Author: قیصر کامران صدیقی

بہاولنگر غیرت کے نام پر باپ نے پانچ سالہ بیٹی اور بیوی کو ساتھی کی مدد سے بے دردی سے قتل کر دیا پولیس نے ملزم کو گرفتار کر لیا۔

تھانہ صدر کے علاقے چک گروسر میں ندیم نامی نوجوان نے غیرت کے نام پر اپنے ساتھی ملزم کی مدد سے پانچ سالہ معصوم بیٹی ساجدہ اور بیوی خورشیدہ بی بی کو وحشیانہ طور پر تشدد کر کےقتل کر دیا۔

واقعہ کی اطلاع ملتے ہی تھانہ صدر پولیس موقع پر پہنچ گئی اور لاشوں کو اپنی تحویل کر لیکر پوسٹ مارٹم کے لئے ڈسٹر کٹ اسپتال منتقل کر دیا پولیس نے بروقت کاروائی کرتے ہوئے قاتل ملزم ندیم کو گرفتار کر کے کاروائی شروع کردی ہے۔
   

فیصل آباد کے علاقے کھرڑے والا میں سخت سردی نے دو کم سن بچوں کی جان لے لی۔

محنت کش مزدور اظہرکے بچوں نے سردی کا مقابہ کرنے کےلئے چولہا جلانے کی کوشش کی۔چولہے سے ایسی آگ بھڑکی کہ منٹوں میں جھونپڑی کو اپنی لپیٹ میں لے لیا۔

آتشزدگی کے افسوسناک واقعے میں آٹھ سالہ اعجاز اوردس سالہ شہزاد جھلس کر جاں بحق ہو گئے۔

جبکہ محنت کش مزدوراظہربچوں کو بانے کی کوشش میں بری طرح جھلس کرشدیدزخمی ہوگیا، اظہرنے بتایا کہ بچوں نے خود کو سردی کی شدت سے محفوظ رکھنے ےلئے چولہا جلایاتھا۔
   

وہاڑی میں اسکول وین فرید ایکسپریس کی زد میں آ گئی جس کے نتیجے میں تین خواتین ٹیچرز جاں بحق اور ڈرائیور سمیت چھ افراد شدید زخمی ہو گئے ہیں۔

وہاڑی کے قریب بغیر پھاٹک دانیوال ریلوے کراسنگ پر اسکول وین فرید ایکسپریس کی زد میں آ گئی،جس کے نتیجے میں دو خواتین ٹیچرز جاں بحق اور ڈرائیور سمیت چھ افراد زخمی ہو گئے۔

حادثےکا شکار ہونے والی وین میں وہاڑی شہر کی رہائشی خواتین ٹیچرز خانیوال روڈ کے مختلف دیہات میں واقع اسکولز میں اپنی ڈیوٹی ختم کر کے واپس جا رہی تھیں۔

ریسکیو ون ون ٹو ٹو کی ٹیم نے زخمیوں کو فوری طور پر ڈی ایچ کیو اسپتال پہنچایا جہاں زخموں کی تاب نہ لاتے ہوئے ایک اور ٹیچر جاں بحق ہوگئی جبکہ دو زخمیوں کو نشتر اسپتال ملتان ریفر کردیا گیا ہے ۔