Author: ریحان خان

شارجہ میں ویسٹ مینجمنٹ کمیٹی کے ملازمین نے فلپائنی خاتون کا بٹوا تین سو ٹن کچرے کے ڈھیر سے بڑی تگ و دو کے بعد ڈھونڈ نکالا، بٹوا ملنے پر خاتون خوشی سے رو پڑی

واقعہ کچھ یوں ہے کہ شارجہ میں ایک فلپائی خاتون جو کہ ہیلتھ ورکر بھی ہیں اپنے کام سے گھر واپس جانے کے دوران راستے میں چپس کا خالی پیکٹ اور کوڑے سے بھرا ایک بیگ کچرے کے ڈبے میں پھینکا جس میں اس کا بٹوا بھی موجودتھا۔

خاتون کو اگلی صبح بٹوا گم ہونے کا پتہ چلا تو وہ فوراْ اس جگہ گئی جہاں اس نے کچرا پھینکا تھا لیکن وہاں جب اس نے کچرے کا ڈبا خالی دیکھا تو اس کے ہوش ہی اڑ گئے، خالی ڈبہ دیکھ کر وہ رونے لگی تو قریب سے گزرنے والی ایک بھاری خاتون نے اسے دلاسا دیا اور صورتحال جاننے کے بعد فلپائنی ہیلتھ ورکر کو ویسٹ مینجمنٹ کمپنی ببیبا کے دفتر لے گئی

کمپنی مینجر لوئی گیبیلاگون کے مطابق جب متاثرہ خاتون اپنی درخواست لے کر ہمارے پاس آئی تو اس وقت ہماری سائٹ پر تین سو ٹن کے قریب کچرا موجود تھا اور کچرے کے اس ڈھیر میں سے بٹوا ڈھونڈنا نہایت مشکل تھا تاہم بٹوا پولیتھین بیگ میں تھا جس کے بعد اس کی تلاش ممکن ہوئی۔

مینجر نے بتایا کہ ہم نے خاتون کی بتائی ہوئی جگہ سے کچرا اٹھا کر لانے والے ٹرک کو ٹریس کیا اور پتہ لگایا کہ اس ٹرک کا کچرا کہاں پھینکا گیا تھا اس کے بعد جہاں جہاں پولیتھین بیگ نٖظر آئے ان سب کو کھنگالنا شروع کیا اور بالآخر کئی گھنٹوں کی کوششوں کے بعد خاتون کا بٹوا ملا۔

گیبیلا گون کے مطابق جس وقت بٹوا ملا تو اس وقت خاتون کی خوشی دیدنی تھی اور اس کی آنکھوں سے خوشی کے مارے آنسو بہہ رہے تھے، بٹوے میں نقدی اور بینک کارڈا کے علاوہ اماراتی شناختی کارڈ اور دیگر ضروری اشیا موجود تھیں، خاتون نے بٹوا ڈھونڈنے پر کمپنی اور ملازمین کا تہہ دل سے شکریہ ادا کیا۔

کمپبی مینیجر کے کہنا تھا کہ ان کے پاس یومیہ بنیادوں پر درجنوں افراد کی جانب سے مختلف اشیا کی گمشدگی کی کالز آتی ہیں جن میں سے اکثر پاسپورٹ سے متعلق ہوتی ہیں