ARYNews.tv | Urdu – Har Lamha Bakhabar

Author: قیصر کامران صدیقی

  • عمران خان کو دھاندلی فوبیا ہوگیا ہے، رانا ثنا اللہ

    عمران خان کو دھاندلی فوبیا ہوگیا ہے، رانا ثنا اللہ

    مسلم لیگ ن کے رہنما رانا ثنا اللہ کا کہنا ہے کہ عام انتخابات میں شکست کے بعد سے عمران خان کے اوسان خطا ہوگئے ہیں۔

    پنجاب کے وزیر قانون اور مسلم لیگ ن کے رہنما رانا نے میڈیا سے بات کرتے ہوئے تحریک انصاف کے سربراہ عمران خان کو شدید تنقید کا نشانہ بناتے ہوئے کہا کہ عمران خان کو دھاندلی فوبیا ہوگیا ہے ۔

    رانا ثنا اللہ نے کہا کہ عمران خان حقیقت سے آنکھیں نہ چرائیں ۔۔لاہور نہیں پورے پنجاب میں ترقیاتی منصوبے مکمل کئے گئے ہیں۔۔انہوں نے کہا کہ عمران خان عوام کی آنکھوں میں دھول نہیں جھونک سکتے، اگر عمران خان میں کچھ کرنے کی اہلیت ہے تو خیبر پختونخوا میں کرچکے ہوتے۔
       

  • چوہدری شجاعت نے آرٹیکل6میں ترمیم کی تجویز دیدی

    چوہدری شجاعت نے آرٹیکل6میں ترمیم کی تجویز دیدی

    مسلم لیگ ق کے سربراہ چوہدری شجاعت حسین نے آئین کے آرٹیکل چھ میں ترمیم کا مسودہ سینیٹ کو ارسال کردیا۔ مسودے میں کہا گیا ہے کہ آئین کے آرٹیکل چھ کی ذیلی دفعات ایک ، دو، تین میں لفظ ہائی ٹریژن کو مملکت کے خلاف جرم کے متبادل الفاظ سے بدل دیا جائے۔

    چوہدری شجاعت حسین کے مسودے میں کہا گیا ہے کہ ہائی ٹریژن (غداری) کا لفظ جو آرٹیکل چھ میں استعمال ہوا ہے اس سے تاثر ابھرتا ہے کہ اس جرم میں ملوث شخص نے دشمن قوتوں کے ساتھ مل کر مملکت کے منافی کام کیا ہے۔ یہ تاثر درست نہیں ہے۔

    اس لیے ہائی ٹریژن (غداری) کو مملکت کے خلاف جرم سے بدل دیا جائے، تعزیرات پاکستان کی دفعات ایک سو اکیس سے ایک سو تیس تک بھی اس طرح کے الفاظ سے بدل دیا جائے۔ کریمنل لا ایکٹ انیس سو تہتر میں بھی متبادل تبدیلی کی جائے۔
       

  • پرویزمشرف کی میڈیکل رپورٹ اے آروائی نیوز نے حاصل کرلی

    پرویزمشرف کی میڈیکل رپورٹ اے آروائی نیوز نے حاصل کرلی

    پرویزمشرف کی میڈیکل رپورٹ اے آروائی نیوز نے حاصل کرلی۔ رپورٹ کے مطابق پرویزمشرف کابائی پاس تجویز کیاگیاہے، سابق صدر کی ریڑھ کی ہڈی میں تکلیف اور ہڈیوں میں بھُر بھُرا پن بھی ہے۔

     پرویزمشرف نے عدالت کامعاملہ دل پر لے لیا۔۔۔ڈاکٹرز نےسابق صدر کے دل کے بائی پاس کی تجویز دے دی، پرویزمشرف کی بیماری سے متعلق عدالت میں پیش کی گئی میڈیکل رپورٹ اے آروائی نیوز نے حاصل کرلی۔

    میڈیکل رپورٹ میں ڈاکٹر ز نے پرویزمشرف کی بیماری سے متعلق بیان کی ہیں گیارہ علامات، ڈاکٹرز کہتے ہیں سابق صدرجنرل ریٹارئرڈ پرویز مشرف کےدل کا بائی پاس ہوگا اور آپریشن سےپہلے کرناہوگی انجیوگرافی، ڈاکٹرزکے مطابق پرویز مشرف کے بائیں کندھے میں حرکت نہیں ہورہی اور ان کی ریڑھ کی ہڈی میں بھی تکلیف ہے۔

     

    1 2 3 4

  • کراچی سمیت سندھ کے مختلف شہروں میں اے آروائی نیوز کی نشریات بند

    کراچی سمیت سندھ کے مختلف شہروں میں اے آروائی نیوز کی نشریات بند

    کراچی سمیت سندھ کے مختلف شہروں میں اے آروائی نیوز کی نشریات بند کرادی گئیں، وزیراعلیٰ سندھ نے جبری بندش کانوٹس لے لیاکہتے ہیں میڈیاہاؤسز کوہرممکن سیکیورٹی فراہم کی جائے گی۔

    کراچی سمیت سندھ کےکئی شہروں میں اے آروائی نیوز کی نشریات جبری طور پربند کرادی گئیں ۔کئی کیبلز پر اے آروائی کو آخری نمبرز پر ٹیون کردیا گیا ۔ اے آروائی کے ناظرین تازہ ترین خبروں تجزیوں اور تبصروں سے محروم کراچی، حیدرآباد، میر پورخاص، ٹنڈو اللہ یار میں اے آروائی نیو زکی نشریات کیبل پر نہیں آرہی ہیں۔

    اگر کسی چینل پر نشریات آرہی ہیں تو وہاں اے آروائی نیوز کو آخری نمبروں پر ٹیون کیا گیا ہے۔ عوام کے ساتھ ساتھ سیاسی رہنماوں نے بھی نشریات بند کرائے جانے کی مذمت کی ہے ۔ وزیراطلاعات سندھ شرجیل میمن نےاےآروائی نیوزکی نشریات بند کرانے کی مذمت کردی ۔

    وزیراعلیٰ سندھ قائم علی شاہ نے بھی اے آروائی نیوز کی نشریات کی بندش کا نوٹس لے لیا۔ وزیراعلیٰ سندھ کاکہناتھا صحافیوں اورمیڈیاہاؤسزکوہر ممکن سیکیورٹی فراہم کی جائےگی، سندھ حکومت آزادی رائے پرمکمل یقین رکھتی ہے۔

    پیپلزپارٹی کی رہنما شازیہ مری نے اے آروائی کی نشریات کی بندش کی مذمت کرتے ہوئے کہامیڈیا کی آزادی پرکوئی قدغن برداشت نہیں کی جائے، سنی اتحادکونسل کے چیئرمین صاحبزادہ حامد رضا نے اے آروائی نیو زکی نشریات کی بندش کی مذمت کی اور کہا سچ چھپانےکیلئےغیرجمہوری ہتھکنڈےاستعمال کیےجارہےہیں۔

    امیر جماعت اسلامی سید منور حسن نے اےآروائی کی نشریات بندکرانے کے عمل کی سخت الفاظ میں مذمت کی ہے، وزیرقانون پنجاب رانا ثنااللہ نے سندھ کے مختلف علاقوں میں نشریات بند کرانے کی مذمت کر تے ہوئےکہا مسلم لیگ ن میڈیا کی آزادی اور اظہار رائے کی آزادی پر یقین رکھتی ہے، رہنماجماعت اسلامی لیاقت بلوچ اور فرید پراچہ نے بھی اےآروائی کی نشریات بند کرانے کی شدید الفاظ میں مذمت کی ہے۔

    رہنماپی ٹی آئی شیریں مزاری نے اےآروائی کی نشریات بندکرانے کی مذمت کردی، مسلم لیگ ن کے رہنما مشاہداللہ نے اےآروائی کی نشریات بندکرانے کی مذمت کی ہے۔۔پیپلز پارٹی کے رہنما اور معروف قانون دان عتزازاحسن نے بھی اے آروائی کی جبری بندش کی مذمت کی ہے۔
       

  • پاک سعودیہ تعلقات پر مبنی نیا دور شروع کرنے کی ضرورت ہے، نوازشریف

    پاک سعودیہ تعلقات پر مبنی نیا دور شروع کرنے کی ضرورت ہے، نوازشریف

    وزیراعظم نوازشریف نے کہا ہے کہ پاکستان اور سعودی عرب کے درمیان مضبوط تعلقات پر مبنی نیا دور شروع کرنے کی ضرورت ہے، سعودی وزیر خارجہ کہتے ہیں دونوں ملکوں کے معاملات کے جائزے کیلئے کمیٹی بنانے کی تجویز دی ہے ان کے دورے کا مشرف سے کوئی تعلق نہیں۔

    اسلام آباد میں میڈیا سے گفتگو میں سعودی وزیر خارجہ سعود الفیصل کا کہنا تھا کہ مشرف کا معاملہ پاکستان کا اندرونی معاملہ ہے، ان کے دورے کا پرویز مشعف سے کوئی تعلق نہیں، دونوں مملک کے درمیان تعلقات کے جائزے کیلئے کمیٹی بنانے کی تجویز دی ہے۔ 

    سعود الفیصل ، سعودی وزیر خارجہ مشیر خارجہ سرتاج عزیز کا کہنا تھا کہ پاک سعودی تعلقات کو مزید مستحکم کیا جائے گا۔ معاشی ترقی کیلئے سعودی تعاون کو قدر کی نگاہ سے دیکھتے ہیں، سرتاج عزیز ، مشیر خارجہ اس سے پہلے وزیراعظم نوازشریف سے سعودی وزیر خارجہ سعود الفیصل نے ملاقات کی، جس میں دو طرفہ تعلقات ،علاقائی سلامتی اور افغانستان کی صورتحال پر تبادلہ خیال کیا گیا۔

    وزیراعظم کا کہنا تھا کہ پاکستان اسلامی ممالک کے درمیان اتحاد کی کوششوں سمیت پر امن افغانستان کا حامی ہے، ذرائع کا کہنا ہے کہ ملاقات میں پرویز مشرف اور غداری کیس پر بھی بات چیت ہوئی، سعودی وزیر خارجہ نے صدر ممنون حسین سے بھی ملاقات کی جس میں انھوں نے سعودی فرماں رواں کا خصوصی پیغام پہنچایا۔
       

  • پی سی بی کا 20 جنوری کو سیکورٹی ٹیم بنگلہ دیش بھیجنےکا فیصلہ

    پی سی بی کا 20 جنوری کو سیکورٹی ٹیم بنگلہ دیش بھیجنےکا فیصلہ

    \پاکستان کرکٹ بورڈ نے بنگلہ دیش میں ہونے والے ایشیا کپ میں شرکت پر تحفظات کا اظہار کرتے ہوئے سیکیورٹی ٹیم بیس جنوری کو بنگلہ دیش بھیجنے کا فیصلہ کیا ہے۔

    پی سی بی کے ترجمان کے مطابق پاکستان کرکٹ بورڈ کو بنگلہ دیش میں پاکستان کے حوالے سے سیکیورٹی خدشات ہیں، جس وجہ سے پی سی بی نے بیس جنوری کو سیکیورٹی ٹیم بنگلہ دیش بھیجنے کا فیصلہ کیا ہے۔

    جو بعد میں اپنی رپورٹ پی سی بی کو دے گی۔ پی سی بی ترجمان کا کہنا ہے کہ پاکستان ٹیم ایشیا کپ مجیں شرکت کرنا چاہتی ہے, لیکن اس حوالے سے سیکیورٹی ٹیم کی رپورٹ اور حکومت سے ملنے والی ہدایات کے بعد حتمی فیصلہ کیا جائے گا۔
        
        
       

  • نئے کوڈ آف کنڈکٹ پرعمل درآمد یقینی بنائیں، اسٹیٹ بینک

    نئے کوڈ آف کنڈکٹ پرعمل درآمد یقینی بنائیں، اسٹیٹ بینک

    اسٹیٹ بینک کے جاری کردہ اعلامیئےمیں کہا گیا ہےکہ نیا ضابطہ اخلاق انٹربینک مارکیٹ کے کاروبار کوشفاف بنانےکے ساتھ ساتھ کاروبارکے معیار، طریقہ کار اورماحول کو بھی بہتر بنانےمیں اہم کرداراداکرے گا۔

    مرکزی بینک نےبینکوں اورترقیاتی مالیاتی اداروں سے کہا ہے کہ وہ نئے کوڈ آف کنڈکٹ پرعمل درآمد یقینی بنائیں۔

    ٹریژری ڈیپارٹمنٹس سہہ ماہی رپورٹ اپنےاعلٰی افسران کوجمع کرائیں، اسٹیٹ بینک کی ٹیم اچانک آن سائیٹ انسپیکشن کرکےعمل درآمد کا جائزہ لے گی۔

    اسٹیٹ بینک نے کہا ہے کہ بڑھتی ہوئی انٹر بینک مارکیٹ اوراس کی پیچیدگیوں سے نمٹنےکیلئے نئے ضابطہ اخلاق کی ضرورت محسوس کی جارہی تھی اوراس کے لئےتمام اسٹیک ہولڈرز  سے مشاورت بھی کی گئی۔

  • کراچی اسٹاک مارکیٹ میں دوسرے روزبھی تیزی کا رجحان برقرار

    کراچی اسٹاک مارکیٹ میں دوسرے روزبھی تیزی کا رجحان برقرار

    کراچی اسٹاک مارکیٹ میں دوسرے روزبھی تیزی کا رجحان برقرار رہا، مارکیٹ نےتاریخ کی بلند ترین سطح پرپہنچنےکا نیاریکارڈ بنادیا۔

    کراچی اسٹاک مارکیٹ میں منگل کو کاروبار میں اُتار چڑھاؤ دیکھا گیا تاہم فرٹیلا ئیزر،فوڈ اور پاور سیکٹر کی کمپنیوں میں نئی خریداری نےمارکیٹ کومثبت زون میں رکھا۔

    جبکہ پیرکی طرح منگل کوبھی بینکنگ اورسیمنٹ سیکٹرمیں فروخت کا دباؤ دیکھا گیا جس نے مارکیٹ میں تیزی کے رجحان کو محدود کیا۔

    تیزی کے نتیجے میں مارکیٹ تاریخ میں پہلی بار 26200 پوائنٹس کی نفسیاتی حد عبور کرگئی اورکاروبارکےاختتام پرمارکیٹ کا بینچ مارک 100 انڈیکس نوے پوائنٹس کے اضافے سے 26259 پوائنٹس کی نئی ریکارڈ سطح پر بند ہوا۔

  • پاکستان اور بھارت کے درمیان باہمی تجارت پر مذکرات رواں ماہ نئی دہلی میں شروع ہونگے

    پاکستان اور بھارت کے درمیان باہمی تجارت پر مذکرات رواں ماہ نئی دہلی میں شروع ہونگے

    پاکستان اور بھارت کے درمیان باہمی تجارت پر مذکرات رواں ماہ کی پندرہ اور سولہ جنوری کو نئی دہلی میں شروع ہونگے، وزرات تجارت کے ذرائع کے مطابق پاکستان اور بھارت ایک بار پھر باقاعدہ تجارتی مذاکرات شروع کر رہے ہیں، تجارتی مذاکرات کا پہلا مرحلہ دونوں ممالک کے سیکرٹری تجارت کے درمیان نئی دہلی میں ہوگا، زرائع کے مطابق مذاکرات کی حتمی تاریخ پندرہ اور سولہ جنوری طے پائی ہے۔

    حکام کا کہناہے کہ بات چیت وہیں سے شروع کی جائیگی جہاں ختم ہوئی تھی، مذاکرات میں بھارت کوپسندیدہ تجارتی ملک قراردینے اور واہگہ باڈر پر بھارتی مصنوعات سہولیات فراہم کرنے جیسے اعلانات متوقع ہیں، پاکستان اوربھارت کے درمیان آخری بارتجارتی مذاکرات ستمبر دوہزار بارہ میں ہوئے تھے۔ پاکستان اور بھارت کے درمیان باہمی تجارت کا حجم دو ارب ساٹھ کروڑ ڈالر سے زائد ہے۔
       

  • ایم کیو ایم کا کھرا سچ کے اینکر پرسن مبشر لقمان کے خلاف احتجاجی مظاہرہ

    ایم کیو ایم کا کھرا سچ کے اینکر پرسن مبشر لقمان کے خلاف احتجاجی مظاہرہ

    ایم کیو ایم نے اے آروائی نیوز اور پروگرام کھرا سچ کے اینکر پرسن مبشر لقمان کے خلاف زیب النسا اسٹریٹ پر احتجاجی مظاہرہ کیا، مظاہرے میں کارکنان اور ایم کیو ایم اراکین رابطہ کمیٹی نے شرکت کی۔

    مظاہرین سے خطاب میں رکن رابطہ کمیٹی حیدر عباس رضوی کا کہنا تھا کہ ایم کیو ایم میڈٰیا کی آزادی اور غیرجانبداری کی حمایت کرتی ہے لیکن میڈٰیا کو آزادی کے ساتھ ساتھ ذمے داری کا بھی احساس ہونا چاہئے۔

    انہوں نے کہا کہ پروگرام کھرا سچ میں ایک خاص پالیسی کے تحت متحدہ قومی موومنٹ اور الطاف حسین اور اب مہاجر قوم کے خلاف ہتک آمیز رویہ اختیار کیا جارہا ہے جو قابل مذمت ہے۔