحادنے بھی ہڑتال کی حمایت کرتے ہوئے ہفتے سے گاڑیاں کھڑی کرنے کااعلان کیاہے۔

    ایسوسی ایشن کے چیئرمین شبیرسلیمان جی کاکہناہے کہ سوئی سدرن گیس کمپنی کی جانب سے گھریلوصارفین کوگیس کی بلاتعطل فراہمی کے لیئے مسلسل دوروزتک اڑتالیس گھنٹے کے لیئے سی این جی اسٹیشنزبندکرنے کاعمل قابل مذمت ہے۔

    انہوں نے کہاکہ ہفتے میں تین روز متبادل دنوں میں 24،24گھنٹوں کے لیئے سی این جی اسٹیشن بندکیئے جائیں لیکن اڑتالیس گھنٹوں کے لیئے مسلسل اسٹیشنزبندرکھنے سے صارفین اور اسٹیشنزمالکان کوشدیدنقصان پہنچ رہاہے ۔دوسری جانب ایس ایس جی سی کے اقدامات کے خلاف ٹرانسپورٹ تنظیمیں بھی ہفتے سے غیرمعینہ مدت تک سڑکوں پر ٹرانسپورٹ نہیں لائینگے۔

  • یوٹیوب پر اسلام مخالف مواد کا مستقل حل چاہتے ہیں ، انوشہ رحمان

    یوٹیوب پر اسلام مخالف مواد کا مستقل حل چاہتے ہیں ، انوشہ رحمان

    وزیر مملکت برائے آئی ٹی انوشہ رحمان کا کہنا ہے کہ یوٹیوب پر اسلام مخالف مواد کا مستقل حل چاہتے ہیں، نمائندہ گوگل مائیک اورگل کاکہنا ہے متنازعہ مواد روکنے کے لئے یوٹیوب کا لوکل ڈومین کا ہونا ضروری ہے۔

    سینیٹ کی قائمہ کمیٹی کے اجلاس میں گوگل کے نمائندے مائیک اورگل نے بریفنگ دیتے ہوئے اسلام مخالف فلمز پر وارننگ ٹیپ ظاہر کرنے کی یقین دہانی کرادی ، مائیک اورگل کا کہنا تھا کہ پی ٹی اے اسلام مخالف مواد کے یو آر ایل کی نشاندہی کرے، کسی بھی لنک کو بلاک کرنے کے لیے پاکستان میں یوٹیوب کی لوکل ڈومین کا ہونا ضروری ہے ۔

    سیکرٹری آئی ٹی نے کمیٹی کو بتایا کہ لوکل ڈومین کے لیے قانون سازی کی جارہی ہے بل رواں ماہ کے آخر میں پارلیمنٹ میں پیش کر دیا جائے گا ، اجلاس سے خطاب کرتےہوئے وزیر مملکت برائے آئی ٹی انوشہ رحمان نے کہا فلٹرز کے ذریعے ایچ ٹی ٹی پی ایس ڈومین پر ظاہر ہونے والی فلمز کو بلاک نہیں کیا جا سکتا ، اسلام مخالف مواد روکنے کے لئے مستقل حل چاہتے ہیں۔

  • پاک امریکا اسٹرٹیجک مذاکرات جلد واشنگٹن میں ہوں گے، دفتر خارجہ

    پاک امریکا اسٹرٹیجک مذاکرات جلد واشنگٹن میں ہوں گے، دفتر خارجہ

    دفتر خارجہ کی ترجمان تسنیم اسلم نے کہا ہے کہ پاک امریکا اسٹرٹیجک مذاکرات جلد واشنگٹن میں ہوں گے، طالبان سے مذاکرات میں سعودی عرب کوئی کردار ادا نہیں کررہا ہے، پرویز مشرف کیس میں کسی بھی بیرونی دباؤ کا علم نہیں۔

    اسلام آباد میں ہفتہ وار بریفنگ دیتے ہوئے دفتر خارجہ کی ترجمان تسنیم اسلم نے کہا پاک امریکا اسٹرٹیجک مذاکرات جلد واشنگٹن میں ہوں گے ، مذاکرات کی تاریخیں طے کی جارہی ہیں ۔

    طالبان سےمذاکرات پرتسنیم اسلم نےکہا طالبان سے مذاکرات میں سعودی عرب کوئی کردار ادا نہیں کررہا ہے، دفترخارجہ نے پاک فوج پر بھارتی میڈیا کے الزامات کو مسترد کرتے ہوئےکہا کہ لائن آف کنٹرول پرکسی بھارتی فوجی کاسرقلم نہیں کیاگیا۔

    بھارتی وزیراعظم کو دورہ پاکستان کی دعوت دی تھی، جب بھی آئیں خوش آمدید کہیں گے۔ بنگلہ دیش کی صورتحال کاجائزہ لے رہے ہیں ۔ تسنیم اسلم نے مزید کہا پرویز مشرف کیس میں کسی بھی بیرونی  دباؤ کا علم نہیں ۔
       

  • اے آر وائی نیوز کے خلاف جیو گروپ کی درخواستیں مسترد

    اے آر وائی نیوز کے خلاف جیو گروپ کی درخواستیں مسترد

    اسلام آباد ہائیکورٹ نے اے آر وائ نیوز اور مبشر لقمان کے خلاف جیو گروپ کی جانب سے دائر دو نئی درخواستیں مسترد کر دیں ۔

    حق اور سچ کی آواز کو ایک اور فتح نصیب ہوئی ہے اور اسلام آباد ہائیکورٹ نے اے آر وائی نیوز اور سینئر پروگرام اینکر مبشر لقمان کے خلاف جیو گروپ کی طرف سے دائر کی گئی دو درخواستیں مسترد کر دی ہیں۔

    نئی درخواستوں میں اے آر وائی نیوز اور مبشر لقمان کے خلاف توہین عدالت کی کارروائی کی استدعا کی گئی تھی، اے آروائی نیوز اور مبشرلقمان کی جانب سے عدالت میں بیرسٹر گوہر پیش ہوئے۔

  • تحریک طالباان پاکستان نےچوہدری اسلم پرحملےکی ذمہ داری قبول کرلی

    تحریک طالباان پاکستان نےچوہدری اسلم پرحملےکی ذمہ داری قبول کرلی

    تحریک طالبان پاکستان نے ایس پی سی آئی ڈی کراچی چوہدری اسلم پر حملے کی ذمہ داری قبول کر لی۔ طالبان کے ترجمان کا کہنا ہے کہ یہ ساتھیوں کے قتل کا انتقام ہے۔

    تحریک طالبان پاکستان کے ترجمان احسان اللہ احسان نے کہا ہے کہ کراچی میں ایس پی سی آئی ڈی چوہدری اسلم پر ہونے والا حملہ ان کے ساتھیوں کے قتل کی انتقامی کارروائی ہے۔ احسان اللہ احسان نے مزید کہا ہے کہ ان کے جو ساتھی قید خانوں میں بند ہیں اور ان پر تشدد ہورہا ہے اسکا بدلہ بھی اسی طرح سے لیا جائے گا اور سی آئی ڈی افسران اور اہلکاروں پر حملے جاری رکھے جائینگے ۔