Author: راجہ محسن اعجاز

اسلام آباد : چیف جسٹس یحییٰ آفریدی ہانگژوچین میں ہونے والی 20 ویں ایس سی او چیف جسٹسز کانفرنس میں شرکت کریں گے۔

تفصیلات کے مطابق چیف جسٹس یحییٰ آفریدی 20 ویں ایس سی او چیف جسٹسز کانفرنس میں شرکت کریں گے، کانفرنس 22 سے 26 اپریل تک ہانگژوچین میں منعقد ہوگی۔

ترجمان سپریم کورٹ نے کہا کہ چیف جسٹس یحییٰ آفریدی ایک اعلیٰ سطح وفد کی قیادت کریں گے، وفد میں جسٹس امین الدین خان، جسٹس شاہد وحید شامل ہوں گے جبکہ گوادر سے ڈسٹرکٹ اینڈ سیشن جج ظفر جان ، لکی مروت سے سینئر سول جج نادیہ گل وزیر وفد میں شامل ہوں گی۔

ترجمان کا کہنا تھا کہ دور دراز علاقوں کے ججز کی شمولیت عدالتی شمولیت پسندی کی عکاس ہے، سپریم کورٹ پاکستان اور سپریم پیپلز کورٹ چین کے درمیان تاریخی ایم او یو پر دستخط ہوں گے،ایم او یو سے عدالتی روابط، تربیت، معلومات کے تبادلے میں پیشرفت ہوگی۔

اعلی عدلیہ کے ترجمان نے کہا کہ ایم او یو میں بین الاقوامی کمرشل لا، ثالثی، سائبر کرائم، مالیاتی جرائم شامل ہوں گے، موسمیاتی تبدیلی، عدالتی ٹیکنالوجی اور تنازعات کے حل میں تعاون شامل ہوگا جبکہ عدالتی فیصلوں کے نفاذ اور شہری مقدمات میں باہمی قانونی معاونت کا نظام بہتر ہوگا، دونوں ممالک عدالتی خودمختاری اور قانون کی حکمرانی کے اصولوں پر کاربند ہیں۔

جسٹس شاہد وحید کانفرنس میں کلیدی خطاب کریں گے، خطاب کا موضوع ‘عدالتی نظام میں آرٹیفیشل انٹیلی جنس کا استعمال’ ہوگا، پاکستان میں آرٹیفیشل انٹیلی سے متعلق اقدامات اور منصوبے بھی پیش کیے جائیں گے

ای ٹی ایچ زیورخ اور دیگر اداروں سےآرٹیفیشل انٹیلی پر عالمی اشتراک کا ذکر کیا جائے گا اور عدالتی ریکارڈ کی ڈیجیٹائزیشن اور قانونی تحقیق میں آرٹیفیشل انٹیلی کا استعمال اجاگر کیا جائے گا ساتھ ہی آرٹیفیشل انٹیلی میں شفافیت، نگرانی، ڈیٹا سیکیورٹی اور تربیت کے اخلاقی اصول بیان کیے جائیں گے اور سپریم کورٹ میں آرٹیفیشل انٹیلی ایپلی کیشن کی نگرانی کیلئے اخلاقی کمیٹی کے قیام کی تجویز دی جائے گی۔

چیف جسٹس یحییٰ آفریدی ایرانی چیف جسٹس سے دو طرفہ عدالتی تعاون پر بات چیت کریں گے،ایرانی عدلیہ سے روابط پاکستان کے عالمی عدالتی تعاون کے عزم کا ثبوت ہیں۔

چیف جسٹس یحییٰ آفریدی 63ویں یوم تاسیس پر ترک آئینی عدالت کی دعوت پر استنبول جائیں گے، ترکیہ کا دورہ دونوں ممالک کے عدالتی اداروں میں شراکت داری کو فروغ دے گا، سپریم کورٹ ان روابط کو عدالتی بہتری اور انصاف تک رسائی میں سنگ میل سمجھتی ہے۔

اسلام آباد : سپریم کورٹ نے مصنوعی ذہانت کے استعمال پر گائیڈ لائنز تیار کرنے کی سفارش کردی۔

تفصیلات کے مطابق عدالتی نظام میں آرٹیفشل انٹیلی جنس کے استعمال پر اہم فیصلہ جاری کردیا گیا ، جسٹس منصور علی شاہ نے 18 صفحات پرمشتمل فیصلہ جاری کیا۔

سپریم کورٹ نے مصنوعی ذہانت کےاستعمال پر گائیڈ لائنز تیار کرنے کی سفارش کردی اور کہا چیٹ جی پی ٹی،ڈیپ سیک عدالتی استعداد کار بڑھا سکتے ہیں۔

فیصلے میں کہا گیا کہ دنیامیں کئی ججزکی جانب سےاےآئی استعمال سےفیصلوں میں معاونت کااعتراف کیاگیا، اے آئی کوفیصلہ لکھنےمیں ریسرچ اورڈرافٹ تیاری میں استعمال کیا جاسکتا ہے۔

عدالت کا کہنا تھا کہ اے آئی صرف معاون’’ٹول‘‘ہے،ایک جج کی فیصلہ سازی کامتبادل نہیں، اے آئی کوکسی صورت عدلیہ میں مکمل انسانی فیصلےکی خود مختاری کامتبادل نہیں ہوناچاہیے، فیصلہ

اے آئی صرف اسمارٹ قانونی ریسرچ میں سہولت کیلئے ہے، عدالتی اصلاحاتی کمیٹی اور لا اینڈ جسٹس کمیشن کو گائیڈ لائنز تیار کرنی چاہئیں اور گائیڈ لائنز میں طے کیا جائے جوڈیشل سسٹم میں اے آئی کا کتنا استعمال ہوگا۔

اسلام آباد: دفتر خارجہ کے ترجمان نے کہا ہے کہ پاکستان نے اقوام متحدہ کے انسانی حقوق کے ادارے کے ریمارکس کا نوٹس لیا ہے، احتجاج کرنے والے عام مظاہرین نہیں بلکہ دہشت گرد تنظیموں کے کارکن تھے۔

ترجمان نے آج جمعرات کو بریفنگ میں کہا کہ احتجاج کرنے والوں کی دہشت گردی کا بڑا ثبوت سول اسپتال کوئٹہ پر حملہ، اور دہشت گردوں کی لاشوں پر قبضہ ہے، یو این ادارے کی پریس ریلیز دہشت گردی کے خلاف سپورٹ کے برعکس، دہشت گردوں کو تقویت دیتی ہے۔

ترجمان نے کہا حکومت اپنے شہریوں کے جان و مال کے تحفظ کی پابند ہے، مذہبی، نسلی پس منظر سے قطع نظر حکومت شہریوں کے تحفظ کے لیے پرعزم ہے، اور دہشت گردوں اور ان کے ہمدردوں کے لیے کوئی رعایت نہیں۔

ترجمان نے بتایا کہ نائب وزیر اعظم کی ہدایت پر نمائندہ خصوصی محمد صادق نے کابل کا دورہ کیا، 21 مارچ کو محمد صادق کی افغان عبوری وزیر خارجہ و وزیر تجارت سے ملاقات ہوئی، پاکستان اور افغانستان نے اعلیٰ سطح پر رابطے برقرار رکھنے پر اتفاق کیا، پاکستان اور افغانستان کے درمیان سفارتی ذرائع سمیت کئی سطح پر جامع بات چیت ہوئی ہے، امریکا یا کسی بھی ملک کے ساتھ تعلقات افغانستان کا اپنا معاملہ ہے، بگرام ایئر بیس کے حوالے سے اطلاعات محض قیاس آرائیاں ہیں۔

گوادر : کوسٹل ہائی وے پر مسلح افراد نے 6 مسافروں کو قتل کردیا

دفتر خارجہ کے ترجمان نے کہا پاکستان روس اور یوکرین کے درمیان محدود جنگ بندی کا خیر مقدم کرتا ہے، امید ہے موجودہ اقدامات سے مستقل اور پائیدار جنگ بندی کی راہ ہموار ہوگی، ترجمان نے کہا پاکستان مقبوضہ کشمیر میں حریت قیادت کے گھروں پر چھاپوں کی شدید مذمت کرتا ہے۔

ترجمان نے کہا پاکستان امریکی ایوان نمائندگان میں متعارف بل سے آگاہ ہے، پاکستان آزادی اظہار، انسانی حقوق اور آئین پر عمل درآمد کرتا ہے، ایوان نمائندگان میں آنے والا بل ایک رکن کا بل ہے جسے ابھی کئی مراحل سے گزرنا ہے، پاکستان سمجھتا ہے کہ مجوزہ بل امریکی انتظامیہ کی پالیسی نہیں ہے۔

ترجمان نے کہا حکومت پاکستانی صحافیوں کے دورہ اسرائیل کی اطلاعات سے آگاہ ہے، پاکستان کا پاسپورٹ اسرائیل کے لیے کارآمد ہے نہ پاکستان اسرائیل کو تسلیم کرتا ہے، دہری شہریت کے حامل شہری کسی دوسرے پاسپورٹ پر سفر کر سکتے ہیں، تکنیکی طور پر پاکستانی پاسپورٹ پر اسرائیل کا سفر ممکن نہیں۔