Author: قیصر کامران صدیقی

وزیراعظم نواز شریف، شہبازشریف، بلاول بھٹو زرداری، الطاف حسین، عمران خان اورڈاکٹر طاہرالقادری  سمیت سیاسی و مذہبی جماعتوں کے رہنماؤں نے کراچی دھماکے کی شدید الفاظ میں مذمت کی ہے۔

وزیراعظم نوازشریف نے کراچی بم دھماکے کی مذمت کرتے ہوئے کہا کہ چوہدری اسلم دلیر پولیس افسر تھے ان کی قربانی رائیگاں نہیں جائے گی،دہشتگردوں کی بزدلانہ کارروائیوں سےقوم کاعزم متاثر نہیں ہوگا، وزیر اعلیٰ پنجاب شہباز شریف نے بھی کراچی عیسی نگری دھماکے کی شدید مذمت کرتے ہوئے پولیس افسر اور دیگر اہلکاروں کی ہلاکت پر اظہار افسوس کا اظہار کیا، سابق صدر آصف زرداری نے بھی چوہدری اسلم پرحملے کی شدید مذمت کی۔

پیپلزپارٹی کے چیئرمین بلاول بھٹو زرداری نے دھماکے کی مذمت کرتے ہوئے اپنے ٹوئٹر پیغام میں کہا کہ کالعدم تحریک طالبان نے میرے ایس پی پر حملہ کیا،چوہدری اسلم نے بہادروں کی طرح جان دی،چوہدری اسلم کو پہلے بھی دھمکیاں ملیں اور حملے ہوئے۔

صوبائی وزیراطلاعات شرجیل میمن کا کہناتھا کہ سندھ پولیس دلیر افسر سے محروم ہوگئی، ہم سب کو چوہدری اسلم کو سلیوٹ کرنا چاہئے، چوہدری اسلم کا نام بہادر افسروں میں لکھا جائے گا،ایس پی چوہدری اسلم کی بہادری کی قدر کرنی چاہئے،ایم کیوایم کے قائد الطاف حسین نے چوہدری اسلم کو خراج عقیدت پیش کرتے ہوئے دلی اظہار افسوس کیا۔انہوں نے مطالبہ کیا کہ واقعے میں ملوث دہشت گردوں کو فوری گرفتار کیا جائے۔

الطاف حسین کا کہناتھا کہ کراچی جیسے شہر میں دہشت گردوں کی آزادانہ کارروائیاں لحمہ فکریہ ہیں ،چئیرمین تحریک انصاف عمران خان نے دھماکے کی مذمت کی اور مطالبہ کیا کہ صوبائی حکومت واقعہ کی تحقیقات اور ملزمان کو کیفر کردار تک پہنچائے، گورنر سندھ ڈاکٹر عشرت العباد کا کہناتھا کہ چوہدری اسلم پر حملہ دہشت گردانہ اور بزدلانہ کارروائی ہے۔

چوہدری اسلم نے اپنے عزم،حوصلے اور بہادری سے سندھ پولیس کا نام روشن کیا۔ پاکستان عوامی تحریک کے قائد ڈاکٹر محمد طاہر القادری نے بم دھماکے کی شدید مذمت کرتے ہوئے جانی نقصان پر گہرے دکھ اور افسوس کا اظہار کیا اور کہا کہ حکومت دہشتگردی کی روک تھام میں مکمل طور پر ناکام دکھائی دیتی ہے، قومی شعور سے ہی دہشتگردی کے فتنے کا سر کچلا جاسکتا ہے۔

مجلس وحدت المسلمین کے علامہ راجہ ناصر عباس کا کہناہے کہ کراچی حسن سکوائر دھماکے کی شدید مذمت کرتے ہیں،دہشت گردوں کے ہاتھوں سیکیورٹی ادارے محفوظ ہیں نہ عوام، ظالمان مائنڈ سیٹ اسلام اور پاکستان کا سب سے بڑا دشمن ہے، حکمران ہوش کے ناخن لیں اور دہشت گردوں کیخلاف فوری اور بھر پور کارروائی کا اعلان کریں۔

سنی ا تحاد کونسل نے بھی واقعے کی مذمت کی ،حامدرضا کا کہناہے کہ چوہدری اسلم کی شہادت افسوس ناک ہے ، دلیر اور جرات مند انسان تھے ۔شہادت قومی سانحہ ہے ، سوگوار خاندان سے اظہار یکجہتی کرتے ہیں ۔
   

جشن عید میلاد النبی منانے کے لیے کراچی، لاہور، فیصل آباد، ملتان، حیدرآباد، میرپورخاص، نوابشاہ، بدین، لاڑکانہ، ڈیرہ غازی خان اورکوٹلی آزاد کشمیر سمیت مختلف شہر خوبصورت بینرز، سبزجھنڈوں اوربرقی قمقموں سےسجنا شروع ہوگئے ہیں جبکہ مسجدوں اوردیگرعمارات کوبرقی قمقموں اور سبزجھنڈوں سے سجا دیا گیا ہے اور درود وسلام کی محافل کا انقعاد بھی جاری ہے ۔ سکھر میں عید میلاد النبی ﷺکے حوالے سے ایوب گیٹ سے منارہ روڈ تک ریلی نکالی گئی جس میں بڑی تعداد میں شہریوں نے شرکت کی۔ ریلی کے شرکاء نے ہاتھوں میں سبزجھنڈیاں تھامی ہوئی تھیں اوردرود و سلام پڑھ رہے تھے۔
   

متحدہ قومی موومنٹ کے قائد الطاف حسین نے مری میں دو بسوں کی کھائی میں گرنے سے متعدد افراد کے جاں بحق و زخمی ہونے پر گہرے دکھ اور افسوس کا اظہار کیا ہے اور حکومت سے مطالبہ کیاہے کہ کھائی میں پھنسے ہوئے لوگوں کو نکالنے کے لئے فوری امدادی کاررائیاں کی جائے۔

ایک بیان میں الطاف حسین نے جاں بحق ہونے والے افراد کے سو گوار لواحقین سے دلی تعزیت و ہمدردی اظہار کر تے ہوئے انہیں صبر کی تلقین اوردعا کی الطاف حسین نے حادثے میں زخمی ہونے والے افرادکے لئے جلد و مکمل صحت یابی کیلئے دعا کی۔

پیپلز پارٹی کے مرکزی رہنما سید نوید قمر نے کہا ہے کہ پارٹی کے شریک چیئرمین آصف زرداری 9سال عدالتوں کا سامنا کرچکے ہیں اور اب بھی وہ عدالت میں پیش ہونے کو تیار ہیں لیکن دوسری جانب ایک کمانڈو عدالت میں پیش ہونے کو تیار نہیں ہے جس کا منفی تاثر جارہا ہے۔

حیدرآباد میں سینیٹر مولابخش چانڈیو کی رہائشگاہ پر میڈیا سے گفتگو کرتے ہوئے سید نوید قمر نے کہا کہ پرویز مشرف کا یہ کہنا کہ فوج ان کے ساتھ ہے تو یہ ان کیلئے بھی بہتر نہیں ہے، بہتر یہی ہے کہ وہ اپنے آپ کو دور رکھیں،انہوں نے کہا کہ قومی اداروں کی نجکاری میرٹ کی بنیاد پر ہونی چاہئے، نجکاری کے عمل میں دوستوں کو نوازنے کا سلسلہ نہیں ہونا چاہئے.

سید نوید قمر کا کہنا تھا کہ ہر جمہوری حکومت کا مفاد اسی میں ہے کہ وہ بلدیاتی انتخابات کرائے اور تمام سیاسی جماعتوں کا بھی یہی مطالبہ ہے لیکن صرف دس دس روز کے دیئے گئے شیڈول کا نتیجہ یہی ہونا تھا جو ہم دیکھ رہے ہیں کیونکہ عام انتخابات کیلئے بھی 90روز کی مدت مقرر ہوتی ہے، انہوں نے کہا کہ دہشت گردوں سے بات چیت کے ذریعے راستہ نکالنا مشکل نظر آرہا ہے، دہشت گردی سے نمٹنے کا واحد حل طاقت کا استعمال نظر آتا ہے اور اس کیلئے فوج کو عوام کی بھرپور مدد درکار ہے۔

سینیٹ میں اظہار خیال کرتے ہوئے ایم کیو ایم سینیٹر نسرین جلیل کا کہناتھا الطاف حسین کے بیان کو غلط ر نگ دیا گیا،الطاف حسین نے حقوق کی بات کی تھی،حقوق نہیں ملتے تو بنگلہ دیش جیسے واقعات ہمارے سامنے ہیں،الطاف حسین نے آئینہ دکھایا تو سب برا مان گئے،نسرین جلیل کا کہناتھا کہ ملک میں طالبانائزیشن بڑھتی جارہی ہے۔

دہشت گردی کی روک تھام کیلئے اقدامات ہونے چاہئیں،انہوں ے سابق صدر پرویز مشرف کے خلاف کارروائی کو انتقامی قرار دیا،جس پر ن لیگ کے سینیٹر مشاہداللہ کا کہناتھا یہ کہا جا رہا ہے کہ مشرف کو سنگل آؤٹ کیا گیا کہ وہ مہاجر ہیں ۔بارہ اکتوبر اور لال مسجد واقعے پر پرویز مشرف کو کیوں نہیں روکا گیا،اب جرنیلوں کو بھی مہاجر اور پنجابی بنایا جا رہا ہے۔ تقسیم در تقسیم کی بات نہیں کرنی چاہیے ۔

۔ڈاکٹر قدیر بھی تو مہاجر ہیں ،ان پر کیوں خاموشی اختیار کی گئی۔پرویزمشرف کومحفوظ راستہ نہیں دیاجائیگا،عدالتیں پرویزمشرف سےمتعلق فیصلہ ضرور کریں گی، مشرف کومحفوظ راستہ دینے کی بات کرنیوالے اقتدارکی تلاش میں ہیں،۔۔پیپلزپارٹی کے سعید غنی کا کہناتھا کہ سابق چیف جسٹس افتخار محمد چوہدری کو بلٹ پروف گاڑی کی فراہمی فرمائشی پٹیشن تھی۔جن ججوں کو افتخار چوہدری نے بھرتی کیا ان سے احکامات دلوائے جا رہے ہیں ۔یہ روایت ٹھیک نہیں ۔

پارلیمنٹ کی کمیٹی قائم کر کے معاملات کی تحقیقات کی جائیں،وزیرمملکت برائے داخلہ بلیغ الرحمان کا کہناتھا سندھ میں جرائم میں کمی آرہی ہے ۔ آپریشن کے خاطر خواہ نتائج سامنے آرہے ہیں ۔بلوچستان میں قوم پرستوں کو اعتماد میں لیا جا رہا ہے ۔ لاپتہ افراد کے حوالے سے سیکیورٹی اداروں کے خدشات پیش نظر رکھتے ہوئے نئی قانون سازی کی جا ر ہی ہے ۔