Author: راجہ محسن اعجاز

اسلام آباد : سپریم کورٹ میں مجوزہ آئینی ترامیم کالعدم قرار دینےکی درخواست دائر کردی گئی، جس میں استدعا کی گئی کہ وفاقی حکومت کو ترامیم سے روکا جائے۔

تفصیلات کے مطابق مجوزہ آئینی ترامیم کالعدم قرار دینے کی درخواست دائر کردی گئی ، سپریم کورٹ میں درخواست عابد زبیری،شفقت محمود،شہاب سرکی اوردیگرکی جانب سےدائرکی گئی۔

درخواست میں وفاق،چاروں صوبوں،قومی اسمبلی، سینیٹ و دیگر کو فریق بنایا گیاہے اور استدعا کی گئی کہ ترامیم کو غیر آئینی قرار دیا جائے اور وفاقی حکومت کو ترامیم سے روکا جائے۔

درخواست میں یہ بھی استدعا کی گئی کہ آئینی ترمیم کے بل کو پیش کرنے کے عمل کو بھی روکا جائے اور ترامیم کواختیارات کی تقسیم،عدلیہ کی آزادی کیخلاف قراردیاجائے۔

درخواست میں کہا گیا کہ عدلیہ کی آزادی،اختیارات اور عدالتی امور کو مقدس قرار دیا جائے، پارلیمنٹ عدلیہ کے اختیارکو واپس یا عدالتی اختیارات میں ٹمپرنگ نہیں کر سکتی۔

درخواست میں استدعا  کی کہ پارلیمنٹ اگر آئینی ترامیم کرلے تو صدر کو دستخط کرنے سےروکا جائے۔

اسلام آباد : چیف جسٹس قاضی فائزعیسیٰ نے مدت ملازمت میں توسیع لینے سے انکار کردیا اور کہا باقی تمام ججوں کی مدت ملازمت میں توسیع کر بھی دیں تب بھی میں قبول نہیں کروں گا۔

تفصیلات کے مطابق چیف جسٹس قاضی فائزعیسیٰ نے نئے عدالتی سال کے موقع پر صحافیوں سے گفتگو کی ، صحافی نے سوال کیا راناثنانےکہاتمام ججزکی عمربڑھا دی جائےتوآپ بھی توسیع لینےپرمتفق ہیں تو چیف جسٹس کا کہنا تھا کہ راناثنااللہ صاحب کومیرےسامنےلےآئیں۔

جسٹس قاضی فائزعیسیٰ نے بتایا کہ ایک میٹنگ میں اعظم نذیرتارڑسےبات ہوئی تھی، میٹنگ میں جسٹس منصور علی شاہ اور اٹارنی جنرل بھی موجودتھے، اس میٹنگ میں راناثنااللہ نہیں تھے۔

ان کا کہنا تھا کہ میٹنگ میں وزیرقانون نےکہا تمام چیف جسٹس کی مدت ملازمت میں توسیع کررہےہیں تو میں نے کہا باقی تمام ججزکی مدت ملازمت بڑھا دیں میں قبول نہیں کروں گا، مجھے تو یہ نہیں پتہ کہ کل میں زندہ رہوں گابھی یانہیں۔

صحافی نے سوال کیا کہ 6ججزکےخط کامعاملہ سماعت کےلئےمقررکیوں نہیں ہورہا؟ تو جسٹس قاضی فائز عیسیٰ نے بتایا کہ  6ججزکاخط سماعت کےلئےکمیٹی نےمقررکرناہے، جسٹس مسرت ہلالی کی طبیعت خراب تھی اس وجہ سےبینچ نہیں بن پارہاتھا۔