Author: راجہ محسن اعجاز

اسلام آباد: پاکستانی ہائی کمشن نئی دہلی میں یوم پاکستان کی پروقار تقریب کا انعقاد کیا گیا، جس میں پاکستان کے ناظم الامور سعد احمد وڑائچ نے قومی پرچم لہرایا۔

نئی دہلی میں یوم پاکستان پر منعقدہ تقریب میں صدر مملکت آصف علی زرداری، وزیر اعظم شہباز شریف اور نائب وزیر اعظم اسحاق ڈار کے پیغامات پڑھ کر سنائے گئے، اور پاکستانی ناظم الامور نے اہل پاکستان اور پاکستان سے محبت کرنے والوں کو مبارک دی اور نیک تمناؤں کا اظہار کیا۔

سعد احمد وڑائچ نے کہا تاریخی لاہور قرارداد نے برصغیر کے مسلمانوں کے لیے ایک الگ وطن کا راستہ متعین کیا، ہم قائد اعظم اور علامہ محمد اقبال کی بصیرت افروز قیادت کو خراج عقیدت پیش کرتے ہیں۔

انھوں نے کہا قیام پاکستان سے اب تک عوام نے ہر محاذ پر اہم کامیابیاں حاصل کی ہیں، ایٹمی پاکستان کا دفاع ناقابل تسخیر ہے، پاکستان پرامن بقائے باہمی اور اجتماعی فلاح کے اصولوں پر یقین رکھتا ہے۔

جاپانی قائم مقام قونصل جنرل ناکاگاوا یاسوشی کی اردو میں قرارداد پاکستان کی مبارک باد کی ویڈیو

سعد احمد وڑائچ نے کہا کرتارپور راہداری کے معاہدے کی تجدید پاکستان کے سفارت کاری اور بات چیت سے مسائل کے حل کے عزم کی تصدیق ہے، علاقائی امن اور سلامتی کے لیے تعمیری روش ناگزیر ہے، ضد اور ہٹ دھرمی کا راستہ خطے کے لیے ایک روشن مستقبل کا پیش خیمہ ثابت نہیں ہو سکتا۔

ناظم الامور نے کشمیر کے حوالے سے کہا کہ جموں و کشمیر کے تنازعہ کا منصفانہ حل اقوام متحدہ کی قراردادوں اور کشمیری عوام کی خواہشات کے مطابق ضروری ہے۔

اسلام آباد: سپریم کورٹ آف پاکستان نے آئس کیس سے ڈسچارج شہری کو پولیس میں بھرتی کے لیے اہل قرار دے دیا۔

تفصیلات کے مطابق خیبر پختونخوا پولیس میں کانسٹیبل بھرتی کی درخواست مسترد ہونے کے خلاف درخواست پر سماعت کرتے ہوئے سپریم کورٹ نے ریمارکس دیے کہ ’’بریت کے بعد جرم کا داغ ملزم پر ہمیشہ نہیں رہ سکتا۔‘‘

ایڈووکیٹ جنرل کے پی نے حکومتی مؤقف کا دفاع کرتے ہوئے عدالت کو بتایا کہ ملزم پر 2021 میں انسداد دہشت گردی ایکٹ کے تحت آئس کا مقدمہ درج تھا، ملزم کا کردار ایسا نہیں کہ اس کو پولیس میں بھرتی کیا جا سکے۔

جسٹس منصور علی شاہ نے استفسار کیا کہ درخواست گزار نے 2023 میں درخواست دی ہے، تو کردار کیسے خراب ہو گیا؟ اے جی کے پی نے کہا درخواست گزار پر فوجداری مقدمہ تھا، ایسے میں پولیس رولز کے تحت اچھا کردارنہیں رہتا۔

پورٹل سے نوکری کیسے حاصل کریں؟ اہم تفصیلات جانیے

جسٹس اطہر من اللہ نے ریمارکس دیے ’’جب ایک شخص مقدمے سے ڈسچارج ہو گیا تو کیا اس کو سزا ساری زندگی ملے گی؟‘‘ جسٹس منصور علی شاہ نے کہا عجیب منطق ہے کسی شخص پر الزام ثابت نہ ہو تب بھی اہلیت پر شک کیا جائے گا، درخواست گزار کا جرم اتنا ہی بڑا تھا تو آپ نے تفتیشی مرحلے پر بری کیوں کیا؟

ایڈووکیٹ جنرل کے پی نے کہا بری ہم نے نہیں کیا بلکہ پراسیکیوشن ڈیپارٹمنٹ نے کیا ہے، جسٹس اطہر من اللہ نے پھر سوال دہرایا کہ کسی پر جھوٹا مقدمہ بنے اور وہ بری ہو تو کیا ساری زندگی سزا ملے گی؟

سپریم کورٹ نے درخواست گزار کی کانسٹیبل بھرتی کی درخواست منظور کر لی، اور اسے پولیس میں بھرتی کے لیے اہل قرار دے دیا، اس کیس کی سماعت جسٹس منصور علی شاہ کی سربراہی میں 2 رکنی بنچ نے کی، درخواست گزار داوڑ نے 2023 میں خیبرپختونخوا پولیس میں کانسٹیبل کے لیے اپلائی کیا تھا۔

اسلام آباد : سپریم کورٹ میں سپر ٹیکس کیس کی سماعت کرنے والا بینچ ٹوٹنے کے بعد عدالت نے کیس کی سماعت روزانہ کی بنیاد پر کرنے کا فیصلہ کرلیا۔

تفصیلات کے مطابق سپریم کورٹ میں سپر ٹیکس کیس کی سماعت کرنے والا بینچ ٹوٹ گیا،جسٹس امین الدین کی سربراہی میں 5رکنی بینچ نےکیس کی سماعت کی۔

عدالت نے کیس کی سماعت روزانہ کی بنیاد پر کرنے کا فیصلہ کرلیا گیا، جسٹس امین الدین نے کہا کہ جسٹس عامرفاروق اسلام آبادہائیکورٹ میں اس معاملے پر فیصلہ دےچکے، جسٹس عامرفاروق سپریم کورٹ میں کیس نہیں سن سکتے۔

کمپنی وکلا نے کیس کی سماعت عید الفطر کے بعد کرنے کی استدعا کردی ، تاہم عدالت نے کمپنی کے وکلا کی سماعت عید الفطر کے بعد کرنے کی استدعا مسترد کردی۔

جسٹس محمد علی مظہر نے ریمارکس دیے کہ فروغ نسیم صاحب عید تک یہ کیس مکمل نہیں ہوگا، جو کیس چلانا چاہتےہیں ان کو کیس چلانے دیں۔۔ کم ازکم کیس چلنا تو شروع ہو۔

جسٹس محمد علی مظہر کا کہنا تھا کہ سیکشن فور بی اور سی پرعدالتی فیصلوں کی الگ الگ پیپرزبک تیار کر لیں۔

عدالت نے فریقین کو وکلا کی خدمات حاصل کرنےکی مہلت بھی دے دی اور سماعت کل تک ملتوی کردی گئی۔