کراچی: پاکستان میں پولیو کے بڑھتے ہو ئے کیسز کے بعد اور عالمی دباون کی وجہ سے حکومت پاکستان اس مرض کو مکمل طور پر ملک سے ختم کرنے کیلئے معصر اقدامات شروع کر دیئے ہیں۔
پولیو کے انسداد کیلئے وزیر اعظم نواز شریف کی جانب سے ہو نے والی ہدایات کی روشنی میں تمام صوبائی حکومتوں نے پولیو کے خلاف کمر کس لی ہے۔
کراچی سمیت سندھ بھرمیں آج انسداد پولیو مہم کادوسراروز کا آغاز ہو گیا ہے۔ انسداد پولیو مہم کراچی سمیت سندھ بھر کے حساس علاقوں میں ہو رہی ہے جہاں پولیو کے کیسز میں اضافہ ریکارڈ ہوا ہے۔
خیبر ایجنسی: اکاخیل میں سیکیورٹی فورسزکی جھڑپ میں نوشدت پسندمارے گئے ہے۔ ہنگوچیک پوسٹ حملےمیں دو اہلکار شہید پندرہ حملہ آور ہلاک ہوگئے ہے۔
تفصیلات کے مطابق سیکیورٹی فورسز پاک سر زمین سے دہشتگردوں کےمکمل خاتمےکیلئے پرعزم ہے اور دھرتی کی حفاظت کےلئےہرلمحہ جانوں کی قربانی دینے کوتیار ہے۔ خیبرایجنسی کے علاقے وادی تیراہ اکاخیل میں فورسزاور دہشت گردوں کےدرمیان جھڑپیں ہوئیں ہے۔ ذرائع کے مطابق جھڑپ میں نو شدت پسند ہلاک اور گیارہ زخمی ہوگئے ہے اور علاقے میں فورسزنےسرچ آپریشن بھی کیا ہے۔
دوسری جانب ہنگو کےعلاقےاورکزئی میں دہشتگردوں نےصبح سویرے شیرین درہ میں چیک پوسٹ پرحملہ کردیا تھا اور حملے میں دواہلکار بھی شہید ہوگئے۔ فورسزکی جوابی کارروائی میں پندرہ عسکریت پسند مارے گئے۔
علاوہ ازیں بنوں کےعلاقےنالہ ٹوچی میں فورسزکی گاڑی کوبم سےاڑانےکی کوشش کی گئی ہے۔ سرکاری ذرائع کے مطابق سیکیورٹی فورسزکی گاڑی کے قریب ہونے والےدھماکے میں دواہلکار شہید اور دوزخمی ہوگئے، واقعے کے بعدسیکیورٹی اہلکاروں نے علاقے کو گھیرےمیں لےلیا اور سرچ آپریشن شروع کردیا ہے۔
عسکری ذرائع کے مطابق ڈھائی سو شدت پسندوں نے ہتھیار ڈال دیئے،جبکہ جاری آپریشن میں اب تک اہم کمانڈرزسمیت ایک سو پینتیس دہشتگردمارےجاچکے ہیں۔
کراچی: وزیر داخلہ چوہدری نثارکا کہنا ہے کہ کراچی میں دہشت گردوں کیخلاف آپریشن کو منطقی انجام تک پہنچائیں گے۔
کراچی میں سندھ رینجرز کی اٹھارہویں پاسنگ آؤٹ پریڈ میں وزیرداخلہ چوہدری نثار نے شرکت کی۔ اس موقع پران کا کہنا تھا کہ کراچی میں دہشت گردوں کے خلاف آپریشن منطقی کو انجام تک پہنچائیں گے۔ انھوں نےکراچی آپریشن کا حوالہ دیتے ہوئے کراچی رینجرز کے سابق سربراہ رضوان اختر کو بھی مبارک باد دی۔
چوہدری نثار نے نوجوان رینجرز اہلکاروں کو مبارک باد دیتے ہوئے کہا کہ پاک رینجرز پوری قوم کے ماتھے کا جومر ہیں ۔ وزیرداخلہ نے رینجرز کے جوانوں کو مخاطب کرکے کہا کہ فورسز کے جوان پاکستان کے محافظ ہیں۔
وزیر داخلہ چوہدری نثار نے سندھ رینجرزکی اٹھارہویں پاسنگ آؤٹ پریڈ تقریب کے اختتام پر میڈیا سے گفتگو کرتے ہو ئے کہا کہ کراچی میں امن و امان کی صورتحال بہتر نہیں ہےتاہم امن وامان کےکام کومنطقی انجام تک پہنچایاجائیگا۔ انھوں نے مزید کہا کہ کرا چی میں چودہ مہینوں سے آپریشن جاری ہے داعش میں پاکستان میں موجودگی کی کوئی واضح ثبوت نہیں ملے ہے۔
کوئٹہ: کوئٹہ کے علاقے سیٹلائٹ ٹاون کے قریب ڈبل روڈ پر زرودار دھماکہ ہوا ہے۔ دھماکے کے نتیجے میں ایک بچہ جاں بحق اور تیس کے قریب زخمی ہو گئے ہے۔ پولیس اور ریسکیو ٹیموں کی جانب سے وقوعہ پر امدادی کاروائیاں جاری ہے۔
تفصیلات کے مطابق کوئٹہ کے علاقے سیٹلائٹ ٹاون اور سریاب روڈ کے قریب ڈبل روڈ پر زوردار دھماکہ ہوا جس کے نتیجے میں ایک بچہ جاں بحق اور 30سے زائد افراد زخمی ہو گئے۔ دھماکے کی وجہ سے چھ سے آٹھ گاڑیاں مکمل طور پر تباہ ہو گئیں جن میں ایک پولیس وین بھی شامل ہے۔ دھماکے سے تین دکانیں مکمل تباہ ہو گئیں ہے جبکہ درجن بھر سے زائد دکانوں کو جذوی نقصان پہنچا ہے۔
ذرائع کے مطابق ڈبل روڈ پر ہو نے والا بم حملہ انسداد دہشت گردی کی عدالت کے جج نزیر لانگو پر کیا گیا ہے جس میں وہ تو محفوظ رہے تاہم ان کے گارڈز زخمی ہو نے والوں میں شامل ہے۔ ذرائع نے مزید بتایا ہے کہ بم حملے کے وقت اسی مقام سے کوئٹہ انڈسٹریل ایریا کے ڈی ایس پی شفقت محمود بھی گزر رہے تھے جو محفوظ رہے تاہم ان کی گاڑی مکمل طور پر تباہ ہو گئی ہے۔
اے آر وائی کے نمائندوں کے مطابق دھماکہ اس قدر شدید تھا کہ اس کی آواز دور دور تک سنائی دی گئی اور دھماکے کے فوری بعد جگہ کا تعین نہیں ہو سکا تھا جو بعد ازاں کرلیا گیا تھا۔
دھماکے کی اطلا ع پر پولیس اور دیگر قانوں نافذ کر نے والے اداروں کے ساتھ ساتھ ریسکیو ذرائع بھی موقع پر پہنچ گئے۔ سیکیورٹی اداروں نے علاقے کو گھیرے میں لے لیا ہے اور سرچ آپریشن بھی شروع کر دیا ہے۔ ریسکیو ٹیموں کی جانب سے زخمیوں کو سول ہسپتال کوئٹہ منتقل کیا گیا ہے جہاں بیشتر کی حالت نازک بتائی جارہی ہے۔
اے آر وائی نیوز کے نمائندے کے مطابق عینی شاہدین کا کہنا ہے کہ دھماکہ وقوعہ پر ایک کھڑی گاڑی میں ہوا ہے تاہم اس بارے میں حتمی طور پر سیکیورٹی فورسسز کی جانب سے تفیش مکمل ہو نے کے بعد ہی کچھ کہا جاسکے گا۔
دھماکے کے بعد پولیس اور بی ڈی ایس کی ٹیموں نے وقوعہ کا معائنہ کر کے شواہد جمع کرنا شروع کر دیئے ہیں۔
ذرائع کے مطابق دھماکے میں زخمی ہو نے والے افراد میں پولیس اہلکار بھی شامل ہیں۔ جس مقام پر دھماکہ ہوا ہے یہاں پر مکینکس کی دکانیں ہیں اور صبح کے وقت مذکورہ مقام پر لوگوں کا رش ہوتا ہےجس کے باعث زخمیوں کی تعداد میں اضافہ ہوا ہے۔
پولیس کی جانب سے ابتدائی تفتیش کے مطابق بم ایک گاڑی میں نصب تھا اور دھماکہ خیز مواد کی مقدار کے بارے میں پولیس کا کہنا تھا کہ چالیس کلو سے زائد دھماکہ خیز مواد استعمال کیا گیا تھا۔
بی ڈی ایس ذرائع کے مطابق دھماکہ کیلئے آلٹو گاڑی کا استعمال کیا گیا ہے۔ جس میں تیس سے چالیس کلو دھماکہ خیز مواد نصب تھا اور ریموٹ کنٹرول کی مدد سے دھماکہ کیا گیا کوئٹہ پولیس نے دعویٰ کیا ہے کہ دھماکہ میں استعمال ہونے والی گاڑی کا انجن نمبر حاصل کرلیا گیا ہے۔
دوسری جانب سی سی پی اوکوئٹہ عبدالرزاق چیمہ نے میڈیا کو بتایا کہ یہ کہنا قبل از وقت ہے کہ دھماکے کا ٹارگٹ کیا تھا تاہم انہوں نے اس بات کی تصدیق کی کہ دھماکے وقت انسداد دہشت گردی عدالت کے جج اور کوئٹہ پولیس کے ایک ڈی ایس پی اس مقام سے گرز رہے تھے جہاں دھماکہ ہوا تاہم وہ دونوں محفوظ رہے ہیں دوسری جانب دھماکے فوری بلوچستان کی وکلاء تنظیموں نے دو روز کیلئے عدالتی کارروائی کا بائیکاٹ کرنے کا اعلان کیا ہے۔
اسلام آباد: سپریم کورٹ کا کہنا ہے کہ اقلیتوں کے تحفظ کاحکم دیا تھا، عمل کیوں نہیں ہوا؟ سپریم کورٹ نے کوٹ رادھا کشن واقعے پر وفاقی اور صوبائی حکومتوں سے جواب طلب کرلیا ہے۔
سپریم کورٹ نے چند ماہ قبل حکومت سے اقلیتو ں کے تحفظ کے لئے اقدامات سے متعلق اپنے فیصلے کے تناظر میں کوٹ رادھا کشن واقعے پرحکومت سے فوری جواب طلب کر لیا ہے۔
سپریم کورٹ رجسٹرار آفس کی جانب سے اسٹیبلشمنٹ ڈویژن، وزارت بین المذاہب ہم آہنگی اوروفاقی و صوبائی حکومتوں کو یاد دہانی کرائی گئی ہے کہ سپریم کورٹ نے انیس جون کوپشاور چرچ حملہ کیس میں اقلتوں کے حقوق اور جان و مال کے تحفظ کیلئے ٹھوس قانون سازی اور اقدامات کرنےکاحکم دیا تھا لیکن اسکے بعد کوٹ رادھا کشن جیسا ایک اور واقعہ رونماہوگیا ہے۔
عدالت نے حکم دیا ہے کہ اٹارنی جنرل فوری طور پر سپریم کورٹ کے انیس جون کے حکم پر عملدآمد کیلئے کیے گئے اقدامات سے سپریم کورٹ کو آگاہ کریں اور اس ضمن میں تحریری طور پر تفصیلات عدالت میں جمع کرائی جائیں۔
اسلام آباد: وزیر خزانہ اسحاق ڈار نے پی ٹی آئی کے کمشن بنانے کے مطالبے پر جواب دیتے ہو ئے کہا ہے کہ کمیشن میں ایجنسیوں کے اہلکارنہیں، ججزہوتے ہیں۔ آئین سے ہٹ کرکمیشن تشکیل نہیں دیاجاسکتا ہے۔
سکیورٹی ایجنسیوں کے اہلکاروں کو کمیشن میں شامل کرنے کی تجویز پر ردعمل کا اظہارکرتے ہو ئے اسحاق ڈار کا کہنا تھا کہ وزیراعظم نوازشریف عدالتی کمیشن کی تشکیل کیلئے پہلے ہی خط لکھ چکے۔ وہ اسلام آباد میں پریس کانفرنسسے خطاب کررہے تھے۔
اسحاق ڈار نے کہا کہ خفیہ ایجنسیوں کی کمیشن میں شمولیت کا مطالبہ عجیب ہے۔ وزیر خزانہ کا کہنا ہے ان کی حکومت کو آج جنگل کے قانون سے تشبیہہ دینا غلط ہے اور وہ عمران خان کے جوڈیشل کمیشن میں ایم آئی اورآئی ایس آئی کو شامل کرنے کے مطالبہ سے حیران ہیں۔
خیبر ایجنسی: خیبر ایجنسی میں جاری فوجی آپریشن میں تیزی کے بعد باڑہ میں کالعدم لشکر اسلام کے اہم کمانڈروں سمیت کئی شد ت پسندوں نے ہتھیار ڈال دیئے۔
تفصیلات کے مطابق خیبر ایجنسی میں پاکستان فوج کی جانب سے آپریشن تیزی سے جاری ہے اور پاک فوج علا قے میں موجود شدت پسندوں کے خلاف زمینی اور فزائی کاروائیاں کر رہی ہے جس میں سیکٹروں شدت پسند ہلاک اور گرفتار ہو ئے ہیں۔
سیکیورٹی ذرائع کے مطابق خیبر ایجنسی میں کالعدم لشکر اسلام سے منحرف ہونیوالے سابق امیر نےباڑہ کےکئی علاقوں پر اپنا کنڑول حاصل کر لیا ہے۔
کراچی: شہر میں پانی کی کمی کے معاملے اور تھر میں قحط اور غذائی قلت پر آج بھی سندھ اسمبلی میں گرما گرم بحث کا آغاز ہوا۔ میڈیا سے گفتگو کرتے ہوئے ایم کیو ایم کے رہنما خواجہ اظہار الحسن نے انتظامیہ کو آڑے ہاتھوں لیا تو شرجیل میمن نے بھی خوب جواب دیا۔
سندھ اسمبلی کے اجلاس کا آغاز ہوا تو تھر کی خشک سالی کی بازگشت سنائی دی جبکہ کراچی کے بعض علاقوں میں پانی کی عدم فراہمی کو بھی موضوع بحث بنایاگیا اور کوٹ رادھا کشن واقعے کے شدید مذمت کی گئی۔
حکمراں جماعت اور حال ہی میں اپوزیشن بنچوں پر براجمان متحدہ قومی مومنٹ کے ارکان تھر کے معاملےکو اسمبلی کے ریکارڈ پر لانے کے بجائے میڈیا کے ریکارڈ پر زورشورسےلائے۔ شرجیل میمن کا کہناہے کہ تھر میں پیپلز پارٹی نے کروڑوں روپےخرچ کئے ہے اور پورے ملک میں سالانہ دولاکھ بچے مرتے ہیں مگر میڈیاصرف تھر کی ہی خبریں دیتاہے۔
ایم کیو ایم کے رہنما خواجہ اظہار الحسن نے سوال اٹھایا کہ تھر میں کیا کام ہوا ہے؟ خواجہ اظہار نے مزید کہا کہ گندم کی بوریوں سے مٹی کا نکلنا مذاق نہیں اور اس پر حکومت سے سوال ضرور ہوگا۔
سندھ اسمبلی کے اجلاس میں کوٹ رادھا کشن میں مسیحی جوڑے کےقتل اورسانحہ واہگہ بارڈر کے شہیدوں اور تھری بچوں کے لئے فاتحہ بھی کروائی گئی۔
لاہور: امیر جماعت اسلامی سراج الحق کہتے ہے کہ کوٹ رادھا کشن واقعےسےملک اوراسلام کی بدنامی ہوئی، کسی بھی فرد کو سزا خود نافذ کرنے کا اختیار نہیں ہے۔
جماعت اسلامی کے امیر سراج الحق نے کہا ہے کہ تحریک انصاف اور حکومت کو دھرنا ختم کرنے کے لیے مذاکرات کرنے چاہئیںجوڈیشل کمیشن میں ایجنسیوں کی شمولیت پر بات چیت ہوسکتی ہے۔ لاہور ہائی کورٹ بار ایسوسی ایشن سے خطاب کرتے ہوئے سراج الحق کا کہنا تھا کہ جوڈیشل کمیشن کی تشکیل کے لیے سپریم کورٹ پر اعتماد مثبت پیش رفت ہے۔
سراج الحق نے کہا کہ کچھ لوگ اسلام آباد دھرنے سے لاشیں چاہتے تھے اور آئین کو ختم کرنا چاہتے تھے مگر ہماری کوششوں سے سب ناکام ہوا۔ امیر جماعت اسلامی نے کوٹ رادھا کشن واقعے کو افسوسناک قرار دیتے ہوئے کہا کہ یہ واقعہ پاکستان کی بدنامی کا باعث بنا جس سےدشمنوں کو پراپیگنڈہ کرنےکا موقع ملا، پاکستان کو اخلاقیات برآمد کرنا تھیں مگر اب ہمیں دہشتگردی اور پولیوبرآمد کرنے والا سمجھا جارہا ہے۔
انہوں نے کہا کہ پاکستان کو اسلامی اور خوشحال ریاست بنانا چاہتے ہیں جہاں عام آدمی کا پارلیمنٹ میں پہنچنا مشکل ہے۔ سراج الحق کا کہنا تھا کہ پاکستان میں سیاست کو تجارت کے طور کیا جارہا ہے۔ انھوں نے کہا کہ ان پڑھ لوگ وزیر تعلیم اور بسوں کے ڈارئیور اور کنڈیکٹر وزیر صحت لگادیے جاتے ہیں۔
لاہور: پاکستان تحریک انصاف کی جانب سے روز بروز حکومت کے خلاف بیان داغے جانے سے مسلم لیگ نون کے رہنماوں کی بے چینی بڑھتی جارہی ہے۔ مسلم لیگ نواز کے رہنما عابدشیر علی پی ٹی آئی کے خلاف ایک بار پھر میدان میں آگئے اور زبانی حملے شروع کر دیئے ہیں۔
عابد شیر علی نے اپنے ایک بیان میں پی ٹی آئی پر الزامات لگاتے ہو ئے کہا کہ کےپی کےمیں ٹھیکےجہانگیرترین کودیئے جارہے ہیں۔ انھوں نے پی ٹی آئی کو شدید تنقید کا نشانہ بناتے ہو ئے کہا کہ عمران خان کے پاس کے پی کے میں دھرنوں کے لیے تو فنڈز ہیں لیکن آئی ڈی پیز کےلیے نہیں۔
مسلم لیگ ن کے رہنما عابد شیر علی کا کہنا ہے کہ عمران خان نے ایک بار پھر فوج کو سیاست میں گھسیٹنے کی کوشش کی ہے۔ مسلم لیگ کے رہنما نے مزید کہا کہ عمران خان ہم پر تنقید کرنے سے پہلے اپنے ارد گرد دیکھ لیں عمران خان کے ساتھ جو لوگ کھڑے ہیں وہ سب کرپٹ ہیں۔