یوراگوئےکے معروف کھلاڑی سیبسٹین آریسو میں کینسر کی تشخیص کے بعد فٹبال کلب نے معاہدے سے دستبرداری کا اعلان کر دیا۔
یوروگوئے میں اولمپیا فٹبال کلب کی انتظامیہ سے شکوہ کرتے ہوئے سیبسٹین آریسوں کا کہنا تھا کہ مشکل وقت میں نہ صرف کلب نے ان کی خدمات کو فراموش کیا بلکہ معاہدے کی منسوخی پر تین ماہ کی ملنے والی اضافی تنخواہ کو بھی روک لیا ہے۔
اولمپیا فٹبال کلب کی انتظامیہ کا کہنا ہے کہ معاہدہ عارضی طور منسوخ کیا گیا ہے اور دفاعی کھلاڑی کی صحتیابی کے بعد دوبارہ بحال کردیا جائے گا۔
مغربی یمن کےصوبےامران میں دوگروپوں کےدرمیان جھڑپ میں سترہ افراد جاں بحق اور متعدد زخمی ہو گئے، سیکورٹی حکام کےمطابق یمن کی صورتحال پرفوری قابوپانےکیلئے صدر عابدمنصورہادی کیجانب سے وفد بھیجنے کی توقع کی جا رہی ہے۔
یمن میں سیکورٹی اہلکاروں کے خلاف حملے خاص کر ملک کے جنوب اور مشرق میں گذشتہ کئی ماہ جاری ہیں۔یمن میں جاری پرتشددکارروائیوں کی وجہ سے حالیہ واقعات پرعالمی طاقتوں نے تشویش کا اظہار کیا ہے یمن کا شمار عرب دنیا کے انتہائی غریب ملک میں ہوتا ہے۔ یمنی کے عوام کی چالیس فیصد دو امریکی ڈالرکماتے ہیں۔
عراقی صوبے الانبار میں گھمسان کا رن، باغیوں نے فلوجہ شہر پر کنٹرول حاصل کر لیا۔ آٹھ ہلاک اور درجنوں زخمی ہوگئے۔
غیر ملکی خبر ر ساں ادارے کے مطابق رمادی اور دیگر شہروں میں باغیوں اور سیکورٹی فورسز میں شدید لڑائی جاری ہے۔ آٹھ افراد کے ہلاک اور تیس سے زائد افراد کے زخمی ہونے کی اطلاعات ہیں۔
عراقی شہر رمادی میں لڑائی اس وقت شروع ہوئی جب سیکیورٹی فورسز نے حکومت کے خلاف قائم احتجاجی کیمپوں پر دھاوا بول کر کئی افراد کو قتل اور متعددمظاہرین کو گرفتار کرلیا تھا۔
دوسری طرف اقوام متحدہ نے اپنی رپورٹ میں کہاہے کہ عراق میںگزشتہ سال کے دورانسات ہزار اآتھ سو زائد عام شہری پرتشدد واقعات میں مارے گئےہیں۔
کمبوڈیا میں حکومت کے خلاف مطاہرے خون ریز تصادم میں تبدیل ہوگئے، پولیس سے تصادم میں تین افراد ہلاک متعدد زخمی ہو گئے۔
غیر ملکی میڈیا کے مطابق کمبوڈیا میں فیکٹری ملازمین کا تنخوا ہ بڑھانے کے لئے کیاجانے والا احتجاج اس وقت خونریز تصادم میں تبدیل ہوگیا، جب ملٹری پولیس نے مظاہرین پر فائر کھول دیا جس سے کم از کم تین افراد ہلاک اور کئی زخمی ہوگئے۔
جس کے جواب میں مظاہرین نے پتھروں، بوتلوں اور دیگر چیزوں سے سیکیورٹی اہلکاروں پر حملہ کیا۔ کمبوڈیاکی اپوزیشن جماعت نےپرامن مظاہرین پر حملہ کرنے والوں کے تعین کے لیے انکوائری کمیٹی کی تشکیل کا مطالبہ کر دیا۔
ترکی کے وزیر اعظم طیب اردگان نے عدلیہ پر الزام عائد کرتے ہوئے کہا ہے کہ عدلیہ بدعنوانی میں نامزد کرنے اورحکومت کے خلاف سازشوں میں ملوث ہے۔
ترک وزیراعظم طیب اردغان نے میڈیا کوبیان دیتے ہوئے کہا کہ عدلیہ حکومت اور عوام کی خودمختاری کے خلاف سازشوں میں ملک دشنموں کا ساتھ دے رہی ہے۔
ان کا کہنا تھا کہ انہیں ان کے اہم مخالف فتح اللہ کی جانب سے مفاہمت کرنے کا خط موصول ہوا ہے ۔طیب اردگان نے فتح اللہ کو امریکی کٹھ پتلی قرار دیتے ہوئے کہا کہ فتح اللہ اور عدلیہ مل کر ملک میں عدم استحکام پیداکرنے کی کوشش کررہی ہیں، یاد رہے کہ بدعنوانی کے الزام میں وفاقی وزرا کے ملوث ہونے کے بعد طیب اردگان کو مشکلات کا سامنا ہے۔
بھارت کے مغربی شہر گوا میں ایک تین منزلہ زیرتعمیر عمارت گرنے سے چودہ افراد ہلاک اور متعدد زخمی ہوگئے، عمارت کے گرنے کی اطلاع ملتے ہی امدادی کارروائیاں شروع کر دی گئی جبکہ زخمی افراد کو فوری طور پر اسپتال بھیج دیا گیا، حادثے کے وقت عمارت میں تقریباً پچاس مزدور کام کر رہے تھے۔
گوا کے وزیر اعلیٰ نے واقعے کی تحقیقات کا حکم دےدیا ہے اور حادثے میں زخمی ہونے والے تمام افراد کے علاج کیلئے انتظامیہ کوہدایت جاری کر دی ہیں، دوسری جانب ریسکیو حکام نے ہلاکتوں میں اضافے کا خدشہ ظاہر کیا ہے، یادرہے کہ بھارت کے شہروں میں غیر قانونی تعمیرات میں اضافے کی وجہ سے سستے گھروں کی تعمیرات میں اکثر غیر معیاری اور ناقص طریقے استعمال کئے جاتے ہیں۔
یورپی ممالک میں دریاؤں کی سطح میں اضافے کے باعث شدید سیلاب لاکھوں افراد متاثرہونے سے ہنگامی صورتحال،حکام نے ریڈ الرٹ جاری کردیا۔
بیلجئیم، برطانیہ اور برٹنی کے ساحلی علاقوں میں سیلاب کے نتیجے املاک کوبڑےپیمانے پر نقصان پہنچا ہے۔
حکام کا کہنا ہےکہ نقصان کا تخمینہ لگانے میں ایک ہفتہ لگ سکتا ہے جبکہ سیلابی علاقوں میں پھنسے ہزاروں افراد بجلی سے تاحال محروم ہیں۔
حالیہ بارشوں کے باعث دریاؤں کی سطح میں اضافہ اور طوفانی ہوائیں سیلاب کا باعث بنی ہیں۔
برطانوی حکومت کی جانب سے پندرہ سو امدادی رضا کاروں کو معطل کیا گیا تھا جس کے باعث امدادی کارروائیوں میں تاخیر ہونے کی وجہ سے حکومت کو تنقید کا نشانہ بنایا جارہا ہے۔
مقبوضہ کشمیر میں بھارتی ناجائز قبضہ اور انسانیت سوز مظالم کے خلاف ،آزاد کشمیر ،مقبوضہ وادی اور پاکستان سمیت دنیا بھر میں آج کشمیری یوم حق خودارادیت منا رہے ہیں.
ستم شعار سے تجھ کو چھڑائیں گے اک دن میرے وطن تیری جنت میں آئیں گے اک دن پانچ جنوری انیس سو انچاس کو اقوام متحدہ میں کشمیریوں کوحق خوداردیت دینے کے لیے قرارداد منظور کی گئی تھی، لیکن بھارت نے ان قرادادوں پر برسوں بعد بھی عمل نہیں کیا ۔آزادی تو دور کی بات بھارت نے مقبوضہ کشمیر میں انسانیت سوز مظالم ڈھائے۔جبکہ ستائیس ستمبر دوہزار تیرہ کو اقوام متحدہ کی جنرل اسمبلی کے اجلاس میں وزیر اعظم پاکستان نے مسئلہ کشمیر کو اقوام متحدہ کی قرادودوں کے مطابق حل کرنے کا مطالبہ کرتے ہوئے کشمیریوں کی ترجمانی کی۔
وزیر اعظم کشمیری عوام کا یوم خودارادیت منانے کا مقصد بھارتی مظالم کو دنیا کے سامنے بے نقاب کرنا ہے۔ بھارت نے اقوام متحدہ کی قرادادوں کی پامالی کرتے ہوئے کشمیریوں کو ان کے بنیادی حق سے محروم کر کے ان کے حق خودارادیت کی تحریک کو مزید تیز کر دیا ہے، شاہ محمود قریشی مشرقی تیمور اور جنوبی سوڈان کے لوگوں کو تو ان کا حق کوخودارادیت مل گیا ہے لیکن کشمیریوں کو ابھی تک اس حق سے محروم رکھا گیا ہے، اقوام متحدہ کو کشمیریوں کے مطالبہ پورا کر کے اپنی غیر جانبداری کا ثبوت دینا ہوگا۔
اسٹیٹ بینک نے بینکوں اورمالیاتی اداروں پرہاؤسنگ سیکٹرمیں قرضے جاری کرنےکی حد مقررکردی۔
اسٹیٹ بینک نے ہاؤسنگ سیکٹر کیلئے پہلی بار قرضوں کی حد مقرر کردی ہے۔ بینکس اورترقیاتی مالیاتی ادارے ہاؤسنگ سیکٹر کو اپنے اثاثوں کا دس فیصد سے زائد قرضےنہیں دے سکیں گے۔
اس سے قبل کوئی حد مقرر نہیں تھی۔ اسٹیٹ بینک نے رئیل اسٹیٹ سیکٹر کیلئے ایکسپوژر لمٹ کا سرکلر نمبر بی پی آر ڈی جاری کردیا ہے۔۔ اِدھرایسوسی ایشن آف بلڈرز اینڈ ڈویلپرزنے اسٹیٹ بینک کے اس اقدام کو ہاؤسنگ انڈسٹری کیلئے نقصان قرار دیا ہے۔
بینکنگ انڈسٹری کے ذرائع کے مطابق اسٹیٹ بینک نے بڑھتے ہوئے غیرفعال قرضوں کو کنٹرول کرنے کیلئے یہ فیصلہ کیا ہے۔ ہاؤسنگ سیکٹر میں ڈوبے ہوئے قرضوں کا حجم 45 ارب روپے تک پہنچ گیا ہے
وزیر اعلی بلوچستان ڈاکٹر عبدالمالک بلوچ نے اختر دھماکے میں زخمیوں کو بروقت ہسپتال منتقل کرنے والے پولیس اہلکاروں کے لئے نقد انعام کا اعلان کیا ہے۔
کوئٹہ میں سی ایم ایچ کے دورے اور دھماکے کے زخمیوں کی عیادت کے موقع پر گفتگو کرتے ہوئے وزیر اعلی بلوچستان ڈاکٹر عبدالمالک بلوچ کا کہنا تھا کہ پولیس اہلکاروں نے خود زخمی ہونے کے باوجود جس دلیری سے دھماکے کے زخمیوں کو ہسپتال منتقل کیا وہ لائق تحسین اقدام ہے۔
انہوں نے پولیس اہلکاروں کے لئے نقد انعامی رقم کا اعلان کیا اور کہا کہ زخمیوں کو طبی سہولیات کی فراہمی میں کوئی کسر باقی نہیں چھوڑی جائے گی ،ا س موقع پر انہو ں نے صوبائی وزیر نواب ایاز خان جوگیزئی کے ہمراہ ہسپتال کے مختلف وارڈز میں داخل زخمیوں کی عیادت کی اور انہیں ہر ممکن تعاون کی یقین دہانی کروائی۔