Author: راجہ محسن اعجاز

اسلام آباد : پنجاب الیکشن ٹریبونلز کیس میں جسٹس جمال مندوخیل کا 3 صفحات کا اضافی نوٹ سامنے آگیا۔

تفصیلات کے مطابق سپریم کورٹ نے پنجاب الیکشن ٹریبونلز کیس کاتحریری فیصلہ جاری کردیا ، چیف جسٹس قاضی فائز عیسیٰ نے 11 صفحات پر مشتمل فیصلہ تحریر کیا۔

جس میں کہا کہ الیکشن ٹریبونلزکی تشکیل کالاہورہائیکورٹ کا فیصلہ کالعدم قرار دیتےہیں، الیکشن کمیشن وکیل کےمطابق ہائیکورٹ نے الیکشن ایکٹ کی دفعات کی غلط تشریح کی، الیکشن کمیشن مطابق ہائیکورٹ نے آئین میں ترمیم سے پہلے کے فیصلوں پرانحصار کیا۔

فیصلے میں کہا گیا کہ الیکشن کمیشن آئینی ادارہ ہے،ہائیکورٹ کےچیف جسٹس بھی آئینی دفترکا رکھوالاہے، الیکشن کمیشن اورہائیکورٹ کےچیف جسٹس کا بہت احترام ہے، دونوں فریقین میں اگر براہ راست ملاقات وقوع پذیرہوتی تو معاملات اس نہج پر نہ پہنچتے۔

سپریم کورٹ کا کہنا تھا کہ الیکشن کمیشن کے مطابق چیف جسٹس لاہور ہائیکورٹ سےبامعنی مذاکرات ہوئے، چیف جسٹس اور الیکشن کمیشن کے مابین اتفاق ہو گیا ہے، الیکشن کمیشن اور چیف جسٹس میں معاملہ حل ہوگیا، کیس کےفیصلے کی ضرورت نہیں۔

فیصلے کے مطابق چیف جسٹس لاہور ہائیکورٹ اور الیکشن کمیشن کے کردار کو سراہتے ہیں، ہائی کورٹ نے الیکشن کمیشن اور چیف جسٹس کے مذاکرات کافقدان ملحوظ خاطر نہ رکھا، اگر ہائیکورٹ کے جج مذاکرات کے فقدان کو ملحوظ رکھتےتو یہ فیصلہ ہی نہ جاری کرتے، ہائیکورٹ کا فیصلہ کالعدم قرار دیا جاتا ہے،الیکشن کمیشن کی اپیلیں منظور کی جاتی ہیں۔

تحریری فیصلے میں جسٹس جمال مندوخیل کا 3 صفحات کا اضافی نوٹ بھی شامل ہیں ، جس میں کہا کہ سیکشن 140الیکشن کمیشن کو ججز پینل طلب کرنےکااختیار نہیں دیتا، مقننہ کی اس قانون میں سوچ واضح ہے، مقننہ نے الیکشن کمیشن کو ججز کاپینل مانگنے اور ان انتخاب کااختیار نہیں دیا۔

جسٹس جمال مندوخیل کا کہنا تھا کہ الیکشن کمیشن کوہر جج پر اعتماد کرنا چاہیے، الیکشن کمیشن ایک ٹریبونل کیلئےایک ہی جج کے نام کا مطالبہ کرسکتا ہے ، الیکشن کمیشن ایک آئینی ادارہ اور ججز آئینی عہدیدار ہیں۔

اضافی نوٹ میں کہا گیا کہ ہرمعاملے میں الیکشن کمیشن اورججز کو ایک دوسرے کا احترام کرنا چاہیے، الیکشن کمیشن اورہائیکورٹ ججز کے درمیان باقاعدہ مشاورت نہیں ہوئی ، چیف جسٹس ہائیکورٹ اورکمیشن کی مشاورت کا نتیجہ ہمارے سامنے اتفاق کی صورت میں آیا۔

جسٹس جمال نے کہا کہ امید ہےاب الیکشن کمیشن ٹربیونلزتشکیل کیلئے اقدامات کرےگا، امید ہے الیکشن ٹریبونلز قانون کی دی گئی مہلت میں فیصلے ہوں گے۔

اسلام آباد : چیف جسٹس قاضی فائز عیسیٰ نے جسٹس منیب اختر کے خط کو عدالتی کارروائی کے ریکارڈ کا حصہ بنانے سے انکار کردیا اور کہا ایسے خط کو عدالتی ریکارڈ کا حصہ بنانے کی روایت نہیں ہے۔

تفصیلات کے مطابق چیف جسٹس قاضی فائز عیسیٰ نے جسٹس منیب اختر کے خط کو عدالتی کارروائی کےریکارڈکاحصہ بنانے سے انکار کرتے ہوئے کہا کہ سپریم کورٹ آرٹیکل 63 اے نظر ثانی کیس پر مزید سماعت کل کرے گی۔

چیف جسٹس کا کہنا ہے کہ یہ ایک اہم آئینی معاملہ ہے ، یہ مقدمہ حکومتی معاملات کو متاثر کرتا ہے ، کسی جج کو کسی مقدمات کی سماعت کیلئےزورنہیں دیا جا سکتا، آج کی تکلیف کےلئے سب سے معذرت خواہ ہوں۔

چیف جسٹس پاکستان کا کہنا تھا کہ ایسے خط کو عدالتی ریکارڈ کا حصہ بنانے کی روایت نہیں ہے، جسٹس منیب کا خط عدالتی فائل کا حصہ نہیں بن سکتا، مناسب ہوتا جسٹس منیب بینچ میں آکر اپنی رائے دیتے۔

انھوں نے مزید کہا کہ میں نے اختلافی رائے کو ہمیشہ حوصلہ افزائی کی ہے، نظر ثانی کیس 2سال سے زائد عرصہ سے زیر التواہے، جج کا مقدمہ سننے سے انکار عدالت میں ہوتا ہے،چیف جسٹس

چیف جسٹس کا کہنا تھا کہ جسٹس منیب اختر رائے کا احترام ہے، کوشش کریں گے جسٹس منیب بینچ میں شامل ہو۔

جسٹس قاضی فائز عیسیٰ نے بتایا کہ جسٹس منیب اختر نے خط کیا فائل میں رکھنے کا لکھا ہے، میرے حساب سے ججز کے خطوط فائل کا حصہ نہیں ہوتے،شفافیت کے تقاضےکو مدنظر رکھتے ہوئے جسٹس منیب کوبینچ کا حصہ بنایا، اکثریتی فیصلہ دینے والے دو ججز ریٹائر ہوچکے ہیں۔

ان کا کہنا تھا کہ جسٹس منیب اختر نے رجسٹرار سپریم کورٹ کو خط لکھا ہے، خط کے مطابق جسٹس منیب اختر فی الوقت بینچ کا حصہ نہیں بن سکتے، وہ کہتے ہیں ان کے خط کو سماعت سےمعذرت نہ سمجھاجائے، بینچ سے الگ ہونا ہو تو عدالت میں آ کر بتایا جاتا ہے، جسٹس منیب اختر کو منانے کی کوشش کرتے ہیں، وہ راضی نہ ہوئے تو کل نیا بینچ سماعت کرے گا۔

خیال رہے سپریم کورٹ کے جج جسٹس منیب اختر نے رجسٹرار کو خط میں کہا تھا کہ پریکٹس اینڈپروسیجر کمیٹی نےبینچ تشکیل دیا ہے، کمیٹی کےتشکیل کردہ بینچ کا حصہ نہیں سکتا، بینچ میں بیٹھنے سے انکار نہیں کررہا، بینچ میں شامل نہ ہونے کا غلط مطلب نہ لیاجائے، میرے خط کو نظر ثانی کیس کےریکارڈکاحصہ بنایا جائے۔