Author: رافع حسین

متحدہ قومی موومنٹ پاکستان کے چیئرمین اور وفاقی وزیر خالد مقبول صدیقی نے کراچی اور حیدرآباد سے متعلق بڑی خوشخبری سنا دی۔

اے آر وائی نیوز کے مطابق متحدہ قومی موومنٹ پاکستان کے چیئرمین اور وفاقی وزیر خالد مقبول صدیقی کی سربراہی میں پارٹی اجلاس ہوا۔ اجلاس میں مرکزی کمیٹی کے ارکان، ایم کیو ایم سینیٹرز اور اراکین قومی وصوبائی اسمبلی نے شرکت کی، جس میں شہری سندھ کے لیے ترقیاتی پیکجز اور عوامی مسائل کے حل کے حوالے سے تبادلہ خیال کیا گیا۔

خالد مقبول نے اراکین کو خوشخبری دی کہ آئندہ مالی سال میں کراچی کے لیے 25 ارب جب کہ حیدرآباد کے لیے 10 ارب روپے کے ترقیاتی پیکیج آ رہے ہیں۔

ایم کیو ایم چیئرمین نے کہا کہ وفاق سے ترقیاتی منصوبوںکی تکمیل سمیت دیگر عوامی منصوبوں پر گفتگو جاری ہے۔ وسائل اور اختیارات کی بندر بانٹ کے باعث مشکلات ہیں۔

خالد مقبول صدیقی نے کہا کہ پانی، بجلی اور گیس کی عدم دستیابی پر اراکین اسمبلی اپنے حلقے کے عوام کے ساتھ رابطے میں رہیں اور اگر احتجاج کی ضرورت پڑے تو اس کا بھی حصہ بنیں اور عوامی نمائندے روزانہ کی بنیاد پر بہادر آباد مرکز پر اپنی موجودگی یقینی بنا کر عوامی مسائل حل کریں۔

ایم کیو ایم کے سینئر رہنما ڈاکٹر فاروق ستار نے کہا کہ اراکین اسمبلی وفاقی شیڈو بجٹ سے متعلق تجاویز پیش کریں اور عوامی ذمہ داریوں پر توجہ دیں۔

کراچی: شہر قائد میں کئی مقامات پر سے غیر قانونی طور پر قائم ہونے والی مویشی منڈیاں ختم کر دی گئیں۔

تفصیلات کے مطابق کراچی میں جا بہ جا مختلف جگہوں پر غیر قانونی مویشی منڈیوں کے قیام پر ڈپٹی کمشنر ضلع وسطی نے نوٹس لے کر ان منڈیوں کے خلاف کریک ڈاؤن کیا ہے۔

ضلع وسطی میں پیالہ ہوٹل، سیون ڈی اسٹاپ پر مویشی منڈیاں ختم کر دی گئیں، پیپلز چورنگی، نارتھ ناظم آباد بلاک کے، بلاک آئی اور شپ اونر چورنگی سے بھی غیر قانونی مویشی منڈی کا خاتمہ کر دیا گیا ہے۔

ڈپٹی کمشنر وسطی طحہ سلیم کے مطابق کمشنر کراچی نے شہر میں غیر قانونی منڈیوں کے خلاف دفعہ 144 لگا رکھی ہے، عوام کی جانب سے شکایات موصول ہوئی تھیں جن پر ان غیر قانونی موبائل مویشی منڈیوں کے خلاف کارروائی کی گئی۔

‘دبنگ’ نامی 35 من وزنی بچھڑے کی دھوم مچ گئی، ویڈیو ملاحظہ کریں

ان کا کہنا تھا کہ دفعہ 144 کے تحت پولیس کے اختیارات ہیں کہ وہ ان کے خلاف فوری کارروائی کریں، انتظامیہ کی جانب سے صرف 14 آفیشل مقامات پر مویشی منڈی لگانے کی اجازت ہے۔

واضح رہے کہ نادرن بائی پاس پر واقع ایشیا کی سب سے بڑی مویشی منڈی میں ملک کے طول و عرض سے اعلیٰ نسل کے قربانی کے جانور لائے گئے ہیں، جہاں قربانی کے جانوروں کی قیمتیں اس وقت بلند ترین سطح پر ہیں، بیوپاری کہتے ہیں کہ اس منڈی کی خاصیت یہ ہے کہ یہاں 10 لاکھ سے لے کر 40 لاکھ تک کا جانورو بھی فروخت ہو جاتا ہے۔

ایشیا کی سب سے بڑی مویشی منڈی 12 سو ایکڑ پر محیط ہے جہاں اب تک 3 لاکھ سے زائد جانور لائے جا چکے ہیں اور فروخت کیے جانے والے قربانی کے جانوروں کی تعداد 1 لاکھ سے زائد ہے۔ ملتان، ساہیوال، گجرات سمیت اندرون سندھ اور بلوچستان کے بیوپاری بھی کراچی کی مویشی منڈی کو ترجیح دیتے ہیں۔